Génesis 40
40
José amana bu kidika lāih yakwi yulna
1Adika usnit kat, king yakat wain utuhwi kalawa muihni, dawak bik plawar busyang dai kidika, daninawan yakat dutni kalyuyulna, Egipto kingni yakat. 2Fero, king kidika, adika dini yamyang balna niningna yakat kulnin daukalna, sutak kau wain utuhwi ilyang tunan muihni yakat, dawak plawar bubuswa tunan muihni yakat, 3dawak kalbauyang balna tunanina ūni yakat sihwak silak āna, kat kidika yakat silak ūni kidika sakdai bahang. Sihm kidika pāni yakat José kidika silak kau tusdai. 4Kalbauyang balna taninatuna kidika yaklauwi José tingni yakat danadai kabamint warkni yamyang muihni balna bu kidika, bahang witingna laih ma mahni silak yakat bangdai.
5Pukta as kat silak muihni balna bu kidika, sutak kau wain utuhyang dawak plawar busyang kidika balna amana tatalna, dawak amana tatalna kidika laih tannika duwadai. 6Mapiris José kaiwi ditalwak, witingna uba kulninna bukna dai; 7dawak diyulwi dakana:
—¿Ampat dawak manna muhmana dutni dutamanah?
8—Amana talnayangna kaunah muih as bik diski tanka lāih yakwi yanayulnin kidika —witingna kaput yuyulwadai.
—¿Papang yaklauwi kidika tanka balna lāih yakwi yulwaskatpah? —José yaklauwi kaput yulwi dakana—. Yayultanauh manna amana talnamana kidika.
9Kaput laih sutak kau wain utuhyang amana talna dai kidika kalyulna José yakat aput:
—Amana kau wain pana as talnayang, 10tingni rahni bās duwadai. Wain panan kidika udungwi kalahna dawak bik puluna, dawak puluni balna kidika wain minik upuna lalahna kakalna. 11Dawak yang tingki yakat dutasakyang dai Fero sunitak kidika, dawak wain minik kidika dutik tingki kau kataknayang sutak pasyak. Usnit kat yang lawik sunitak kidika Fero tingni yakat ānayang.
12Dawak José yaklauwi kalyulna:
—Man amana talnaman kidika laih aput ki: tingni rahni bās dai kidika laih ma bās ki, 13dawak ma bās kat man yulma kidika Fero laihwi talwarang ki, dawak watwi warkma yakat mahawarang ki, dawak man lawa fero yakat sunitak kidika kalama, muhnilau yamtaman dai kapat. 14Adika kalahwarang kat, yang akat yakulta-awama, dawak plisma yang yulki kalyulma fero yakat, adika pāni kaupak yāyaknin yulni. ¡Yang kat mikun yatalah! 15Yang adika hibru balna saunina kaupak yamamalna, yang silak yakat sak-atnik kidika laih yang diki awaski, kat yang laih di as bik dutni yamtasyang bahang.
16Plawar busyang taninatuna kidika witing talwak José yaklauwi tanka balna kidika lāih yakwi kalawak, kalyulna:
—Yang nikingkauh laih talnayang tunaki yakat uslun binina bās plawar busna kidika dutalikyang dai. 17Uslun bin makau kidika laih pastel satni balna yamna kat puna dai fero dini, kaunah tunaki kau sakkidika uhu binina aiwi uhukna.
18Kaput laih José yaklauwi biriwi nangnitlana:
—Man amana talnaman kidika laih aput ki: uslun binina bās kidika laih ma bās ki, 19dawak ma bās pasyakat man yulma kidika Fero yaklauwi laihwi talwarang ki, dawak witing yaklauwi pakwak pan yakat masitwi mamurilna karang, dawak man muihma kidika laih kusma balna kakaswarang.
20Ma bās laihwakat fero witing batahndana mani dai, bahang alasna nuhni yamna kabamint warkni yamyang tunan muihni balna karak. Muih yulwak uina balna muhnina tani yakat king sunitak yakat wain utuhyang tanituna dai kidika dawak plawar busyang balna tanituna dai kidika bik yakwi duwi kiuna. 21Dawak wain utuhyang dai kidika watwi warkni kalana, dawak witing yaklauwi Fero yakat sunitak kidika kalana, muhnilau dai kapat; 22kaunah plawar busyang balna tanituna dai kidika laih sihwak pan yakat sitwi murihilna, José yaklauwi kalyulwa dai kaput. 23Kaput kaunah king sunitak laihyang dai kidika watwi José yakat kulwas dinitkahna dai.
