MARAKUT 5
5
Yetut nen aap kugi inikime unggwagagerak me, nggiginogo wumbiyareegerak wone
(Mat 8:28-34, Luk 8:26-39)
1Niyo nggwok yenggenak ene pagan it o Nggerata mendek wonogo menggam wunda nogogwaarak. 2Wundogo nogogwaarik, yiiro paga nen awo wundi nogo mbareegwa, aap kugi kumili inikime unggwagagerak nogo kanggaatak ndoome piigo menggam nogome nen Yetut owagam wagagerak. 3-4At aap nogo, kanggaatak ndoome piigo menggam nogome menggerak me, eenggi-iyok mbuti keele maakak mban eekaatak kwe, yambu-palek ari logonet, eenggi-iyok mbuti keele maarak nogo ndenenak-penenak agago nappegak mban eeke kenok, it aakumi abok nen aap nogo mbuti keele maarogo iniki yanggoniyak meek kogogwaarak. 5Ko'lu-kii'me aakumi kanggaatak ndoome piigo menggam inom, puurom inom, kwa agan nege logonet, yugum paga wakko'net nege nagagerak.
6Nogome logonet, o nda nen Yetut enegen nakkage nagagirik, at owagam puu'nuk nage nagagirik, abu'me tebe yinuk, 7”Yetut wae. Kat Ala tiyanak lombok menggerak aput yi, an nonggop ee'nabikit nduk wagan o? An noorugun o,” yinuk, oone nggwok paga kwa ari logonet, at Ala owak mbaneegerak. 8(Ala owak mbaneegerak ti, at Yetut nen, ”Kat kugi ti aap yi inikime nen wundi nak o,” yoge kagak, oone nggwok paga Ala owak mbaneegerak nogo aret o.)
9Ala owak mbangge mbareegi, at Yetut nen, ”Kat kendage yu o.”
Yoge mbareegi, ”Nineebe ambik kenok aret an nendage Ambik o,” yinuk, 10”Ninogoba awo! Aap inikime yime nen nineebe nggiginogo endekem time wumbinaniyak ti mage o,” yinuk, inoone nabek togon yoreegwaarak.
11Yogo nogogwaarik, puurom elaan me time wam ambik kun eerit nugwi wonogwe me, 12it kugi nogo nen, ”Ai! Wam inikime time unggwi nawok nduk nappinanu o.” Yinuk, Yetut nogo yogo mbareegwa, 13at nogo nen, ”E o. Time aret unggwi nanip o,” yoragagerak. ”Nanip o,” yorage mbareegi, kugi aap inikime nen wundit nogo nogogwaarik, wam inikime unggwogo mbareegwa, yi wam ndi wam aap apit ineenggi 2000 aret, elaan me nogome nen yuulu agan yi yenggenak me unggwit nogo mbareegwa, niyo nogo nen ndonggoninabeegerak.
14Niyo ndonggoninake mbareegi, it wam ndegeninako menggaarak nogo, kole mbaganit nogo logonet, wam ndonggoninabeegerak wone nogo o tini nggwok me yorogwe, o irip-irip nogome yorogwe, eerit nugu mbareegwa, eereegwaarak nogo it aakumi pekka nawok nduk wogogwaarak. 15Yetut owagam wogo nogogwaarik, aap kugi ambik inikime lik yereegerak nogo, aap iniki age nagagirik, yum yippunuk, time aret kwi'ndak wonage kogo nogogwaarik, inagabiti agagerak. 16Inagabiti age mbareegi, it inigen kogowaarak nogo nen kugi aap inikime unggwagagerak wone inom, wam niyo ndonggoninabeegerak wone inom, mbininogo yorogogwaarak.
17Yorogo mbareegwa, it nogo nen Yetut it iname wundi nawak nduk yoreegwaarak.
18At Yetut yiiro paga unggwikit nduk eeke mbareegi, at aap kugi inikime lik yereegerak nogo nen, ”Nimbirak nawok o,” yinuk, oone nabek togon yoreegerak.
