سيرة الحواريين 4
4
محاكمة الحواريان بطرس ويوحنا
1بينما كانوا الحواريان بطرس ويوحنّا عم يخطبوا بالجمِع، وإذ برجال الدين وقائد حرس بيت الله وجماعة إسمُن الصدّوقيين إجوا 2وهنّ معصبين لأنّه الحواريان كانوا عم بعلّموا الشعب، وبنادوا عن قيامة الأموات متل ما قام سيّدنا عيسى (سلامه علينا)، 3فقبضوا عليُن وسجنوهُن لتان يوم لأنّه كان ليل. 4مع إنّه كان كتير من الناس يلّي عم يسمعوا الرسالة، عم يصدّقوا ويآمنوا، وصار وقتا عدد المؤمنين من الرجال تقريباً 5000 خمستلاف مؤمن.
5وتان يوم، انعقد مجلس بحضور المشايخ وعلما الشريعة بالقدس، 6مع حنّا كبير رجال الدين وقيافا ويوحنّا واسكندر وكلّ يلّي كانوا من قرايِب كبير رجال الدين. 7فبعتوا وجابوا بطرس ويوحنّا وبلّشوا يحقّقوا معُن ويقولولُن: "إنتو بأيّ قدرة وبإسم مين عملتوا يلّي عملتوه؟" 8وهون امتلأ بطرس من روح الله وردّ عليُن وقال "يا أسيادنا، 9عم تسألونا اليوم عن معروف سوّيناه مع مريض! وبدكُن تعرفوا كيف شِفي؟ 10فإذن عرفوا كلكُن، وكلّ بني يعقوب لازم يعرفوا إنّه هالرجّال الواقف قدّامكُن، معافى بإسم وقوّة سيدنا عيسى المسيح الناصري يلّي إنتو صلبتوه، لكن لله أقامُه من بين الأموات وبعَثُه حياً. 11فعيسى يلّي مذكور عنّه بكتاب الزبور إنّو هوّ الحجر لّي رفضتوه إنتو يلّي بتبنوا، هالحجر هوّ صار أساس بيت الله! 12فما في نجاة بغيرُه، لأنّه الله ما خصّ حدا غير سيّدنا إنّه ينجّينا."
13ولمّا شافوا أعضاء المجلس جرأة بطرس ويوحنّا، وعرفوا إنُّن من عامة الشعب ومش متعلّمين، تعجّبوا، بس تعرّفوا عليُن إنُّن من حواريي سيّدنا عيسى، 14وبذات الوقت ما عرفوا شو يقولولُن لأنه شايفين بعيونُن الكسيح لّي شفي واقِف إدّامُن وما باه شي. 15فقاموا ضهّروهُن برّات المجلس وصاروا يتشاوروا بين بعضُن 16وقالوا: "طيّب شو منعمل بهالتنين هولة؟ يعني ما فينا ننكُر إنّه هالمعجزة صارت عإيديُن وكلّ أهل القدس سمعوا فيا. 17حتّى ما تنتشر أكتر هالقصّة بين الشعب، خلّينا نهدِّدُن تما يبقى يجيبوا سيرة عيسى أبداً بحديثُن."
18وقاموا رجعوا فوّتوهُن عالمجلس وأمروهُن إنّه ما يبقى يحكوا عن عيسى بتاتاً ولا يعلّموا تعاليمُه. 19فجاوبوون بطرس ويوحنا: "يعني إنّه لازم نطيعكُن ولّا نطيع الله؟ إنتو احكموا. 20لأنّه نحنا ما فينا ما نحكي شو صار معنا وشو سمعنا!" 21ولكن رجعوا رجال المجلس هدّدوهُن مرة تانية، بس ما كان عندُن شي ضدُّن تيعاقبوهُن عليه فأطلقوا سراحُن لانّه خافوا من ردّة فعل العالم يلّي كانت بعدا متأثرة بالحدث وعم تسبِّح ربّ العالمين. 22وهيدا لأنه الرجّال الّي صارت معُه معجزة الشفا صرلُه أكثر من أربعين سنة عهالحالة.
دعاء أتباع سيدنا عيسى
23رجعوا بطرس ويوحنّا لعند باقي الحواريين وأصحابُن المؤمنين بعد ما أطلق المجلس سراحُن. وخبّروهُن بكلّ شي صار معُن وشو قالولُن رجال الدين بالمجلس، 24وبس سمعوا بهالشي، قاموا اجتمعوا بقلب واحد وصوت واحد وبلّشوا دعاء لربّ العالمين، وقالوا: "يا مالِك المُلك يا خالِق السماوات والأرض وكلّ شي بيناتُن، والبحار وكلّ شي فيهُن، 25يا مَن أوحيت لعبدك النبي داوود (عليه السلام) بهالكلام المذكور بالزبور:
"ليش هاجت وماجِت الأُمم؟
وليه فكّرت الشعوب بأمور باطلة؟
26استعَدَّ ملوك الأرض
واجتمعوا الحكّام مع بعض
ضد الله سبحانه وتعالى وضد مسيحُه المختار!"
