Ŵalawi 7
7
Mbopesi jakulechelesya ileŵo
1Agaga ni malajisyo gankati mbopesi ja kulechelesya ileŵo jajili jeŵichikwe pajika kusyenesyene kwaligongo lya Ambuje Akunnungu. 2Chinyama cha mbopesi ja kulechelesya ileŵo chichisikitilwe palapala paakusikitilaga inyama ya mbopesi ya kutinisya, ni miasi jakwe chijinyuluchiswe mbande syosye sya chilisa. 3Mauta gakwe gose tigatyosyekwe mbopesi: Mauta ga munchila ni mauta gagakuunichila mlutuumbo, 4mbyo siŵili ni mauta gose gagasyungulile chiŵandi ni mauli ni agala gagaunichile litooga. Yele yose chiityosekwe kwa chinyama cho. 5Jwambopesi chaitinisye pachanya chilisa jiŵe mbopesi jajikutyosyekwa kwa Ambuje Akunnungu ni mooto. Jelejo jili mbopesi jakulechelesya ileŵo. 6Ŵakusachilwa kulya mbopesi jo ali achalume ŵa ntundu wa ŵambopesi pe, chijiligwe peuto papaŵichikwe pajika kwaligongo lya Akunnungu, jelejo jili mbopesi jajiŵichikwe pajika kusyenesyene kwaligongo lya Ambuje Akunnungu. 7Lilamulo lili limo nkati mbopesi jakulechelesya ileŵo ni mbopesi jakulechelesya sambi, jwambopesi juchatende ujilanyo ni juchajijigale mbopesi jo. 8Jwambopesi jutajityosye mbopesi ja kutinisya ja mundu jwalijose, chajigale lipende lya chinyama chachityosyekwe liŵe lyakwe. 9Mbopesi jajilijose ja nafaka jepalile pane jajitelechelwe mu chiteleko pane mu chikalango chijiŵe jakwe, jwele jwambopesi jwajipeleche kwa Ambuje Akunnungu. 10Ni mbopesi jajilijose ja utandi, uŵe wewanganye ni mauta ga seituni pane wangawanganya, chijiŵe jao ŵanache achalume ŵa che Haluni, ni ŵanawose agaŵilwe yalumo.
Mbopesi jakutama kwa chitendewele ni Akunnungu
11Agaga ni malajisyo gankati mbopesi ja kutama kwa chitendewele jakukombola mundu kuntyochesya Ambuje Akunnungu. 12Iŵaga mundu akujityosya mbopesi ja chitendewele kwaligongo lya kwatogolela Akunnungu, nipele chajityosye mbopesi jo pampepe ni mikate jangataga amila, jetaje mauta ga seituni ni mikate jakunyilila jangataga amila jetaje mauta ga seituni, ni mikate ja utandi wesyajiche chenene, wewanganye yambone mauta ga seituni. 13Pamo ni jele mbopesi jakwe ja chitendewele jakwatogolela Akunnungu, chaichenawo mikate jetaje amila. 14Ni mu yeleyo chantyochesye Ambuje Akunnungu chimochimo mu yanayose chiŵe mbopesi jakunyakula mwinani kwa Ambuje Akunnungu, chijiŵe ja jwambopesi juchamisile pa chilisa miasi ja mbopesi ja chitendewele. 15Ni nyama ja mbopesi ja chitendewele jajikutyosekwa kwaligongo lya kwatogolela Ambuje Akunnungu jo, chijiligwe lyuŵa lilyolyo lyakutyosya, chikasigala chachili chose mpaka kundaŵi. 16Nambo iŵaga mbopesi jakwe jili ja nasili pane jaakutyosya mundu kwakusaka kwakwe, chijiligwe lyuŵa lilyolyo lyakutyosya mbopesi jo ni jasigalilaga jikukomboleka kuligwa kundaŵi kwakwe. 17Nambo nyama jajilijose ja mbopesi jo jasigalilaga mpaka lyuŵa lyaatatu jitinichikwe. 18Naga nyama jajilijose ja mbopesi ja chitendewele jikuligwa pa lyuŵa lyaatatu, Ambuje Akunnungu ngasajikunda mbopesi jo, ni mundu jwajityosisye jo ngasakundikwa kwa kwapopelela Akunnungu, pakuŵa nyama jo ngajikukundikwa, ni mundu juchalye chachichikopochele chalionele asyene.
