من الإنجيل – عن يوحنّا 18
18
ليلة القبض عالمسيح
1بعد ما تعشّى سيّدنا عيسى (سلامه علينا) عشا عيد الفصح مع حوّارييه وْصَلّو سَوا، تركوا القدس ومَرقوا عوادي إسمه قيدَرون ومنُّه فاتوا عبستان زيتون. 2وكان الحوّاري يهوذا يلّي رح يغدُر بسيّدنا عيسى بيعرف هالبستان منيح لأنّه كان سيّدنا يجمعُن هونيك. 3إجا يهوذا وجاب معُه عساكر رومان ومعُن كان جاية كمان حراس بيت الله بعتوهُن كبار رجال الدّين وجماعة المتشدّدين كلُّن كانوا حاملين مشاعِل وقناديل وسلاح. 4ومع إنّه سيّدنا كان عارِف شو رح يصير معُه، قرّب صوب يلّي جايين وقلُّن: "إنتو مين جايين تاخدوا؟" 5جاوبوه: "عيسى الناصري". قلُّن: "إيه، أنا هوّ". وكان يهوذا الخايِن واقِف مع الحرس. 6وبس قلُّن سيّدنا إنّه هيدا هوّ، رجعوا لوَرا كلُّن ووقعوا عالأرض! 7قام رجِع سألُن: "إنتو مين جايين تاخدوا؟" أصرّوا عذات الجواب: "عيسى الناصري". 8قام قلُّن: "ما خبَّرتكُن إنّي أنا عيسى الناصري؟ خدوني وفلتوا أصحابي". 9وهيك تحقَّق يلّي كان يدعي ويصلّي كرمالُه ويقول: "يا ربّ، مش رح إخسَر ولا واحد من يلّي وهبتني ياهُن"، 10وبهالوقت سحب الحوّاري بطرس سيف كان معُه وقام قطع الدينة اليمين لواحد من عبيد كبير رجّال الدّين، وكان إسمُه مالِك. 11التفت سيّدنا عبطرس وقلُّه: "رجِّع سيفَك محلُّه، أنا قبلان إنّه إشرب كاس المرّ يلّي الله الوليّ الرحمن قدّرلي ياه".
12وهيك قاموا العساكر الرومان مع ضبّاطُن قبضوا على سيّدنا وربطولُه إيديه، 13وأخدوه أوّل شي لعند حنّا كبير رجّال الدّين بهيديك الفترة، وبكون عمُّه أبو مرتُه لقيافا وهوّ كمان كبير رجال الدين وهنّ تنين بس معترف عليهُن من قبل الدولة الرومانيّة، 14وقيافا هو يلّي نصح القادة اليهود إنّه: "خلّيه يموت رجّال واحد فداءً عن الأمّة أحسن ما تموت الأمّة كلّها."
15وقام لحِق سيّدنا عيسى (سلامه علينا) بطرس وحواري تاني بيعرف كبير رجال الدّين، وعشان هيك قدر يفوت مع سيّدنا عباحة القصر، 16بس بطرس بقي واقِف عالباب. وهيدا الحواري صار يعمُل واسطة مع بنت كانت عم تحرُس البوّابة كرمال يفوِّت بطرس لجوّة، 17وقامت سألتُه البنت لبطرس: "إنتَ كمان من أتباع هيدا الرجّال؟" قام نكر بطرس وقلّا: "لأ، أنا مش من أتباعُه." 18ووقتا كان فيه كتير برد. قاموا العبيد شعّلوا نار والتفّوا حواليا. وقرّب بطرس منُّن عشان يتدفّى كمان.
19وبهالوقت سألُه كبير رجال الدّين حنّا لسيّدنا عيسى وهو عم يستجوبُه عن أتباعُه والتعاليم يلّي بنادي فيا. 20جاوبُه (سلامه علينا): "أنا عم بعلّم علناً ما في شي مخبّى، والكلّ بيشهد، علّمت ببيوت العبادة وبالحرم الشريف محل ما بيجتمعوا اليهود. 21فليش عم تسألني أنا؟ إسألُن هنّ يلّي سمعوا وبيعرفوا كلّ تعاليمي". 22قام واحد من الحرّاس ضربُه كفّ وقلّه: "إنت كيف بتحكي هيك مع كبير رجال الدّين؟" 23جاوبُه (سلامه علينا): "إذا أنا غلطان بجوابي جيب حدا يشهد عليّ إنّي غلطان، وإذا عم بحكي صح ليه عم تضربني؟" 24فقام حنّا بعتُه لسيّدنا عيسى وهوّ مكبّل لعند قيافا.
