YEHESKIEL 34
34
Mongo diiti lo Isirai̒lu
1 Eeya lotahuda mai odelaatia, 2“Wuu manusia panaa, dinia wolo moo̒ohuu̒ mongo olongia lo Isirai̒lu, wau potunggula mota wolo u Wau̒, Eeya Taa Laba-labaalo molanggato lotahuda mai ode limongolio, ‘Matopotala timongoli, wuu mongo diiti lo Isirai̒lu. Timongoli bo hemo mikiilangi polohuna daa̒ lo batangamu lohihilao, diila polohuna daa̒ lo hihii-mbaamu. 3Susuulio yilulumi mongoli, lalaambutio pilohutu limongoli pakeyangi, wau himba u molingohe daa̒ iloloti mongoli wau pilotamelo. Timongoli diila pee̒enta mao̒ helo nguulusi hihii-mbaamu. 4Hihii-mbaawaalo u molulupuhu diila tilaala limongoli, u mongongoto diila yilunemi mongoli, u pilalia diila pilolobani limongoli, u yilooli wau yilapalo diila yilolohi mongoli wau muli deloolo. Tumbao̒ ngoa̒amila himbaamu boito hepilohutu limongoli wolo palangi. 5Sababu diila o diiti, hihii-mbawaalo boito lobubuu-ayaawa wau lowali mangusa lo binatangi mongantau. 6Yi hihiimbaa-U̒ lowali lonao̒ ode utoonulalo mao̒ to huhuu-luduwaalo u molanggato wau to huhuu-ideyaalo. Timongolio lololadu ode ngoilanggubu dunia, diaaluo penu boli ngotaa mao̒ talo poo̒tuoto wau helo lolohe olimongolio.
7Naa, mongo diiti, dungohiilo wolo u Wau̒ Eeya Taa Laba-labaalo molanggato motahuda ode limongoli: 8Domi Wau̒, Allahu Taa̒ala tatumu-tumulo, poo̒tuotilo! Hihiimbaa-U̒ madilangapo wau iliilaa lo binatangi mongantau, sababu diaaluo tamo himbala mao̒ olimongolio. Timongoli mongo diiti-U̒ diila momandungi hihii-mbaawaalo boito. Timongoli bo hemo mikiilangi batangamu lohihilao, diila polohuna daa̒ ode hihii-mbaamu. 9Oditolio, dungohiilo wuu mongo diiti, 10Wau̒, Eeya Taa Laba-labaalo molanggato motahuda mai ode olemu, deu̒ Wau̒ botie musuumu. Hihiimbaa-U̒ boito mamuli hamaa-U̒ monto olemu wau diilalo pomalacayaa-U̒ olimongoli; timongoli diilalo poluasiyo-U̒ momikiilangi mola polohuna daa̒ lo batangamu lohihilao. Hihiimbaa-U̒ mapoa̒ahuwo-U̒ monto olimongoli tilinggula timongolio diilalo mowali ua̒alo limongoli.’ ”
Diiti tamopiohu
11 Eeya Taa Laba-labaalo molanggato lotahuda mai, “Wau̒ lohihilao mamololohe hihiimbaa-U̒ wau molaala olimongolio, 12debo odelo ngotaalio lodiiti mololohe wau mohimoa̒ hihii-mbaalio u lobubuu-ayaawa tulusi lolaalaao̒ olimongolio. Timongolio madeloo-U̒ mohualingo monto totoonulalo tambati iloololade limongolio to dulahee u modio̒lomo wau marapo boito. 13Timongolio malualo-U̒ monto hungo lo babaa-ngusawalo wau lilii-puwaalo deli, lapatao̒ ambuwo-U̒ wau deloo-U̒ ode lipulio lohihilao. Timongolio mahimbala-U̒ to huhuu-ideyaalo wau to luluu-mbayaalo Isirai̒lu wau deloo-U̒ timongolio ode huhuu-tawaalo luasi u dadaata hitumula huo̒oyoto u nyaamani. 14Otutu, Wau̒ mamopohetu ode limongolio huhuu-tawaalo luasi u dadaata hitumula huo̒yoto u molomiodu to hihui̒-hui̒dea wau to luluu-mbayaalo huta lo Isirai̒lu. Mola teto mamohuheli wau mongaa huo̒yoto wolo aamani. 15Wau̒ lohihilao mamowali diiti lo hihiimbaa-U̒ wau mopohetu tambati pohuhelia ode limongolio; Wau̒, Eeya Taa Laba-labaalo molanggato malo tahuda mai.