19Yoge mbareegi, at Yetut nogo nen, ”Lek o. Kat kame koreewi kinom menggendak wonogwe me nage logominggindik, kat kogoba kabuwa nen eekkakerak nogo yora nak o.”
20Yoge mbareegi, nage nagagirik, o endage Tini Ambi Eenggi toonak nogome aret ”Yetut ndogop ee'nakerak o,” yinuk, mbinogo yoranet nege mbareegi, aakumi abok aret pi wareegwaarak.
Kolaga Yayirut apuluk inom, kwe Yetut ayum pigaganeegerak inom, obeelom eeginabeegerak wone
(Mat 9:18-26, Luk 8:40-56)
21At Yetut nogo ene paga nen yiiro paga iyok paga wunda wage nagagirik, niyo aa'nggi paga wonage me, aakumi ambik at owagam kuwak ari wogogwaarak. 22Kuwak ogo nogogwaarik, wonogwe me, aap it Yakuri tamban eeko menggam inarum menggaarak ambi endage Yayirut wage nagagirik, Yetut abu'me tebe yinuk, 23abuwa warak nggonggo ari logonet, ”Yetut wae. An napuluk kolaga andi kambuurak eeke wonage me, kangge kero, eenik logowak nduk, keenggi pigogo obeelom eeri mok o,” yinuk, yogak mban eereegerak.
Yogak mban eeke mbareegi, 24at imbirak aret nagagerak. Imbirak nage me, it aakumi ambik at ambokan ninggi'nuk, nogogwaarak.
25Ninggi'nuk nogwe me, kwe ambi amiya eeke kagak, 12 tahun eereegerak me, 26obeelom eeruwak nduk amendek abok aret Ndoter wogorage, it apit nogo nen eekaatak kwe, andi nogo lek aga'lek abunuk nggwok eeke nagagerak. 27At kwe nogo, at Yetut nen obeelom eeginabit nege nogo aruk koneneegerak me, aakumi ambik inenggela'me nen ambokan panggo yi nage nagagirik, 28”Ayum pigagangge neenok, obeelom ee'nabigin o,” mba'nuk, ayum pigaganeegerak.
29Ayum pigagangge nagagirik, amiya eeke nagagerak nogo nggaruk ari mbareegi, ”Namiya eeke nagaarak nogo, yogondak perak, lek age kagi,” yinuk, mbake kagak, 30at Yetut nogo nen omaawi ambi lek age kage nagagirik, aakumi ninggi'nuk wogwe nogo ena logurogon pegiige logonet, ”An nayum ta nen pi'naki o?” yoragagerak.
31Yorage mbareegi, at oone waganggwi nogo nen, ”Aakumi ambik ninggikkiren wogwe iigendak kwe, kat nonggop nduk, Ta nen pi'nakerak o? yinuk, ari agandik?”
32Yogo mbareegwa, at Yetut enegen yombooninake logonet, ”Ta nen pi'naki o?” yorage mbareegi, 33at kwe nogo nen, ”Obeelom ee'nakerak kagi,” mbake nagagirik, agabiti nen aganak nuk ege logonet, at abu'me tebe yinuk, ”An togop eekirak o,” yinuk, eereegerak nogo abok aret paganogo yoreegerak. 34Paganogo yoge mbareegi, at Yetut nen, ”Nawuluk o! Kat kiniki noba panggombunuk abet nombakendak paga obeelom agan o. Aaninggin koba wonagaarak nogo muk lek agaarak me, kinikiigun kame nak o,” yoreegerak.
35Awo yoge kagak, it Yakuri inuwe inom tamban eeko menggaarak nogo ame nogome nen wogo nogogwaarik, aap Yayirut nogo yoge logonet, ”Kapuluk muk kanggerak me, nonggop nduk ninogoba Ngguru tu aanom warogo wonok wage agandik o?”
