Matius 26
26
Iry manety lulw ti Yahudi-nare wait kubkubakke rreky ma rtabahunw a Yesuske
(Mrk. 14:1-2; Luk. 22:1-2; Yoh. 11:45-53)
1Ode kyoat Yesuske yajar iry ribunke maktei bonyo, tyanuk ti wasi matoha Iare ma byohe, 2#Kel. 12:1-27“Ei neke mhye ohe, lenla sekwe enaru bonyo, Yahudi-nare wait sew lan Paskahke#26:2 Sew lan Paskahke neke Yahudi-nare wait sew lanke, ma rnenas ti kyoat heitlulswo Hulasokwe yaditi sir ma rbetik toha negara Mesirke, ma kete rkarya kola at nekre de. (Matos ti Kel. 12:1-27 ode Ul. 16:1-8.) kdi ti de. Ode kyoat desy dakun o, irire ana ral Irkye Ananke#26:2 Ti ayat ne kbyohe, Irkye Ananke, neke klyosu ohe Yesuske. Kola ne ti Mat. 26:24,45,64ke dakun. (Matos Dan. 7:13-14.) ti iry mamnisik Iare, ma rbakw a I ti tul masanwalw ike.”
3Kyoat desike iry mabaa klen ti irkye yor Hulasokwe wait usu khatunare, ror iry manety lulw ti Yahudi-nare, neke rawahuk sir ti iry lan lahuk i ti usu khatu mabaa klen desikre, neke wasi sekye. Iry mabaa klen lan lahuk desike, ani Kayafas. 4Iry desikre rawahuk sir, ma robak a ksala ma rkumak Yesuske, ma rtabahunw a I. Keskye rahunik ma lema irkye it a hye elik. 5Keskyede iry desikre rtanuk huruk de rbohe, “Kete tkumak I ti sew lan Paskahke, kali ana kyety oror o nanwaw ti ribunke khahake.”
Wamfwetke it a yalik nul mahon a mtelaske ti Yesuske usuke khatuke
(Mrk. 14:3-9; Yoh. 12:1-8)
6Kyoat desike Yesuske imin ti hnu Betaniake, desikeo imin ti Simon wasi sekye. Simon neke lulswoke imbaul, keskye eras i de. 7#Luk. 7:37-38Ode malmata Yesuske tyaklulw ma iknam bonyo, wamfwetke it ma mya o yety a nul mahon a mtelas a khesi lan ne, ma kimin ti botalke. Botal neke rala toha hatw a marmerke. Ode wamfwet desike yalik nul mahon a mtelas desike mumu ti Yesuske usuke khatuke.
8Lemade kyoat Yesuske wasi matoha Iare ratos a ktela desy bonyo, rkeyer. Dendye it de tyanuk ti it ma rbohe, “Kyal sai ti ibyata nul mahon a mtelas ne, ne de? 9Lemamo kyeta nul mahon a mtelas desy, kali khesike lan. Mamode yal khesi desy ma ihe ti iry a lema manait ei sra o hahare.”
10Keskyede Yesuske hye iry desikre nam ratanukare, dendye tyanuk ti sir ma byohe, “Kyanmwane mirekan koldyesy ma mikeyer a wamfwet ne, ne de? De lema mhye o, yala ktela eraske ma Yaw ma ne e? 11#Ul. 15:11De lema mhye ohe, iry a lema manait ei sra o hahare sir ne kyaki-kyaki mo ranor a e ne e? Ode kolnye sew kabei ta kabei ma mbyuma msyaluk a sir, desikemo bisa ma msyaluk sir bo. Klala Yaw neke ana lema kor a e ti sew kyaki nekre de. 12Kali lenla kmwaty ma ti ramlin a Yaw, keskyede wamfwet neke yalik nul mahon a mtelaske a kmuna ti tenakkwe de, ma kikita elik ti ana kumaty ma ti ramlin a Yaw ne. 13Lemade mtyomolu mamak nam kutanuk ne! Kyoat a Brit Eras ne rabrita ti kabei ta kabei bo, ti nuske ktem ne, desikeo ana rahes a ktela wamfwet ne ialake dakun, ma kyaki-kyaki ne irire ranenenas a i.”
