أفاسوس 4
4
الدعوة للوِحدة بأمّة المسيح
كتب الحواري بولس، وهوّ معتقل من قبل الرومان، لأتباع السيّد المسيح بمدينة أفسس، بتركيا اليوم، رسالة عن رضى الله تعالى على كلّ البشر، من خلال الإيمان بسيّدنا عيسى المسيح (سلامه علينا). ومنسمع جزء من هالرسالة:
1"فيا إخواني، أنا المسجون بسبيل الدعوة لسيّدنا عيسى المسيح (سلامه علينا)، بترجّاكُن إنّه تعيشوا بالطريقة لّي بتليق بالدعوة، يلّي اندعيتوا إلها. 2وهيّ إنّه تكونوا متواضعين ولُطفا وصبورين. وتتحمّلوا بعضكُن البعض بمحبّة. 3وتعملوا أقصى جهدكُن لتحافظوا عروح الوِحدة يلّي بتربطكُن ببعض بسلام.
4لأنّه نحنا أتباع المسيح، جماعة وَحدة، فلهيك كلنا مجموعين، أمّة الجسد الواحد، أمّة المسيح، وعنّا روح وَحدة، متل ما دعاكُن الله تعالى، دعوة الأمل الواحد. 5صحيح يوجد سيّدي مولاي واحد، وإيمان واحد، وتغطيس للتطهّر واحد، 6والله واحد، الوليّ الرحمن ربّ العالمين، الوالي على الناس أجمعين، والموجود في المؤمنين.
7وهيك، فضّل الله علينا وأعطى كلّ واحد فينا النّعمة حسب عظمة ما عطى سيّدنا عيسى المسيح، يلّي بتدلّ على كرم سيّدنا.
11فسيّدنا عيسى المسيح (سلامه علينا) هوّ نفسُه يلّي عيّن أتباعُه، فخلّى البعض يكونوا حواريين ومُرسلين، والبعض أعطاهُن نبوءة، والبعض يكونوا داعية، وغيرُن مُشرفين وآخرين مُرشدين. 12فأعطى كلّ هالنّعم كرمال المؤمنين يتجهّزوا ليقوموا بأعمال خدمة الله، وبناء هالجسد الواحد، أمّة المسيح، 13لحد ما نوصل كلنا مع بعض
للوِحدة بإيماننا وتعرّفنا على، الإبن الروحي لله، السيّد المسيح.
وساعتا منبلغ مرحلة النضج الروحي،
ومنترقّى لمرتبة الإنسان الكامل، لأنّه منصير نشبه المسيح الكامل.
14وهيك ما منعود نضلّ أطفال، مش ثابتين، تعليم بياخدنا وتعليم بجيبنا، ناس بتحتال علينا، وناس بتخدعنا بأضاليل. 15بالعكس، نكون صادقين بمحبّتنا، مننمى ومنتقدّم من كلّ النواحي، وهدفنا إنّه نكون متل سيّدنا المسيح بإعتبارُه رأس هالجسد الواحد، جماعة أتباع المسيح. 16الرأس يلّي كلّ الجسد معتمد عليه، وهوّ ماسِك كلّ الأعضاء مع بعضا، وكلّ عضو بيعمل العمل لّي عليه. وهيك بينمى الجسد حتّى يكتِمِل بالمحبّة.
صفات المؤمن من يتبع المسيح
17وهلأ، بإسم سيّدنا عيسى المسيح (سلامه علينا) عم بحكي: بحلّفكن، إنّه ما بقى تتصرّفوا متل الضّالين، يلّي عقولُن غايبين. 18وعبصيرتُن مسكرين، وبعاد عن عبادة الله الحيّ ربّ العالمين، لأنّن جاهلين، عنيدين. 19يلّي ما عاد عندُن إحساس بالخجل فسلّموا حالُن للدعارة، لتصير كلّ أعمالُن نجسة، وبلا ضابِط.
