Utu Ulongolelu
Ulongolelu
Chenichi ndi chitabu cha kutumbula Mubibilia ndi chikemelewa “Utumbula” ndi chitabu cha kutumbula mulilaganu la kadeni mu Bibilia. Chitabu ichi chilangisa vindu vyoha vihumili kwoki na Chapanga cheavahengili vandu. Vasomi magono aga vana maholo gamahele ndalindali ndava ya mundu au vandu vevachiyandiki chitabu ich cha Utumbula, na ndi lukumbi lwoki chitabu ichi chayandikwi. Vavi veviholalela kuvya chitabu ichi chayandikwi kuhuma mumayandiku ga kadeni mulukumbi pagati ya kaline ya 5 mbaka ya 6 kwakona Kilisitu angavelekewa. Vangi viyidakila kwandava ya mambu gevagapokili na gegiyidakiliwa na vandu vamahele kuvya Musa ndi ayandiki chitabu cha Utumbula, mewa ayandiki vitabu vingi vya Kuhuma na Mambu ga Valawi na Uvalangu na Kumbukumbu ya malagizu pagati ya miyaka ya elufu yimonga na miya hidatu amala elufu yimonga na miya mcheche kwakona Kilisitu angavelekewa.
Chitabu cha Utumbula china mambu gabwina neju gegakuvatangatila Vakilisitu kumanya mambu gangi goha gegavi mu Bibilia, yivya Mulilaganu la Kadeni amalaa la Mupya. Chitabu cha Utumbula chikutilangisa namuna kumbudila Chapanga chekwayingili pamulima, na namuna vandu voha chevakumugana Msangula. Chitabu ichi mewa chikuuvika pawaka mupangu wa Chapanga wa kuvasangula vandu. Lenili lihotola kulolekana muulota wa kutumbula wewilongela kumvala Yesu Utumbula 3:15, na lilaganu la Chapanga kwa Abulahamu la kuvamotisa vandu voha va pamulima Utumbula 12:3
Gegavii
Chapanga awumbili mulima, na mewa avawumbili Adamu na Eva ngati cheyikokoswa mu sula ya 1 na ya 2
Sula ya 3 mbaka ya 5 yikuvakokosa Adamu na Eva, kumubudila kwavi Chapanga, na viveleku vyavi.
Sura ya 6 mbaka ya 9 yikumukokosa Nuhu na mambu ga manji gakulu gamahele gegagubiki mulima
Pagenago chitabu cha Utumbula chikokosa chila chechahumalili pagati ya lusenje lwa Nuhu na lula lwa Abulahamu, yikokosa pamonga na munala wa Babeli musula ya 10 na ya 11
Sula ya 12 mbaka ya 50 zikumuvala Abulahamu na nyumba yaki na utumbukanu wa vandu vaku Isilaeli. Kutama kwa Abulahamu na Sala mdala waki gikokoswa kuhuma musula ya 12 mbaka ya 25. Kutama kwa Isaka na Lebeka mdala waki gikokoswa kuhuma musula ya 21 mbaka ya 28 na kufwa kwaki kukokoswa musula ya 35. Kutama kwa Yakobo na vana vaki gikokoswa kuhuma musula ya 25 mbaka 50. Sura ya 37 mbaka ya 50 yimemili mambu ga Yosefu, mwana wa chiganu wa Yakobo, na namuna cheabwelili kukitiwa kuvya mtalalila wa mulima wa Misili.
လက္ရွိေရြးခ်ယ္ထားမွု
Utu Ulongolelu: Ngoni
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.
Utu Ulongolelu
Ulongolelu
Chenichi ndi chitabu cha kutumbula Mubibilia ndi chikemelewa “Utumbula” ndi chitabu cha kutumbula mulilaganu la kadeni mu Bibilia. Chitabu ichi chilangisa vindu vyoha vihumili kwoki na Chapanga cheavahengili vandu. Vasomi magono aga vana maholo gamahele ndalindali ndava ya mundu au vandu vevachiyandiki chitabu ich cha Utumbula, na ndi lukumbi lwoki chitabu ichi chayandikwi. Vavi veviholalela kuvya chitabu ichi chayandikwi kuhuma mumayandiku ga kadeni mulukumbi pagati ya kaline ya 5 mbaka ya 6 kwakona Kilisitu angavelekewa. Vangi viyidakila kwandava ya mambu gevagapokili na gegiyidakiliwa na vandu vamahele kuvya Musa ndi ayandiki chitabu cha Utumbula, mewa ayandiki vitabu vingi vya Kuhuma na Mambu ga Valawi na Uvalangu na Kumbukumbu ya malagizu pagati ya miyaka ya elufu yimonga na miya hidatu amala elufu yimonga na miya mcheche kwakona Kilisitu angavelekewa.
Chitabu cha Utumbula china mambu gabwina neju gegakuvatangatila Vakilisitu kumanya mambu gangi goha gegavi mu Bibilia, yivya Mulilaganu la Kadeni amalaa la Mupya. Chitabu cha Utumbula chikutilangisa namuna kumbudila Chapanga chekwayingili pamulima, na namuna vandu voha chevakumugana Msangula. Chitabu ichi mewa chikuuvika pawaka mupangu wa Chapanga wa kuvasangula vandu. Lenili lihotola kulolekana muulota wa kutumbula wewilongela kumvala Yesu Utumbula 3:15, na lilaganu la Chapanga kwa Abulahamu la kuvamotisa vandu voha va pamulima Utumbula 12:3
Gegavii
Chapanga awumbili mulima, na mewa avawumbili Adamu na Eva ngati cheyikokoswa mu sula ya 1 na ya 2
Sula ya 3 mbaka ya 5 yikuvakokosa Adamu na Eva, kumubudila kwavi Chapanga, na viveleku vyavi.
Sura ya 6 mbaka ya 9 yikumukokosa Nuhu na mambu ga manji gakulu gamahele gegagubiki mulima
Pagenago chitabu cha Utumbula chikokosa chila chechahumalili pagati ya lusenje lwa Nuhu na lula lwa Abulahamu, yikokosa pamonga na munala wa Babeli musula ya 10 na ya 11
Sula ya 12 mbaka ya 50 zikumuvala Abulahamu na nyumba yaki na utumbukanu wa vandu vaku Isilaeli. Kutama kwa Abulahamu na Sala mdala waki gikokoswa kuhuma musula ya 12 mbaka ya 25. Kutama kwa Isaka na Lebeka mdala waki gikokoswa kuhuma musula ya 21 mbaka ya 28 na kufwa kwaki kukokoswa musula ya 35. Kutama kwa Yakobo na vana vaki gikokoswa kuhuma musula ya 25 mbaka 50. Sura ya 37 mbaka ya 50 yimemili mambu ga Yosefu, mwana wa chiganu wa Yakobo, na namuna cheabwelili kukitiwa kuvya mtalalila wa mulima wa Misili.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngoni New Testament © The Word for the World Southern Africa and Pioneer Bible Translators, 2020.