Yudas Iskariotke kyeta Yesuske
(Mrk. 14:10-11; Luk. 22:3-6)
14Yudas Iskariot neke Yesuske wasi matoha Ike it ne dakun, ti wasi matoha I dehean a kresi enaru desy. Ma i neke bya ti yait iry mabaa klen ti irkye yor Hulasokwe wait usu khatunare, 15ode tyanuk ti sir ma byohe, “Ana kswusu Yesuske ti e ma mkyumak a I, keskye ana myal sai ma yaw de?”
Lemade usu khatu desikre raki kuban blyawan bokbokke hean telw ma ral ti i. 16Dendye kyala kyosy sew desy, Yudas yobak a klelan a mlakye it, ma bisa ma syusu Yesuske ti iry a mabaa klen ti irkye yor Hulasokwe wait usu khatu desikre.
Yesuske yor wasi matoha Iare raknam Paskahke
(Mrk. 14:12-21; Luk. 22:7-14,21-23; Yoh. 13:21-30)
17Kyoat sew mamunake ti sew lan a Rana Roty a Lema Ranal Ragi Tike kdi ti,#26:17 Kyoat a iry Yahudi-nare wait sew lan Paskahke kdi ti, desikeo wait sew lan a Rana Roty a Lema Ranal Ragi Tike nenmo klyakut dakun. Sew lan a Rana Roty a Lema Ranal Ragi Tike neke klyakut sekwe itw (mingguke sasam). desikeo Yesuske wasi matoha Iare rma ma rena I ma rbohe, “Amam Lan O, wen kabei ne mou ma ti aramy misosan ma ana tana kotw Paskahke ti ne de?”
18Dendye Yesuske hyalas sir ma byohe, “Mbyai nus Yerusalemke krala desy, ode ana ti desike minal a myor irkye it, ode mtyanuk ti i ma mbyohe, ‘Ara wasimy Tuanggurkwe byohe wasi sekwe kyarasy de, dendye yena ohe, wen kabei ne, ana inor wasi matoha Iare rana kotw Paskahke ti ne de?’”
19Lemade Yesuske wasi matoha Iare rtoha ma rala kola Yesuske nam itanuk ti sir desikre. Dendye ti wen desike ne rasosan kotw o abw ma ana ror Yesuske raktem a raknam Paskahke ti ne.
20Dendye sewahke bonyo, Yesuske tyaklulw yor wasi matoha I dehean a kresi enaru desy, ma raktem a raknam Paskahke. 21Ode kyoat a raknam ti Paskah desy bonyo, Yesuske tyanuk ti wasi matoha Iare ma byohe, “Mtyomolu mamak nam kutanuk ne! Ti ei ne mumu ne, ana irkye it a kyeta Yaw.”
22Kyoat wasi matoha Iare ratomolu tun itanuk desy bonyo, ralatare kitol a ksyalik, dendye it o it ne rena Yesuske ma rbohe, “Ebo, esei de? Lema yaw o de?”
23 #
Mzm. 41:10
Lemade Yesuske hyalas sir ma byohe, “Iry ana maketa Yaw neke, i ne inor yaw ma aramy mihuhuk a rotkye ti werke ma aramy mina ne. 24Ktwanuk koldyesy, kali rkesy ti Kitab Lanke ma kbyohe, Irkye Ananke musti mo ana myaty. Keskyede ana atyatke kidurak a iry maketa Irkye Anan desy. Lemamo iry desike kyalake mo kete radur ti i elik.”
25Lemadendye Yudas ana maketa Yesuske ne yena Yesuske ma byohe, “Tuanggurw, kete yaw de?”