16U mooli malolohu-U̒, u yilapalo madeloo-U̒ mohualingo, u pilalio mapolo baniyo-U̒, u mongongoto mawunemo-U̒, bo u molingohu wau molotolo mapo binasa-U̒, sababu Wau̒ diiti tamohutu mai wolo u mopiohu.
17Dungohiilo, wuu hihiimbaa-U̒! Wau̒, Eeya Taa Laba-labaalo molanggato motahuda mai ode olemu deu̒ Wau̒ mamomutoa̒i olimongoli ngota-ngota wau mopowalahu u mopiohu monto u moleeto hihii-mbawaalo monto babaa-tadeyaalo. 18To wolota limongoli woluo tadiila ilolulia lohilao bo wolo mopoo̒ pulitoa̒ huo̒yoto u mopiohe daa̒, bo olo molumbe-lumbetaa̒ao̒ huo̒yoto u diila iliilaa limongolio! Timongolio hipongiluma taluhee moolango lapatao̒ mopoliliu̒lo u diila yiliilu limongolio! 19Hihiimbaa-U̒ uwewo musi mongaa huo̒yoto u mailu-yilumbetao̒ wau mongilu taluhu u mapilopo liliu̒lo.
20Sababu uito, Wau̒, Eeya Taa Laba-labaalo molanggato motahuda mai ode olemu, wuu hihii-mbaawaalo u molingohu, deu̒ Wau̒ mamei dungga mowali butoo̒ towolota lohimba u molotolo wau himba u molulupuhu. 21Timongoli hemo huhuuntula wau hemolunge himba u mongongoto tilinggula timongolio ilolanenga monto himbala himba. 22Bo Wau̒ lohihilao mamopoa̒ahu hihiimbaa-U̒ alihu timongolio diilalo pohutuolio wolo palangi. Wau̒ mamomutoo̒ hihiimbaa-U̒ tuwau-tuwau wau mopowalahe u mopiohu monto u moleeto. 23Wau̒ mamomuduo̒ ngotaalio li olongia tadebo odelo wato-U̒ tei Dauda, u mowali tuwa-tuwaulo diiti limongolio, wau tio mamolaalaao̒ olimongolio. 24Wau̒, Eeya, mamowali Allahu Taa̒ala limongolio, wau olongia tadebo odelo wato-U̒ tei Dauda boito mamowali tamoo-ngawasa olimongolio. Wau̒ Eeya malo tahuda mai. 25Wau̒ mamohutu mai daantia woli mongolio, u mopongaku oa̒amani limongolio. Wau̒ mamolanenga ngoa̒amila binatangi mongantau monto ngoilanggubu lipu, tilinggula hihiimbaa-U̒ mowali motibiluloa̒ wolo aamani to huhuu-tawaalo u luasi wau motiluu̒to to oa̒a-oa̒ayuwalo.
26Wau̒ mamo balakati mai olimongolio wau mopoluasi olimongolio motibiluloa̒ to palito huludu-U̒ u mantali. Timongolio mawohiya-U̒ didi wonu timongolio momalalu mao̒. 27Bubuu-ngowaalo ayu mamobolio̒, hahaa-laaboluwalo mamongohi tilapulo, wau ngoa̒amila tau mamo tibiluloa̒ wolo aamani to hutalio lohihilao. Wonu rante pomungu lo umati-U̒ mabilunto-U̒ wau timongolio mailopato-U̒ lonto tau-tauwalo tahelo powato olimongolio, yi mao̒taawa mao̒ limongolio deu̒ Wau̒ulo Eeya. 28Timongolio diilalo lambato lo babaa-ngusawalo tadiila motota ola-U̒, meaambo dangapo lo bibii-natangiyalo mongantau. Timongolio matumumulo wolo moa̒ahu, wau diaaluo penu boli ngotaa mao̒ mamohutu olimongolio muli moohe. 29Wau̒ mamopo lomiodei hahaa-laaboluwalo limongolio tilinggula diduu̒ maasa lo polobiti tolipu boito. Timongolio diilalo hinaalio lo babaa-ngusawalo wewo. 30Yi mao̒taawa mao̒ lotaa ngoa̒amila deu̒ yito Isirai̒lu umati-U̒ wau deu̒ Wau̒ moduo̒lai olio. Wau̒, Eeya Taa Laba-labaalo molanggato malo tahuda mai.
31Otutu, timongolilo himbala lo himbaa-U̒ tailohiya-U̒ ua̒alo. Timongoli yito umati-U̒, wau Wau̒ Allahu Taa̒ala limongoli. Wau̒, Eeya Taa Laba-labaalo molanggato malo tahuda mai.”