19Nyama jajilijose jajikuchikwaya chindu changachikundikwa kwa mapopelo jikaligwa, jitinichikwe pa mooto. Nkati nyama jine jo, mundu jwalijose jwakukundikwa kwa kwapopelela Akunnungu akukombola kulya. 20Nambo mundu jwalijose jwakuŵalanjikwa kuŵa jwangakundikwa kwa kwapopela Akunnungu, alyaga nyama jo chaŵichikwe pajika ni ŵandu wakwe. 21Mundu jwalijose jwakuchikwaya chindu chachili chose changachikundikwa kwa kwapopelela Akunnungu pane usakwa wa mundu pane chinyama changakundikwa kwa kwapopelela pane chindu chachilichose changakundikwa kwa mapopelo, chachili chakunyalapikwa, alyaga nyama ja mbopesi ja chitendewele jajityosyekwe kwa Ambuje Akunnungu, mundu jo chaŵichikwe pajika ni ŵandu ŵakwe.
22Ambuje Akunnungu ŵansalile che Musa, 23“Mwasalile Ŵaisilaeli yelei: Ngasalya mauta gagaligose ga ng'ombe namose ga ngondolo namose ga mbusi. 24Mauta ga chinyama chachili chose chachiwile chisyene pane chachiulajikwe ni chinyama cha mwikonde gakukomboleka kugosekwa kwa kupanganyichisya indu ine, nambo ngasinlya ng'oo. 25Mundu jwalijose alyaga mauta ga chinyama chachityochekwe kwa Ambuje Akunnungu ni mooto, chaŵichikwe pajika ni ŵandu ŵakwe. 26Sooni, ngasinlya miasi jajilijose, jiŵe ja ijuni pane ja chinyama, papalipose patinkatame. 27Mundu jwalijose alyaga miasi, mundu jo chaŵichikwe pajika ni ŵandu ŵakwe.”
28Ambuje Akunnungu ŵansalile che Musa, 29“Mwasalile ŵandu ŵa ku Isilaeli yelei: Mundu jwalijose atyosyaga mbopesi ja chitendewele kwa Ambuje Akunnungu, chatyosye mbua ja mbopesi jo kwa Ambuje Akunnungu. 30Chaichenajo kwa makono gakwe nsyene paujo pa Ambuje Akunnungu kuŵa mbopesi jakutinisya ni mooto. Chaichenawo mauta pamo ni chidali ni jwelejo tanyakulile mwinani chidali cho paujo pa Ambuje Akunnungu kuŵa sadaka ja kunyakula. 31Jwambopesi chagatinisye mauta gose pachilisa nambo chidali chichiŵe chakwe che Haluni ni achiŵanagwe ŵambopesi. 32Chiiga cha kunlyo chakunyuma kwa chinyama cha mbopesi ja chitendewele chimwape jwambopesi. 33Chiiga cho chichiŵe chakwe jwambopesi jwa uŵelesi u che Haluni juchapeleche miasi ja mbopesi ja chitendewele ni mauta gakwe. 34Ambuje Akunnungu ŵaalajisye ŵandu ŵa ku Isilaeli aŵiche pajika chidali cho ni chiiga cha inyama ya mbopesi syao sya chitendewele, ŵaape che Haluni ni achiŵanagwe, pakuŵa mbua jo jiŵichikwe kwaligongo lya ŵambopesi wo, moŵa gose pangali mbesi. 35Jelejo ni mbua jajiŵichikwe pajika kwaligongo li che Haluni ni achiŵanagwe kuumila mu mbopesi syasikutyochekwa kwa mooto kwaligongo lya Ambuje Akunnungu, chitandile pa lyuŵa lyaŵichikwe kwatumichila Ambuje Akunnungu pa masengo ga umbopesi. 36Kutandilila ali lyuŵa liŵaŵichikwe pajika kwatumichila Ambuje Akunnungu, kwakwajitilila mauta ga seituni, Ambuje Akunnungu ŵaasalile Ŵaisilaeli ŵaape mbua jo ja mbopesi, jelejo chijiŵe lilajisyo lya moŵa gose pangali mbesi pa uŵelesi wao wose.”
37Nipele lyeleli ni lilajisyo nkati mbopesi ja kutinisya ni mbopesi ja nafaka ni mbopesi ja kulecheleswa sambi ni mbopesi jakulecheleswa ileŵo ni mbopesi ja kummika mundu pajika kwa kwatumichila Akunnungu, ni mbopesi ja chitendewele. 38Gelego ni malajisyo ga Ambuje Akunnungu gaŵapele che Musa, ku chitumbi lya Sinai, lyuŵa lila paŵalamwile Ŵaisilaeli ŵaichisye mbopesi syao ku chipululu cha Sinai kula.
လက္ရွိေရြးခ်ယ္ထားမွု
Ŵalawi 7: YBV
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Yao New Testament © The Word for the World Southern Africa and Pioneer Bible Translators, 2018.