လက္ရွိေရြးခ်ယ္ထားမွု
Génesis 40: SUMU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia Sumo
Texto © Sociedad Bíblica de Nicaragua 1998
Génesis 40
40
José amana bu kidika lāih yakwi yulna
1Adika usnit kat, king yakat wain utuhwi kalawa muihni, dawak bik plawar busyang dai kidika, daninawan yakat dutni kalyuyulna, Egipto kingni yakat. 2Fero, king kidika, adika dini yamyang balna niningna yakat kulnin daukalna, sutak kau wain utuhwi ilyang tunan muihni yakat, dawak plawar bubuswa tunan muihni yakat, 3dawak kalbauyang balna tunanina ūni yakat sihwak silak āna, kat kidika yakat silak ūni kidika sakdai bahang. Sihm kidika pāni yakat José kidika silak kau tusdai. 4Kalbauyang balna taninatuna kidika yaklauwi José tingni yakat danadai kabamint warkni yamyang muihni balna bu kidika, bahang witingna laih ma mahni silak yakat bangdai.
5Pukta as kat silak muihni balna bu kidika, sutak kau wain utuhyang dawak plawar busyang kidika balna amana tatalna, dawak amana tatalna kidika laih tannika duwadai. 6Mapiris José kaiwi ditalwak, witingna uba kulninna bukna dai; 7dawak diyulwi dakana:
—¿Ampat dawak manna muhmana dutni dutamanah?
8—Amana talnayangna kaunah muih as bik diski tanka lāih yakwi yanayulnin kidika —witingna kaput yuyulwadai.
—¿Papang yaklauwi kidika tanka balna lāih yakwi yulwaskatpah? —José yaklauwi kaput yulwi dakana—. Yayultanauh manna amana talnamana kidika.
9Kaput laih sutak kau wain utuhyang amana talna dai kidika kalyulna José yakat aput:
—Amana kau wain pana as talnayang, 10tingni rahni bās duwadai. Wain panan kidika udungwi kalahna dawak bik puluna, dawak puluni balna kidika wain minik upuna lalahna kakalna. 11Dawak yang tingki yakat dutasakyang dai Fero sunitak kidika, dawak wain minik kidika dutik tingki kau kataknayang sutak pasyak. Usnit kat yang lawik sunitak kidika Fero tingni yakat ānayang.
12Dawak José yaklauwi kalyulna:
—Man amana talnaman kidika laih aput ki: tingni rahni bās dai kidika laih ma bās ki, 13dawak ma bās kat man yulma kidika Fero laihwi talwarang ki, dawak watwi warkma yakat mahawarang ki, dawak man lawa fero yakat sunitak kidika kalama, muhnilau yamtaman dai kapat. 14Adika kalahwarang kat, yang akat yakulta-awama, dawak plisma yang yulki kalyulma fero yakat, adika pāni kaupak yāyaknin yulni. ¡Yang kat mikun yatalah! 15Yang adika hibru balna saunina kaupak yamamalna, yang silak yakat sak-atnik kidika laih yang diki awaski, kat yang laih di as bik dutni yamtasyang bahang.
16Plawar busyang taninatuna kidika witing talwak José yaklauwi tanka balna kidika lāih yakwi kalawak, kalyulna:
—Yang nikingkauh laih talnayang tunaki yakat uslun binina bās plawar busna kidika dutalikyang dai. 17Uslun bin makau kidika laih pastel satni balna yamna kat puna dai fero dini, kaunah tunaki kau sakkidika uhu binina aiwi uhukna.
18Kaput laih José yaklauwi biriwi nangnitlana:
—Man amana talnaman kidika laih aput ki: uslun binina bās kidika laih ma bās ki, 19dawak ma bās pasyakat man yulma kidika Fero yaklauwi laihwi talwarang ki, dawak witing yaklauwi pakwak pan yakat masitwi mamurilna karang, dawak man muihma kidika laih kusma balna kakaswarang.
20Ma bās laihwakat fero witing batahndana mani dai, bahang alasna nuhni yamna kabamint warkni yamyang tunan muihni balna karak. Muih yulwak uina balna muhnina tani yakat king sunitak yakat wain utuhyang tanituna dai kidika dawak plawar busyang balna tanituna dai kidika bik yakwi duwi kiuna. 21Dawak wain utuhyang dai kidika watwi warkni kalana, dawak witing yaklauwi Fero yakat sunitak kidika kalana, muhnilau dai kapat; 22kaunah plawar busyang balna tanituna dai kidika laih sihwak pan yakat sitwi murihilna, José yaklauwi kalyulwa dai kaput. 23Kaput kaunah king sunitak laihyang dai kidika watwi José yakat kulwas dinitkahna dai.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia Sumo
Texto © Sociedad Bíblica de Nicaragua 1998