ରୋମିଅ ସନେକୁଲନ୍
ସନେକୁଲନ୍
ରୋମ୍ ଡେସାଲୋଙନ୍ ଆଡ୍ରକୋଏନ୍ ଆ ମଣ୍ଡଡ଼ିଜି ବନୁଲ୍ଲେବାନ୍ ପାଓଲନ୍ ଅନିୟନ୍ ସାଜେନ୍ । ତିଆସନ୍ ଆନିନ୍ ତେତ୍ତେ ଆରିୟ୍ତେନ୍ ଆ କବର ରୋମିଅବାଜିଆଡଙ୍ ଅନବ୍ଜନାନ୍ ଆସନ୍ କେନ୍ ଆ ସିଟି ଇଡ୍ଲେ ଆପ୍ପାୟେନ୍ । ଆନିନ୍ ତେତ୍ତେ ଆ କ୍ରିସ୍ଟାନୁମର୍ଜି ସରିନ୍ ଅଜିଡ୍ କାବ୍ବାଡ଼ାଡାଲନ୍ ସ୍ପେନ୍ ଡେସାନ୍ ଜିର୍ଜିରନ୍ ସାଜେନ୍ । କ୍ରିସ୍ଟାନୁ ଡର୍ନେଗଡନ୍ ଡ କ୍ରିସ୍ଟାନୁ ଅନମେଙନ୍ ଆ ମଡ଼ଗା ଆନିନ୍ ଏଙ୍ଗାଲେ ଗନ୍ଲୁଡେନ୍, ତି ଆ ବର୍ନେ ଆନିନ୍ କେନ୍ ଆ ସିଟିଲୋଙ୍ ଇଡେନ୍ । ପାଓଲନ୍ ଆରପ୍ପୁଙ୍ବରେନ୍ ଆ ମନଙ୍ବର୍ଜି ଆ ବର୍ନେ କେନ୍ ତେନ୍ନେ ଆଇଡିଡ୍ । ପାଓଲନ୍ ରୋମ୍ ଡେସାନ୍ ଆ କ୍ରିସ୍ଟାନୁଜି ନମସ୍କାରଏନ୍ ସିଲଡ୍ଲ୍ଲନ୍ ଆନିଞ୍ଜି ଆସନ୍ ଆନିନ୍ ଏଙ୍ଗାଲେ ପାର୍ତନାତନ୍ ତି ଆ ବର୍ନେଜି ନିୟ୍ ଇଡେନ୍ । ଇସ୍ୱରନ୍ ମନ୍ରାନ୍ଆଡଙ୍ ଆନିନ୍ ସରିନ୍ ଆରି ଅନବ୍ମାୟ୍ମାୟନ୍ ଆସନ୍ ଇସ୍ୱରନ୍ ଇନିଜି ଆ କାବ୍ବାଡ଼ା ଲୁମେନ୍ ତିଆତେ କ୍ରିସ୍ଟାନୁମରଞ୍ଜି ଆସନ୍ ଅବୟ୍ ମନଙ୍ଡମନ୍ ଆ ବର୍ନେ । ତି ଆ ବର୍ନେ ଅମ୍ମେଲେ ମନ୍ରାନ୍ ସତ୍ତର୍ ଡର୍ନେନ୍ ବାତ୍ତେ ଇସ୍ୱରନ୍ ବୟନ୍ ମାୟ୍ଲନ୍ ରପ୍ତିତେ । ୧:୧୭
ପାଓଲନ୍ ଗାମ୍ତେ, ଜିଉଦିମର୍ ଡେଏତୋ କି ଏର୍ଜିଉଦିମର୍ ଡେଏତୋ, ଅଡ଼୍କୋ ମନ୍ରାଞ୍ଜି ଇର୍ସେନ୍ ଲୁମ୍ଲେ ଇସ୍ୱରନ୍ ଆମଙ୍ ସିଲଡ୍ ସଙାଜେଞ୍ଜି । ତିଆସନ୍ ଜିସୁ କ୍ରିସ୍ଟନ୍ ଆମଙ୍ ଡର୍ରନ୍ବୋ ଡେନ୍ ଇନ୍ଲେଞ୍ଜି ଇସ୍ୱରନ୍ ବୟନ୍ ଆରି ମାୟ୍ଲନ୍ ରପ୍ତିତବୋ । ଆରି ଇସ୍ୱରନ୍ ବୟନ୍ ମାୟ୍ଲନ୍ବୋ ଡେନ୍, ମଡ଼ିର୍ ପୁରାଡ଼ାନ୍ ଆ ବୋର୍ସା ବାତ୍ତେ ମନ୍ରାନ୍ ଇର୍ସେନ୍ ଡ ରନବୁନ୍ ସିଲଡ୍ ଅଡ଼ୁର୍ଡାଲେ ରଙ୍ ଅନମେଙନ୍ ଞାଙ୍ଲେ ରପ୍ତିତେ । ୫-୮ ପର୍ବଲୋଙନ୍ ଜିଉଦିମରଞ୍ଜି ଆସନ୍ ମୋସାନ୍ ଆ ବନାଁୟ୍ବର୍ ଆ ବର୍ନେ ବର୍ରନ୍, ପାଓଲନ୍ ଡର୍ନେମରଞ୍ଜି ଆସନ୍ ମଡ଼ିର୍ ପୁରାଡ଼ାନ୍ ସନାୟ୍ସାୟ୍ ଗାମ୍ଲେ ଇଡେନ୍ । ଜିଉଦିମରଞ୍ଜି ଡ ଏର୍ଜିଉଦିମରଞ୍ଜିଆଡଙ୍ ଅନୁରନ୍ ଆସନ୍ ଇସ୍ୱରନ୍ ଅବୟ୍ ସୋଡ଼ା କାବ୍ବାଡ଼ାନ୍ ଲୁମେନ୍, ଜିଉଦିମରଞ୍ଜି ଜିସୁନ୍ଆଡଙ୍ ଅଃଜ୍ଜାଲଜି କେନ୍ଆତେ ଅବୟ୍ ଇସ୍ୱରନ୍ ଆ କାବ୍ବାଡ଼ା ଆରି ଅଡ଼୍କୋ ମନ୍ରାଞ୍ଜିଆଡଙ୍ ଆନିନ୍ ସାୟୁମେଞ୍ଜି କେନ୍ଆତେ ନିୟ୍ ଇସ୍ୱରନ୍ ଆ କାବ୍ବାଡ଼ା । ବନ୍ଡ ପାଓଲନ୍ ଗାମେନ୍, ଜିଉଦିମରଞ୍ଜି ଆଏଡ଼ର୍ ଜିସୁନ୍ଆଡଙ୍ ଅଃବ୍ବାସେଏଜି, ଆନିଞ୍ଜି ନିୟ୍ ବଡିନ୍ନା ଜିସୁନ୍ ଆମଙ୍ ଡର୍ତଞ୍ଜି ଆରି ଅନୁରନ୍ ଞାଙ୍ତଜି ।
ଆତନିକ୍କି ଏଙ୍ଗାଲେ କ୍ରିସ୍ଟ ତରମ୍ତମ୍ଲୋଙନ୍ ଞଣ୍ଡ୍ରମ୍ତନେବୋ, ଆରି କ୍ରିସ୍ଟନ୍ ଏଙ୍ଗାଲେ ଆନ୍ନାମରଞ୍ଜିଆଡଙ୍ ଡୁଙ୍ୟମେଞ୍ଜି ଏତ୍ତେଲେ ମା ଇନ୍ଲେଞ୍ଜି ନିୟ୍ ଆନ୍ନାମରଞ୍ଜିଆଡଙ୍ ଡୁଙ୍ୟମ୍ତବୋଜି, ଇସ୍ୱରନ୍ଆଡଙ୍ ଏଙ୍ଗାଲେ ସେବାତବୋ, ଡେସାନ୍ ଆସନ୍ କ୍ରିସ୍ଟାନୁମରଞ୍ଜି ଆ କାବ୍ବାଡ଼ା ଇନି, ଆରି ଆନିନ୍ ଏଙ୍ଗାଲେ ଆ ବିବେକନ୍ ଆ ବର୍ନେ ବାତ୍ତେ ଞଣ୍ଡ୍ରମ୍ତନେ, କେନ୍ ଆ ବର୍ନେଜି ଅଡ଼୍କୋନ୍ ଆତନିକ୍କି ପର୍ବରେଙନ୍ ପାଓଲନ୍ ଇଡେନ୍ । ସିଲଡ୍ଲ୍ଲନ୍ ପାଓଲନ୍ ଲାଙ୍ଲେଡ୍ ବୋଞାଙଞ୍ଜିଆଡଙ୍ ନମସ୍କାରଏନ୍ କି ଇସ୍ୱରନ୍ଆଡଙ୍ ସେଙ୍କେଡାଲେ ଅନିଡଲନ୍ ଅବ୍ସୁଜ୍ଜେଏନ୍ ।