20أمّا إنتو مش هيدا يلّي تعلّمتوه عنّ السيّد المسيح، 21كأتباع إنتو سمعتوا عنّه، وتعلّمتوا إنّه هو طريق الحقّ. 22فاتخلّصوا من طريقة حياتكُن القديمة بسبب هالنفس الأمّارة بالسوء، العايشة فيكُن. 23وخلّوا، روح الله تجدّد أفكاركُن، 24وتلبّسكُن طبيعة جديدة تكون طاهرة نقيّة، تعكُس تقوى الله فيكُن.
25ولهيك، خلص وقفوا كذب، ومتل ما قالوا بكتب الأوّلين: "تكلّموا الصدق بين بعضكُم البعض أنتم الإخوة"، لأنّه كلنا أعضاء مننتمي لأمّة المسيح. 26وكمان قالوا: "فإن غضبتم فلا تُخطئوا"، فيا إخواني، لا تغرب الشمس عليكُن وأنتو غضبانين، 27لا تعطوه للشيطان فرصة يلعب فيكُن. 28ومن اليوم ورايح، يلّي بيسرق يوقّف سرقة، ويبلِّش يتعب ويشتغِل بعمل شريف، تَيعيل حالُه ويساعد المحتاجين. 29وما بقى تقولوا كلام مأذي، بالعكس يكون كلامكُن مفيد، بيبني الناس لّي بحاجة يسمعوه، وهيدا لخيرُن. 30ويا إخواني، لا تخلّوا روح الله القدّوس لّي فيكُن يزعل منكُن، فالله وسمكُن بعلامة وهي، روحُه القدّوس تعالى، ضمانة منّه، إنّكُن أتباع المسيح الصّالحين، إنتو، من الناجيين في يوم الدين. 31خلص، شيلوا من جوّاتكُن الحقد، والنقمة، والغضب، والعداوة، والشتيمة، وكلّ عمل خبيث. 32وكونوا لطفا عبعض، رحومين، ومتسامحين مع بعض متل ما سامحكُن ربّ العالمين، من خلال سيّدنا عيسى المسيح (سلامه علينا).
آمين.
လက္ရွိေရြးခ်ယ္ထားမွု
أفاسوس 4: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
أفاسوس 4
4
الدعوة للوِحدة بأمّة المسيح
كتب الحواري بولس، وهوّ معتقل من قبل الرومان، لأتباع السيّد المسيح بمدينة أفسس، بتركيا اليوم، رسالة عن رضى الله تعالى على كلّ البشر، من خلال الإيمان بسيّدنا عيسى المسيح (سلامه علينا). ومنسمع جزء من هالرسالة:
1"فيا إخواني، أنا المسجون بسبيل الدعوة لسيّدنا عيسى المسيح (سلامه علينا)، بترجّاكُن إنّه تعيشوا بالطريقة لّي بتليق بالدعوة، يلّي اندعيتوا إلها. 2وهيّ إنّه تكونوا متواضعين ولُطفا وصبورين. وتتحمّلوا بعضكُن البعض بمحبّة. 3وتعملوا أقصى جهدكُن لتحافظوا عروح الوِحدة يلّي بتربطكُن ببعض بسلام.
4لأنّه نحنا أتباع المسيح، جماعة وَحدة، فلهيك كلنا مجموعين، أمّة الجسد الواحد، أمّة المسيح، وعنّا روح وَحدة، متل ما دعاكُن الله تعالى، دعوة الأمل الواحد. 5صحيح يوجد سيّدي مولاي واحد، وإيمان واحد، وتغطيس للتطهّر واحد، 6والله واحد، الوليّ الرحمن ربّ العالمين، الوالي على الناس أجمعين، والموجود في المؤمنين.
7وهيك، فضّل الله علينا وأعطى كلّ واحد فينا النّعمة حسب عظمة ما عطى سيّدنا عيسى المسيح، يلّي بتدلّ على كرم سيّدنا.
