KHURULA 39
39
Khunaavwa khwi Tsinguvu tsia Vasalisi
(Khur 28:1-14)
1Vanava khu tsimbusi tsia bulu, sambarau nende tsimuuchi tsinguvu tsindahi tsiene, tsia vasalisi vanyala khwifwala, nivarumikhanga Havundu Hatakatifu. Vanavila Haruni tsinguvu tsiu vusalisi, khuli Mwami Nyasaye yali navoolele Musa akhole.
2Vanava shiambala khu machoro malahi ku khunavakhu khu tsimbusi tsia bulu, tsia sambarau, nende tsimuuchi; khandi khu tsimbusi tsialombwa khu itsahabu. 3Viraanya ni inyundu tsimbala khu itsahabu, nivakhalaaka mu tsimbala tsinyelele, khurumikha khulomba tsimbala tsindavu nende mu tsimbusi tsia bulu, tsia sambarau, nende tsimuuchi. 4Vanava mikoye chia maveeka chi shiambala, nivahambanyila mu tsimbeka tsiashio, khuchikumile vutinyu vwene. 5Lukhanda lwa naavwa vulahi vwene, lwalombwa khu machoro malahi malala mele, kahambanyinywa khu shiambala khu kave shindu shilala nako, khuli Mwami Nyasaye yali navoolele Musa akhole. 6Valomba machina ku vulimu, nivavikha mushivumba shialombwa khu itsahabu; kakhongwa vulahi khandi kahandikwakhu mira ka vaana likhomi na vavili va Yakobo. 7Vakavikha khu mikoye chia maveeka chi shiambala, kave khuli shimanyilu shia vandu vi tsimbia likhomi na tsivili tsia Israeli, khuli Mwami Nyasaye yali navoolele Musa akhole.
Khunaavwa khwi Inguvu yu Mushiliru
(Khur 28:15-30)
8Valomba inguvu yu mu shiliru khu machoro malala mele khuli shiambala mulinaavwa lilala liene ni isindani. 9Yalekhana mu tsimbeka tsiosi khandi nilinganyinywamu hali khavili, vuraambi tsisentimita 22 nende vukalamu tsisentimita 22. 10Vameetakhu tsimbaso tsine tsia machina malahi ku vukuuli vululu; muluvaso lukhuraanga, vameetakhu lichina limuuchi, lichina liu vulimu nende lichina lia baharamani; 11muluvaso lwa khavili, vameetakhu lichina lia zumaridi, lichina lia sambarau, nende lichina lia alumasi; 12muluvaso lwa khavaka, vameetakhu lichina lia liakintho, lichina limuuchi nende lichina lia ametsisito; 13muluvaso lwa khane, yameetakhu lichina lia zabarajadi, lichina lia mayayi, yaspi. Machina kenako kavikhwa mushivumba shialombwa khu tsahabu. 14Shia lichina khu machina likhomi na kavili kenako, liali liahandikwakhu lira liu mwana mulala khu vaana va Yakobo, khu shive khuli shimanyilu shia vandu vi tsimbia likhomi na tsivili tsia Israeli. 15Valomba khu inguvu yu mu shiliru, minyololo khu itsahabu inyukhu, chiasasa khuli mukoye. 16Valomba vivumba vivili khu itsahabu nende tsingara khu itsahabu tsivili manivanavila tsingara tsivili ikulu mu tsimbeka tsinguvu yu mu shiliru. 17Vavoha nu khutinyinya minyololo chivili chienecho, khu tsingara mu tsimbeka tsinguvu yu mu shiliru; 18khandi nivavoha vutinyu tsindulu tsivili tsiu mukoye khu vivumba vivili vialomba khu itsahabu, nivahambanyinya imbeli wi mikoye chiu mu maveeka mwi shiambala. 19Valomba tsingara tsivili khu itsahabu nivahambanyinya khu tsimbeka tsivili tsindi tsinguvu yu mu shiliru, mukari mundulu mukari muli himbi khu shiambala. 20Valomba khandi tsingara tsivili khurula khu itsahabu manivatsihambanyila hasi hi vitonye vili imbeli wi shiambala, himbi khu shifungu khandi ikulu wu lukhanda, lwa naavwa vulahi vwene. 21Vavoheela tsingara tsinguvu mu shiliru, khu tsingara tsi shiambala nu mukoye kwa bulu, khu inguvu yu mu shiliru yelele ikulu wu lukhanda, khandi ivuli khuteya.