လက္ရွိေရြးခ်ယ္ထားမွု
YEHESKIEL 34: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
YEHESKIEL 34
34
Mongo diiti lo Isirai̒lu
1 Eeya lotahuda mai odelaatia, 2“Wuu manusia panaa, dinia wolo moo̒ohuu̒ mongo olongia lo Isirai̒lu, wau potunggula mota wolo u Wau̒, Eeya Taa Laba-labaalo molanggato lotahuda mai ode limongolio, ‘Matopotala timongoli, wuu mongo diiti lo Isirai̒lu. Timongoli bo hemo mikiilangi polohuna daa̒ lo batangamu lohihilao, diila polohuna daa̒ lo hihii-mbaamu. 3Susuulio yilulumi mongoli, lalaambutio pilohutu limongoli pakeyangi, wau himba u molingohe daa̒ iloloti mongoli wau pilotamelo. Timongoli diila pee̒enta mao̒ helo nguulusi hihii-mbaamu. 4Hihii-mbaawaalo u molulupuhu diila tilaala limongoli, u mongongoto diila yilunemi mongoli, u pilalia diila pilolobani limongoli, u yilooli wau yilapalo diila yilolohi mongoli wau muli deloolo. Tumbao̒ ngoa̒amila himbaamu boito hepilohutu limongoli wolo palangi. 5Sababu diila o diiti, hihii-mbawaalo boito lobubuu-ayaawa wau lowali mangusa lo binatangi mongantau. 6Yi hihiimbaa-U̒ lowali lonao̒ ode utoonulalo mao̒ to huhuu-luduwaalo u molanggato wau to huhuu-ideyaalo. Timongolio lololadu ode ngoilanggubu dunia, diaaluo penu boli ngotaa mao̒ talo poo̒tuoto wau helo lolohe olimongolio.
7Naa, mongo diiti, dungohiilo wolo u Wau̒ Eeya Taa Laba-labaalo molanggato motahuda ode limongoli: 8Domi Wau̒, Allahu Taa̒ala tatumu-tumulo, poo̒tuotilo! Hihiimbaa-U̒ madilangapo wau iliilaa lo binatangi mongantau, sababu diaaluo tamo himbala mao̒ olimongolio. Timongoli mongo diiti-U̒ diila momandungi hihii-mbaawaalo boito. Timongoli bo hemo mikiilangi batangamu lohihilao, diila polohuna daa̒ ode hihii-mbaamu. 9Oditolio, dungohiilo wuu mongo diiti, 10Wau̒, Eeya Taa Laba-labaalo molanggato motahuda mai ode olemu, deu̒ Wau̒ botie musuumu. Hihiimbaa-U̒ boito mamuli hamaa-U̒ monto olemu wau diilalo pomalacayaa-U̒ olimongoli; timongoli diilalo poluasiyo-U̒ momikiilangi mola polohuna daa̒ lo batangamu lohihilao. Hihiimbaa-U̒ mapoa̒ahuwo-U̒ monto olimongoli tilinggula timongolio diilalo mowali ua̒alo limongoli.’ ”
Diiti tamopiohu
11 Eeya Taa Laba-labaalo molanggato lotahuda mai, “Wau̒ lohihilao mamololohe hihiimbaa-U̒ wau molaala olimongolio, 12debo odelo ngotaalio lodiiti mololohe wau mohimoa̒ hihii-mbaalio u lobubuu-ayaawa tulusi lolaalaao̒ olimongolio. Timongolio madeloo-U̒ mohualingo monto totoonulalo tambati iloololade limongolio to dulahee u modio̒lomo wau marapo boito. 13Timongolio malualo-U̒ monto hungo lo babaa-ngusawalo wau lilii-puwaalo deli, lapatao̒ ambuwo-U̒ wau deloo-U̒ ode lipulio lohihilao. Timongolio mahimbala-U̒ to huhuu-ideyaalo wau to luluu-mbayaalo Isirai̒lu wau deloo-U̒ timongolio ode huhuu-tawaalo luasi u dadaata hitumula huo̒oyoto u nyaamani. 14Otutu, Wau̒ mamopohetu ode limongolio huhuu-tawaalo luasi u dadaata hitumula huo̒yoto u molomiodu to hihui̒-hui̒dea wau to luluu-mbayaalo huta lo Isirai̒lu. Mola teto mamohuheli wau mongaa huo̒yoto wolo aamani. 15Wau̒ lohihilao mamowali diiti lo hihiimbaa-U̒ wau mopohetu tambati pohuhelia ode limongolio; Wau̒, Eeya Taa Laba-labaalo molanggato malo tahuda mai.
