YEHESKIEL 17
17
Pohumaya pasli bungo angguru wau bubuu-lungiyalo rajawali
1 Eeya lotahuda mai odelaatia, 2“Wuu manusia panaa, wunggulia mao̒ ode tau-tauwalo Isirai̒lu pohumaya, 3u Wau̒, Eeya Taa Laba-labaalo molanggato ohilaa mopo tunggulai ode limongolio: Woluo bulungi rajawali tuwau u olai gaaga wau opolipio̒ motanggalo boli motoheeto. Tio tilumomboto mola ode hui̒dee Libanon, wau lomoli huudu bungo lo ayu woohu, 4lapatao̒ lodelo wau lopodutu tokota daahangi u rame. 5Lapatao̒ hilamalio ngobatango pilomulo u donggo muda lonto huta lo Isirai̒lu, wau pilomulolio to halabolu molomiodu, u diila pee̒enta mao̒ ii̒ilangi taluhio. 6Pilomulo boito lowali bungo lo angguru u lobutu moopa bo ilumalapo luasi. Tataa-ngoolio talutalu ode rajawali boito, wau wawaa-aatowalo lanto-lantonga motoheeto todelomo huta. Bungo lo angguru boito mohimbunga daa̒.
7Tou̒ boito donggo woluo bulungi rajawali rakisasa uwewo; polipii̒o motanggalo wau lailio mohulodu. Lapatao̒ bungo lo angguru lopotalu wawaa-aatowalo wau tataa-ngoolio ode bulungi rajawali u bohu boito wolo halapani alihu bulungi boito mohuto mongohi olio lebe dadaata mao̒ taluhu wolo uwoluo tohalabolu boito. 8Lebe-lebe pomao̒ bungo lo angguru boito malei pomuulo tohuta u molomiodu wolo taluhu u dadaata daa̒, tilinggula tio lowali oduungo mohimbungo, o hungo polodu, wau lowali bungo lo angguru u mopiohu.
9Yi, Wau̒, Eeya Taa Laba-labaalo molanggato, mohintu: Tingga mowali bungo lo angguru boito tumumulo wau manggango? Diila mabuulungi rajawali u bohulo mamo monggata olio wolo wawaaa̒tio, moheehu hungolio, momoli tataa-ngoolio wau mopoluli olio mololante? Wolo diila palaluwolo dadaata lotolo meaambo bangusa tamolotolo boli buheli daa̒ u momonggata bungo boito demola wawaaa̒tio. 10Memangi tio malei pomuulo motoheeto, bo tingga mowali tio mobutu mola tulusi meaambo manggango? Wolo tio diila mololante wonu hiipa lodupoto Tiimuru? Wolo tio diila tamohengu to tambati pilomuloa olio?”
Tombaango monto pohumaya boito
11 Eeya lotahuda mai odelaatia, 12“Yintua mao̒ to tahipo malakalawa boito, wolo timongolio mongalati boli lo pohumaya boito. Potunggula mao̒ olimongolio deu̒ olongia lo Babel malonao̒ mai ode Yerusalemu, wau helo mintaa̒a oli olongia lo Yehuda wau taduduulaa̒ lokota boito ode Babel. 13Lapatao̒ tio lolulaoto tala ngota ngaalaa̒ li olongia lo Yehuda boito, wau lohutu daantia wolio, wau lopoa̒hu olio lotadia tatapu wau molotolo hilao to olio. Ti olongia lo Babel boito lolawaalo tau-tauwalo tapolo huna daa̒, 14alihu yilaidia lo Yehuda boito diila tamuli mobongu mai, wau u momanta deu̒ daantia boito tio̒otutua eelaalo. 15Bo ti olongia lo Yehuda helo malakala wau lolao utolia ode Masiri u moo̒tapu mai wadala wau suludadu u dadaata. Wolo tio mamoo̒tapu mai? Wolo tio mapoluliilio molopato? Diila pongalo aakali tio momaahe daantia lou̒ diila dehualio hukuumani!
16Domi Wau̒, Allahu Taa̒ala tatumu-tumulo, Eeya Taa Laba-labaalo molanggato, ti olongia lo Yehuda maamate to Babel, sababu tio malomaahe tadialio wau lolambanga daantialio woli olongia lo Babel tamalo pohuloa̒a olio toitaato tambati huhuloa̒ li olongia. 17Tumbao̒ pasuukani suludadu lo Masiri tapolu-polutuo̒ boito, diila mambo lomantu olio lonto luhu tau-tauwalo Babel tahe lohutu huhuu-ntuwaalo lohuta wau longau̒de aa̒a-liyaalo u momate-mateelo mao̒ taa dadaata. 18Sababu tio malo lambanga tadia wau daantialio, tio diila tamoo̒ polahi batanga.