11فسيّدنا عيسى المسيح (سلامه علينا) هوّ نفسُه يلّي عيّن أتباعُه، فخلّى البعض يكونوا حواريين ومُرسلين، والبعض أعطاهُن نبوءة، والبعض يكونوا داعية، وغيرُن مُشرفين وآخرين مُرشدين. 12فأعطى كلّ هالنّعم كرمال المؤمنين يتجهّزوا ليقوموا بأعمال خدمة الله، وبناء هالجسد الواحد، أمّة المسيح، 13لحد ما نوصل كلنا مع بعض
للوِحدة بإيماننا وتعرّفنا على، الإبن الروحي لله، السيّد المسيح.
وساعتا منبلغ مرحلة النضج الروحي،
ومنترقّى لمرتبة الإنسان الكامل، لأنّه منصير نشبه المسيح الكامل.
14وهيك ما منعود نضلّ أطفال، مش ثابتين، تعليم بياخدنا وتعليم بجيبنا، ناس بتحتال علينا، وناس بتخدعنا بأضاليل. 15بالعكس، نكون صادقين بمحبّتنا، مننمى ومنتقدّم من كلّ النواحي، وهدفنا إنّه نكون متل سيّدنا المسيح بإعتبارُه رأس هالجسد الواحد، جماعة أتباع المسيح. 16الرأس يلّي كلّ الجسد معتمد عليه، وهوّ ماسِك كلّ الأعضاء مع بعضا، وكلّ عضو بيعمل العمل لّي عليه. وهيك بينمى الجسد حتّى يكتِمِل بالمحبّة.
صفات المؤمن من يتبع المسيح
17وهلأ، بإسم سيّدنا عيسى المسيح (سلامه علينا) عم بحكي: بحلّفكن، إنّه ما بقى تتصرّفوا متل الضّالين، يلّي عقولُن غايبين. 18وعبصيرتُن مسكرين، وبعاد عن عبادة الله الحيّ ربّ العالمين، لأنّن جاهلين، عنيدين. 19يلّي ما عاد عندُن إحساس بالخجل فسلّموا حالُن للدعارة، لتصير كلّ أعمالُن نجسة، وبلا ضابِط.
20أمّا إنتو مش هيدا يلّي تعلّمتوه عنّ السيّد المسيح، 21كأتباع إنتو سمعتوا عنّه، وتعلّمتوا إنّه هو طريق الحقّ. 22فاتخلّصوا من طريقة حياتكُن القديمة بسبب هالنفس الأمّارة بالسوء، العايشة فيكُن. 23وخلّوا، روح الله تجدّد أفكاركُن، 24وتلبّسكُن طبيعة جديدة تكون طاهرة نقيّة، تعكُس تقوى الله فيكُن.
25ولهيك، خلص وقفوا كذب، ومتل ما قالوا بكتب الأوّلين: "تكلّموا الصدق بين بعضكُم البعض أنتم الإخوة"، لأنّه كلنا أعضاء مننتمي لأمّة المسيح. 26وكمان قالوا: "فإن غضبتم فلا تُخطئوا"، فيا إخواني، لا تغرب الشمس عليكُن وأنتو غضبانين، 27لا تعطوه للشيطان فرصة يلعب فيكُن. 28ومن اليوم ورايح، يلّي بيسرق يوقّف سرقة، ويبلِّش يتعب ويشتغِل بعمل شريف، تَيعيل حالُه ويساعد المحتاجين. 29وما بقى تقولوا كلام مأذي، بالعكس يكون كلامكُن مفيد، بيبني الناس لّي بحاجة يسمعوه، وهيدا لخيرُن. 30ويا إخواني، لا تخلّوا روح الله القدّوس لّي فيكُن يزعل منكُن، فالله وسمكُن بعلامة وهي، روحُه القدّوس تعالى، ضمانة منّه، إنّكُن أتباع المسيح الصّالحين، إنتو، من الناجيين في يوم الدين. 31خلص، شيلوا من جوّاتكُن الحقد، والنقمة، والغضب، والعداوة، والشتيمة، وكلّ عمل خبيث. 32وكونوا لطفا عبعض، رحومين، ومتسامحين مع بعض متل ما سامحكُن ربّ العالمين، من خلال سيّدنا عيسى المسيح (سلامه علينا).
آمين.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media