من الإنجيل – عن مرقُس 2
2
السيِّد المسيح بيشفي الكسيح
1وبعد كم يوم، رجِع سيّدنا عيسى (سلامُهُ علينا) عكفرناحوم. فسمعوا النّاس إنّه هونيك وبلّشوا يجوا عالبلدة. 2وصاروا يتجمّعوا محل ما كان سيّدنا، ووقتا انتلوا كلّ الأوَض، لحدّ ما صاروا الناس واقفين عالباب لبرّة. ووقِف بيناتُن وصار سيّدنا يخطُب فِيُن ويحدِّثُن عن رسالة الله تعالى. 3وإجا ناس معُن مشلول حاملينُه أربَع أشخاص عفرشتُه. 4وبس شافوا إنّه مستحيل يْفَوّتوه لعند سيّدنا من كتر العجقة، قاموا طُلْعوا عسقف البيت وعملوا فتحة. ونزَّلوا الفرشة والمشلول عْليها من فوق. 5ولمّا شاف سيّدنا عيسى قوّة إيمانُن بقدِرتُه عالشفا، اتطلّع بالمشلول وقلُّه: "يا حبيبي، كلّ ذنوبَك انغَفَرِت." 6وكان بين الحضور فيه عُلما بالتوراة، صاروا يفكروا بينُن وبين حالُن ويقولوا: 7"استغفر الله العظيم! هيدا عم يكفُر. وحدُه ربّ العالمين يلّي بيغفر الذنوب!" 8ودُغري عِرِف سيِّدنا بشو عم بفَكّروا. فقَرَّب صوبُن وقلُّن: "ليش عم تفكّروا إنّي عم بكفُر؟ 9برأيكُن، مستحيل عليّي أغفر الذنوب متل ما مستحيل عليّي إشفي هالمشلول؟ 10أنا قلت هيك حتى تشوفوا بعيونكُن إنّه سيّد البشَر وحدُه عندُه سلطان من الله عالأرض وبيقدر يغفر الذنوب." بعدين قلُّه للمشلول: 11"وهلّأ قوم حمول فرشتَك وروح عبيتَك!" 12وبسرعة قام الرجّال عن فرشتُه وحملا وضهَر إدام كلّ الموجودين. خوتوا العالَم! وصاروا يمجدوا الخالِق وهن وعم بقولوا: "بحياتنا ما شفنا شي متل هيك من قبل"!
المسيح عم ياكل مع جابي الضرايِب
13وبعد هيك رِجِع سيّدنا عيسى (سلامُهُ علينا) مرّة تانية عشط بحيرة طبريّا. واتجمّع حواليه ناس كتير. قام قَعَد بيناتُن وبلَّش يهديهُن ويعلَّمُن. 14وبين ما كان عم يمشي، تلاقى مع شخص إسمُه لاوي بن حلفي كان قاعِد عم بيشتغل محل ما بيجمعوا ضرايِب للرومان المحتلّين. قام قلُّه سيّدنا: "تَعا قوم كون من أتباعي." دغري لاوي قام ومشي معُه.
15ولمّا كان سيّدنا عيسى معزوم مع أتباعُه عم ياكُل ببيت لاوي، كان فيه ناس تانيين متل: جباة ضرايِب أصحابُه للاوي، وناس مش متدينين أبداً، وكتار متلُن صاروا من أتباع سيّدنا عيسى. 16غضب وقتا جماعة من المتشدّدين بالشريعة والتقاليد. وسألوا حوارييه وأتباعُه وقالولُن: "ليه قاعِد عم ياكُل مع هيك ناس ضالّين وجباة ضرايِب؟" 17بس سِمِعُن سيِّدنا التفَت عليُن وقلُّن: "عادةً، الناس يلّي صحِّتُن منيحة ما بدُّن طبيب، بس المرضى بدُّن. أنا ما جيت كرمال يلّي مفكرين حالُن صالحين. جيت لإهدي الضّالّين".
شو رأي المسيح بالصّوم؟
18وكان أتباع النبي يحيى (عليه السلام) وجماعة المتشدّدين يصوموا أكتر من الباقيين، وبمرّة سأل بعض الناس سيّدنا عيسى (سلامُهُ علينا) وقالولُه: "ليه أتباع النبي يحيى وأتباع الجماعة الملتزمين بصوموا النوافِل، وأتباعَك ما بصوموهُن؟" 19جاوبّن سيّدنا بمتَل وقلُّن: "إذا فيه عرِس، معقول الضيوف يقعدوا بلا أكل والعريس بيناتُن؟ أكيد لأ! 20بس رح يجي نهار ويِتّاخَد العريس من بيناتُن. ووقتا رح يصوموا".