36Yoreegwaarak nogo Yetut aruk koneneegerak kwe, inoone taganogo pege logonet, at aap it Yakuri tamban eeko menggam arum menggerak nogo yoge, ”Kagabiti mbarugun o. Kiniki noba panggombunuk, abet nombake logot o,” yinuk, 37yoge nagagirik, ”It aakumi ugun ninom noorak lek o,” yinuk, at Peterut inom, Yakobut awuluk Yaya imbirak inom, Yetut inom, inalik nogo nogogwaarik, 38aap Yakuri inarum menggerak ame ari wogo nogogwaarik, aakumi inoone-koone yogo logonet, lee'nggup maakwi, le yi-yi wo-wo yogwe, iige nagagirik, 39oome unggwi nagagerak. Oome unggwi nage nagagirik, yorage logonet, ”Kolaga yi kambulik we nogo yege me, nonggop nduk noone-koone yogwe, le yogwe, eeko ogotik o?” yoragagerak.
40Yorage mbareegi, it nogo nen at agi'ndok kambeegwaarak kwe, aakumi abok mugogo wumbiinok, kolaga agalo-ogoba inom, at oreewi inom wogogwaarak nogo inom, wogoren, kolaga wonage me unggwi nogogwaarak. 41Unggwi nogo nogogwaarik, Yetut nen kolaga nogo eenggi pigagangge logonet, ”Talita kum,” yoreegerak. Ti, nit ninoone paga, ”Kolaga yi wae. Mi'nanok nuk yokkigi o,” yinuk, yoreegerak.
42Yoge mbareegi, at kolaga nogo mi'nage nagagirik, oome nogome nege nagagerak. Kolaga nogo tawe aga'lek kagak, 12 tahun wonagagerak me, nege mbareegi, aakumi abok aret, ”Iya!” yinuk, inagabiti ambik ogogwaarak. 43Yetut nen oone omaawi togon aakumi yorage logonet, ”At kolaga obeelom eekirak yi, aakumi yoraagup o,” yorage nagagirik, ”Mbi nawak nduk wogo'nip o,” yinuk, yoragagerak.
လက္ရွိေရြးခ်ယ္ထားမွု
MARAKUT 5: WNO
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
MARAKUT 5
5
Yetut nen aap kugi inikime unggwagagerak me, nggiginogo wumbiyareegerak wone
(Mat 8:28-34, Luk 8:26-39)
1Niyo nggwok yenggenak ene pagan it o Nggerata mendek wonogo menggam wunda nogogwaarak. 2Wundogo nogogwaarik, yiiro paga nen awo wundi nogo mbareegwa, aap kugi kumili inikime unggwagagerak nogo kanggaatak ndoome piigo menggam nogome nen Yetut owagam wagagerak. 3-4At aap nogo, kanggaatak ndoome piigo menggam nogome menggerak me, eenggi-iyok mbuti keele maakak mban eekaatak kwe, yambu-palek ari logonet, eenggi-iyok mbuti keele maarak nogo ndenenak-penenak agago nappegak mban eeke kenok, it aakumi abok nen aap nogo mbuti keele maarogo iniki yanggoniyak meek kogogwaarak. 5Ko'lu-kii'me aakumi kanggaatak ndoome piigo menggam inom, puurom inom, kwa agan nege logonet, yugum paga wakko'net nege nagagerak.
6Nogome logonet, o nda nen Yetut enegen nakkage nagagirik, at owagam puu'nuk nage nagagirik, abu'me tebe yinuk, 7”Yetut wae. Kat Ala tiyanak lombok menggerak aput yi, an nonggop ee'nabikit nduk wagan o? An noorugun o,” yinuk, oone nggwok paga kwa ari logonet, at Ala owak mbaneegerak. 8(Ala owak mbaneegerak ti, at Yetut nen, ”Kat kugi ti aap yi inikime nen wundi nak o,” yoge kagak, oone nggwok paga Ala owak mbaneegerak nogo aret o.)
9Ala owak mbangge mbareegi, at Yetut nen, ”Kat kendage yu o.”