16U mooli malolohu-U̒, u yilapalo madeloo-U̒ mohualingo, u pilalio mapolo baniyo-U̒, u mongongoto mawunemo-U̒, bo u molingohu wau molotolo mapo binasa-U̒, sababu Wau̒ diiti tamohutu mai wolo u mopiohu.
17Dungohiilo, wuu hihiimbaa-U̒! Wau̒, Eeya Taa Laba-labaalo molanggato motahuda mai ode olemu deu̒ Wau̒ mamomutoa̒i olimongoli ngota-ngota wau mopowalahu u mopiohu monto u moleeto hihii-mbawaalo monto babaa-tadeyaalo. 18To wolota limongoli woluo tadiila ilolulia lohilao bo wolo mopoo̒ pulitoa̒ huo̒yoto u mopiohe daa̒, bo olo molumbe-lumbetaa̒ao̒ huo̒yoto u diila iliilaa limongolio! Timongolio hipongiluma taluhee moolango lapatao̒ mopoliliu̒lo u diila yiliilu limongolio! 19Hihiimbaa-U̒ uwewo musi mongaa huo̒yoto u mailu-yilumbetao̒ wau mongilu taluhu u mapilopo liliu̒lo.
20Sababu uito, Wau̒, Eeya Taa Laba-labaalo molanggato motahuda mai ode olemu, wuu hihii-mbaawaalo u molingohu, deu̒ Wau̒ mamei dungga mowali butoo̒ towolota lohimba u molotolo wau himba u molulupuhu. 21Timongoli hemo huhuuntula wau hemolunge himba u mongongoto tilinggula timongolio ilolanenga monto himbala himba. 22Bo Wau̒ lohihilao mamopoa̒ahu hihiimbaa-U̒ alihu timongolio diilalo pohutuolio wolo palangi. Wau̒ mamomutoo̒ hihiimbaa-U̒ tuwau-tuwau wau mopowalahe u mopiohu monto u moleeto. 23Wau̒ mamomuduo̒ ngotaalio li olongia tadebo odelo wato-U̒ tei Dauda, u mowali tuwa-tuwaulo diiti limongolio, wau tio mamolaalaao̒ olimongolio. 24Wau̒, Eeya, mamowali Allahu Taa̒ala limongolio, wau olongia tadebo odelo wato-U̒ tei Dauda boito mamowali tamoo-ngawasa olimongolio. Wau̒ Eeya malo tahuda mai. 25Wau̒ mamohutu mai daantia woli mongolio, u mopongaku oa̒amani limongolio. Wau̒ mamolanenga ngoa̒amila binatangi mongantau monto ngoilanggubu lipu, tilinggula hihiimbaa-U̒ mowali motibiluloa̒ wolo aamani to huhuu-tawaalo u luasi wau motiluu̒to to oa̒a-oa̒ayuwalo.
26Wau̒ mamo balakati mai olimongolio wau mopoluasi olimongolio motibiluloa̒ to palito huludu-U̒ u mantali. Timongolio mawohiya-U̒ didi wonu timongolio momalalu mao̒. 27Bubuu-ngowaalo ayu mamobolio̒, hahaa-laaboluwalo mamongohi tilapulo, wau ngoa̒amila tau mamo tibiluloa̒ wolo aamani to hutalio lohihilao. Wonu rante pomungu lo umati-U̒ mabilunto-U̒ wau timongolio mailopato-U̒ lonto tau-tauwalo tahelo powato olimongolio, yi mao̒taawa mao̒ limongolio deu̒ Wau̒ulo Eeya. 28Timongolio diilalo lambato lo babaa-ngusawalo tadiila motota ola-U̒, meaambo dangapo lo bibii-natangiyalo mongantau. Timongolio matumumulo wolo moa̒ahu, wau diaaluo penu boli ngotaa mao̒ mamohutu olimongolio muli moohe. 29Wau̒ mamopo lomiodei hahaa-laaboluwalo limongolio tilinggula diduu̒ maasa lo polobiti tolipu boito. Timongolio diilalo hinaalio lo babaa-ngusawalo wewo. 30Yi mao̒taawa mao̒ lotaa ngoa̒amila deu̒ yito Isirai̒lu umati-U̒ wau deu̒ Wau̒ moduo̒lai olio. Wau̒, Eeya Taa Laba-labaalo molanggato malo tahuda mai.
31Otutu, timongolilo himbala lo himbaa-U̒ tailohiya-U̒ ua̒alo. Timongoli yito umati-U̒, wau Wau̒ Allahu Taa̒ala limongoli. Wau̒, Eeya Taa Laba-labaalo molanggato malo tahuda mai.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