KHURULA 35
35
Mivaalo Khulitukhu li Lisabato
1Musa yalaanga halala Vaisraeli voosi navavoolela, “Yaka nako ku Mwami Nyasaye avooli mukhole: 2Muli na matukhu sita, ka munyala khukhola muhinzilu kwenyu, navutswa litukhu lia saba liliitsa khuva litakatifu. Liliitsa khuva litukhu liu khuhulukha liakholwa khuva litakatifu khwinzi. Mundu uliitsa khukholakhu muhinzilu khulitukhu lienelo, aliitsa khwiirwa. 3Muvuli khuhaambitsakhu khali mulilu mu tsingo tsienyu, khulitukhu li Lisabato lienelo.”
Vihanwa vi Liheemo Litakatifu
(Khur 25:1-9)
4Musa yavoolela Vaisraeli voosi, “Yaka nako ku Mwami Nyasaye avooli: 5Muliitsa khuhaana shihanwa khu Mwami Nyasaye. Shia mundu wosi uli ni lienya liu khukhola kenako, aliitsa khulera shihanwa shi itsahabu, ifetsa, nende mukasa; 6machoro malahi ku khunavakhu, ki tsimbusi tsia bulu, tsia sambarau, nende tsimuuchi; tsinguvu tsialombwa khu maseelo ki tsimbuli; 7maseelo ka makondi mamiiko; maseelo ki tsimbuli nende musala ku munyenye; 8makura ki tsitaaha; tsipila pili tsia makura ku khuvekhwa nende vindu vihuunyanga mwayu mulahi, 9machina ka mayayi nende machina kanyala khuvikhwa mu shiambala shiu Mukali wa vasalisi voosi, khandi mu inguvu yeye yu mu shiliru.
Vindu viu Khulombela Liheemo Litakatifu
(Khur 39:32-43)
10“Shia mundu wosi khu munyi, wechela khukhola muhinzilu kwekwe, aliitsa khulomba shia shindu shiosi shiu Mwami yavoola alombe: 11Liheemo Litakatifu, halala ni shindu shialio shiu khukhunishila mukari nende ilwanyi, tsingaka tsialio nende tsifulemu tsialio, tsisheti tsialio, misala chialio, nende lwalilu lwalio; 12Lisanduku li Lilakano, misala chialio, shindu shialio shiu khukhunishila, nende luvaala lu khulisuunda; 13imesa, misala chiayo, nende shia shindu shiosi shialio; mukati mutakatifu; 14shikuru shi itaaha tsiu khwashitsa vulavu nende vindu vi tsitaaha na makura katsio; 15vwaali vu khusambilakhu vubani nende misala chiavwo; makura ku khuvekha, vubani vuhuunyanga mwayu mulahi; luvaala lu mu vwinjililu vwi Liheemo Litakatifu; 16vwaali vwi vihanwa viu khusambwa, halala ni tsiwaya tsiahambanyinywakhu tsialombwa khu mukasa, misala chiavwo, nende vindu viavwo viosi; lukalayi lu khusavilakhu nu lwalilu lwalwo; 17tsimbala tsiu mu lwanyi, misala chiatsio nende lwalilu; luvaala lu mu vwinjililu vu mu lwanyi, 18tsingomu nende mikoye chi Liheemo Litakatifu nende lwanyi; 19nende tsinguvu tsindahi tsia vasalisi vanyala khwifwala, nivarumikhanga Havundu Hatakatifu -- tsinguvu tsindakatifu tsiu musalisi Haruni nende vaana veve.”
Vandu Valera Vihanwa Viavo
20Vaisraeli voosi vasimukha nivarula imbeli wa Musa, 21khandi shia mundu wosi yali nu mwoyo ku khukhola kenako, yalera shihanwa khu Mwami Nyasaye shiu khulomba Liheemo Litakatifu. Valera vindu viosi, vienyekhanga khurumikha khusaala Mwami Nyasaye, khandi viu khunavila tsinguvu tsiu vusalisi. 22Vandu voosi vitsaho, khali vandu vasatsa nende vakhali; vandu voosi vali nu mwoyo ku khuhaana valera tsisindani, matemba, tsipete, viuma vinyishi lukanu, nende machina manyishi kalombwa khu itsahabu lukanu nivavikhola khuva vitakatifu khu Mwami Nyasaye. 23Shia mundu wosi wali nali ni vitambaya vilavu, vi tsimbusi tsia bulu, sambarau inoho tsimuuchi; tsinguvu tsialombwa khu vwoya vwi tsimbuli; maseelo ka makondi mamiiko mamuuchihilu; inoho liseelo lilahi, yalera. 24Vandu voosi vali nu vunyali vu khuhaana ifetsa, inoho mukasa valera vihanwa viavo khu Mwami Nyasaye. Shia mundu wosi wali nu musala ku munyenye, kunyala khurumikha khu muhinzilu kwosi yakulera. 25Vandu vakhali voosi vali nivechela khunaava, valera vitambaya vilavu nende tsimbusi tsia bulu, sambarau, nende tsimuuchi, tsia vali nivalomba khale. 26Valomba khandi tsimbusi khu vwoya vwi tsimbuli. 27Vimilili vavo valera machina ka mayayi nende machina kandi, kanyala khuvikhwa mu shiambala nende mu inguvu yu mu shiliru 28nende tsipila pili halala na makura ki tsitaaha, makura kukhuvekhwa, nende vubani vuhuunyanga mwayu mulahi. 29Vaisraeli voosi vali nu mwoyo ku khulera vihanwa viavo, valerela Mwami Nyasaye shichila muhinzilu kwa yali navoolele Musa akhole.