27وفعلاً اجتمع بهالمدينة هيرودس وبيلاطس البنطي وكلّ الغربا وبني يعقوب، ضدّ عبدك الصالح عيسى لّي اخترته تيكون ملك على أمتك، 28وعملوا كلّ شي سبق وقدّرتُه يا رب بحسب قوتك وإرادتَك. 29اتطلّع اللهمّ تعالى لتهديداتُن، واعطينا نحنا عبيدك إنّه نعلن رسالتك بكل جرأة وبدون خوف، 30وبقوتَك نشفي المرضى بإيدينا، وعمول عجايب ومعجزات بقدرة عبدك الصالح سيّدنا عيسى (سلامه علينا). آمين يا رب العالمين."
31ومن بعد ما خلّصوا من دعائُن لالله سبحانه، اهتزّ المكان لّي كانوا مجتمعين فيه وامتلأ كلّ الموجودين من روح الله، ومن بعدا صاروا يعلنوا رسالة الله بكلّ جرأة وبدون خوف.
المؤمنين بيتشاركوا أرزاقُن
32وهيك كانوا المؤمنين بسيّدنا عيسى (سلامه علينا) كلُّن بنيّة وحدة وقلب واحد، وما كان حدا منُن يقول إنّه الّي بيملكُه هو ملكُه، يعني صار كلّ شي ملك الكلّ. 33واستمرّوا الحواريين، بقوة الله، يشهدوا عن قيامة سيدنا عيسى المسيح وبعثُه حياً، ووقتا أنعم الله عليهُن كتير. 34فما بقي ولا محتاج، لأنّه كان أصحاب الحقول أو البيوت يبيعوا ممتلكاتُن، ويجيبوا حقُّن 35ويعطوه للحواريين. وهنّ يوزعوه حسب حاجة كلّ واحد من المؤمنين. 36حتّى يوسف القبرصي يلّي لقّبوه الحواريين برنابا يعني المُشَجّع، وهو من قبيلة لاوي، قبيلة النبي موسى وهارون (عليهم السلام)، 37كان عندُه حقل كمان راح باعُه وعطى حقُه للحواريين.
လက္ရွိေရြးခ်ယ္ထားမွု
سيرة الحواريين 4: LRT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media
سيرة الحواريين 4
4
محاكمة الحواريان بطرس ويوحنا
1بينما كانوا الحواريان بطرس ويوحنّا عم يخطبوا بالجمِع، وإذ برجال الدين وقائد حرس بيت الله وجماعة إسمُن الصدّوقيين إجوا 2وهنّ معصبين لأنّه الحواريان كانوا عم بعلّموا الشعب، وبنادوا عن قيامة الأموات متل ما قام سيّدنا عيسى (سلامه علينا)، 3فقبضوا عليُن وسجنوهُن لتان يوم لأنّه كان ليل. 4مع إنّه كان كتير من الناس يلّي عم يسمعوا الرسالة، عم يصدّقوا ويآمنوا، وصار وقتا عدد المؤمنين من الرجال تقريباً 5000 خمستلاف مؤمن.
5وتان يوم، انعقد مجلس بحضور المشايخ وعلما الشريعة بالقدس، 6مع حنّا كبير رجال الدين وقيافا ويوحنّا واسكندر وكلّ يلّي كانوا من قرايِب كبير رجال الدين. 7فبعتوا وجابوا بطرس ويوحنّا وبلّشوا يحقّقوا معُن ويقولولُن: "إنتو بأيّ قدرة وبإسم مين عملتوا يلّي عملتوه؟" 8وهون امتلأ بطرس من روح الله وردّ عليُن وقال "يا أسيادنا، 9عم تسألونا اليوم عن معروف سوّيناه مع مريض! وبدكُن تعرفوا كيف شِفي؟ 10فإذن عرفوا كلكُن، وكلّ بني يعقوب لازم يعرفوا إنّه هالرجّال الواقف قدّامكُن، معافى بإسم وقوّة سيدنا عيسى المسيح الناصري يلّي إنتو صلبتوه، لكن لله أقامُه من بين الأموات وبعَثُه حياً. 11فعيسى يلّي مذكور عنّه بكتاب الزبور إنّو هوّ الحجر لّي رفضتوه إنتو يلّي بتبنوا، هالحجر هوّ صار أساس بيت الله! 12فما في نجاة بغيرُه، لأنّه الله ما خصّ حدا غير سيّدنا إنّه ينجّينا."
