YEHESKIEL 44
44
Dudelo lou̒ momake hulubangi tiimuru
1Lapatao̒ talolai̒ boito luli lodelo poli olaatia ode hulubangi bulemengio to ambahu tiimuru tomadala Bele lo Eeya. Hulubangi boito heu̒heu̒uto, 2Eeya lotahuda mai odelaatia, “Hulubangi botie musi debo heu̒heu̒uto wau diila mowali huo̒olo. Diaaluo penu boli ngotaa mao̒ tamowali tumuwotao̒, sababu Wau̒, Eeya Allahu Taa̒ala lo Isirai̒lu, maa tilumuwotao̒ loli hulubangi botie. Oditolio, hulubangi botie musi debo heu̒heu̒uto. 3Bo takawa-kawaasa tahemo malenta mowali monao̒ mota ode hulubangi boito u molamela ua̒alo u mantali totalu-U̒. Tio musi tumuwoto moli huwali leidaa̒ wau muli mohualinga moli dalalo boito olo.”
Iijini u tumuwoto ode Bele lo Eeya
4Lapatao̒ talolai̒ boito lodelo olaatia ode hulubangi tilayo u tataalua wolo Bele lo Eeya. Watia lopoo̒tuoto, wau watia loo̒onto Bele lo Eeya boito yilanggube lotinelo molilingga u tuotio owoluo lo Eeya. Lapatao̒ watia lopowombahe mola batanga wau losujudu, 5wau Eeya lotahuda mai odelaatia, “Wuu manusia panaa, poo̒tuotilo tio̒otutua wolo u iloontongamu wau u ilodungohemu. Wau̒ mamo poo̒taa mai olemu totoonulalo wuu̒du wau butoo̒ tomimbihu Belee-U̒ botie. Tuladeelo mopio-piohuulo mao̒ tatoonu-toonu tamowali tumuwota ode Bele-U̒ wau tatoonu-toonu tadinidini.
6Polelea mao̒ to umati lo Isirai̒lu tao̒hilaa momalakala boito deu̒ Wau̒, Eeya Taa Laba-labaalo molanggato, diilalo motohilaa mopoluli olimongolio hipohutua u najisi. 7Timongolio malo ponajisi Belee-U̒, sababu tou̒ tabo wau duhu lobake donggo hepodewolo ode Olau̒, timongolio helo poluasi totau-tauwalo hideelia tadiila tiluuna tilumuwota ode delomio, wau tadiila modungohe ola-U̒. Wolo totoonulalo huhutu limongolio u moo̒olonuo̒ boito, timongolio malo lambanga daantia-U̒ woli mongolio. 8Madiila timongolio lohihilao tahe lopowoluo mao̒ uu̒u-pacalawalo mantali todelomo Belee-U̒, bo tau-tauwalo hideelia tailohia limongolio tuugasi u mopohutu mao̒.
9Wau̒, Eeya Taa Laba-labaalo molanggato, mopo malalumu mai deu̒ tau deli tadiila tiluuna wau taa u diila modungohe ola-U̒, diila mowali tumuwoto ode Belee-U̒. Uito pohupohutu olo ode tau deli tabilu-biluloa̒ tohuungo bangusa lo Isirai̒lu.”
Tau-tauwalo Lewi heilualio lonto huhuloa̒a lo iimamu
10 Eeya lotahuda mai odelaatia, “Wau̒ mamo hukuumani mao̒ tau-tauwalo Lewi tadonggo pee̒-pee̒enta wolo tau-tauwalo Isirai̒lu wewolio, tamalo lolaa ola-U̒ wau helolubo balaahala. 11To delomo Belee-U̒, timongolio bo mowali momaya ola-U̒ odelo kaliyaawani wau tamoo-dahawa hulubangi. Timongolio mowali mongolotao̒ bibii-natangiyalo duo̒lo bake yilalango wau dewo, wau timongolio wajibu u laito momaya to umati. 12Bo kalana timongolio malohutu upacala polubowalo balaahala duo̒lo bangusa lo Isirai̒lu, wau wolo dudelo boito helo aanga bangusa boito ode delomo dusa, yi Wau̒, Eeya Taa Laba-labaalo molanggato, motadia mai deu̒ timongolio musi hukuu-maniyolo. 13Timongolio diilalo mowali momaya ola-U̒ odelo iimamu meaalo modedeta wolo u mantali ode Olau̒, meaalo tumuwotao̒ tambati U Laba-labaalo mantali. Uitolo hukuumani to huhuu-tuwaalo u najisi u mapilohutu limongolio. 14Botia timongolio wohiya-U̒ tuugasi u mohutu mao̒ kalaja bangganga u palalu ponao̒lo to Belee-U̒.”