Khulombwa khwi Tsinguvu tsindi tsiu Vusalisi
(Khur 28:31-43)
22Ikaanzu ivirilanga hasi hi shiambala yalombwa vutswa khu tsimbusi tsia bulu. 23Induhu yu khuviritsilamu murwi yanaavwa ni tsimbusi vutinyu vwene, khuvula khurandukha. 24Valomba pomenguraneti ka bulu, sambarau mamuuchi khandi shitambaya shialingwa vulahi vwene khundulu khu mukoye. 25Valomba khandi tsikengele khu itsahabu, manivatsira khundulu khu khu mukoye hakari ha pomenguraneti. 26Tsikengele nende pomenguraneti via voyong'ana khundulu khu mukoye khwifwala lwa varumikhanga khuli Mwami Nyasaye yavoolela Musa akhole.
27Valombela Haruni nende vaana veve mashiati, 28tsikofia, vilemba, nende tsisulwali khu machoro malahi ku khunavakhu, 29nende ikofia khu machoro malahi ku khunavakhu khandi ki tsimbusi tsia bulu, sambarau, nende tsimuuchi, tsia naavwa vulahi vwene ni tsimbusi lukanu na lukanu, khuli Mwami yali navoolele Musa. 30Valomba shindu shiang'ang'anga tsilaanji lukanu na lukanu, itaachi indakatifu khu itsahabu inyukhu, nivahandikakhu “Shiakholwa khuva shitakatifu khu Mwami Nyasaye.” 31Vashivoha imbeli wi shilemba nu mukoye kwa bulu, khuli Mwami Nyasaye yali navoolele Musa.
Muhinzilu Kwarweshitswa Lukhumalilikha
(Khur 35:10-19)
32Muhinzilu kwosi ku khulomba Liheemo Litakatifu, kwarweshitswa lukhumalilikha. Vaisraeli valomba shia shindu shiosi, khuli Mwami Nyasaye yavoolela Musa. 33Valerela Musa Liheemo Litakatifu nende vindu vialio viosi, tsingaka tsialio, tsifulemu tsialio, tsisheti tsialio, misala chialio, nende lwalilu lwalio; 34shindu shiu khukhunikha khu liheemo shialombwa khu liseelo li likondi limiiko, liakholwa khuva limuuchihilu; shindu shiu khukhunishila shialombwa khu liseelo li imbuli nende luvaala; 35Lisanduku li Lilakano lili na machina kakhongwa, misala chialio, nende shindu shiu khukhunishila; 36imesa nende vindu viayo viosi, nende mukati mutakatifu; 37shikuru shi itaaha shialombwa khu itsahabu inyukhu, tsitaaha tsiashio, vindu viashio viosi, nende makura ku mu tsitaaha; 38vwaali vwalombwa khu itsahabu; makura ku khuvekhwa; vubani vuhuunyanga mwayu mulahi luvaala lu mu vwinjililu vwi Liheemo; 39vwaali vwalombwa khu mukasa halala nuluwaya lwavwo lwalombwa khu mukasa, misala chiavwo, nende vindu viavwo viosi, lukalayi lu khusavilakhu nende lwalilu lwalwo; 40Tsimbala tsiu mu lwanyi halala ni misala nende vwalilu; tsimbala tsiu mu vwinjililu vu mu lwanyi halala ni mikoye chiatsio; tsingomu tsi Liheemo Litakatifu, vindu viosi virumishilwa mu Liheemo Litakatifu; 41nende tsinguvu tsindahi muno tsia vasalisi vifwala, nivali Havundu Hatakatifu -- tsinguvu tsindakatifu tsiu musalisi Haruni nende tsia vaana veve. 42Vaisraeli vali nivakholi muhinzilu kwosi, khuli Mwami Nyasaye yali navoolele Musa. 43Musa yakola vulahi khu vindu viosi, khandi nalola vavilombi viosi khuli Mwami Nyasaye yali navooli. Nalwo lwa Musa yavakasitsa.