ବଇନ୍ ଆ ପନାଲ୍ଲାଙ୍
୧. ସନେକୁଲନ୍ । ୧:୧-୧୭
୨. ମନ୍ରାନ୍ ଆସନ୍ ଅନୁରନ୍ ସନାୟ୍ସାୟ୍ । ୧:୧୮–୩:୨୦
୩. ଅନୁରନ୍ ଆସନ୍ ଇସ୍ୱରନ୍ ଆ କାବ୍ବାଡ଼ା । ୩:୨୧–୪:୨୫
୪. କ୍ରିସ୍ଟନ୍ ଆମଙ୍ ସିଲଡ୍ ରଙ୍ ଅନମେଙନ୍ । ୫:୧–୮:୩୯
୫. ଇସ୍ରାଏଲ୍ମରଞ୍ଜି ଆସନ୍ ଇସ୍ୱରନ୍ ଆ କାବ୍ବାଡ଼ା । ୯:୧–୧୧:୩୬
୬. କ୍ରିସ୍ଟାନୁଞ୍ଜି ଆ ଞଣ୍ଡ୍ରମ୍ନେ । ୧୨:୧–୧୫:୧୩
୭. ଅନବ୍ସୁଜ୍ଜେବରନ୍ । ୧୫:୧୪–୧୬:୨୭
လက္ရွိေရြးခ်ယ္ထားမွု
ରୋମିଅ ସନେକୁଲନ୍: NTJaa20
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Juray Soura Bible © The Word for the World International and Juray Soura Translation Samithi, Gajapati, Odisha. 2025
ରୋମିଅ ସନେକୁଲନ୍
ସନେକୁଲନ୍
ରୋମ୍ ଡେସାଲୋଙନ୍ ଆଡ୍ରକୋଏନ୍ ଆ ମଣ୍ଡଡ଼ିଜି ବନୁଲ୍ଲେବାନ୍ ପାଓଲନ୍ ଅନିୟନ୍ ସାଜେନ୍ । ତିଆସନ୍ ଆନିନ୍ ତେତ୍ତେ ଆରିୟ୍ତେନ୍ ଆ କବର ରୋମିଅବାଜିଆଡଙ୍ ଅନବ୍ଜନାନ୍ ଆସନ୍ କେନ୍ ଆ ସିଟି ଇଡ୍ଲେ ଆପ୍ପାୟେନ୍ । ଆନିନ୍ ତେତ୍ତେ ଆ କ୍ରିସ୍ଟାନୁମର୍ଜି ସରିନ୍ ଅଜିଡ୍ କାବ୍ବାଡ଼ାଡାଲନ୍ ସ୍ପେନ୍ ଡେସାନ୍ ଜିର୍ଜିରନ୍ ସାଜେନ୍ । କ୍ରିସ୍ଟାନୁ ଡର୍ନେଗଡନ୍ ଡ କ୍ରିସ୍ଟାନୁ ଅନମେଙନ୍ ଆ ମଡ଼ଗା ଆନିନ୍ ଏଙ୍ଗାଲେ ଗନ୍ଲୁଡେନ୍, ତି ଆ ବର୍ନେ ଆନିନ୍ କେନ୍ ଆ ସିଟିଲୋଙ୍ ଇଡେନ୍ । ପାଓଲନ୍ ଆରପ୍ପୁଙ୍ବରେନ୍ ଆ ମନଙ୍ବର୍ଜି ଆ ବର୍ନେ କେନ୍ ତେନ୍ନେ ଆଇଡିଡ୍ । ପାଓଲନ୍ ରୋମ୍ ଡେସାନ୍ ଆ କ୍ରିସ୍ଟାନୁଜି