Ŵalawi 7
7
Mbopesi jakulechelesya ileŵo
1Agaga ni malajisyo gankati mbopesi ja kulechelesya ileŵo jajili jeŵichikwe pajika kusyenesyene kwaligongo lya Ambuje Akunnungu. 2Chinyama cha mbopesi ja kulechelesya ileŵo chichisikitilwe palapala paakusikitilaga inyama ya mbopesi ya kutinisya, ni miasi jakwe chijinyuluchiswe mbande syosye sya chilisa. 3Mauta gakwe gose tigatyosyekwe mbopesi: Mauta ga munchila ni mauta gagakuunichila mlutuumbo, 4mbyo siŵili ni mauta gose gagasyungulile chiŵandi ni mauli ni agala gagaunichile litooga. Yele yose chiityosekwe kwa chinyama cho. 5Jwambopesi chaitinisye pachanya chilisa jiŵe mbopesi jajikutyosyekwa kwa Ambuje Akunnungu ni mooto. Jelejo jili mbopesi jakulechelesya ileŵo. 6Ŵakusachilwa kulya mbopesi jo ali achalume ŵa ntundu wa ŵambopesi pe, chijiligwe peuto papaŵichikwe pajika kwaligongo lya Akunnungu, jelejo jili mbopesi jajiŵichikwe pajika kusyenesyene kwaligongo lya Ambuje Akunnungu. 7Lilamulo lili limo nkati mbopesi jakulechelesya ileŵo ni mbopesi jakulechelesya sambi, jwambopesi juchatende ujilanyo ni juchajijigale mbopesi jo. 8Jwambopesi jutajityosye mbopesi ja kutinisya ja mundu jwalijose, chajigale lipende lya chinyama chachityosyekwe liŵe lyakwe. 9Mbopesi jajilijose ja nafaka jepalile pane jajitelechelwe mu chiteleko pane mu chikalango chijiŵe jakwe, jwele jwambopesi jwajipeleche kwa Ambuje Akunnungu. 10Ni mbopesi jajilijose ja utandi, uŵe wewanganye ni mauta ga seituni pane wangawanganya, chijiŵe jao ŵanache achalume ŵa che Haluni, ni ŵanawose agaŵilwe yalumo.
Mbopesi jakutama kwa chitendewele ni Akunnungu
11Agaga ni malajisyo gankati mbopesi ja kutama kwa chitendewele jakukombola mundu kuntyochesya Ambuje Akunnungu. 12Iŵaga mundu akujityosya mbopesi ja chitendewele kwaligongo lya kwatogolela Akunnungu, nipele chajityosye mbopesi jo pampepe ni mikate jangataga amila, jetaje mauta ga seituni ni mikate jakunyilila jangataga amila jetaje mauta ga seituni, ni mikate ja utandi wesyajiche chenene, wewanganye yambone mauta ga seituni. 13Pamo ni jele mbopesi jakwe ja chitendewele jakwatogolela Akunnungu, chaichenawo mikate jetaje amila. 14Ni mu yeleyo chantyochesye Ambuje Akunnungu chimochimo mu yanayose chiŵe mbopesi jakunyakula mwinani kwa Ambuje Akunnungu, chijiŵe ja jwambopesi juchamisile pa chilisa miasi ja mbopesi ja chitendewele. 15Ni nyama ja mbopesi ja chitendewele jajikutyosekwa kwaligongo lya kwatogolela Ambuje Akunnungu jo, chijiligwe lyuŵa lilyolyo lyakutyosya, chikasigala chachili chose mpaka kundaŵi. 16Nambo iŵaga mbopesi jakwe jili ja nasili pane jaakutyosya mundu kwakusaka kwakwe, chijiligwe lyuŵa lilyolyo lyakutyosya mbopesi jo ni jasigalilaga jikukomboleka kuligwa kundaŵi kwakwe. 17Nambo nyama jajilijose ja mbopesi jo jasigalilaga mpaka lyuŵa lyaatatu jitinichikwe. 18Naga nyama jajilijose ja mbopesi ja chitendewele jikuligwa pa lyuŵa lyaatatu, Ambuje Akunnungu ngasajikunda mbopesi jo, ni mundu jwajityosisye jo ngasakundikwa kwa kwapopelela Akunnungu, pakuŵa nyama jo ngajikukundikwa, ni mundu juchalye chachichikopochele chalionele asyene.
