LEVI 3
3
Vihanwa viu Khulera Milembe
1“Lwa mundu aliitsa khuhaana khwinzi Mwami Nyasaye, indala khu tsing'ombe tsietsie khuli shihanwa shiu khulera milembe, inyala khuva shihunwa inoho ing'ombe ya maveele vuchila imbala yosi. 2Mundu mwenoyo, aliitsa khutiila mukhono kwekwe khu murwi ku muruku kwenoko; khandi akusinzile mu vwinjililu vwi Liheemo Litakatifu. Vaana va Haruni vasalisi, valiitsa khumitsa masahi khu tsimbeka tsiosi tsine tsiu vwaali. 3Mundu mwenoyo, aliitsa khurulitsa khurula mu shihanwa shiu khulera milembe, shihanwa shi shiukhulia shiu khuhaana khu Mwami Nyasaye yishi: Shivana shi viungu viu munda viosi, 4tsimbiko nende shivana shili khutsio, nende luveka lulahi lwi ingurumani. 5Vasalisi valiitsa khusamba nu mulilu khu vwaali vindu yivi viosi nende vihanwa viu khusambwa. Mwayu kuhuunyanga nu kurula khu shihanwa shi shiukhulia shienesho kuyaanzitsanga Mwami Nyasaye.
6“Niiva likondi inoho imbuli iliitsa khurumikha khuli shihanwa shiu khulera milembe, khutukha ne isatsa inoho likhali; navutswa vuchila imbala yosi. 7Niiva mundu aliitsa khuhaana likondi khuli shihanwa, aliitsa khulera khwinzi Mwami Nyasaye; 8aliitsa khutiila mukhono kwekwe khu murwi kwalio, lisinzilwi imbeli wi Liheemo Litakatifu. Vasalisi valiitsa khumitsa masahi kalio mu tsimbeka tsiosi tsiu vwaali 9khandi vahaane vitonye vi tsinyama tsiu muruku yivi, khuli shihanwa shi shiukhulia khu Mwami Nyasaye: Shivana, shivana shiu musembe kwa khalaakwa himbi khu shikuumba shiu mukongo, shivana shiosi shili khu viungu viu munda, 10tsimbiko nende shivana shili khutsio, nende luveka lulahi lwi ingurumani. 11Musalisi wu kholanga musango kwenoko, aliitsa khusamba nu mulilu khu vwaali vitonye vi tsinyama yivi viosi, khuli shihanwa shi shiukhulia khu Mwami Nyasaye.
12“Niiva mundu aliitsa khuhaana imbuli, khutukha alere khu Mwami Nyasaye, 13khandi aliitsa khutiila mukhono kwekwe khu murwi kwi imbuli yeneyo, khandi achisinzile imbeli wi Liheemo Litakatifu. Vasalisi valiitsa khumitsa masahi kayo mu tsimbeka tsiosi tsiu vwaali, 14nu khuhaana vitonye vi tsinyama yivi khuli shihanwa shi shiukhulia khu Mwami Nyasaye: Shivana shi viungu viosi viu munda, 15tsimbiko nende shivana shili khutsio, nende luveka lulahi lwi ingurumani. 16Musalisi aliitsa khusamba nu mulilu khu vwaali vindu yivi viosi khuli shihanwa shi shiukhulia shiyaanzitsanga Mwami Nyasaye. Shivana shiosi ni shiu Mwami Nyasaye. 17Muliitsa khuvula khuliakhu shivana inoho khung'wakhu masahi koosi. Yili nalio lilako lia muliitsa khulonda khumatukhu koosi shia havundu hosi ha muliitsa khuva numumenyanga.”
လက္ရွိေရြးခ်ယ္ထားမွု
LEVI 3: LLLCATHOLIC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society of Kenya, 2013
LEVI 3
3
Vihanwa viu Khulera Milembe
1“Lwa mundu aliitsa khuhaana khwinzi Mwami Nyasaye, indala khu tsing'ombe tsietsie khuli shihanwa shiu khulera milembe, inyala khuva shihunwa inoho ing'ombe ya maveele vuchila imbala yosi. 2Mundu mwenoyo, aliitsa khutiila mukhono kwekwe khu murwi ku muruku kwenoko; khandi akusinzile mu vwinjililu vwi Liheemo Litakatifu. Vaana va Haruni vasalisi, valiitsa khumitsa masahi khu tsimbeka tsiosi tsine tsiu vwaali. 3Mundu mwenoyo, aliitsa khurulitsa khurula mu shihanwa shiu khulera milembe, shihanwa shi shiukhulia shiu khuhaana khu Mwami Nyasaye yishi: Shivana shi viungu viu munda viosi, 4tsimbiko nende shivana shili khutsio, nende luveka lulahi lwi ingurumani. 5Vasalisi valiitsa khusamba nu mulilu khu vwaali vindu yivi viosi nende vihanwa viu khusambwa. Mwayu kuhuunyanga nu kurula khu shihanwa shi shiukhulia shienesho kuyaanzitsanga Mwami Nyasaye.
6“Niiva likondi inoho imbuli iliitsa khurumikha khuli shihanwa shiu khulera milembe, khutukha ne isatsa inoho likhali; navutswa vuchila imbala yosi. 7Niiva mundu aliitsa khuhaana likondi khuli shihanwa, aliitsa khulera khwinzi Mwami Nyasaye; 8aliitsa khutiila mukhono kwekwe khu murwi kwalio, lisinzilwi imbeli wi Liheemo Litakatifu. Vasalisi valiitsa khumitsa masahi kalio mu tsimbeka tsiosi tsiu vwaali 9khandi vahaane vitonye vi tsinyama tsiu muruku yivi, khuli shihanwa shi shiukhulia khu Mwami Nyasaye: Shivana, shivana shiu musembe kwa khalaakwa himbi khu shikuumba shiu mukongo, shivana shiosi shili khu viungu viu munda, 10tsimbiko nende shivana shili khutsio, nende luveka lulahi lwi ingurumani. 11Musalisi wu kholanga musango kwenoko, aliitsa khusamba nu mulilu khu vwaali vitonye vi tsinyama yivi viosi, khuli shihanwa shi shiukhulia khu Mwami Nyasaye.
12“Niiva mundu aliitsa khuhaana imbuli, khutukha alere khu Mwami Nyasaye, 13khandi aliitsa khutiila mukhono kwekwe khu murwi kwi imbuli yeneyo, khandi achisinzile imbeli wi Liheemo Litakatifu. Vasalisi valiitsa khumitsa masahi kayo mu tsimbeka tsiosi tsiu vwaali, 14nu khuhaana vitonye vi tsinyama yivi khuli shihanwa shi shiukhulia khu Mwami Nyasaye: Shivana shi viungu viosi viu munda, 15tsimbiko nende shivana shili khutsio, nende luveka lulahi lwi ingurumani. 16Musalisi aliitsa khusamba nu mulilu khu vwaali vindu yivi viosi khuli shihanwa shi shiukhulia shiyaanzitsanga Mwami Nyasaye. Shivana shiosi ni shiu Mwami Nyasaye. 17Muliitsa khuvula khuliakhu shivana inoho khung'wakhu masahi koosi. Yili nalio lilako lia muliitsa khulonda khumatukhu koosi shia havundu hosi ha muliitsa khuva numumenyanga.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society of Kenya, 2013