25وبهيدا الوقت كان بعدُه بطرس عم يتدفّا مع الحرّاس، يلّي رجعوا سألوه: "إنت كمان من أتباعُه؟" دغري نكر بطرس وقلُّن: "لا أنا مش منُّن". 26بس اتطلّع واحد ببطرس وهو من عبيد كبير رجال الدّين وبذات الوقت بيقربُه ليلّي قطعلُه بطرس دينتُه، وقلُّه: "أنا وين شايفَك؟ مش إنت يلّي كنت مع عيسى بهيديك البستان؟!" 27رجع نكَر بطرس وقال لأ! لتالت مرّة، وبالوقت يلّي نكر فيه صاح الديك.
محاكمة المسيح
28وهيك بالفجر لمّا انتهت محاكمة سيّدنا عيسى (سلامه علينا) مع قيافا نقلوه من بعدا لقصر الحاكم الروماني، وهونيك ما فاتوا اليهود عالقصر عشان ما يتنجّسوا لأنّه حسب تعاليمُن كلّ يهودي بفوت عند حدا مش يهوديّ بيتنجّس وخاصّةً هلأ عيد يعني ما بعود فيهُن يتعشّوا عشا الفصح. 29كرمال هيك اضطّر يُطْلَع الحاكم لعندُن تيسألُن: "إنتو شو تهمتكُن ضدّ هالرجّال؟" 30جاوبوه: "يعني لو منُّه مجرم ما سلمناك ياه!" 31بس الحاكم بيلاطس قلُن: "طيّب خدوه وحاكموه حسب شريعتكُن". جاوبوه: "كيف بدنا نحاكمُه ما إنتو الرومان منعتونا نعدم!" 32وبهالحكي تحقّقت نبوّة سيّدنا عيسى عن موتُه عالصليب، طريقة الرّومان بالإعدام 33رجِع بيلاطس عالقصر، وبعت ورا سيّدنا ليسألُه: "هل إنتَ ملك اليهود؟" 34جاوبُه: "هيدا سؤال جاية منَّك، ولا حدا تاني قلَّك تسألني ياه؟" 35ردّ بيلاطس وقلّه: "وشو أنا يهودي عشان تهمني كل هالإشيا؟ بس شعبَك سلّموني ياك وكبار رجال الدّين كمان. فخبّرني إنتَ شو عامِل؟" 36جاوبُه سيّدنا: "تهمتي إنّي عم قول عن حالي ملك...أنا ملك! بس مش أرضي، لو كنت ملك عادي كانت عالقليلة إجت الحاشية تبعي تدافع عني! وما كان حدا قبض عليّي. أنا مملكتي مش بهيدا العالم". 37بس قلُّه بيلاطس: "يعني بتقول عن حالَك إنّك ملك!" جاوبُه سيّدنا: "إنتَ عم تقول إنّه أنا ملك. أنا ولِدت وجيت عهالعالم حتى إشهّد للحقّ، وكلّ حدا بحبّ الحقّ رح يطيع تعاليمي". 38رجع سألُه بيلاطس: "طيّب وشو هو الحق يلّي عم تحكي عنُّه؟" بعدين طلع بيلاطس عند الناس يلّي ناطرين برّة وقلُّن: "أنا مش شايِف إنّه عامِل أيّ شي. 39عكل حال حسب العادة عندكُن بعيد الفصح فينا نعفي عن سجين يهوديّ، فهل بدكُن ياني إعفي عن ملك اليهود؟" 40وبس سمعوا هالحكي بلّشوا يصرخوا بصوت عال ويقولوا: "لأ ما تطلُق سراحُه بدنا تطلّعلنا باراباس! بدنا باراباس" وهيدا باراباس كان مجرم ومتمرّد عالرومان.
