KUTURA 36
36
1“Bezeleli, Oholiabu na vasiza vandi vosi ava Yahova yaaha ovogeri kandi limanyiriza, avamanyi kuli vanyara kolomba vindu viosi ivienyekaa kwumbakira Lihema litakatifu, kuduuka valombe vindu viosi kuli Yahova amali kulaga.”
Avandu valeta Vihaanwa vinyingi
2Musa yalanga Bezeleli, Oholiabu na avandu vandi vuvusiza na avilimanya vandi vosi ava Yahova yaaha ovogeri vwi linyaliza kandi vosi avimioyo jaavo jayugiza kuzia kokora miyinzi; na Musa yavavolera vatange miyinzi. 3Vaavugura kutura ku Musa vihaanwa viosi via avandu va Isiraeli vaali nivaleeti kigira vwumbaki vwi Lihema litakatifu. Navuzwa avandu va Isiraeli vazizagilira koletera Musa vihaanwa viavo vuli mugambazuri. 4Maku avasiza avakolaa miyinzi ju kwumbaka, vazia 5nivavolera Musa, “Avandu vazizagiliraa koleta vihaanwa vinyingi kuvita vienyekanaa ku muyinzi gwa Yahova yalaga gokoleke.”
6Kunangwa Musa yatuma lilago hokososera hoosi kovora ndi mundu woosi atazizagilira koleta vwihaani vwivwe kigira Lihema litakatifu mba; kunangwa avandu sivaleeta vihaanwa vindi kandi mba. 7Yivio viosi vimali koletwa viveeye vinyingi viduukana kumaliriza miyinzi josi.
Lilomba Lihema liu kuvuganira mu Yahova
(Kut. 26:1-37)
8Avasaza vo vogeri vwu vusiza vosi hagati ha vandu avakolaa miyinzi valomba Lihema liu Kuvuganira mu na Yahova. Valilomba kutura ku vidonye likomi vie ikatani indahi yaanavirwa mu uvwoya vwi irangi ya bulu, muzambarao kandi inzakanyu, kandi iyanavirwa ku amangirinya gi vifananyi via vakerubi. 9Vuli kedonye chinguvu chaali nu vuvambalaru vulala vwere, uvutambi vwali zimita likomi na ziviri, uvuvambalaru nivuva zimita ziviri. 10Vanava zinguvu zitano kuzio nivung'anyia harara kuva kevoho kilala kandi ni vakora malala meere ku zindi zitano. 11Valomba iviulu vie inguvu ya bulu kundulu kwi ligemo lwe kedonye chinguvu yichova ku vuli kevoho. 12Vaviika iviulu amusini kunguvu yukutanga ye kevoho chu kutanga kandi iviulu amusini kunguvu yindi koleng'ana ne kedonye chukumaliriza chekevoho chakaviri. 13Valomba vigumiliru amusini vie Zahabu, viu kuhambanyira vigumiliru viviri zana kuva kedonye kilala. Ni Lihema liagwa kindu kilala.
14Maku valombera Lihema zinguvu ziukukunika kutura ku vidonye likomi na kilala kutura ku vwoya vwi zimburi. 15Vazilomba ziosi nuvugalamu vulala vwere, uvutambi vwi zimita likomi na zivaga nuvuvambalaru vwi zimita ziviri. 16Vanava zitano kuzio harara kuva kevoho kilala, kandi zinguvu zindi sita harara mu kevoho kindi. 17Vaviika iviulu amusini kundulu kwe kedonye chinguvu chukumaliriza chekevoho kilala, kandi iviulu amusini kundulu kwe kevoho kindi cha kaviri. 18Valomba vigumiliru amusini viu mugasa kuhambanyia vivoho viviri zana, kunangwa viduuki kolomba kikuniku kilala. 19Valomba vikuniku vindi viviri kandi kilala kutura ku kesero chi ligondi limigu chirangi inzakanyu ni kindi ku kesero kilahi ligali, kutumika kuli kikuniku chu kwigulu.
20Valomba zifuremu ziukudiguluka kutura ku zimbaho zie kikuma. 21Vuli ifuremu yaali zimita zine kuzia igulu na zisendimita 66 vuvambalaru, 22nizinziga ziviri ziahenzana kunangwa zifuremu ziali zinyala kuhambanywa harara. Zifuremu ziosi zie Lihema ziali nizinziga ziviri. 23Valomba zifuremu isirini kigira kolovega lwi isavaalu 24nu vwikaliru vwifeza arubaini kuva isi wazio, vwikaliru vuviri isi wa vuli ifuremu kugumira zinziga ziayo ziviri. 25Valomba zifuremu sirini kolovega lwi Ivaale wi Lihema 26nu vwikaliru arubaini vwifeza, vwikaliru vuviri isi wa vuli ifuremu. 27Inyima wi Lihema, kolovega lwi madioli, valomba zifuremu sita 28na muzikona valombera mu zifuremu ziviri. 29Zifuremu ziu mu zikona yizi, ziahambanyirwa isi maniziung'anyirwa ziosi higulu. Zifuremu ziviri zialombaa zikona ziviri zialombwa munzira yiyi. 30Kunangwa ziali ho zifuremu munane nu vwikaliru vwifeza komi na sita, viviri isi wa vuli ifuremu.
