Emọs 3
3
Iruo rẹ Ọmraro na
1Nyo ota nana rẹ Ọrovwohwo ta kpahe owẹ na, E ihwo rẹ Izrẹl, vwọ kpahe orua na ejobi re Me reyọ nẹ otọ rẹ Ijipt rhe na; 2Wẹ ọvo Me riẹnre vwẹ usun rẹ erua rẹ akpọ na ejobi, fiki rẹ ọtiọye na ki mi hwe we fiki rẹ orukuruku wẹn ejobi. 3Ihwo ivẹ sa yan kugbe-e, jokpa nẹ ayen ta phihọ 4Okpohrokpo de kperẹ vwẹ evun rẹ egbo, yọ mrẹ eranvwe ro mu-u? Ke ọmọ re okpohrokpo di kperẹ vwẹ evun re unu rọye, yo mu emuọvo-o? 5Ufi di siẹ hwa ọphran vwẹ evun rẹ otọ ya kpahe ufi hẹrhẹ-ẹ? Ufi di muẹ phagha vwẹ otọ, yẹ emu ọvuọvo muro-o? 6E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ? 7Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a 8Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?
Ẹghwọro ri Sameria
9Ghwoghwo kẹ ogba ọgangan vwẹ Asiria; ji kugbe ogba ọgangan vwẹ otọ re Ijipt, re wọ ta, ovwan ghwẹ oma rẹ koko vwẹ enu rẹ igbenu ri Sameria, re wa mrẹ edo rode rọ hẹ evun rọye, vẹ oshenyẹ rọ hẹ uherevie rọye. 10Ayen riẹn obo re ruẹ emuesiri-i Ọrovwohwo na tare Ihwo re guọnọ ozighi ve ugborho vwẹ ogba ọgangan rayen. 11Fiki rẹ ọtiọye na e nẹ Ọrovwohwo Ọghẹnẹ na tare: Ukọn kọ cha riariẹ otọ na phihọ ogba wọ gba riariẹ oma na ke kporo te otọ, ogba ọgangan wẹn ka cha kua fiotọ. 12E nẹ Ọrovwohwo na tare, Ọtiobo rẹ osuigodẹ sanvwe awọ ivẹ nẹ unu rẹ okpohrokpo ye, eye ubro rẹ orhọn na, ọtiọye (esivwi ihwo rẹ Izrẹl re dia Sameria) vwẹ akakọ rẹ idjighere vẹ abọvo rẹ ehwa vwo sivwi ihwo rẹ Izrẹl re dia Sameria. 13Nyo, re we se iseri hwe uwevwi ri Jekọp, Ọrovwohwo Ọghẹnẹ tarọ, Ọghẹnẹ rẹ otu na. 14Vwẹ ẹdẹ mi de che hwẹ Izrẹl fiki rẹ ogbeku rọye, Me je cha guọghọ egbada ri Bẹtẹl, ka cha nyavwe ighoro rẹ agbada na kufia ki che she teye otọ. 15Ke Me cha guọghọ uwevwi rẹ ekpahe kugbe uwevwi rẹ ọkiuvọ; iwevwi rẹ akeni cha guọghọ, iwevwi ride na ki che vwo oba, Ọrovwohwo na tarọ.
လက္ရွိေရြးခ်ယ္ထားမွု
Emọs 3: UBV77
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.
Emọs 3
3
Iruo rẹ Ọmraro na
1Nyo ota nana rẹ Ọrovwohwo ta kpahe owẹ na, E ihwo rẹ Izrẹl, vwọ kpahe orua na ejobi re Me reyọ nẹ otọ rẹ Ijipt rhe na; 2Wẹ ọvo Me riẹnre vwẹ usun rẹ erua rẹ akpọ na ejobi, fiki rẹ ọtiọye na ki mi hwe we fiki rẹ orukuruku wẹn ejobi. 3Ihwo ivẹ sa yan kugbe-e, jokpa nẹ ayen ta phihọ 4Okpohrokpo de kperẹ vwẹ evun rẹ egbo, yọ mrẹ eranvwe ro mu-u? Ke ọmọ re okpohrokpo di kperẹ vwẹ evun re unu rọye, yo mu emuọvo-o? 5Ufi di siẹ hwa ọphran vwẹ evun rẹ otọ ya kpahe ufi hẹrhẹ-ẹ? Ufi di muẹ phagha vwẹ otọ, yẹ emu ọvuọvo muro-o? 6E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ? 7Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a 8Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?
Ẹghwọro ri Sameria
9Ghwoghwo kẹ ogba ọgangan vwẹ Asiria; ji kugbe ogba ọgangan vwẹ otọ re Ijipt, re wọ ta, ovwan ghwẹ oma rẹ koko vwẹ enu rẹ igbenu ri Sameria, re wa mrẹ edo rode rọ hẹ evun rọye, vẹ oshenyẹ rọ hẹ uherevie rọye. 10Ayen riẹn obo re ruẹ emuesiri-i Ọrovwohwo na tare Ihwo re guọnọ ozighi ve ugborho vwẹ ogba ọgangan rayen. 11Fiki rẹ ọtiọye na e nẹ Ọrovwohwo Ọghẹnẹ na tare: Ukọn kọ cha riariẹ otọ na phihọ ogba wọ gba riariẹ oma na ke kporo te otọ, ogba ọgangan wẹn ka cha kua fiotọ. 12E nẹ Ọrovwohwo na tare, Ọtiobo rẹ osuigodẹ sanvwe awọ ivẹ nẹ unu rẹ okpohrokpo ye, eye ubro rẹ orhọn na, ọtiọye (esivwi ihwo rẹ Izrẹl re dia Sameria) vwẹ akakọ rẹ idjighere vẹ abọvo rẹ ehwa vwo sivwi ihwo rẹ Izrẹl re dia Sameria. 13Nyo, re we se iseri hwe uwevwi ri Jekọp, Ọrovwohwo Ọghẹnẹ tarọ, Ọghẹnẹ rẹ otu na. 14Vwẹ ẹdẹ mi de che hwẹ Izrẹl fiki rẹ ogbeku rọye, Me je cha guọghọ egbada ri Bẹtẹl, ka cha nyavwe ighoro rẹ agbada na kufia ki che she teye otọ. 15Ke Me cha guọghọ uwevwi rẹ ekpahe kugbe uwevwi rẹ ọkiuvọ; iwevwi rẹ akeni cha guọghọ, iwevwi ride na ki che vwo oba, Ọrovwohwo na tarọ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible in Urhobo © United Bible Societies, 1977.