လက္ရွိေရြးခ်ယ္ထားမွု
KHURULA 39: LLLCATHOLIC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society of Kenya, 2013
KHURULA 39
39
Khunaavwa khwi Tsinguvu tsia Vasalisi
(Khur 28:1-14)
1Vanava khu tsimbusi tsia bulu, sambarau nende tsimuuchi tsinguvu tsindahi tsiene, tsia vasalisi vanyala khwifwala, nivarumikhanga Havundu Hatakatifu. Vanavila Haruni tsinguvu tsiu vusalisi, khuli Mwami Nyasaye yali navoolele Musa akhole.
2Vanava shiambala khu machoro malahi ku khunavakhu khu tsimbusi tsia bulu, tsia sambarau, nende tsimuuchi; khandi khu tsimbusi tsialombwa khu itsahabu. 3Viraanya ni inyundu tsimbala khu itsahabu, nivakhalaaka mu tsimbala tsinyelele, khurumikha khulomba tsimbala tsindavu nende mu tsimbusi tsia bulu, tsia sambarau, nende tsimuuchi. 4Vanava mikoye chia maveeka chi shiambala, nivahambanyila mu tsimbeka tsiashio, khuchikumile vutinyu vwene. 5Lukhanda lwa naavwa vulahi vwene, lwalombwa khu machoro malahi malala mele, kahambanyinywa khu shiambala khu kave shindu shilala nako, khuli Mwami Nyasaye yali navoolele Musa akhole. 6Valomba machina ku vulimu, nivavikha mushivumba shialombwa khu itsahabu; kakhongwa vulahi khandi kahandikwakhu mira ka vaana likhomi na vavili va Yakobo. 7Vakavikha khu mikoye chia maveeka chi shiambala, kave khuli shimanyilu shia vandu vi tsimbia likhomi na tsivili tsia Israeli, khuli Mwami Nyasaye yali navoolele Musa akhole.
Khunaavwa khwi Inguvu yu Mushiliru
(Khur 28:15-30)
8Valomba inguvu yu mu shiliru khu machoro malala mele khuli shiambala mulinaavwa lilala liene ni isindani. 9Yalekhana mu tsimbeka tsiosi khandi nilinganyinywamu hali khavili, vuraambi tsisentimita 22 nende vukalamu tsisentimita 22. 10Vameetakhu tsimbaso tsine tsia machina malahi ku vukuuli vululu; muluvaso lukhuraanga, vameetakhu lichina limuuchi, lichina liu vulimu nende lichina lia baharamani; 11muluvaso lwa khavili, vameetakhu lichina lia zumaridi, lichina lia sambarau, nende lichina lia alumasi; 12muluvaso lwa khavaka, vameetakhu lichina lia liakintho, lichina limuuchi nende lichina lia ametsisito; 13muluvaso lwa khane, yameetakhu lichina lia zabarajadi, lichina lia mayayi, yaspi. Machina kenako kavikhwa mushivumba shialombwa khu tsahabu. 14Shia lichina khu machina likhomi na kavili kenako, liali liahandikwakhu lira liu mwana mulala khu vaana va Yakobo, khu shive khuli shimanyilu shia vandu vi tsimbia likhomi na tsivili tsia Israeli. 15Valomba khu inguvu yu mu shiliru, minyololo khu itsahabu inyukhu, chiasasa khuli mukoye. 16Valomba vivumba vivili khu itsahabu nende tsingara khu itsahabu tsivili manivanavila tsingara tsivili ikulu mu tsimbeka tsinguvu yu mu shiliru. 17Vavoha nu khutinyinya minyololo chivili chienecho, khu tsingara mu tsimbeka tsinguvu yu mu shiliru; 18khandi nivavoha vutinyu tsindulu tsivili tsiu mukoye khu vivumba vivili vialomba khu itsahabu, nivahambanyinya imbeli wi mikoye chiu mu maveeka mwi shiambala. 19Valomba tsingara tsivili khu itsahabu nivahambanyinya khu tsimbeka tsivili tsindi tsinguvu yu mu shiliru, mukari mundulu mukari muli himbi khu shiambala. 20Valomba khandi tsingara tsivili khurula khu itsahabu manivatsihambanyila hasi hi vitonye vili imbeli wi shiambala, himbi khu shifungu khandi ikulu wu lukhanda, lwa naavwa vulahi vwene. 21Vavoheela tsingara tsinguvu mu shiliru, khu tsingara tsi shiambala nu mukoye kwa bulu, khu inguvu yu mu shiliru yelele ikulu wu lukhanda, khandi ivuli khuteya.