31Valomba zimbohero likomi na zitano ziu lubaho lwi kikuma, zitano kuzio ziali zifuremu ziolovega lulala lwi Lihema, 32na zifuremu zitano kolovega Lundi, kandi zitano kolovega lwukumaliriza lwi madioli winyima wilihema. 33Yalomba lovohero lwa hagati kuvitira hagati hi zifuremu kutura kundulu kwo lovega yilu kuduuka kundulu kwo lovega Lundi lwi Lihema. 34Vaavaka izahabu ku zifuremu nivahambanyiraku zimingiri ziezahabu kugumira zifuremu zie zimbohero ziavakwa izahabu kandi.
35Valomba inguvu yukukinga yikatani indahi yanavwa nuvwoya vwi irangi ya bulu, muzambarao, kandi inzakanyu, kandi iyanavirwa ku amangirinya ga avakerubi. 36Valomba zitiru zine ziu lubaho lwi kikuma kugumira isuuka, nivavakaku izahabu, kandi nivaviika ku vigumiliru vie zahabu. Ma valomba vwikaliru vone vwifeza kugumira zitiru zana. 37Kigira uvwingiliru vwi Lihema, valomba isuuka yukukinga kutura ku ikatani indahi yanavwa nuvwoya vwi irangi ya bulu, muzambarao, kandi inzakanyu kandi yaanavilwaku iyasalagwa mangirinya malahi. 38Valombera isuuka yiyi zitiru zitano iziagumirwa ni vigumiliru ni zinzinzi viavakwa ku zisonga izahabu, kandi valombera zitiru ziazio vwikaliru vutano vwu mugasa.
လက္ရွိေရြးခ်ယ္ထားမွု
KUTURA 36: LOGOOLI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019
KUTURA 36
36
1“Bezeleli, Oholiabu na vasiza vandi vosi ava Yahova yaaha ovogeri kandi limanyiriza, avamanyi kuli vanyara kolomba vindu viosi ivienyekaa kwumbakira Lihema litakatifu, kuduuka valombe vindu viosi kuli Yahova amali kulaga.”
Avandu valeta Vihaanwa vinyingi
2Musa yalanga Bezeleli, Oholiabu na avandu vandi vuvusiza na avilimanya vandi vosi ava Yahova yaaha ovogeri vwi linyaliza kandi vosi avimioyo jaavo jayugiza kuzia kokora miyinzi; na Musa yavavolera vatange miyinzi. 3Vaavugura kutura ku Musa vihaanwa viosi via avandu va Isiraeli vaali nivaleeti kigira vwumbaki vwi Lihema litakatifu. Navuzwa avandu va Isiraeli vazizagilira koletera Musa vihaanwa viavo vuli mugambazuri. 4Maku avasiza avakolaa miyinzi ju kwumbaka, vazia 5nivavolera Musa, “Avandu vazizagiliraa koleta vihaanwa vinyingi kuvita vienyekanaa ku muyinzi gwa Yahova yalaga gokoleke.”
6Kunangwa Musa yatuma lilago hokososera hoosi kovora ndi mundu woosi atazizagilira koleta vwihaani vwivwe kigira Lihema litakatifu mba; kunangwa avandu sivaleeta vihaanwa vindi kandi mba. 7Yivio viosi vimali koletwa viveeye vinyingi viduukana kumaliriza miyinzi josi.