Mongo iimamu
15 Eeya Taa Laba-labaalo molanggato lotahuda, “Tou̒ bangusa lo Isirai̒lu lololaa mao̒ ola-U̒, mongo iimamu lo Lewi lonto wali mai lei Jadok, debo molotolo hilao hemomaya ola-U̒ to Belee-U̒. Sababu uito timongoliolo tabotia musi momaya ola-U̒ wau mai motaalua wola-U̒ u mopodewo mao̒ tabo wau duhu lo kukuu-lubaniyalo. 16Bo timongolio wambao̒ tamowali tumuwota ode Belee-U̒, momaya ola-U̒ to mesbaa-U̒, wau motitau̒wa ibaadati to Belee-U̒. 17Tou̒ timongolio tumuwoto huhebu hulubangi motidulunga ode palepelo delomio, timongolio musi momake pakeyangi lineni. Diila mowali timongolio momake pakeyangi monto lambuto binatangi u moa̒aluti debo odelo lambuto himba wonu donggo hemotuugasi to palepelo delomio, meaalo todelomo Belee-U̒. 18Alihu diila odungga lopatu wau wulataalo, timongolio musi momake talala lineni diila obintolo wohuta, wau buuhuto lunggongo monto lineni. 19Wonu timongolio monao̒ ode paango bulemengio, tou̒toonu umati hia̒mbua, mongo iimamu boito musi molopata pakeyangi dinasi limongolio to huhuu-waliyaalo mantali todelomo Belee-U̒, lapatao̒ momake pakeyangi uwewo, alihu pakeyangi poheetu boito diila moo̒ topotala to umati.”
20Mongo iimamu diila mowali monguluhe tunggula dayato lunggongi mongolio, meaalo mopoluli huwoi̒o talenga. Huwoa̒a boito musi huntingalo limbu-limbuo̒ modudua̒ wuu̒du u tilantu mao̒. 21Timongolio diila mowali mongilu angguru wonu ohilaa tumuwota ode palepelo delomio.
22Mongo iimamu bo mowali monika wolo mongo dulahu lo Isirai̒lu tadiipo ilodedeta lomongo lolai̒ meaalo ngotaalio lojanda li iimamu. Timongolio diila mowali monika wolo taabua taa bilua̒yalio.
23Mongo iimamu musi mongaajali to umati-U̒ u mopohiihede toonu u poheetu ode Olau̒ wau toonu udiila, toonu ubelesi modudua̒a to agama wau toonu unajisi. 24Wonu tumoodu hulinggila tomimbihu palakala lobutoo̒, timongolio musi mopoo̒ lapatao̒ motuuu̒de wolo bubuu-too̒o-U̒. Timongolio musi moporame potihunggu lo agama, modudua̒a wuu̒du wau butoo̒o-U̒, wau mohulumati Saabati odelo dulahu u poheetu ode Olau̒.
25Ngotaalio li iimamu diila mowali moponajisi batanga lou̒ modedeta milate, ngopohia milate lomongo dulaa̒alio, walai̒o, wutatio talolai̒ meaalo wutatio taabua tadiipo lonika. 26Lapatao̒ tio muli mobelesi mao̒, tio musi muli mohima pituhui mola, 27lapatao̒ monao̒ ode palepelo delomio lo Belee-U̒, wau mopodewo bake u mopobelesi batangalio alihu tio mowali motuugasi poli to Belee-U̒. Wau̒, Eeya Taa Laba-labaalo molanggato malo tahuda mai.
28Mongo iimamu mololimo huhuloaa̒ iimamu boito odelo bagiaangi limongolio lou̒ wolo uiludu-U̒ ode bangusa lo Isirai̒lu wawaalia mola. Timongolio diila mowali ohaku wolo-wolo to Isirai̒lu: Wau̒ulo halata limongolio. 29Timongolio musi tumumula monto dewo lopale, bake polulutalo dusa, wau bake poluloo̒ uiluhi; wau totoonulalo u hitua-tuawua u mapilo tolomodu ode Olau̒, musi wohi mao̒ ode limongolio. 30Mongo iimamu musi wohiyalo tayade u mopiohe daa̒ monto totoonulalo tilapulo sembo u hidala-dalaala u bohulio, wau monto wolo wambai̒o u pilodewo mai ode Olau̒. Timii̒du bangusa lo Isirai̒lu mohutu mao̒ roti, yi roti ubohulio yito duo̒lo mongo iimamu. Yi Wau̒ mamo balakati bebee-leyaalo bangusa lo Isirai̒lu. 31Bulungi wau bibii-natangiyalo wewo u yilate lohihilao, meaala u dilangapo binatangi mongantau, diila mowali aalo lomongo iimamu.”
