سيرة الحواريين 6
6
إختيار مساعدين للحواريين
1وبهيديك الإيّام لمّا كان عدد المؤمنين بسيّدنا عيسى (سلامه علينا) عم يزيد، وقتا بلّشوا يحتجّوا الأتباع يلّي من خلفيّة يهوديّة وأصل يوناني، على الأتباع يلّي من خلفيّة يهوديّة ولاد البلد الأصليين، والسبب هو إنّه الأرامل تبعُن عم يُهمَلوا وقت توزيع المساعدات اليومية. 2فقاموا الحواريين بعتوا ورا الأتباع من الطرفين وقالولُن: "يعني ما بصحّ إنّه نترك نشر تعاليم رسالة الله ونهتمّ بالتوزيع والخدمة! 3فيا إخوان إختاروا سبع رجال من بيناتكُن تكون سمعتُن نضيفة، ع ندُن حكمة وفيهُن من روح الله، حتّى نكلِّفُن بهالمهمّة. 4وهيك نحنا، منتفرَّغ للصلاة والدعاء وتعليم رسالة الله." 5فالكلّ وافق مع هالكلام، وقاموا اختاروا اسْطفان رجّال فيه روح الله وكلّه إيمان، ومعُه فيليب، وبَركور، ونيسان، وتِيمون، وبَرمان، ونقولا الأنطاكي يلّي سبق واعتنق الدين اليهوديّ. 6وجابوا هالرجال السبعة ووقّفوهُن إدّام الحواريين يلّي صلّوا وحطّوا إيديُن عليُن، تيطلبوا من الله سبحانُه يباركهُن بخدمتُن الجديدة. 7وهيك صارت رسالة الله تنتشر، وعدد الأتباع بمدينة القدس يزيد بشكل كبير، وحتّى عدد كبير من رجال الدين آمنوا برسالة سيدنا عيسى (سلامه علينا) وأطاعوها.
القبض على اسْطفان
8اسطفان كان بفضل الله وقوّتُه عم يعمل معجزات وعجايِب بين الناس. 9وقامِت جماعة بتنتمي لبيت العبادة وإسمُن "جماعة الأحرار"، وهنّ يهود مدينة قورينا بليبيا، واسكندرية، ومقاطعة كيليكية وآسيا، يعارضوه ويجادلوه، 10بس ما قدروا يغلبوا حكمتُه يلّي ربنا اعطاه ياها. 11وساعتا حرّضوا كم واحد يكذّبوا ويقولوا: "سمعناه لهالرجّال عم بقول إشيا كفُر بحقّ سيّدنا النبي موسى وبحقّ ربّ العالمين!" 12وقالوا هيك بهدف يْقَوّموا الشعب ومعلمي الشريعة والشيوخ ضدّ اسطفان، فقبضوا عليه، وجابوه إدّام المجلس الأعلى بحرم بيت الله. 13وحتّى جابوا شهود زور قالوا: "هالرجّال مش عم بوقِّف كفر بحقّ بيت الله، وشريعتنا، 14لأنّه سمعناه عم بقول إنّه عيسى النّاصري قال رح يهدم هالمكان ويغيّر تعاليمنا وعاداتنا يلّي ورتناها من سيّدنا النبي موسى."
15وقاموا كلّ الموجودين بالمجلس، بهيديك اللحظة، اتطلّعوا عاسطفان وشافوا وجُّه عم بشعّ نور متل وجّ الملاك.
လက္ရွိေရြးခ်ယ္ထားမွု
سيرة الحواريين 6: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
سيرة الحواريين 6
6
إختيار مساعدين للحواريين
1وبهيديك الإيّام لمّا كان عدد المؤمنين بسيّدنا عيسى (سلامه علينا) عم يزيد، وقتا بلّشوا يحتجّوا الأتباع يلّي من خلفيّة يهوديّة وأصل يوناني، على الأتباع يلّي من خلفيّة يهوديّة ولاد البلد الأصليين، والسبب هو إنّه الأرامل تبعُن عم يُهمَلوا وقت توزيع المساعدات اليومية. 2فقاموا الحواريين بعتوا ورا الأتباع من الطرفين وقالولُن: "يعني ما بصحّ إنّه نترك نشر تعاليم رسالة الله ونهتمّ بالتوزيع والخدمة! 3فيا إخوان إختاروا سبع رجال من بيناتكُن تكون سمعتُن نضيفة، ع ندُن حكمة وفيهُن من روح الله، حتّى نكلِّفُن بهالمهمّة. 4وهيك نحنا، منتفرَّغ للصلاة والدعاء وتعليم رسالة الله." 5فالكلّ وافق مع هالكلام، وقاموا اختاروا اسْطفان رجّال فيه روح الله وكلّه إيمان، ومعُه فيليب، وبَركور، ونيسان، وتِيمون، وبَرمان، ونقولا الأنطاكي يلّي سبق واعتنق الدين اليهوديّ. 6وجابوا هالرجال السبعة ووقّفوهُن إدّام الحواريين يلّي صلّوا وحطّوا إيديُن عليُن، تيطلبوا من الله سبحانُه يباركهُن بخدمتُن الجديدة. 7وهيك صارت رسالة الله تنتشر، وعدد الأتباع بمدينة القدس يزيد بشكل كبير، وحتّى عدد كبير من رجال الدين آمنوا برسالة سيدنا عيسى (سلامه علينا) وأطاعوها.
القبض على اسْطفان
8اسطفان كان بفضل الله وقوّتُه عم يعمل معجزات وعجايِب بين الناس. 9وقامِت جماعة بتنتمي لبيت العبادة وإسمُن "جماعة الأحرار"، وهنّ يهود مدينة قورينا بليبيا، واسكندرية، ومقاطعة كيليكية وآسيا، يعارضوه ويجادلوه، 10بس ما قدروا يغلبوا حكمتُه يلّي ربنا اعطاه ياها. 11وساعتا حرّضوا كم واحد يكذّبوا ويقولوا: "سمعناه لهالرجّال عم بقول إشيا كفُر بحقّ سيّدنا النبي موسى وبحقّ ربّ العالمين!" 12وقالوا هيك بهدف يْقَوّموا الشعب ومعلمي الشريعة والشيوخ ضدّ اسطفان، فقبضوا عليه، وجابوه إدّام المجلس الأعلى بحرم بيت الله. 13وحتّى جابوا شهود زور قالوا: "هالرجّال مش عم بوقِّف كفر بحقّ بيت الله، وشريعتنا، 14لأنّه سمعناه عم بقول إنّه عيسى النّاصري قال رح يهدم هالمكان ويغيّر تعاليمنا وعاداتنا يلّي ورتناها من سيّدنا النبي موسى."
15وقاموا كلّ الموجودين بالمجلس، بهيديك اللحظة، اتطلّعوا عاسطفان وشافوا وجُّه عم بشعّ نور متل وجّ الملاك.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media