୧ କରନ୍ତି ସନେକୁଲନ୍
ସନେକୁଲନ୍
କରନ୍ତିବାଜି ଆମଙ୍ ପାଓଲନ୍ ଇଡ୍ଲେ ଆରାପ୍ପାୟେନ୍ ଆ ପର୍ତମ୍ମୁ ସିଟିଲୋଙ୍, କରନ୍ତି ଗଡ଼ାଲୋଙନ୍ ପାଓଲନ୍ ଆତ୍ରବ୍ନଙେନ୍ ଆ ମଣ୍ଡଡ଼ିମର୍ଜି କ୍ରିସ୍ଟ ଅନମେଙ୍ଲୋଙନ୍ ଡ କ୍ରିସ୍ଟ ଡର୍ନେଲୋଙନ୍ ଆସନ୍ ଆଗ୍ରୋଡ଼େଲଞ୍ଜି ଆ କଡାଡ଼ିଜି ଆଇଡିଡ୍ ୧:୧ । ଆକାୟା ରାଜ୍ୟଲୋଙନ୍ କରନ୍ତିନ୍ ଅବୟ୍ ସୋଡ଼ା ଗଡ଼ା, ଆରି ତିଆତେ ରୋମ୍ ଡେସାନ୍ ଆ ରାଜଦାନି ଡକୋଏନ୍ ୧୬:୫-୯ ।
ଜିସୁ କ୍ରିସ୍ଟନ୍ କରୋକ୍କୋଡନ୍ ଆଡ୍ରେଏନ୍ ୫୫ ବର୍ସେଙ୍ ଆ ତିକ୍କି କେନ୍ ଆ ସିଟି ପାଓଲନ୍ ଇଡ୍ଲେ ଆପ୍ପାୟେନ୍ । ପାଓଲନ୍ ଏପିସି ଗଡ଼ାଲୋଙନ୍ ଡକୋଡାଲନ୍ କେନ୍ ଆ ସିଟି ଇଡେନ୍ । କରନ୍ତି ମଣ୍ଡଡ଼ିଲୋଙନ୍ ମନ୍ରାଞ୍ଜି ଗୋଡ଼େନ୍ ପାଡ଼େନ୍ ଏମ୍ମେତଞ୍ଜି, ଡାରିତଞ୍ଜି ଆରି ପରାନ୍ସାତ୍ତିନ୍ ଆ କାବ୍ବାଡ଼ାଜି ଲୁମ୍ତଜି ଗାମ୍ଲେ ପାଓଲନ୍ ଆରମ୍ଡଙେନ୍, କେନ୍ ଆ ସିଟି ଇଡ୍ଲେ ଆମଙଞ୍ଜି ଆପ୍ପାୟେନ୍ । କେନ୍ ଆ ସିଟିଲୋଙ୍ ମଣ୍ଡଡ଼ିନ୍ ଆ ମନ୍ରାଜି ତରଙ୍ଆନ୍ନା ଆରେମ୍ମେତନେଞ୍ଜି, ଞାଙ୍ବୟ୍ନେନ୍ ଡ ସୁଉଂନେନ୍, ମଡ଼ିର୍ ପୁରାଡ଼ାନ୍ ଆ ତନିୟ୍ତିୟ୍ ଡ ୟନର୍ମେଙନ୍ ଆ କଡାଡ଼ିଜି ଆଇଡିଡ୍ ୧୩ ।
ବଇନ୍ ଆ ପନାଲ୍ଲାଙ୍
୧. ପାଓଲନ୍ କରନ୍ତିବାଜି ଆସନ୍ ଇସ୍ୱରନ୍ଆଡଙ୍ ସେଙ୍କେତେ । ୧:୧-୯
୨. କରନ୍ତି ମଣ୍ଡଡ଼ିନ୍ ଆ ମନ୍ରାଜି ତରଙ୍ଆନ୍ନା ଡେଏଞ୍ଜି । ୧:୧୦–୪:୨୧
୩. ପରାନ୍ସାତ୍ତିନ୍ ଆ କାବ୍ବାଡ଼ା । ୫:୧–୭:୪୦
୪. କ୍ରିସ୍ଟାନୁମରଞ୍ଜି ଡ ଏର୍କ୍ରିସ୍ଟାନୁମରଞ୍ଜି#୧:୦ କୋଙ୍ଡାୟ୍ପୁର୍ମରଞ୍ଜି । ୮:୧–୧୧:୧
୫. ମଣ୍ଡଡ଼ିନ୍ ଡ ଗିର୍ଜାନେନ୍ । ୧୧:୨–୧୪:୪୦
୬. କ୍ରିସ୍ଟନ୍ ଆ ୟନର୍ମେଙ୍ ଡ ଡର୍ନେମରଞ୍ଜି । ୧୫:୧-୫୮
୭. କ୍ରିସ୍ଟାନୁମରଞ୍ଜି ଆ ତନିୟ୍ତିୟ୍ । ୧୬:୧-୪
୮. ଅନବ୍ସୁଜ୍ଜେବରନ୍ । ୧୬:୫-୨୪
လက္ရွိေရြးခ်ယ္ထားမွု
୧ କରନ୍ତି ସନେକୁଲନ୍: NTJaa20
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Juray Soura Bible © The Word for the World International and Juray Soura Translation Samithi, Gajapati, Odisha. 2025