လက္ရွိေရြးခ်ယ္ထားမွု
YEHESKIEL 44: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
YEHESKIEL 44
44
Dudelo lou̒ momake hulubangi tiimuru
1Lapatao̒ talolai̒ boito luli lodelo poli olaatia ode hulubangi bulemengio to ambahu tiimuru tomadala Bele lo Eeya. Hulubangi boito heu̒heu̒uto, 2Eeya lotahuda mai odelaatia, “Hulubangi botie musi debo heu̒heu̒uto wau diila mowali huo̒olo. Diaaluo penu boli ngotaa mao̒ tamowali tumuwotao̒, sababu Wau̒, Eeya Allahu Taa̒ala lo Isirai̒lu, maa tilumuwotao̒ loli hulubangi botie. Oditolio, hulubangi botie musi debo heu̒heu̒uto. 3Bo takawa-kawaasa tahemo malenta mowali monao̒ mota ode hulubangi boito u molamela ua̒alo u mantali totalu-U̒. Tio musi tumuwoto moli huwali leidaa̒ wau muli mohualinga moli dalalo boito olo.”
Iijini u tumuwoto ode Bele lo Eeya
4Lapatao̒ talolai̒ boito lodelo olaatia ode hulubangi tilayo u tataalua wolo Bele lo Eeya. Watia lopoo̒tuoto, wau watia loo̒onto Bele lo Eeya boito yilanggube lotinelo molilingga u tuotio owoluo lo Eeya. Lapatao̒ watia lopowombahe mola batanga wau losujudu, 5wau Eeya lotahuda mai odelaatia, “Wuu manusia panaa, poo̒tuotilo tio̒otutua wolo u iloontongamu wau u ilodungohemu. Wau̒ mamo poo̒taa mai olemu totoonulalo wuu̒du wau butoo̒ tomimbihu Belee-U̒ botie. Tuladeelo mopio-piohuulo mao̒ tatoonu-toonu tamowali tumuwota ode Bele-U̒ wau tatoonu-toonu tadinidini.
6Polelea mao̒ to umati lo Isirai̒lu tao̒hilaa momalakala boito deu̒ Wau̒, Eeya Taa Laba-labaalo molanggato, diilalo motohilaa mopoluli olimongolio hipohutua u najisi. 7Timongolio malo ponajisi Belee-U̒, sababu tou̒ tabo wau duhu lobake donggo hepodewolo ode Olau̒, timongolio helo poluasi totau-tauwalo hideelia tadiila tiluuna tilumuwota ode delomio, wau tadiila modungohe ola-U̒. Wolo totoonulalo huhutu limongolio u moo̒olonuo̒ boito, timongolio malo lambanga daantia-U̒ woli mongolio. 8Madiila timongolio lohihilao tahe lopowoluo mao̒ uu̒u-pacalawalo mantali todelomo Belee-U̒, bo tau-tauwalo hideelia tailohia limongolio tuugasi u mopohutu mao̒.
9Wau̒, Eeya Taa Laba-labaalo molanggato, mopo malalumu mai deu̒ tau deli tadiila tiluuna wau taa u diila modungohe ola-U̒, diila mowali tumuwoto ode Belee-U̒. Uito pohupohutu olo ode tau deli tabilu-biluloa̒ tohuungo bangusa lo Isirai̒lu.”
Tau-tauwalo Lewi heilualio lonto huhuloa̒a lo iimamu
10 Eeya lotahuda mai odelaatia, “Wau̒ mamo hukuumani mao̒ tau-tauwalo Lewi tadonggo pee̒-pee̒enta wolo tau-tauwalo Isirai̒lu wewolio, tamalo lolaa ola-U̒ wau helolubo balaahala. 11To delomo Belee-U̒, timongolio bo mowali momaya ola-U̒ odelo kaliyaawani wau tamoo-dahawa hulubangi. Timongolio mowali mongolotao̒ bibii-natangiyalo duo̒lo bake yilalango wau dewo, wau timongolio wajibu u laito momaya to umati. 12Bo kalana timongolio malohutu upacala polubowalo balaahala duo̒lo bangusa lo Isirai̒lu, wau wolo dudelo boito helo aanga bangusa boito ode delomo dusa, yi Wau̒, Eeya Taa Laba-labaalo molanggato, motadia mai deu̒ timongolio musi hukuu-maniyolo. 13Timongolio diilalo mowali momaya ola-U̒ odelo iimamu meaalo modedeta wolo u mantali ode Olau̒, meaalo tumuwotao̒ tambati U Laba-labaalo mantali. Uitolo hukuumani to huhuu-tuwaalo u najisi u mapilohutu limongolio. 14Botia timongolio wohiya-U̒ tuugasi u mohutu mao̒ kalaja bangganga u palalu ponao̒lo to Belee-U̒.”
