Génesis 32
32
Jacob Esaú karak kalpapakwi
1Dawak Jacob mahka yaklauwi ta munah kiuna, dawak Papang innisal balna witing yakat kalalahna. 2Dawak Jacob witing talwi yulna: “Adika balna laih Papang kalbaunin muihni balna duwa kidika ki.” Kidika bahang ayangni pakna Mahanaim#32.2 Hibru kau Mahanaim tanka laih kalbauyang balna dakni bu. kidika pāni.
3Dawak Jacob yaklauwi yul sihna, Seir sauni yakat, kidika laih Edom sauni pīsni, bahang kidika laih witing kiwa kidika wirahni Esaú yakat isningpakna, 4dawak adika yulni diawadai: “Yang wirahki Esaú yakat adika kalyultanauh: ‘Man wirahma Jacob laih man tingma yakat kawi ais yulma kat yamna atnin, bahang adika yulni masihwi: Yang Labán karak yalahnayang dai adika mani balna bitik yakat, 5bahang dutayang turuh yayal, biriku, sīp diki yamyang ahal dawak yayal bik. Adika yulni sihtayang wirahki yakat witing kulnin yamni kidika laihna atnik yulni.’ ”
6Muih sihna dai kidika balna nawatwi aiwi kalyuyulna Jacob yakat:
—Yangna wirahma Esaú yakat yawik talnayangna, dawak witing muihni palni yaklauwi kaiwi man karak kalpakna atnin yulni, witing karak aiwi muih alah 400.
7Jacob kidika yulni dakawi uba yamaduna dawak kasak kulwi kalbauna. Dawak muih duwa likkidika uduhna bu sahyakna dawak turuh yayal balna, kiamil, kuts sīp balna bik; 8kat witing kulna: “Esaú kidika uduhna as nining yakat kalbauwarang kat uduhna ūk kidika laih sip karang kiri yaklana atnin.” 9Usnitkat witing minit yulna: “Dawan, yang kukungki Abraham Papangni dawak papangki Isaac Papangni bik, man lawa yayulnaman wattik nawattik aiwinik sauki akat, dawak wanaihki balna pasyakat, dawak man yamtang kat yang akat yamni manah kalahwarang: 10man kulnam yamni dawak barangni man kidika yang dunik sip-awaski yang kau yamnaman kidika. Adika Jordán wasni di dis daklawanayang tulkinah manah, kaunah waralaih ū lababanni bu dutayang. 11¡Plisma, yang wirahki Esaú tingni kaupak yalaihta yakta! Yamadutayang witing kaiwi yakalbauwarang, dawak yalki balna, walakbis balna bik iwarang. 12Man barangni lāih yulnaman man lawa yamtang yakat yamni manah yakalahwarang, dawak kaput bik yang sulaki balna kidika kuma kauhnimak kapat kalna karang, kulwi talnin sip-awas kapat.”#Gn 22:17.
13Kidika pukta Jacob yakat kamana, dawak witing tingkau duwa balna kidika yakwi duna wirahni Esaú yakat kalana atnin: 14kuts yayal 200, kuts ahalmuk 20, sīp yayal 200, dawak sīp ahalmuk 20, 15kiamil wisam walaninabis yayakna kidika 30 walanibis binina kauna, turuh yayal 40, turuh ahalmuk wawahma 10, biriku yayal 20 dawak biriku ahalmuk 10. 16Usnit yakat diniyamyang balna yakat uduhna as as tingnina yakat diawi aput diyulna:
—Tamatna yakat mahka yawanauh, uduhna balna kidika apis naikau yawanauh.
17Tatuna yakwi sihna kidika aput yamnin pakna:
—Yang wirahki Esaú kidika kalpaktang mayulwi dakawarang kat waisyah man damawan kidika matarang kat, dawak bik mayulwarang kat wais diniyah tinglau balna duyawaman kidika matarang kat, 18nangnitlama: ‘Adika laih minitdis dini as ki man dima, yang dakiwan Esaú, Jacob yaklauwi sihwi, man dima yamyang kidika. Witing kidika dangkitna yakat kaiwi.’
19Kidika kaupak uduhna bu kidika, dawak uduhna bās kidika dawak tinglau uduhna duwi uiwa balna bitik yakat, diyulna:
—Manna Esaú kalpaktanama kat sihm yulni kidika kalyultanama, 20dawak bik kalyultanama: ‘Jacob man dima yamyang kidika, yangna dangkitna yakat kaiwi.’
Dawak Jacob kidika kulna dai bahang: “Witing kulnin daukalna kidika dawarang adika dini balna witing yakat sihtayang kidika munah, dawak usnit kat witing karak kalpakna awaki. Sipkat kaput laih yamni yaduna karang.” 21Kaput laih, minitdis kalawa dini balna kidika tatuna sihna, dawak witing laih uni labanni yakat watwi payahna.