Vahinzili Vukhulomba Liheemo Litakatifu
(Khur 31:1-11)
30Musa yavoolela Vaisraeli, “Loli, Mwami Nyasaye urovole Bezaleli, mwana wa Uri, nali mukuuka wa Huri, khurula mu vandu vuluhia lwa Yuda. 31Nyasaye umuheele tsingulu tsietsie tsinyishi nende vucheli, 32vunyali vu khukhola khandi limanya liu khukhola muhinzilu kwosi lukanu, khulomba vindu khu itsahabu, ifetsa nende mukasa; 33ku khukhonga machina koosi lukanu; khukhonga vindu khu misala; khandi muhinzilu kundi ku khukhonga vindu vindi lukanu. 34Mwami Nyasaye umuheele ye halala na Oholiabu mwana wa Ahisamaki, khurula mu vandu vuluhia lwa Dani, vucheli vu khwechitsa vandu vandi muhinzilu kwavo. 35Mwami Nyasaye uvaheele vucheli, vu khukhola shia shindu shiosi mu muhinzilu kwosi lukanu kwa vakhonji, vachiori, nende vanavi vi tsinguvu tsindavu; vi tsimbusi tsia bulu, sambarau, nende tsimuuchi; khandi tsinguvu tsindi lukanu. Vali nu vunyali vu khukhola muhinzilu kwosi lukanu, nu khuchiora vindu lukanu.
လက္ရွိေရြးခ်ယ္ထားမွု
KHURULA 35: LLLCATHOLIC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society of Kenya, 2013
KHURULA 35
35
Mivaalo Khulitukhu li Lisabato
1Musa yalaanga halala Vaisraeli voosi navavoolela, “Yaka nako ku Mwami Nyasaye avooli mukhole: 2Muli na matukhu sita, ka munyala khukhola muhinzilu kwenyu, navutswa litukhu lia saba liliitsa khuva litakatifu. Liliitsa khuva litukhu liu khuhulukha liakholwa khuva litakatifu khwinzi. Mundu uliitsa khukholakhu muhinzilu khulitukhu lienelo, aliitsa khwiirwa. 3Muvuli khuhaambitsakhu khali mulilu mu tsingo tsienyu, khulitukhu li Lisabato lienelo.”
Vihanwa vi Liheemo Litakatifu
(Khur 25:1-9)
4Musa yavoolela Vaisraeli voosi, “Yaka nako ku Mwami Nyasaye avooli: 5Muliitsa khuhaana shihanwa khu Mwami Nyasaye. Shia mundu wosi uli ni lienya liu khukhola kenako, aliitsa khulera shihanwa shi itsahabu, ifetsa, nende mukasa; 6machoro malahi ku khunavakhu, ki tsimbusi tsia bulu, tsia sambarau, nende tsimuuchi; tsinguvu tsialombwa khu maseelo ki tsimbuli; 7maseelo ka makondi mamiiko; maseelo ki tsimbuli nende musala ku munyenye; 8makura ki tsitaaha; tsipila pili tsia makura ku khuvekhwa nende vindu vihuunyanga mwayu mulahi, 9machina ka mayayi nende machina kanyala khuvikhwa mu shiambala shiu Mukali wa vasalisi voosi, khandi mu inguvu yeye yu mu shiliru.