လက္ရွိေရြးခ်ယ္ထားမွု
من الإنجيل – عن يوحنّا 18: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
من الإنجيل – عن يوحنّا 18
18
ليلة القبض عالمسيح
1بعد ما تعشّى سيّدنا عيسى (سلامه علينا) عشا عيد الفصح مع حوّارييه وْصَلّو سَوا، تركوا القدس ومَرقوا عوادي إسمه قيدَرون ومنُّه فاتوا عبستان زيتون. 2وكان الحوّاري يهوذا يلّي رح يغدُر بسيّدنا عيسى بيعرف هالبستان منيح لأنّه كان سيّدنا يجمعُن هونيك. 3إجا يهوذا وجاب معُه عساكر رومان ومعُن كان جاية كمان حراس بيت الله بعتوهُن كبار رجال الدّين وجماعة المتشدّدين كلُّن كانوا حاملين مشاعِل وقناديل وسلاح. 4ومع إنّه سيّدنا كان عارِف شو رح يصير معُه، قرّب صوب يلّي جايين وقلُّن: "إنتو مين جايين تاخدوا؟" 5جاوبوه: "عيسى الناصري". قلُّن: "إيه، أنا هوّ". وكان يهوذا الخايِن واقِف مع الحرس. 6وبس قلُّن سيّدنا إنّه هيدا هوّ، رجعوا لوَرا كلُّن ووقعوا عالأرض! 7قام رجِع سألُن: "إنتو مين جايين تاخدوا؟" أصرّوا عذات الجواب: "عيسى الناصري". 8قام قلُّن: "ما خبَّرتكُن إنّي أنا عيسى الناصري؟ خدوني وفلتوا أصحابي". 9وهيك تحقَّق يلّي كان يدعي ويصلّي كرمالُه ويقول: "يا ربّ، مش رح إخسَر ولا واحد من يلّي وهبتني ياهُن"، 10وبهالوقت سحب الحوّاري بطرس سيف كان معُه وقام قطع الدينة اليمين لواحد من عبيد كبير رجّال الدّين، وكان إسمُه مالِك. 11التفت سيّدنا عبطرس وقلُّه: "رجِّع سيفَك محلُّه، أنا قبلان إنّه إشرب كاس المرّ يلّي الله الوليّ الرحمن قدّرلي ياه".
12وهيك قاموا العساكر الرومان مع ضبّاطُن قبضوا على سيّدنا وربطولُه إيديه، 13وأخدوه أوّل شي لعند حنّا كبير رجّال الدّين بهيديك الفترة، وبكون عمُّه أبو مرتُه لقيافا وهوّ كمان كبير رجال الدين وهنّ تنين بس معترف عليهُن من قبل الدولة الرومانيّة، 14وقيافا هو يلّي نصح القادة اليهود إنّه: "خلّيه يموت رجّال واحد فداءً عن الأمّة أحسن ما تموت الأمّة كلّها."
15وقام لحِق سيّدنا عيسى (سلامه علينا) بطرس وحواري تاني بيعرف كبير رجال الدّين، وعشان هيك قدر يفوت مع سيّدنا عباحة القصر، 16بس بطرس بقي واقِف عالباب. وهيدا الحواري صار يعمُل واسطة مع بنت كانت عم تحرُس البوّابة كرمال يفوِّت بطرس لجوّة، 17وقامت سألتُه البنت لبطرس: "إنتَ كمان من أتباع هيدا الرجّال؟" قام نكر بطرس وقلّا: "لأ، أنا مش من أتباعُه." 18ووقتا كان فيه كتير برد. قاموا العبيد شعّلوا نار والتفّوا حواليا. وقرّب بطرس منُّن عشان يتدفّى كمان.
19وبهالوقت سألُه كبير رجال الدّين حنّا لسيّدنا عيسى وهو عم يستجوبُه عن أتباعُه والتعاليم يلّي بنادي فيا. 20جاوبُه (سلامه علينا): "أنا عم بعلّم علناً ما في شي مخبّى، والكلّ بيشهد، علّمت ببيوت العبادة وبالحرم الشريف محل ما بيجتمعوا اليهود. 21فليش عم تسألني أنا؟ إسألُن هنّ يلّي سمعوا وبيعرفوا كلّ تعاليمي". 22قام واحد من الحرّاس ضربُه كفّ وقلّه: "إنت كيف بتحكي هيك مع كبير رجال الدّين؟" 23جاوبُه (سلامه علينا): "إذا أنا غلطان بجوابي جيب حدا يشهد عليّ إنّي غلطان، وإذا عم بحكي صح ليه عم تضربني؟" 24فقام حنّا بعتُه لسيّدنا عيسى وهوّ مكبّل لعند قيافا.