Lilomba Lihema liu kuvuganira mu Yahova
(Kut. 26:1-37)
8Avasaza vo vogeri vwu vusiza vosi hagati ha vandu avakolaa miyinzi valomba Lihema liu Kuvuganira mu na Yahova. Valilomba kutura ku vidonye likomi vie ikatani indahi yaanavirwa mu uvwoya vwi irangi ya bulu, muzambarao kandi inzakanyu, kandi iyanavirwa ku amangirinya gi vifananyi via vakerubi. 9Vuli kedonye chinguvu chaali nu vuvambalaru vulala vwere, uvutambi vwali zimita likomi na ziviri, uvuvambalaru nivuva zimita ziviri. 10Vanava zinguvu zitano kuzio nivung'anyia harara kuva kevoho kilala kandi ni vakora malala meere ku zindi zitano. 11Valomba iviulu vie inguvu ya bulu kundulu kwi ligemo lwe kedonye chinguvu yichova ku vuli kevoho. 12Vaviika iviulu amusini kunguvu yukutanga ye kevoho chu kutanga kandi iviulu amusini kunguvu yindi koleng'ana ne kedonye chukumaliriza chekevoho chakaviri. 13Valomba vigumiliru amusini vie Zahabu, viu kuhambanyira vigumiliru viviri zana kuva kedonye kilala. Ni Lihema liagwa kindu kilala.
14Maku valombera Lihema zinguvu ziukukunika kutura ku vidonye likomi na kilala kutura ku vwoya vwi zimburi. 15Vazilomba ziosi nuvugalamu vulala vwere, uvutambi vwi zimita likomi na zivaga nuvuvambalaru vwi zimita ziviri. 16Vanava zitano kuzio harara kuva kevoho kilala, kandi zinguvu zindi sita harara mu kevoho kindi. 17Vaviika iviulu amusini kundulu kwe kedonye chinguvu chukumaliriza chekevoho kilala, kandi iviulu amusini kundulu kwe kevoho kindi cha kaviri. 18Valomba vigumiliru amusini viu mugasa kuhambanyia vivoho viviri zana, kunangwa viduuki kolomba kikuniku kilala. 19Valomba vikuniku vindi viviri kandi kilala kutura ku kesero chi ligondi limigu chirangi inzakanyu ni kindi ku kesero kilahi ligali, kutumika kuli kikuniku chu kwigulu.
20Valomba zifuremu ziukudiguluka kutura ku zimbaho zie kikuma. 21Vuli ifuremu yaali zimita zine kuzia igulu na zisendimita 66 vuvambalaru, 22nizinziga ziviri ziahenzana kunangwa zifuremu ziali zinyala kuhambanywa harara. Zifuremu ziosi zie Lihema ziali nizinziga ziviri. 23Valomba zifuremu isirini kigira kolovega lwi isavaalu 24nu vwikaliru vwifeza arubaini kuva isi wazio, vwikaliru vuviri isi wa vuli ifuremu kugumira zinziga ziayo ziviri. 25Valomba zifuremu sirini kolovega lwi Ivaale wi Lihema 26nu vwikaliru arubaini vwifeza, vwikaliru vuviri isi wa vuli ifuremu. 27Inyima wi Lihema, kolovega lwi madioli, valomba zifuremu sita 28na muzikona valombera mu zifuremu ziviri. 29Zifuremu ziu mu zikona yizi, ziahambanyirwa isi maniziung'anyirwa ziosi higulu. Zifuremu ziviri zialombaa zikona ziviri zialombwa munzira yiyi. 30Kunangwa ziali ho zifuremu munane nu vwikaliru vwifeza komi na sita, viviri isi wa vuli ifuremu.
31Valomba zimbohero likomi na zitano ziu lubaho lwi kikuma, zitano kuzio ziali zifuremu ziolovega lulala lwi Lihema, 32na zifuremu zitano kolovega Lundi, kandi zitano kolovega lwukumaliriza lwi madioli winyima wilihema. 33Yalomba lovohero lwa hagati kuvitira hagati hi zifuremu kutura kundulu kwo lovega yilu kuduuka kundulu kwo lovega Lundi lwi Lihema. 34Vaavaka izahabu ku zifuremu nivahambanyiraku zimingiri ziezahabu kugumira zifuremu zie zimbohero ziavakwa izahabu kandi.
35Valomba inguvu yukukinga yikatani indahi yanavwa nuvwoya vwi irangi ya bulu, muzambarao, kandi inzakanyu, kandi iyanavirwa ku amangirinya ga avakerubi. 36Valomba zitiru zine ziu lubaho lwi kikuma kugumira isuuka, nivavakaku izahabu, kandi nivaviika ku vigumiliru vie zahabu. Ma valomba vwikaliru vone vwifeza kugumira zitiru zana. 37Kigira uvwingiliru vwi Lihema, valomba isuuka yukukinga kutura ku ikatani indahi yanavwa nuvwoya vwi irangi ya bulu, muzambarao, kandi inzakanyu kandi yaanavilwaku iyasalagwa mangirinya malahi. 38Valombera isuuka yiyi zitiru zitano iziagumirwa ni vigumiliru ni zinzinzi viavakwa ku zisonga izahabu, kandi valombera zitiru ziazio vwikaliru vutano vwu mugasa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
©Bible Society of Kenya, 2019