Vindu viu Khulombela Liheemo Litakatifu
(Khur 39:32-43)
10“Shia mundu wosi khu munyi, wechela khukhola muhinzilu kwekwe, aliitsa khulomba shia shindu shiosi shiu Mwami yavoola alombe: 11Liheemo Litakatifu, halala ni shindu shialio shiu khukhunishila mukari nende ilwanyi, tsingaka tsialio nende tsifulemu tsialio, tsisheti tsialio, misala chialio, nende lwalilu lwalio; 12Lisanduku li Lilakano, misala chialio, shindu shialio shiu khukhunishila, nende luvaala lu khulisuunda; 13imesa, misala chiayo, nende shia shindu shiosi shialio; mukati mutakatifu; 14shikuru shi itaaha tsiu khwashitsa vulavu nende vindu vi tsitaaha na makura katsio; 15vwaali vu khusambilakhu vubani nende misala chiavwo; makura ku khuvekha, vubani vuhuunyanga mwayu mulahi; luvaala lu mu vwinjililu vwi Liheemo Litakatifu; 16vwaali vwi vihanwa viu khusambwa, halala ni tsiwaya tsiahambanyinywakhu tsialombwa khu mukasa, misala chiavwo, nende vindu viavwo viosi; lukalayi lu khusavilakhu nu lwalilu lwalwo; 17tsimbala tsiu mu lwanyi, misala chiatsio nende lwalilu; luvaala lu mu vwinjililu vu mu lwanyi, 18tsingomu nende mikoye chi Liheemo Litakatifu nende lwanyi; 19nende tsinguvu tsindahi tsia vasalisi vanyala khwifwala, nivarumikhanga Havundu Hatakatifu -- tsinguvu tsindakatifu tsiu musalisi Haruni nende vaana veve.”
Vandu Valera Vihanwa Viavo
20Vaisraeli voosi vasimukha nivarula imbeli wa Musa, 21khandi shia mundu wosi yali nu mwoyo ku khukhola kenako, yalera shihanwa khu Mwami Nyasaye shiu khulomba Liheemo Litakatifu. Valera vindu viosi, vienyekhanga khurumikha khusaala Mwami Nyasaye, khandi viu khunavila tsinguvu tsiu vusalisi. 22Vandu voosi vitsaho, khali vandu vasatsa nende vakhali; vandu voosi vali nu mwoyo ku khuhaana valera tsisindani, matemba, tsipete, viuma vinyishi lukanu, nende machina manyishi kalombwa khu itsahabu lukanu nivavikhola khuva vitakatifu khu Mwami Nyasaye. 23Shia mundu wosi wali nali ni vitambaya vilavu, vi tsimbusi tsia bulu, sambarau inoho tsimuuchi; tsinguvu tsialombwa khu vwoya vwi tsimbuli; maseelo ka makondi mamiiko mamuuchihilu; inoho liseelo lilahi, yalera. 24Vandu voosi vali nu vunyali vu khuhaana ifetsa, inoho mukasa valera vihanwa viavo khu Mwami Nyasaye. Shia mundu wosi wali nu musala ku munyenye, kunyala khurumikha khu muhinzilu kwosi yakulera. 25Vandu vakhali voosi vali nivechela khunaava, valera vitambaya vilavu nende tsimbusi tsia bulu, sambarau, nende tsimuuchi, tsia vali nivalomba khale. 26Valomba khandi tsimbusi khu vwoya vwi tsimbuli. 27Vimilili vavo valera machina ka mayayi nende machina kandi, kanyala khuvikhwa mu shiambala nende mu inguvu yu mu shiliru 28nende tsipila pili halala na makura ki tsitaaha, makura kukhuvekhwa, nende vubani vuhuunyanga mwayu mulahi. 29Vaisraeli voosi vali nu mwoyo ku khulera vihanwa viavo, valerela Mwami Nyasaye shichila muhinzilu kwa yali navoolele Musa akhole.
Vahinzili Vukhulomba Liheemo Litakatifu
(Khur 31:1-11)
30Musa yavoolela Vaisraeli, “Loli, Mwami Nyasaye urovole Bezaleli, mwana wa Uri, nali mukuuka wa Huri, khurula mu vandu vuluhia lwa Yuda. 31Nyasaye umuheele tsingulu tsietsie tsinyishi nende vucheli, 32vunyali vu khukhola khandi limanya liu khukhola muhinzilu kwosi lukanu, khulomba vindu khu itsahabu, ifetsa nende mukasa; 33ku khukhonga machina koosi lukanu; khukhonga vindu khu misala; khandi muhinzilu kundi ku khukhonga vindu vindi lukanu. 34Mwami Nyasaye umuheele ye halala na Oholiabu mwana wa Ahisamaki, khurula mu vandu vuluhia lwa Dani, vucheli vu khwechitsa vandu vandi muhinzilu kwavo. 35Mwami Nyasaye uvaheele vucheli, vu khukhola shia shindu shiosi mu muhinzilu kwosi lukanu kwa vakhonji, vachiori, nende vanavi vi tsinguvu tsindavu; vi tsimbusi tsia bulu, sambarau, nende tsimuuchi; khandi tsinguvu tsindi lukanu. Vali nu vunyali vu khukhola muhinzilu kwosi lukanu, nu khuchiora vindu lukanu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© The Bible Society of Kenya, 2013