19Nyama jajilijose jajikuchikwaya chindu changachikundikwa kwa mapopelo jikaligwa, jitinichikwe pa mooto. Nkati nyama jine jo, mundu jwalijose jwakukundikwa kwa kwapopelela Akunnungu akukombola kulya. 20Nambo mundu jwalijose jwakuŵalanjikwa kuŵa jwangakundikwa kwa kwapopela Akunnungu, alyaga nyama jo chaŵichikwe pajika ni ŵandu wakwe. 21Mundu jwalijose jwakuchikwaya chindu chachili chose changachikundikwa kwa kwapopelela Akunnungu pane usakwa wa mundu pane chinyama changakundikwa kwa kwapopelela pane chindu chachilichose changakundikwa kwa mapopelo, chachili chakunyalapikwa, alyaga nyama ja mbopesi ja chitendewele jajityosyekwe kwa Ambuje Akunnungu, mundu jo chaŵichikwe pajika ni ŵandu ŵakwe.
22Ambuje Akunnungu ŵansalile che Musa, 23“Mwasalile Ŵaisilaeli yelei: Ngasalya mauta gagaligose ga ng'ombe namose ga ngondolo namose ga mbusi. 24Mauta ga chinyama chachili chose chachiwile chisyene pane chachiulajikwe ni chinyama cha mwikonde gakukomboleka kugosekwa kwa kupanganyichisya indu ine, nambo ngasinlya ng'oo. 25Mundu jwalijose alyaga mauta ga chinyama chachityochekwe kwa Ambuje Akunnungu ni mooto, chaŵichikwe pajika ni ŵandu ŵakwe. 26Sooni, ngasinlya miasi jajilijose, jiŵe ja ijuni pane ja chinyama, papalipose patinkatame. 27Mundu jwalijose alyaga miasi, mundu jo chaŵichikwe pajika ni ŵandu ŵakwe.”
28Ambuje Akunnungu ŵansalile che Musa, 29“Mwasalile ŵandu ŵa ku Isilaeli yelei: Mundu jwalijose atyosyaga mbopesi ja chitendewele kwa Ambuje Akunnungu, chatyosye mbua ja mbopesi jo kwa Ambuje Akunnungu. 30Chaichenajo kwa makono gakwe nsyene paujo pa Ambuje Akunnungu kuŵa mbopesi jakutinisya ni mooto. Chaichenawo mauta pamo ni chidali ni jwelejo tanyakulile mwinani chidali cho paujo pa Ambuje Akunnungu kuŵa sadaka ja kunyakula. 31Jwambopesi chagatinisye mauta gose pachilisa nambo chidali chichiŵe chakwe che Haluni ni achiŵanagwe ŵambopesi. 32Chiiga cha kunlyo chakunyuma kwa chinyama cha mbopesi ja chitendewele chimwape jwambopesi. 33Chiiga cho chichiŵe chakwe jwambopesi jwa uŵelesi u che Haluni juchapeleche miasi ja mbopesi ja chitendewele ni mauta gakwe. 34Ambuje Akunnungu ŵaalajisye ŵandu ŵa ku Isilaeli aŵiche pajika chidali cho ni chiiga cha inyama ya mbopesi syao sya chitendewele, ŵaape che Haluni ni achiŵanagwe, pakuŵa mbua jo jiŵichikwe kwaligongo lya ŵambopesi wo, moŵa gose pangali mbesi. 35Jelejo ni mbua jajiŵichikwe pajika kwaligongo li che Haluni ni achiŵanagwe kuumila mu mbopesi syasikutyochekwa kwa mooto kwaligongo lya Ambuje Akunnungu, chitandile pa lyuŵa lyaŵichikwe kwatumichila Ambuje Akunnungu pa masengo ga umbopesi. 36Kutandilila ali lyuŵa liŵaŵichikwe pajika kwatumichila Ambuje Akunnungu, kwakwajitilila mauta ga seituni, Ambuje Akunnungu ŵaasalile Ŵaisilaeli ŵaape mbua jo ja mbopesi, jelejo chijiŵe lilajisyo lya moŵa gose pangali mbesi pa uŵelesi wao wose.”
37Nipele lyeleli ni lilajisyo nkati mbopesi ja kutinisya ni mbopesi ja nafaka ni mbopesi ja kulecheleswa sambi ni mbopesi jakulecheleswa ileŵo ni mbopesi ja kummika mundu pajika kwa kwatumichila Akunnungu, ni mbopesi ja chitendewele. 38Gelego ni malajisyo ga Ambuje Akunnungu gaŵapele che Musa, ku chitumbi lya Sinai, lyuŵa lila paŵalamwile Ŵaisilaeli ŵaichisye mbopesi syao ku chipululu cha Sinai kula.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Yao New Testament © The Word for the World Southern Africa and Pioneer Bible Translators, 2018.