21بعدين كفّى كلامُه وقال: "ما حدا برقِّع توب عتيق بقطعة قماش جديدة، لانُّه بتكشّ القطعة الجديدة وبتخزِّق محلّا. وبدَل ما ترقِّع القديم بالعكس، بيكبر الخزِق. 22وما حدا بعبّي عصير عنب طازة بقربة عتيقة ناشفة، لأنُّه بيتخمّر العصير، وبتنتفِخ القربة، وبتتشقَّق وبروح العصير عالأرض. لازِم العصير الطازة ينحَط بقرَب جديدة طريّة." وكان قصد سيّدنا من هالمتل يقلُّن إنُّه ما يخلطوا بين التقاليد القديمة وتعاليمُه.
شو رأي المسيح بيوم السبت؟
23وبيوم من الإيّام مرق سيّدنا عيسى (سلامُهُ علينا) بحقِل من حقول القمِح. وكان يوم سبت، وصاروا أتباعُه يقطفوا من السنابِل وياكلوا منها عطريقُن. 24فعارَض جماعة من المتشدّدين وقالولُه: "شوف اتطلّع! ليه أتباعَك عم يخالفوا الشريعة؟ قاعدين عم يقطفوا وهيدا حرام يعملوه يوم السبت." 25قام جاوبُن سيّدنا: "إنتو ما قريتوا شو عمِل النبي داوود لمّا احتاج وجاع هو وجماعتُه؟ 26وقتا دخل عحرم بيت الله وأكل من الخبز اليّ بس رجال الدين ببيت الله مسموح إنّه ياكلوه لأنّه من خبز التقدِمة، ووزَّعُه داوود عرجالُه." 27بعدين علّق سيّدنا عهالحدَث التاريخي وقال: "عمِل الله يوم السبت كرمال الإنسان، ما خلَق الإنسان كرمال السبت. 28وبعد كلّ هالشي بدّي تعرفوا إنّه هالإنسان، سيّد البشَر، صار عندُه سلطان على شريعة يوم السبت".
လက္ရွိေရြးခ်ယ္ထားမွု
من الإنجيل – عن مرقُس 2: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
من الإنجيل – عن مرقُس 2
2
السيِّد المسيح بيشفي الكسيح
1وبعد كم يوم، رجِع سيّدنا عيسى (سلامُهُ علينا) عكفرناحوم. فسمعوا النّاس إنّه هونيك وبلّشوا يجوا عالبلدة. 2وصاروا يتجمّعوا محل ما كان سيّدنا، ووقتا انتلوا كلّ الأوَض، لحدّ ما صاروا الناس واقفين عالباب لبرّة. ووقِف بيناتُن وصار سيّدنا يخطُب فِيُن ويحدِّثُن عن رسالة الله تعالى. 3وإجا ناس معُن مشلول حاملينُه أربَع أشخاص عفرشتُه. 4وبس شافوا إنّه مستحيل يْفَوّتوه لعند سيّدنا من كتر العجقة، قاموا طُلْعوا عسقف البيت وعملوا فتحة. ونزَّلوا الفرشة والمشلول عْليها من فوق. 5ولمّا شاف سيّدنا عيسى قوّة إيمانُن بقدِرتُه عالشفا، اتطلّع بالمشلول وقلُّه: "يا حبيبي، كلّ ذنوبَك انغَفَرِت." 6وكان بين الحضور فيه عُلما بالتوراة، صاروا يفكروا بينُن وبين حالُن ويقولوا: 7"استغفر الله العظيم! هيدا عم يكفُر. وحدُه ربّ العالمين يلّي بيغفر الذنوب!" 8ودُغري عِرِف سيِّدنا بشو عم بفَكّروا. فقَرَّب صوبُن وقلُّن: "ليش عم تفكّروا إنّي عم بكفُر؟ 9برأيكُن، مستحيل عليّي أغفر الذنوب متل ما مستحيل عليّي إشفي هالمشلول؟ 10أنا قلت هيك حتى تشوفوا بعيونكُن إنّه سيّد البشَر وحدُه عندُه سلطان من الله عالأرض وبيقدر يغفر الذنوب." بعدين قلُّه للمشلول: 11"وهلّأ قوم حمول فرشتَك وروح عبيتَك!" 12وبسرعة قام الرجّال عن فرشتُه وحملا وضهَر إدام كلّ الموجودين. خوتوا العالَم! وصاروا يمجدوا الخالِق وهن وعم بقولوا: "بحياتنا ما شفنا شي متل هيك من قبل"!