Dendye Yesuske tyanuk ti i ma byohe, “Mmwesan a mtwanuk koldyesy bo.”
Yesuske yal rotkye kyor tasy maiskye kwenke ma yal ma yala tnyetak harharkwe
(Mrk. 14:22-25; Luk. 22:15-20; 1Kor. 11:23-25)
26Kyoat Yesuske yor wasi matoha Iare malmata raknam, desike bonyo Yesuske yal rotkye, ode syambayan ma syalak eraske ba ti Hulasokwe ti roty desy. Maktei o byini-byiny roty desy ma yal ti wasi matoha Iare ode tyanuk ma byohe, “Myal, ode mi. Tenakkwe ne.”
27Maktei o yal takwe ma tasy maiskye kwen makitkye kimin ti, ma syambayan ma syalak eraske ba ti Hulasokwe ti tasy maiskye kwen makity desy. Ode isambayan maktei bonyo, yal ti wasi matoha Iare, ode tyanuk ti sir ma byohe, “Myal taw ne, ma myenw kyakar e. 28#Kel. 24:8; Yer. 31:31-34Kali larakkwe ne, ma ana kibo ei hahke ma klyitan eta iry ribunke toha wait lim o sal. Ode larakw mabo ei hah neke kyeluk nyatos ohe, tnyetak harharkwe ti irkye yor Hulasokwe, neke nenmo kimin mane. 29Keskyede mtyomolu mamak ma ktwanuk ti e. Mlay bain! Kyala kyosy ne ana lema kenw tasy maiskye kwen ne de, nini kyait sew a Amakw ima ma ihareta kola Rajake ti nuske ktem ne, kola ne ihareta ti wen sra eraske ne. Ode ti sew desike, nenmo ana kenw tasy maiskye kwenke kor e huruk ma desy.”
Yesuske lyosu ohe ana Petrus ibu a ituli I
(Mrk. 14:26-31; Luk. 22:31-34; Yoh. 13:36-38)
30Lemade Yesuske yor wasi matoha Iare raora inaorake it ma rleru Hulasokwe, maktei bonyo rlakut ma rbai Kususwan Zaitunke.
31Lemade kyoat Yesuske yor wasi matoha Iare raba bonyo, Yesuske tyanuk ti sir ma byohe, “Sewah neke, ana ei ne mumu ne mila toha Yaw, khyali ktela ana kidi ti ma Yaw ne. Kali rkesy ti Kitab Lanke ma kbyohe,
‘Ana ktwabahunw a majaga dombake,
ma khyury ma wasi dombanare ana ra-la a raskyui-raskyay.’ #
Za. 13:7
32 #
Mat. 28:16
Keskyede ana Hulasokwe yala Yaw ma kmworif huruk toha mamatire, desikeo ana kmuna e bai propinsi Galileake.”
33Lemade Petrus tyanuk ti Yesuske ma byohe, “Tuanggurw, biar ma sir ne mumu neke ra-la toha O, keskyede yaw ne lema kula toha O elik.”
34Keskye Yesuske tyanuk ti i ma byohe, “Petrus o, mtwomolu mamak nam kutanuk ti o ne! Metdyet neke sihkye lenla kyokoak, desikeo mubu a mutuli Yaw kdi a kla-telw de, ma mbwohe lema mhwe Yaw elik.”
35Keskyede Petrus a hyalas Yesuske bain-bain ma byohe, “Biar ma rtabahunw a yaw kali ktwoha O, keskye lema bisa ma kubu a kutuli O elik.” Desikeo lianare mumu ne rtanuk koldyesy dakun.
Yesuske ti syambayan o bo Getsemanike
(Mrk. 14:32-42; Luk. 22:39-46)
36Ode kyoat Yesuske yor wasi matoha Iare ranait a kususwan Zaitunke, ma ti wenke it neke kani bo Getsemanike, desike bonyo Yesuske tyanuk ti wasi matoha I desikre ma byohe, “Mtyaklulw ti ne, ma ti kswambayan ti so aduk.”