Yoge mbareegi, ”Nineebe ambik kenok aret an nendage Ambik o,” yinuk, 10”Ninogoba awo! Aap inikime yime nen nineebe nggiginogo endekem time wumbinaniyak ti mage o,” yinuk, inoone nabek togon yoreegwaarak.
11Yogo nogogwaarik, puurom elaan me time wam ambik kun eerit nugwi wonogwe me, 12it kugi nogo nen, ”Ai! Wam inikime time unggwi nawok nduk nappinanu o.” Yinuk, Yetut nogo yogo mbareegwa, 13at nogo nen, ”E o. Time aret unggwi nanip o,” yoragagerak. ”Nanip o,” yorage mbareegi, kugi aap inikime nen wundit nogo nogogwaarik, wam inikime unggwogo mbareegwa, yi wam ndi wam aap apit ineenggi 2000 aret, elaan me nogome nen yuulu agan yi yenggenak me unggwit nogo mbareegwa, niyo nogo nen ndonggoninabeegerak.
14Niyo ndonggoninake mbareegi, it wam ndegeninako menggaarak nogo, kole mbaganit nogo logonet, wam ndonggoninabeegerak wone nogo o tini nggwok me yorogwe, o irip-irip nogome yorogwe, eerit nugu mbareegwa, eereegwaarak nogo it aakumi pekka nawok nduk wogogwaarak. 15Yetut owagam wogo nogogwaarik, aap kugi ambik inikime lik yereegerak nogo, aap iniki age nagagirik, yum yippunuk, time aret kwi'ndak wonage kogo nogogwaarik, inagabiti agagerak. 16Inagabiti age mbareegi, it inigen kogowaarak nogo nen kugi aap inikime unggwagagerak wone inom, wam niyo ndonggoninabeegerak wone inom, mbininogo yorogogwaarak.
17Yorogo mbareegwa, it nogo nen Yetut it iname wundi nawak nduk yoreegwaarak.
18At Yetut yiiro paga unggwikit nduk eeke mbareegi, at aap kugi inikime lik yereegerak nogo nen, ”Nimbirak nawok o,” yinuk, oone nabek togon yoreegerak.
19Yoge mbareegi, at Yetut nogo nen, ”Lek o. Kat kame koreewi kinom menggendak wonogwe me nage logominggindik, kat kogoba kabuwa nen eekkakerak nogo yora nak o.”
20Yoge mbareegi, nage nagagirik, o endage Tini Ambi Eenggi toonak nogome aret ”Yetut ndogop ee'nakerak o,” yinuk, mbinogo yoranet nege mbareegi, aakumi abok aret pi wareegwaarak.
Kolaga Yayirut apuluk inom, kwe Yetut ayum pigaganeegerak inom, obeelom eeginabeegerak wone
(Mat 9:18-26, Luk 8:40-56)
21At Yetut nogo ene paga nen yiiro paga iyok paga wunda wage nagagirik, niyo aa'nggi paga wonage me, aakumi ambik at owagam kuwak ari wogogwaarak. 22Kuwak ogo nogogwaarik, wonogwe me, aap it Yakuri tamban eeko menggam inarum menggaarak ambi endage Yayirut wage nagagirik, Yetut abu'me tebe yinuk, 23abuwa warak nggonggo ari logonet, ”Yetut wae. An napuluk kolaga andi kambuurak eeke wonage me, kangge kero, eenik logowak nduk, keenggi pigogo obeelom eeri mok o,” yinuk, yogak mban eereegerak.
Yogak mban eeke mbareegi, 24at imbirak aret nagagerak. Imbirak nage me, it aakumi ambik at ambokan ninggi'nuk, nogogwaarak.
25Ninggi'nuk nogwe me, kwe ambi amiya eeke kagak, 12 tahun eereegerak me, 26obeelom eeruwak nduk amendek abok aret Ndoter wogorage, it apit nogo nen eekaatak kwe, andi nogo lek aga'lek abunuk nggwok eeke nagagerak. 27At kwe nogo, at Yetut nen obeelom eeginabit nege nogo aruk koneneegerak me, aakumi ambik inenggela'me nen ambokan panggo yi nage nagagirik, 28”Ayum pigagangge neenok, obeelom ee'nabigin o,” mba'nuk, ayum pigaganeegerak.