19Domi Wau̒, Allahu Taa̒ala tatumu-tumulo, Eeya Taa Laba-labaalo molanggato, ti olongia lo Yehuda mahukuu-maniyo-U̒ sababu malo lambanga daantialio woli olongia lo Babel, lebe-lebe pomao̒ tio malo tadia to tanggulu-U̒ u moe̒elao̒. 20Wau̒ mamomua̒de pajala u moheu̒upa olio. Tio madeloo-U̒ ode Babel wau hukuu-maniyo-U̒ mola teto, sababu tio diila tatapu wau molotolo hilao to Olau̒. 21Suludadulio talaba-labaalo mopiohe maamate todelomo popaatea, hiambola tamoo̒lahi mamo bubuua̒yaawa ode totoonulalo tutulio. Yi mao̒taawa mao̒ lo umati-U̒ deu̒ Wau̒, Eeya malo tahuda mai.”
Allahu Taa̒ala lodanti mai halapani
22Utieelo u pilotahuda mai lo Eeya Taa Laba-labaalo molanggato,
“Monto bungo lo ayu woohu u molanggato, matipuwo-U̒ duungio muda tohudu walao̒ tango
lapatao̒ boliyo-U̒ tangolio tuwau u muda;
Pomulo-U̒ tango boito to hui̒dee upanto-pantongo ode heengo.
23To hui̒dee pulito langgato to Isirai̒lu, tio potamoo̒o-U̒.
Mola teeto tio mamo tumbingai, wau mongohi hungo,
lapatao̒ mowali bungo lo ayu woohu u oontonga moo̒heelani.
Totoonulalo binatangi opolipio̒ u hidala-dalaala mamoti beelea to delomio
wau motiwolungo towalungo lo wolungio.
24Ngoa̒aa̒miia bungo lo ayu tolipu mapaahamu
deu̒ Wau̒ulo Eeya.
Bungo lo ayu u molanggato luwodu-U̒;
bungo lo ayu u moopa pohutuwo-U̒ mobutu mola panto-pantongo.
Bungo lo ayu u seehati powaliyo-U̒ mohengu-henguulo mao̒;
wau bungo lo ayu u mohengu wohiya-U̒ tumbingo wau bunga.
Wau̒, Eeya, malo tahuda, totoonulalo tahudaa-U̒ mamomata mai.”
လက္ရွိေရြးခ်ယ္ထားမွု
YEHESKIEL 17: LAIGOR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
YEHESKIEL 17
17
Pohumaya pasli bungo angguru wau bubuu-lungiyalo rajawali
1 Eeya lotahuda mai odelaatia, 2“Wuu manusia panaa, wunggulia mao̒ ode tau-tauwalo Isirai̒lu pohumaya, 3u Wau̒, Eeya Taa Laba-labaalo molanggato ohilaa mopo tunggulai ode limongolio: Woluo bulungi rajawali tuwau u olai gaaga wau opolipio̒ motanggalo boli motoheeto. Tio tilumomboto mola ode hui̒dee Libanon, wau lomoli huudu bungo lo ayu woohu, 4lapatao̒ lodelo wau lopodutu tokota daahangi u rame. 5Lapatao̒ hilamalio ngobatango pilomulo u donggo muda lonto huta lo Isirai̒lu, wau pilomulolio to halabolu molomiodu, u diila pee̒enta mao̒ ii̒ilangi taluhio. 6Pilomulo boito lowali bungo lo angguru u lobutu moopa bo ilumalapo luasi. Tataa-ngoolio talutalu ode rajawali boito, wau wawaa-aatowalo lanto-lantonga motoheeto todelomo huta. Bungo lo angguru boito mohimbunga daa̒.
7Tou̒ boito donggo woluo bulungi rajawali rakisasa uwewo; polipii̒o motanggalo wau lailio mohulodu. Lapatao̒ bungo lo angguru lopotalu wawaa-aatowalo wau tataa-ngoolio ode bulungi rajawali u bohu boito wolo halapani alihu bulungi boito mohuto mongohi olio lebe dadaata mao̒ taluhu wolo uwoluo tohalabolu boito. 8Lebe-lebe pomao̒ bungo lo angguru boito malei pomuulo tohuta u molomiodu wolo taluhu u dadaata daa̒, tilinggula tio lowali oduungo mohimbungo, o hungo polodu, wau lowali bungo lo angguru u mopiohu.