ନମସ୍କାରଏନ୍ ସିଲଡ୍ଲ୍ଲନ୍ ଆନିଞ୍ଜି ଆସନ୍ ଆନିନ୍ ଏଙ୍ଗାଲେ ପାର୍ତନାତନ୍ ତି ଆ ବର୍ନେଜି ନିୟ୍ ଇଡେନ୍ । ଇସ୍ୱରନ୍ ମନ୍ରାନ୍ଆଡଙ୍ ଆନିନ୍ ସରିନ୍ ଆରି ଅନବ୍ମାୟ୍ମାୟନ୍ ଆସନ୍ ଇସ୍ୱରନ୍ ଇନିଜି ଆ କାବ୍ବାଡ଼ା ଲୁମେନ୍ ତିଆତେ କ୍ରିସ୍ଟାନୁମରଞ୍ଜି ଆସନ୍ ଅବୟ୍ ମନଙ୍ଡମନ୍ ଆ ବର୍ନେ । ତି ଆ ବର୍ନେ ଅମ୍ମେଲେ ମନ୍ରାନ୍ ସତ୍ତର୍ ଡର୍ନେନ୍ ବାତ୍ତେ ଇସ୍ୱରନ୍ ବୟନ୍ ମାୟ୍ଲନ୍ ରପ୍ତିତେ । ୧:୧୭
ପାଓଲନ୍ ଗାମ୍ତେ, ଜିଉଦିମର୍ ଡେଏତୋ କି ଏର୍ଜିଉଦିମର୍ ଡେଏତୋ, ଅଡ଼୍କୋ ମନ୍ରାଞ୍ଜି ଇର୍ସେନ୍ ଲୁମ୍ଲେ ଇସ୍ୱରନ୍ ଆମଙ୍ ସିଲଡ୍ ସଙାଜେଞ୍ଜି । ତିଆସନ୍ ଜିସୁ କ୍ରିସ୍ଟନ୍ ଆମଙ୍ ଡର୍ରନ୍ବୋ ଡେନ୍ ଇନ୍ଲେଞ୍ଜି ଇସ୍ୱରନ୍ ବୟନ୍ ଆରି ମାୟ୍ଲନ୍ ରପ୍ତିତବୋ । ଆରି ଇସ୍ୱରନ୍ ବୟନ୍ ମାୟ୍ଲନ୍ବୋ ଡେନ୍, ମଡ଼ିର୍ ପୁରାଡ଼ାନ୍ ଆ ବୋର୍ସା ବାତ୍ତେ ମନ୍ରାନ୍ ଇର୍ସେନ୍ ଡ ରନବୁନ୍ ସିଲଡ୍ ଅଡ଼ୁର୍ଡାଲେ ରଙ୍ ଅନମେଙନ୍ ଞାଙ୍ଲେ ରପ୍ତିତେ । ୫-୮ ପର୍ବଲୋଙନ୍ ଜିଉଦିମରଞ୍ଜି ଆସନ୍ ମୋସାନ୍ ଆ ବନାଁୟ୍ବର୍ ଆ ବର୍ନେ ବର୍ରନ୍, ପାଓଲନ୍ ଡର୍ନେମରଞ୍ଜି ଆସନ୍ ମଡ଼ିର୍ ପୁରାଡ଼ାନ୍ ସନାୟ୍ସାୟ୍ ଗାମ୍ଲେ ଇଡେନ୍ । ଜିଉଦିମରଞ୍ଜି ଡ ଏର୍ଜିଉଦିମରଞ୍ଜିଆଡଙ୍ ଅନୁରନ୍ ଆସନ୍ ଇସ୍ୱରନ୍ ଅବୟ୍ ସୋଡ଼ା କାବ୍ବାଡ଼ାନ୍ ଲୁମେନ୍, ଜିଉଦିମରଞ୍ଜି ଜିସୁନ୍ଆଡଙ୍ ଅଃଜ୍ଜାଲଜି କେନ୍ଆତେ ଅବୟ୍ ଇସ୍ୱରନ୍ ଆ କାବ୍ବାଡ଼ା ଆରି ଅଡ଼୍କୋ ମନ୍ରାଞ୍ଜିଆଡଙ୍ ଆନିନ୍ ସାୟୁମେଞ୍ଜି କେନ୍ଆତେ ନିୟ୍ ଇସ୍ୱରନ୍ ଆ କାବ୍ବାଡ଼ା । ବନ୍ଡ ପାଓଲନ୍ ଗାମେନ୍, ଜିଉଦିମରଞ୍ଜି ଆଏଡ଼ର୍ ଜିସୁନ୍ଆଡଙ୍ ଅଃବ୍ବାସେଏଜି, ଆନିଞ୍ଜି ନିୟ୍ ବଡିନ୍ନା ଜିସୁନ୍ ଆମଙ୍ ଡର୍ତଞ୍ଜି ଆରି ଅନୁରନ୍ ଞାଙ୍ତଜି ।