29Ayum pigagangge nagagirik, amiya eeke nagagerak nogo nggaruk ari mbareegi, ”Namiya eeke nagaarak nogo, yogondak perak, lek age kagi,” yinuk, mbake kagak, 30at Yetut nogo nen omaawi ambi lek age kage nagagirik, aakumi ninggi'nuk wogwe nogo ena logurogon pegiige logonet, ”An nayum ta nen pi'naki o?” yoragagerak.
31Yorage mbareegi, at oone waganggwi nogo nen, ”Aakumi ambik ninggikkiren wogwe iigendak kwe, kat nonggop nduk, Ta nen pi'nakerak o? yinuk, ari agandik?”
32Yogo mbareegwa, at Yetut enegen yombooninake logonet, ”Ta nen pi'naki o?” yorage mbareegi, 33at kwe nogo nen, ”Obeelom ee'nakerak kagi,” mbake nagagirik, agabiti nen aganak nuk ege logonet, at abu'me tebe yinuk, ”An togop eekirak o,” yinuk, eereegerak nogo abok aret paganogo yoreegerak. 34Paganogo yoge mbareegi, at Yetut nen, ”Nawuluk o! Kat kiniki noba panggombunuk abet nombakendak paga obeelom agan o. Aaninggin koba wonagaarak nogo muk lek agaarak me, kinikiigun kame nak o,” yoreegerak.
35Awo yoge kagak, it Yakuri inuwe inom tamban eeko menggaarak nogo ame nogome nen wogo nogogwaarik, aap Yayirut nogo yoge logonet, ”Kapuluk muk kanggerak me, nonggop nduk ninogoba Ngguru tu aanom warogo wonok wage agandik o?”
36Yoreegwaarak nogo Yetut aruk koneneegerak kwe, inoone taganogo pege logonet, at aap it Yakuri tamban eeko menggam arum menggerak nogo yoge, ”Kagabiti mbarugun o. Kiniki noba panggombunuk, abet nombake logot o,” yinuk, 37yoge nagagirik, ”It aakumi ugun ninom noorak lek o,” yinuk, at Peterut inom, Yakobut awuluk Yaya imbirak inom, Yetut inom, inalik nogo nogogwaarik, 38aap Yakuri inarum menggerak ame ari wogo nogogwaarik, aakumi inoone-koone yogo logonet, lee'nggup maakwi, le yi-yi wo-wo yogwe, iige nagagirik, 39oome unggwi nagagerak. Oome unggwi nage nagagirik, yorage logonet, ”Kolaga yi kambulik we nogo yege me, nonggop nduk noone-koone yogwe, le yogwe, eeko ogotik o?” yoragagerak.
40Yorage mbareegi, it nogo nen at agi'ndok kambeegwaarak kwe, aakumi abok mugogo wumbiinok, kolaga agalo-ogoba inom, at oreewi inom wogogwaarak nogo inom, wogoren, kolaga wonage me unggwi nogogwaarak. 41Unggwi nogo nogogwaarik, Yetut nen kolaga nogo eenggi pigagangge logonet, ”Talita kum,” yoreegerak. Ti, nit ninoone paga, ”Kolaga yi wae. Mi'nanok nuk yokkigi o,” yinuk, yoreegerak.
42Yoge mbareegi, at kolaga nogo mi'nage nagagirik, oome nogome nege nagagerak. Kolaga nogo tawe aga'lek kagak, 12 tahun wonagagerak me, nege mbareegi, aakumi abok aret, ”Iya!” yinuk, inagabiti ambik ogogwaarak. 43Yetut nen oone omaawi togon aakumi yorage logonet, ”At kolaga obeelom eekirak yi, aakumi yoraagup o,” yorage nagagirik, ”Mbi nawak nduk wogo'nip o,” yinuk, yoragagerak.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