Khulombwa khwi Tsinguvu tsindi tsiu Vusalisi
(Khur 28:31-43)
22Ikaanzu ivirilanga hasi hi shiambala yalombwa vutswa khu tsimbusi tsia bulu. 23Induhu yu khuviritsilamu murwi yanaavwa ni tsimbusi vutinyu vwene, khuvula khurandukha. 24Valomba pomenguraneti ka bulu, sambarau mamuuchi khandi shitambaya shialingwa vulahi vwene khundulu khu mukoye. 25Valomba khandi tsikengele khu itsahabu, manivatsira khundulu khu khu mukoye hakari ha pomenguraneti. 26Tsikengele nende pomenguraneti via voyong'ana khundulu khu mukoye khwifwala lwa varumikhanga khuli Mwami Nyasaye yavoolela Musa akhole.
27Valombela Haruni nende vaana veve mashiati, 28tsikofia, vilemba, nende tsisulwali khu machoro malahi ku khunavakhu, 29nende ikofia khu machoro malahi ku khunavakhu khandi ki tsimbusi tsia bulu, sambarau, nende tsimuuchi, tsia naavwa vulahi vwene ni tsimbusi lukanu na lukanu, khuli Mwami yali navoolele Musa. 30Valomba shindu shiang'ang'anga tsilaanji lukanu na lukanu, itaachi indakatifu khu itsahabu inyukhu, nivahandikakhu “Shiakholwa khuva shitakatifu khu Mwami Nyasaye.” 31Vashivoha imbeli wi shilemba nu mukoye kwa bulu, khuli Mwami Nyasaye yali navoolele Musa.
Muhinzilu Kwarweshitswa Lukhumalilikha
(Khur 35:10-19)
32Muhinzilu kwosi ku khulomba Liheemo Litakatifu, kwarweshitswa lukhumalilikha. Vaisraeli valomba shia shindu shiosi, khuli Mwami Nyasaye yavoolela Musa. 33Valerela Musa Liheemo Litakatifu nende vindu vialio viosi, tsingaka tsialio, tsifulemu tsialio, tsisheti tsialio, misala chialio, nende lwalilu lwalio; 34shindu shiu khukhunikha khu liheemo shialombwa khu liseelo li likondi limiiko, liakholwa khuva limuuchihilu; shindu shiu khukhunishila shialombwa khu liseelo li imbuli nende luvaala; 35Lisanduku li Lilakano lili na machina kakhongwa, misala chialio, nende shindu shiu khukhunishila; 36imesa nende vindu viayo viosi, nende mukati mutakatifu; 37shikuru shi itaaha shialombwa khu itsahabu inyukhu, tsitaaha tsiashio, vindu viashio viosi, nende makura ku mu tsitaaha; 38vwaali vwalombwa khu itsahabu; makura ku khuvekhwa; vubani vuhuunyanga mwayu mulahi luvaala lu mu vwinjililu vwi Liheemo; 39vwaali vwalombwa khu mukasa halala nuluwaya lwavwo lwalombwa khu mukasa, misala chiavwo, nende vindu viavwo viosi, lukalayi lu khusavilakhu nende lwalilu lwalwo; 40Tsimbala tsiu mu lwanyi halala ni misala nende vwalilu; tsimbala tsiu mu vwinjililu vu mu lwanyi halala ni mikoye chiatsio; tsingomu tsi Liheemo Litakatifu, vindu viosi virumishilwa mu Liheemo Litakatifu; 41nende tsinguvu tsindahi muno tsia vasalisi vifwala, nivali Havundu Hatakatifu -- tsinguvu tsindakatifu tsiu musalisi Haruni nende tsia vaana veve. 42Vaisraeli vali nivakholi muhinzilu kwosi, khuli Mwami Nyasaye yali navoolele Musa. 43Musa yakola vulahi khu vindu viosi, khandi nalola vavilombi viosi khuli Mwami Nyasaye yali navooli. Nalwo lwa Musa yavakasitsa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society of Kenya, 2013