Jacob insal karak kalbauna
22Sihm kidika puknita Jacob yaklauwi yalni balna bupak, dini yamyang yayal bu kidika dawak walanibis 11 kidika balna duwi Jaboc wasni kidika daklana, 23di duwa dai kidika balna bitik. 24Dawak Jacob alas watna kat, muih al as witing karak kalbabauna ma payahlana kat; 25kaunah al kidika talwak Jacob yakat sip minit bayakwas kat, Jacob banisar kalrikwa yakat wisna, dawak Jacob witing kalbukahna. 26Kaput dawak muih al kidika yaklauwi kalyulna:
—Yadatah, kat uman payahlawi.
Dawak Jacob kalyulna:
—Man blisin yatasman kat sip madatasyang.
27Kidika alni yaklauwi kalyulwi dakana:
—¿Man ayangma ais yah?
—Yang ayangki laih Jacob —kalatna.
28Kaput dawak al kidika yaklauwi kalyulna:
—Man baisa Jacob mayuyulwas karang. Man ayangma kidika laih Israel#32.28 Hibru kau, Israel dawak kidika yulni tanka laih Papang karak aslah kalahwi kalbauwa kidika, kidika awaskat Papang kalbauwi, yulni kidika kapat paruh yulwi. karang, kat Papang karak kalbaunaman, muih al karak kalbautasman dai bahang, dawak bik minit bayaknaman bahang.#Gn 35:10.
29—Waralaih yayultah ayangma aisyah —Jacob yaklauwi kalyulwi dakana.
Kaunah muih al kidika yaklauwi nangnitlana:
—¿Ais yamta yang ayangki yulta dakamahn?
Usnit kat kidika lani yaklauwi Jacob yakat blisin kalana. 30Dawak Jacob yaklauwi kidika pāni ayangni pakna Penuel,#32.30 Hibru kau, Penuel tanka laih Papang muhni. kat yulna bahang: “Papang kidika talnayang apat muhkina biri biri, dawak kaput kaunah yang baisa sangkayang.”
31Dawak Jacob witing mahka Penuel kidika kaupak bayakwi kiwalikkat ma kidika kalahna dai; kaunah witing banisar kalrikwa dalani kidika yulni lutwinah kiuna. 32Kidika bahang warmani kat Israel sulani balna kidika di banisar kakaswas ki, kat Jacob banisar kalrikwa yakat wisna dai bahang.
လက္ရွိေရြးခ်ယ္ထားမွု
Génesis 32: SUMU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia Sumo
Texto © Sociedad Bíblica de Nicaragua 1998
Génesis 32
32
Jacob Esaú karak kalpapakwi
1Dawak Jacob mahka yaklauwi ta munah kiuna, dawak Papang innisal balna witing yakat kalalahna. 2Dawak Jacob witing talwi yulna: “Adika balna laih Papang kalbaunin muihni balna duwa kidika ki.” Kidika bahang ayangni pakna Mahanaim#32.2 Hibru kau Mahanaim tanka laih kalbauyang balna dakni bu. kidika pāni.
3Dawak Jacob yaklauwi yul sihna, Seir sauni yakat, kidika laih Edom sauni pīsni, bahang kidika laih witing kiwa kidika wirahni Esaú yakat isningpakna, 4dawak adika yulni diawadai: “Yang wirahki Esaú yakat adika kalyultanauh: ‘Man wirahma Jacob laih man tingma yakat kawi ais yulma kat yamna atnin, bahang adika yulni masihwi: Yang Labán karak yalahnayang dai adika mani balna bitik yakat, 5bahang dutayang turuh yayal, biriku, sīp diki yamyang ahal dawak yayal bik. Adika yulni sihtayang wirahki yakat witing kulnin yamni kidika laihna atnik yulni.’ ”
6Muih sihna dai kidika balna nawatwi aiwi kalyuyulna Jacob yakat:
—Yangna wirahma Esaú yakat yawik talnayangna, dawak witing muihni palni yaklauwi kaiwi man karak kalpakna atnin yulni, witing karak aiwi muih alah 400.
7Jacob kidika yulni dakawi uba yamaduna dawak kasak kulwi kalbauna. Dawak muih duwa likkidika uduhna bu sahyakna dawak turuh yayal balna, kiamil, kuts sīp balna bik; 8kat witing kulna: “Esaú kidika uduhna as nining yakat kalbauwarang kat uduhna ūk kidika laih sip karang kiri yaklana atnin.” 9Usnitkat witing minit yulna: “Dawan, yang kukungki Abraham Papangni dawak papangki Isaac Papangni bik, man lawa yayulnaman wattik nawattik aiwinik sauki akat, dawak wanaihki balna pasyakat, dawak man yamtang kat yang akat yamni manah kalahwarang: 10man kulnam yamni dawak barangni man kidika yang dunik sip-awaski yang kau yamnaman kidika. Adika Jordán wasni di dis daklawanayang tulkinah manah, kaunah waralaih ū lababanni bu dutayang. 11¡Plisma, yang wirahki Esaú tingni kaupak yalaihta yakta! Yamadutayang witing kaiwi yakalbauwarang, dawak yalki balna, walakbis balna bik iwarang. 12Man barangni lāih yulnaman man lawa yamtang yakat yamni manah yakalahwarang, dawak kaput bik yang sulaki balna kidika kuma kauhnimak kapat kalna karang, kulwi talnin sip-awas kapat.”#Gn 22:17.