ଆତନିକ୍କି ଏଙ୍ଗାଲେ କ୍ରିସ୍ଟ ତରମ୍ତମ୍ଲୋଙନ୍ ଞଣ୍ଡ୍ରମ୍ତନେବୋ, ଆରି କ୍ରିସ୍ଟନ୍ ଏଙ୍ଗାଲେ ଆନ୍ନାମରଞ୍ଜିଆଡଙ୍ ଡୁଙ୍ୟମେଞ୍ଜି ଏତ୍ତେଲେ ମା ଇନ୍ଲେଞ୍ଜି ନିୟ୍ ଆନ୍ନାମରଞ୍ଜିଆଡଙ୍ ଡୁଙ୍ୟମ୍ତବୋଜି, ଇସ୍ୱରନ୍ଆଡଙ୍ ଏଙ୍ଗାଲେ ସେବାତବୋ, ଡେସାନ୍ ଆସନ୍ କ୍ରିସ୍ଟାନୁମରଞ୍ଜି ଆ କାବ୍ବାଡ଼ା ଇନି, ଆରି ଆନିନ୍ ଏଙ୍ଗାଲେ ଆ ବିବେକନ୍ ଆ ବର୍ନେ ବାତ୍ତେ ଞଣ୍ଡ୍ରମ୍ତନେ, କେନ୍ ଆ ବର୍ନେଜି ଅଡ଼୍କୋନ୍ ଆତନିକ୍କି ପର୍ବରେଙନ୍ ପାଓଲନ୍ ଇଡେନ୍ । ସିଲଡ୍ଲ୍ଲନ୍ ପାଓଲନ୍ ଲାଙ୍ଲେଡ୍ ବୋଞାଙଞ୍ଜିଆଡଙ୍ ନମସ୍କାରଏନ୍ କି ଇସ୍ୱରନ୍ଆଡଙ୍ ସେଙ୍କେଡାଲେ ଅନିଡଲନ୍ ଅବ୍ସୁଜ୍ଜେଏନ୍ ।
ବଇନ୍ ଆ ପନାଲ୍ଲାଙ୍
୧. ସନେକୁଲନ୍ । ୧:୧-୧୭
୨. ମନ୍ରାନ୍ ଆସନ୍ ଅନୁରନ୍ ସନାୟ୍ସାୟ୍ । ୧:୧୮–୩:୨୦
୩. ଅନୁରନ୍ ଆସନ୍ ଇସ୍ୱରନ୍ ଆ କାବ୍ବାଡ଼ା । ୩:୨୧–୪:୨୫
୪. କ୍ରିସ୍ଟନ୍ ଆମଙ୍ ସିଲଡ୍ ରଙ୍ ଅନମେଙନ୍ । ୫:୧–୮:୩୯
୫. ଇସ୍ରାଏଲ୍ମରଞ୍ଜି ଆସନ୍ ଇସ୍ୱରନ୍ ଆ କାବ୍ବାଡ଼ା । ୯:୧–୧୧:୩୬
୬. କ୍ରିସ୍ଟାନୁଞ୍ଜି ଆ ଞଣ୍ଡ୍ରମ୍ନେ । ୧୨:୧–୧୫:୧୩
୭. ଅନବ୍ସୁଜ୍ଜେବରନ୍ । ୧୫:୧୪–୧୬:୨୭
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Juray Soura Bible © The Word for the World International and Juray Soura Translation Samithi, Gajapati, Odisha. 2025