Hosia 6
6
1Amọ, re rhivwi bru Ọrovwohwo
kidie ọ bẹrẹ avwanre nure ko sivwi avwanre;
O bru ora phihọ avwanre rere ọ rha gban.
2Ẹdẹ ivẹ da wan nu kọ rhọvwọ avwanre:
ẹdẹ rerha kọ kpare avwame vrẹn,
rere ma vwọ sa dia obaro rọye.
3Jẹn avwanre riẹn, e jẹn avwanre davwe ra riẹn Ọrovwohwo na,
e yan phia rọye muẹro kerẹ ọke ro rhie cha;
O che bru avwanre rhe kerẹ eghwẹghwẹ rẹ osio,
kere isio rẹ ẹsosuọ rọ kpọrhọ otọ.
4Die me vwo wẹ ru, E Ifrem?
Die me vwo wẹ ru, E Juda?
Ẹguọnọ wẹn ọ họhọ evwru rẹ irhiọke,
kerẹ ọphogho rọ fobọ ya.
5Fiki rẹ ọtiọye me vwọ vwẹ emraro na she ayen
me da vwẹ eta rẹ unu mẹ hwe ayen,
orhiẹbro mẹ da phia kerẹ uvo.
6Kidie me guọnọ ehrọre ọ dia izobo-o,
erianriẹn rẹ Ọghẹnẹ, nọ izobo rẹ ẹtorhẹ.
7Ẹkẹvuọvo ayen de miovwi ophọ mẹ kerẹ Adam
etiyin ayen de ru vwe chọ.
8Gilead ọye orere rẹ ihwo umwemwu,
ri nene esi rẹ ọbara.
9Kirobo rẹ iji hwa phihọ idjerhe hẹrhẹ ohwo ye,
otiọye irherẹn na ji se oma koko,
ayen da dia izighẹ vwẹ idjerhe ro kpo Shikẹm,
uyota, ayen ru obo re brare.
10Vwẹ evun rẹ uwevwi rẹ Izrẹl me da mrẹ okpemu rode;
ọfarhiẹ rẹ Ifrem hẹ etiyin, e gbe Izrẹl ẹgua.
11Fiki wẹ rhe, E Juda, e bru ẹdẹ rẹ orhọ wo nure.
Oke me vwọ vwẹ ughwẹ rẹ ihwo mẹ rhivwi rhe.
လက္ရွိေရြးခ်ယ္ထားမွု
Hosia 6: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Hosia 6
6
1Amọ, re rhivwi bru Ọrovwohwo
kidie ọ bẹrẹ avwanre nure ko sivwi avwanre;
O bru ora phihọ avwanre rere ọ rha gban.
2Ẹdẹ ivẹ da wan nu kọ rhọvwọ avwanre:
ẹdẹ rerha kọ kpare avwame vrẹn,
rere ma vwọ sa dia obaro rọye.
3Jẹn avwanre riẹn, e jẹn avwanre davwe ra riẹn Ọrovwohwo na,
e yan phia rọye muẹro kerẹ ọke ro rhie cha;
O che bru avwanre rhe kerẹ eghwẹghwẹ rẹ osio,
kere isio rẹ ẹsosuọ rọ kpọrhọ otọ.
4Die me vwo wẹ ru, E Ifrem?
Die me vwo wẹ ru, E Juda?
Ẹguọnọ wẹn ọ họhọ evwru rẹ irhiọke,
kerẹ ọphogho rọ fobọ ya.
5Fiki rẹ ọtiọye me vwọ vwẹ emraro na she ayen
me da vwẹ eta rẹ unu mẹ hwe ayen,
orhiẹbro mẹ da phia kerẹ uvo.
6Kidie me guọnọ ehrọre ọ dia izobo-o,
erianriẹn rẹ Ọghẹnẹ, nọ izobo rẹ ẹtorhẹ.
7Ẹkẹvuọvo ayen de miovwi ophọ mẹ kerẹ Adam
etiyin ayen de ru vwe chọ.
8Gilead ọye orere rẹ ihwo umwemwu,
ri nene esi rẹ ọbara.
9Kirobo rẹ iji hwa phihọ idjerhe hẹrhẹ ohwo ye,
otiọye irherẹn na ji se oma koko,
ayen da dia izighẹ vwẹ idjerhe ro kpo Shikẹm,
uyota, ayen ru obo re brare.
10Vwẹ evun rẹ uwevwi rẹ Izrẹl me da mrẹ okpemu rode;
ọfarhiẹ rẹ Ifrem hẹ etiyin, e gbe Izrẹl ẹgua.
11Fiki wẹ rhe, E Juda, e bru ẹdẹ rẹ orhọ wo nure.
Oke me vwọ vwẹ ughwẹ rẹ ihwo mẹ rhivwi rhe.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.