25وبهيدا الوقت كان بعدُه بطرس عم يتدفّا مع الحرّاس، يلّي رجعوا سألوه: "إنت كمان من أتباعُه؟" دغري نكر بطرس وقلُّن: "لا أنا مش منُّن". 26بس اتطلّع واحد ببطرس وهو من عبيد كبير رجال الدّين وبذات الوقت بيقربُه ليلّي قطعلُه بطرس دينتُه، وقلُّه: "أنا وين شايفَك؟ مش إنت يلّي كنت مع عيسى بهيديك البستان؟!" 27رجع نكَر بطرس وقال لأ! لتالت مرّة، وبالوقت يلّي نكر فيه صاح الديك.
محاكمة المسيح
28وهيك بالفجر لمّا انتهت محاكمة سيّدنا عيسى (سلامه علينا) مع قيافا نقلوه من بعدا لقصر الحاكم الروماني، وهونيك ما فاتوا اليهود عالقصر عشان ما يتنجّسوا لأنّه حسب تعاليمُن كلّ يهودي بفوت عند حدا مش يهوديّ بيتنجّس وخاصّةً هلأ عيد يعني ما بعود فيهُن يتعشّوا عشا الفصح. 29كرمال هيك اضطّر يُطْلَع الحاكم لعندُن تيسألُن: "إنتو شو تهمتكُن ضدّ هالرجّال؟" 30جاوبوه: "يعني لو منُّه مجرم ما سلمناك ياه!" 31بس الحاكم بيلاطس قلُن: "طيّب خدوه وحاكموه حسب شريعتكُن". جاوبوه: "كيف بدنا نحاكمُه ما إنتو الرومان منعتونا نعدم!" 32وبهالحكي تحقّقت نبوّة سيّدنا عيسى عن موتُه عالصليب، طريقة الرّومان بالإعدام 33رجِع بيلاطس عالقصر، وبعت ورا سيّدنا ليسألُه: "هل إنتَ ملك اليهود؟" 34جاوبُه: "هيدا سؤال جاية منَّك، ولا حدا تاني قلَّك تسألني ياه؟" 35ردّ بيلاطس وقلّه: "وشو أنا يهودي عشان تهمني كل هالإشيا؟ بس شعبَك سلّموني ياك وكبار رجال الدّين كمان. فخبّرني إنتَ شو عامِل؟" 36جاوبُه سيّدنا: "تهمتي إنّي عم قول عن حالي ملك...أنا ملك! بس مش أرضي، لو كنت ملك عادي كانت عالقليلة إجت الحاشية تبعي تدافع عني! وما كان حدا قبض عليّي. أنا مملكتي مش بهيدا العالم". 37بس قلُّه بيلاطس: "يعني بتقول عن حالَك إنّك ملك!" جاوبُه سيّدنا: "إنتَ عم تقول إنّه أنا ملك. أنا ولِدت وجيت عهالعالم حتى إشهّد للحقّ، وكلّ حدا بحبّ الحقّ رح يطيع تعاليمي". 38رجع سألُه بيلاطس: "طيّب وشو هو الحق يلّي عم تحكي عنُّه؟" بعدين طلع بيلاطس عند الناس يلّي ناطرين برّة وقلُّن: "أنا مش شايِف إنّه عامِل أيّ شي. 39عكل حال حسب العادة عندكُن بعيد الفصح فينا نعفي عن سجين يهوديّ، فهل بدكُن ياني إعفي عن ملك اليهود؟" 40وبس سمعوا هالحكي بلّشوا يصرخوا بصوت عال ويقولوا: "لأ ما تطلُق سراحُه بدنا تطلّعلنا باراباس! بدنا باراباس" وهيدا باراباس كان مجرم ومتمرّد عالرومان.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media