37Dendye Yesuske ryubut Petrus, ode Yakobus yor Yohanes a Zebedeus anan deru ne, ma raktem a rba. Kyoat desike Yesuske ralake ksyal a ksyalik, ode ralake lema ktyeka i de. 38Lemade tyanuk ti iry detelw desy ma byohe, “Ralakw neke ksyal a ksyalik, kola ne kala ma kmwaty mane. Dendye mimin ne, ode kete myenaf de mijaga mamak.”
39Maktei o Yesuske lyakut tebikan bai lulkwe, ode syakitil ma syambayan ti Hulasokwe ma byohe, “O Amo, Oi ne bisa ma mala nam sai ta sai bo. Dendye mou mo, kuten ma ktela masunw ana madi ti ma Yaw neke, maditi toha Yaw.#26:39 Ti ayat neke tunke khatu kibohe, “kuten ma ktela masunw ana madi ti ma Yaw neke, maditi toha Yaw,” neke ti tel Yunanike kbyohe, “kuten ma taw ne maditi toha Yaw.” Keskye Amo, kete mtwoha kubuke, de mtwoha mubuke bo.”
40Maktei bonyo Yesuske yulak I ma mya ma yait a wasi matoha I detelw desy, desikeo yatos sir o malmata renaf. Lemade tyanuk ti Petrus ma byohe, “Petrus! Lema bisa ma mujak jamke sasam ti munor Yaw ne e? 41Mijaga mamak ode msyambayan, ma kete nam dum a khyury a e ma mdyi ei lim o sal. Kali ralamy kralanare kbyuma myala nam a mlaire, keskye lema bisa ma myala, kali tenamire lema malkyakaw.”
42Lemade Yesuske yulak I huruk bai wen isambayan tike, ma syambayan huruk ma byohe, “O Amo, Oi ne bisa ma mala nam sai ta sai bo. Keskye kolnye masunw desike musti mo kdi ti ma Yaw, desikemo kou ma ktela desike kdi ti ma Yaw, ma ktyoha mubuke.”
43Maktei o yulak I huruk ma mya ma yait a wasi matoha I detelw desy, desikeo renaf huruk, kali matatare koskosa a ksyalik. 44Lemade Yesuske tyutuk wasi matoha I detelw desy ti desy, ode yulak I a kla-teluke bai wen isambayan tike ma syambayan. Desyo yoly a wasi sambayan dai desy huruk bo.
45Maktei o yulak I ma ti yait wasi matoha I detelw desy, desikeo renaf a nggora. Dendye tyanuk ti sir ma byohe, “Myenaf a nggora e? Mienafke mo knyal e de. Myatos! Kyait jamke de. Ma Irkye Ananke rala ma ral I ba ti iry a lim o salare mane. 46Lemade mbyatar ma tba, kali iry maketa Yaw neke mya de.”
Yesuske rkumak a I
(Mrk. 14:43-50; Luk. 22:47-53; Yoh. 18:1-11)
47Kyoat Yesuske malmata itun a yor wasi matoha Iare, desikeo kele rsoru Yudas ma mya. Yudas neke Yesuske wasi matoha Ike it ne dakun, ti wasi matoha I dehean a kresi enaru desy. Yudas neke mya o yor iry ribunke, kali iry mabaa klen ti irkye yor Hulasokwe wait usu khatunare, ror iry manety lulw ti Yahudi-nare, neke raso iry ribun desy ma rma. Iry ribun desikre rma o rety a kray o oboban, ma rma ma rkumak Yesuske. 48Ode kyoat iry ribun desikre lenla rma, desikeo Yudas iry a maketa Yesuske ne tyanuk ktelake it ti iry ribun desikre ma byohe, “Iry ana mikumak neke msyeak de koy a I, iry neke I desy de.” 49Kyoat iry ribun desikre ranait bonyo, Yudas lyakut elik sara Yesuske ma byohe, “Tuanggurw! Kuten sewah eraske ti O.” Maktei o yoy a I.