المسيح عم ياكل مع جابي الضرايِب
13وبعد هيك رِجِع سيّدنا عيسى (سلامُهُ علينا) مرّة تانية عشط بحيرة طبريّا. واتجمّع حواليه ناس كتير. قام قَعَد بيناتُن وبلَّش يهديهُن ويعلَّمُن. 14وبين ما كان عم يمشي، تلاقى مع شخص إسمُه لاوي بن حلفي كان قاعِد عم بيشتغل محل ما بيجمعوا ضرايِب للرومان المحتلّين. قام قلُّه سيّدنا: "تَعا قوم كون من أتباعي." دغري لاوي قام ومشي معُه.
15ولمّا كان سيّدنا عيسى معزوم مع أتباعُه عم ياكُل ببيت لاوي، كان فيه ناس تانيين متل: جباة ضرايِب أصحابُه للاوي، وناس مش متدينين أبداً، وكتار متلُن صاروا من أتباع سيّدنا عيسى. 16غضب وقتا جماعة من المتشدّدين بالشريعة والتقاليد. وسألوا حوارييه وأتباعُه وقالولُن: "ليه قاعِد عم ياكُل مع هيك ناس ضالّين وجباة ضرايِب؟" 17بس سِمِعُن سيِّدنا التفَت عليُن وقلُّن: "عادةً، الناس يلّي صحِّتُن منيحة ما بدُّن طبيب، بس المرضى بدُّن. أنا ما جيت كرمال يلّي مفكرين حالُن صالحين. جيت لإهدي الضّالّين".
شو رأي المسيح بالصّوم؟
18وكان أتباع النبي يحيى (عليه السلام) وجماعة المتشدّدين يصوموا أكتر من الباقيين، وبمرّة سأل بعض الناس سيّدنا عيسى (سلامُهُ علينا) وقالولُه: "ليه أتباع النبي يحيى وأتباع الجماعة الملتزمين بصوموا النوافِل، وأتباعَك ما بصوموهُن؟" 19جاوبّن سيّدنا بمتَل وقلُّن: "إذا فيه عرِس، معقول الضيوف يقعدوا بلا أكل والعريس بيناتُن؟ أكيد لأ! 20بس رح يجي نهار ويِتّاخَد العريس من بيناتُن. ووقتا رح يصوموا".
21بعدين كفّى كلامُه وقال: "ما حدا برقِّع توب عتيق بقطعة قماش جديدة، لانُّه بتكشّ القطعة الجديدة وبتخزِّق محلّا. وبدَل ما ترقِّع القديم بالعكس، بيكبر الخزِق. 22وما حدا بعبّي عصير عنب طازة بقربة عتيقة ناشفة، لأنُّه بيتخمّر العصير، وبتنتفِخ القربة، وبتتشقَّق وبروح العصير عالأرض. لازِم العصير الطازة ينحَط بقرَب جديدة طريّة." وكان قصد سيّدنا من هالمتل يقلُّن إنُّه ما يخلطوا بين التقاليد القديمة وتعاليمُه.
شو رأي المسيح بيوم السبت؟
23وبيوم من الإيّام مرق سيّدنا عيسى (سلامُهُ علينا) بحقِل من حقول القمِح. وكان يوم سبت، وصاروا أتباعُه يقطفوا من السنابِل وياكلوا منها عطريقُن. 24فعارَض جماعة من المتشدّدين وقالولُه: "شوف اتطلّع! ليه أتباعَك عم يخالفوا الشريعة؟ قاعدين عم يقطفوا وهيدا حرام يعملوه يوم السبت." 25قام جاوبُن سيّدنا: "إنتو ما قريتوا شو عمِل النبي داوود لمّا احتاج وجاع هو وجماعتُه؟ 26وقتا دخل عحرم بيت الله وأكل من الخبز اليّ بس رجال الدين ببيت الله مسموح إنّه ياكلوه لأنّه من خبز التقدِمة، ووزَّعُه داوود عرجالُه." 27بعدين علّق سيّدنا عهالحدَث التاريخي وقال: "عمِل الله يوم السبت كرمال الإنسان، ما خلَق الإنسان كرمال السبت. 28وبعد كلّ هالشي بدّي تعرفوا إنّه هالإنسان، سيّد البشَر، صار عندُه سلطان على شريعة يوم السبت".
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media