13Kidika pukta Jacob yakat kamana, dawak witing tingkau duwa balna kidika yakwi duna wirahni Esaú yakat kalana atnin: 14kuts yayal 200, kuts ahalmuk 20, sīp yayal 200, dawak sīp ahalmuk 20, 15kiamil wisam walaninabis yayakna kidika 30 walanibis binina kauna, turuh yayal 40, turuh ahalmuk wawahma 10, biriku yayal 20 dawak biriku ahalmuk 10. 16Usnit yakat diniyamyang balna yakat uduhna as as tingnina yakat diawi aput diyulna:
—Tamatna yakat mahka yawanauh, uduhna balna kidika apis naikau yawanauh.
17Tatuna yakwi sihna kidika aput yamnin pakna:
—Yang wirahki Esaú kidika kalpaktang mayulwi dakawarang kat waisyah man damawan kidika matarang kat, dawak bik mayulwarang kat wais diniyah tinglau balna duyawaman kidika matarang kat, 18nangnitlama: ‘Adika laih minitdis dini as ki man dima, yang dakiwan Esaú, Jacob yaklauwi sihwi, man dima yamyang kidika. Witing kidika dangkitna yakat kaiwi.’
19Kidika kaupak uduhna bu kidika, dawak uduhna bās kidika dawak tinglau uduhna duwi uiwa balna bitik yakat, diyulna:
—Manna Esaú kalpaktanama kat sihm yulni kidika kalyultanama, 20dawak bik kalyultanama: ‘Jacob man dima yamyang kidika, yangna dangkitna yakat kaiwi.’
Dawak Jacob kidika kulna dai bahang: “Witing kulnin daukalna kidika dawarang adika dini balna witing yakat sihtayang kidika munah, dawak usnit kat witing karak kalpakna awaki. Sipkat kaput laih yamni yaduna karang.” 21Kaput laih, minitdis kalawa dini balna kidika tatuna sihna, dawak witing laih uni labanni yakat watwi payahna.
Jacob insal karak kalbauna
22Sihm kidika puknita Jacob yaklauwi yalni balna bupak, dini yamyang yayal bu kidika dawak walanibis 11 kidika balna duwi Jaboc wasni kidika daklana, 23di duwa dai kidika balna bitik. 24Dawak Jacob alas watna kat, muih al as witing karak kalbabauna ma payahlana kat; 25kaunah al kidika talwak Jacob yakat sip minit bayakwas kat, Jacob banisar kalrikwa yakat wisna, dawak Jacob witing kalbukahna. 26Kaput dawak muih al kidika yaklauwi kalyulna:
—Yadatah, kat uman payahlawi.
Dawak Jacob kalyulna:
—Man blisin yatasman kat sip madatasyang.
27Kidika alni yaklauwi kalyulwi dakana:
—¿Man ayangma ais yah?
—Yang ayangki laih Jacob —kalatna.
28Kaput dawak al kidika yaklauwi kalyulna:
—Man baisa Jacob mayuyulwas karang. Man ayangma kidika laih Israel#32.28 Hibru kau, Israel dawak kidika yulni tanka laih Papang karak aslah kalahwi kalbauwa kidika, kidika awaskat Papang kalbauwi, yulni kidika kapat paruh yulwi. karang, kat Papang karak kalbaunaman, muih al karak kalbautasman dai bahang, dawak bik minit bayaknaman bahang.#Gn 35:10.
29—Waralaih yayultah ayangma aisyah —Jacob yaklauwi kalyulwi dakana.
Kaunah muih al kidika yaklauwi nangnitlana:
—¿Ais yamta yang ayangki yulta dakamahn?
Usnit kat kidika lani yaklauwi Jacob yakat blisin kalana. 30Dawak Jacob yaklauwi kidika pāni ayangni pakna Penuel,#32.30 Hibru kau, Penuel tanka laih Papang muhni. kat yulna bahang: “Papang kidika talnayang apat muhkina biri biri, dawak kaput kaunah yang baisa sangkayang.”
31Dawak Jacob witing mahka Penuel kidika kaupak bayakwi kiwalikkat ma kidika kalahna dai; kaunah witing banisar kalrikwa dalani kidika yulni lutwinah kiuna. 32Kidika bahang warmani kat Israel sulani balna kidika di banisar kakaswas ki, kat Jacob banisar kalrikwa yakat wisna dai bahang.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Biblia Sumo
Texto © Sociedad Bíblica de Nicaragua 1998