9Yi, Wau̒, Eeya Taa Laba-labaalo molanggato, mohintu: Tingga mowali bungo lo angguru boito tumumulo wau manggango? Diila mabuulungi rajawali u bohulo mamo monggata olio wolo wawaaa̒tio, moheehu hungolio, momoli tataa-ngoolio wau mopoluli olio mololante? Wolo diila palaluwolo dadaata lotolo meaambo bangusa tamolotolo boli buheli daa̒ u momonggata bungo boito demola wawaaa̒tio. 10Memangi tio malei pomuulo motoheeto, bo tingga mowali tio mobutu mola tulusi meaambo manggango? Wolo tio diila mololante wonu hiipa lodupoto Tiimuru? Wolo tio diila tamohengu to tambati pilomuloa olio?”
Tombaango monto pohumaya boito
11 Eeya lotahuda mai odelaatia, 12“Yintua mao̒ to tahipo malakalawa boito, wolo timongolio mongalati boli lo pohumaya boito. Potunggula mao̒ olimongolio deu̒ olongia lo Babel malonao̒ mai ode Yerusalemu, wau helo mintaa̒a oli olongia lo Yehuda wau taduduulaa̒ lokota boito ode Babel. 13Lapatao̒ tio lolulaoto tala ngota ngaalaa̒ li olongia lo Yehuda boito, wau lohutu daantia wolio, wau lopoa̒hu olio lotadia tatapu wau molotolo hilao to olio. Ti olongia lo Babel boito lolawaalo tau-tauwalo tapolo huna daa̒, 14alihu yilaidia lo Yehuda boito diila tamuli mobongu mai, wau u momanta deu̒ daantia boito tio̒otutua eelaalo. 15Bo ti olongia lo Yehuda helo malakala wau lolao utolia ode Masiri u moo̒tapu mai wadala wau suludadu u dadaata. Wolo tio mamoo̒tapu mai? Wolo tio mapoluliilio molopato? Diila pongalo aakali tio momaahe daantia lou̒ diila dehualio hukuumani!
16Domi Wau̒, Allahu Taa̒ala tatumu-tumulo, Eeya Taa Laba-labaalo molanggato, ti olongia lo Yehuda maamate to Babel, sababu tio malomaahe tadialio wau lolambanga daantialio woli olongia lo Babel tamalo pohuloa̒a olio toitaato tambati huhuloa̒ li olongia. 17Tumbao̒ pasuukani suludadu lo Masiri tapolu-polutuo̒ boito, diila mambo lomantu olio lonto luhu tau-tauwalo Babel tahe lohutu huhuu-ntuwaalo lohuta wau longau̒de aa̒a-liyaalo u momate-mateelo mao̒ taa dadaata. 18Sababu tio malo lambanga tadia wau daantialio, tio diila tamoo̒ polahi batanga.
19Domi Wau̒, Allahu Taa̒ala tatumu-tumulo, Eeya Taa Laba-labaalo molanggato, ti olongia lo Yehuda mahukuu-maniyo-U̒ sababu malo lambanga daantialio woli olongia lo Babel, lebe-lebe pomao̒ tio malo tadia to tanggulu-U̒ u moe̒elao̒. 20Wau̒ mamomua̒de pajala u moheu̒upa olio. Tio madeloo-U̒ ode Babel wau hukuu-maniyo-U̒ mola teto, sababu tio diila tatapu wau molotolo hilao to Olau̒. 21Suludadulio talaba-labaalo mopiohe maamate todelomo popaatea, hiambola tamoo̒lahi mamo bubuua̒yaawa ode totoonulalo tutulio. Yi mao̒taawa mao̒ lo umati-U̒ deu̒ Wau̒, Eeya malo tahuda mai.”
Allahu Taa̒ala lodanti mai halapani
22Utieelo u pilotahuda mai lo Eeya Taa Laba-labaalo molanggato,
“Monto bungo lo ayu woohu u molanggato, matipuwo-U̒ duungio muda tohudu walao̒ tango
lapatao̒ boliyo-U̒ tangolio tuwau u muda;
Pomulo-U̒ tango boito to hui̒dee upanto-pantongo ode heengo.
23To hui̒dee pulito langgato to Isirai̒lu, tio potamoo̒o-U̒.
Mola teeto tio mamo tumbingai, wau mongohi hungo,
lapatao̒ mowali bungo lo ayu woohu u oontonga moo̒heelani.
Totoonulalo binatangi opolipio̒ u hidala-dalaala mamoti beelea to delomio
wau motiwolungo towalungo lo wolungio.
24Ngoa̒aa̒miia bungo lo ayu tolipu mapaahamu
deu̒ Wau̒ulo Eeya.
Bungo lo ayu u molanggato luwodu-U̒;
bungo lo ayu u moopa pohutuwo-U̒ mobutu mola panto-pantongo.
Bungo lo ayu u seehati powaliyo-U̒ mohengu-henguulo mao̒;
wau bungo lo ayu u mohengu wohiya-U̒ tumbingo wau bunga.
Wau̒, Eeya, malo tahuda, totoonulalo tahudaa-U̒ mamomata mai.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