13ولمّا شافوا أعضاء المجلس جرأة بطرس ويوحنّا، وعرفوا إنُّن من عامة الشعب ومش متعلّمين، تعجّبوا، بس تعرّفوا عليُن إنُّن من حواريي سيّدنا عيسى، 14وبذات الوقت ما عرفوا شو يقولولُن لأنه شايفين بعيونُن الكسيح لّي شفي واقِف إدّامُن وما باه شي. 15فقاموا ضهّروهُن برّات المجلس وصاروا يتشاوروا بين بعضُن 16وقالوا: "طيّب شو منعمل بهالتنين هولة؟ يعني ما فينا ننكُر إنّه هالمعجزة صارت عإيديُن وكلّ أهل القدس سمعوا فيا. 17حتّى ما تنتشر أكتر هالقصّة بين الشعب، خلّينا نهدِّدُن تما يبقى يجيبوا سيرة عيسى أبداً بحديثُن."
18وقاموا رجعوا فوّتوهُن عالمجلس وأمروهُن إنّه ما يبقى يحكوا عن عيسى بتاتاً ولا يعلّموا تعاليمُه. 19فجاوبوون بطرس ويوحنا: "يعني إنّه لازم نطيعكُن ولّا نطيع الله؟ إنتو احكموا. 20لأنّه نحنا ما فينا ما نحكي شو صار معنا وشو سمعنا!" 21ولكن رجعوا رجال المجلس هدّدوهُن مرة تانية، بس ما كان عندُن شي ضدُّن تيعاقبوهُن عليه فأطلقوا سراحُن لانّه خافوا من ردّة فعل العالم يلّي كانت بعدا متأثرة بالحدث وعم تسبِّح ربّ العالمين. 22وهيدا لأنه الرجّال الّي صارت معُه معجزة الشفا صرلُه أكثر من أربعين سنة عهالحالة.
دعاء أتباع سيدنا عيسى
23رجعوا بطرس ويوحنّا لعند باقي الحواريين وأصحابُن المؤمنين بعد ما أطلق المجلس سراحُن. وخبّروهُن بكلّ شي صار معُن وشو قالولُن رجال الدين بالمجلس، 24وبس سمعوا بهالشي، قاموا اجتمعوا بقلب واحد وصوت واحد وبلّشوا دعاء لربّ العالمين، وقالوا: "يا مالِك المُلك يا خالِق السماوات والأرض وكلّ شي بيناتُن، والبحار وكلّ شي فيهُن، 25يا مَن أوحيت لعبدك النبي داوود (عليه السلام) بهالكلام المذكور بالزبور:
"ليش هاجت وماجِت الأُمم؟
وليه فكّرت الشعوب بأمور باطلة؟
26استعَدَّ ملوك الأرض
واجتمعوا الحكّام مع بعض
ضد الله سبحانه وتعالى وضد مسيحُه المختار!"
27وفعلاً اجتمع بهالمدينة هيرودس وبيلاطس البنطي وكلّ الغربا وبني يعقوب، ضدّ عبدك الصالح عيسى لّي اخترته تيكون ملك على أمتك، 28وعملوا كلّ شي سبق وقدّرتُه يا رب بحسب قوتك وإرادتَك. 29اتطلّع اللهمّ تعالى لتهديداتُن، واعطينا نحنا عبيدك إنّه نعلن رسالتك بكل جرأة وبدون خوف، 30وبقوتَك نشفي المرضى بإيدينا، وعمول عجايب ومعجزات بقدرة عبدك الصالح سيّدنا عيسى (سلامه علينا). آمين يا رب العالمين."
31ومن بعد ما خلّصوا من دعائُن لالله سبحانه، اهتزّ المكان لّي كانوا مجتمعين فيه وامتلأ كلّ الموجودين من روح الله، ومن بعدا صاروا يعلنوا رسالة الله بكلّ جرأة وبدون خوف.
المؤمنين بيتشاركوا أرزاقُن
32وهيك كانوا المؤمنين بسيّدنا عيسى (سلامه علينا) كلُّن بنيّة وحدة وقلب واحد، وما كان حدا منُن يقول إنّه الّي بيملكُه هو ملكُه، يعني صار كلّ شي ملك الكلّ. 33واستمرّوا الحواريين، بقوة الله، يشهدوا عن قيامة سيدنا عيسى المسيح وبعثُه حياً، ووقتا أنعم الله عليهُن كتير. 34فما بقي ولا محتاج، لأنّه كان أصحاب الحقول أو البيوت يبيعوا ممتلكاتُن، ويجيبوا حقُّن 35ويعطوه للحواريين. وهنّ يوزعوه حسب حاجة كلّ واحد من المؤمنين. 36حتّى يوسف القبرصي يلّي لقّبوه الحواريين برنابا يعني المُشَجّع، وهو من قبيلة لاوي، قبيلة النبي موسى وهارون (عليهم السلام)، 37كان عندُه حقل كمان راح باعُه وعطى حقُه للحواريين.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2021 Sabeel Media