Mongo iimamu
15 Eeya Taa Laba-labaalo molanggato lotahuda, “Tou̒ bangusa lo Isirai̒lu lololaa mao̒ ola-U̒, mongo iimamu lo Lewi lonto wali mai lei Jadok, debo molotolo hilao hemomaya ola-U̒ to Belee-U̒. Sababu uito timongoliolo tabotia musi momaya ola-U̒ wau mai motaalua wola-U̒ u mopodewo mao̒ tabo wau duhu lo kukuu-lubaniyalo. 16Bo timongolio wambao̒ tamowali tumuwota ode Belee-U̒, momaya ola-U̒ to mesbaa-U̒, wau motitau̒wa ibaadati to Belee-U̒. 17Tou̒ timongolio tumuwoto huhebu hulubangi motidulunga ode palepelo delomio, timongolio musi momake pakeyangi lineni. Diila mowali timongolio momake pakeyangi monto lambuto binatangi u moa̒aluti debo odelo lambuto himba wonu donggo hemotuugasi to palepelo delomio, meaalo todelomo Belee-U̒. 18Alihu diila odungga lopatu wau wulataalo, timongolio musi momake talala lineni diila obintolo wohuta, wau buuhuto lunggongo monto lineni. 19Wonu timongolio monao̒ ode paango bulemengio, tou̒toonu umati hia̒mbua, mongo iimamu boito musi molopata pakeyangi dinasi limongolio to huhuu-waliyaalo mantali todelomo Belee-U̒, lapatao̒ momake pakeyangi uwewo, alihu pakeyangi poheetu boito diila moo̒ topotala to umati.”
20Mongo iimamu diila mowali monguluhe tunggula dayato lunggongi mongolio, meaalo mopoluli huwoi̒o talenga. Huwoa̒a boito musi huntingalo limbu-limbuo̒ modudua̒ wuu̒du u tilantu mao̒. 21Timongolio diila mowali mongilu angguru wonu ohilaa tumuwota ode palepelo delomio.
22Mongo iimamu bo mowali monika wolo mongo dulahu lo Isirai̒lu tadiipo ilodedeta lomongo lolai̒ meaalo ngotaalio lojanda li iimamu. Timongolio diila mowali monika wolo taabua taa bilua̒yalio.
23Mongo iimamu musi mongaajali to umati-U̒ u mopohiihede toonu u poheetu ode Olau̒ wau toonu udiila, toonu ubelesi modudua̒a to agama wau toonu unajisi. 24Wonu tumoodu hulinggila tomimbihu palakala lobutoo̒, timongolio musi mopoo̒ lapatao̒ motuuu̒de wolo bubuu-too̒o-U̒. Timongolio musi moporame potihunggu lo agama, modudua̒a wuu̒du wau butoo̒o-U̒, wau mohulumati Saabati odelo dulahu u poheetu ode Olau̒.
25Ngotaalio li iimamu diila mowali moponajisi batanga lou̒ modedeta milate, ngopohia milate lomongo dulaa̒alio, walai̒o, wutatio talolai̒ meaalo wutatio taabua tadiipo lonika. 26Lapatao̒ tio muli mobelesi mao̒, tio musi muli mohima pituhui mola, 27lapatao̒ monao̒ ode palepelo delomio lo Belee-U̒, wau mopodewo bake u mopobelesi batangalio alihu tio mowali motuugasi poli to Belee-U̒. Wau̒, Eeya Taa Laba-labaalo molanggato malo tahuda mai.
28Mongo iimamu mololimo huhuloaa̒ iimamu boito odelo bagiaangi limongolio lou̒ wolo uiludu-U̒ ode bangusa lo Isirai̒lu wawaalia mola. Timongolio diila mowali ohaku wolo-wolo to Isirai̒lu: Wau̒ulo halata limongolio. 29Timongolio musi tumumula monto dewo lopale, bake polulutalo dusa, wau bake poluloo̒ uiluhi; wau totoonulalo u hitua-tuawua u mapilo tolomodu ode Olau̒, musi wohi mao̒ ode limongolio. 30Mongo iimamu musi wohiyalo tayade u mopiohe daa̒ monto totoonulalo tilapulo sembo u hidala-dalaala u bohulio, wau monto wolo wambai̒o u pilodewo mai ode Olau̒. Timii̒du bangusa lo Isirai̒lu mohutu mao̒ roti, yi roti ubohulio yito duo̒lo mongo iimamu. Yi Wau̒ mamo balakati bebee-leyaalo bangusa lo Isirai̒lu. 31Bulungi wau bibii-natangiyalo wewo u yilate lohihilao, meaala u dilangapo binatangi mongantau, diila mowali aalo lomongo iimamu.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