50Lemade Yesuske tyanuk ti Yudas ma byohe, “Liakw, nam murekkye mala a nde.”
Dendye iry ribun desikre rlakut ba ti rkumak Yesuske. 51Keskyede Yesuske wasi matoha Ike it a nyaik a wasi krakye, ma syoby ohut irkye it a tliake. Iry a tlia madohut desike ika at ti iry mabaa klen lan lahukke. 52Lemadendye Yesuske tyanuk ti iry desy ma byohe, “Hoe! Mswihik wasimw kray desy ei kasulnanke! Kali esei desy ibrenak a mnaske, ana mnas desy kyulak i ma ktyabahunw a i dakun. 53Desi mrwekan ohe, Yaw neke lema bisa ma kuten toha Amakw ma yaorif Yaw e? Bisa ma kbwu ti Amakw, ma yaso elik wasi nyaso manosy laitke, neke irkye ribunke hean a kresi enaru a kbyilak (12.000+), ma rma ma rsaluk Yaw. 54Keskyede kolnye kala koldyesy, desikemo nam rakesy ti Kitab Lanke lema bisa ma kdi ti!”
55 #
Luk. 19:47; 21:37 Lemadendye Yesuske tyanuk ti iry ribun a rama ma rakumak I ne, ma byohe, “Desi mbyohe Yaw neke iry a manamet Yaw e? Mane mmya o myety a kray o oboban nekre ma mikumak Yaw ne e? Sew kyaki nekre kunonor e ti Hulasokwe Seike, desikeo lema mkyumak Yaw. 56Keskyede ktela madi ti ma Yaw nekre mumu ne musti mo kdi ti kolnye, ma ktyoha nam a iry manety Hulasokwe wasi nyanoare rakesy ti Kitab Lanke ne.”
Kyoat desike Yesuske wasi matoha Iare ra-la mumu toha wen desy, ode rtutuk I ti desy bo.
Ror Yesuske bai Iry Lan Maohut Tunare
(Mrk. 14:53-65; Luk. 22:54-55,63-71; Yoh. 18:12-14,19-24)
57Lemade iry ribun desikre rkumak Yesuske ma rhait I bai Kayafas wasi sekye. Kayafas neke iry mabaa klen lan lahuk a i. Ti desike iry mabaa klen ti irkye yor Hulasokwe wait usu khatunare mumu, ror iry mahe snurat o tnyetak Musake, rtabal iry manety lulw ti Yahudi-nare, neke raktemtem a rawahuk sir ti desy. 58Ode Petrus a tyoha dakun, keskyede sososo a i ti Yesuske bo. Ode kyoat ranait sey desy bonyo, Petrus a syukar bai sey desike wasi kintalke, ma ti tyaklulw yor suldatare ti desy, ma yobak ma hye o, nam sai ne ana kidi ti Yesuske ne.
59Lemadendye ti sekye krala desy, iry mabaa klen ti irkye yor Hulasokwe wait usu khatunare, ror Iry Lan Maohut Tun desikre mumu ne, neke robak iry salik ma bisa ma iry salik desikre rakakmet ma roit salke ti Yesuske. Mamode Iry Lan Maohut Tun desikre musti mo rtunik tnyetak matmyatkye ti Yesuske. 60Keskyede biar ma ratot irire ribun ma rou ma rakakmet ma roit salke ti Yesuske, keskye tun iry desikre ratanukare lema bisa ma kyala kyal ma rtunik tnyetak matmyatkye ti Yesuske. Dendye kalyauke bonyo, irkye enaru rlakut ei lulkwe, ode rtanuk ma rbohe, 61#Yoh. 2:19“Aramy mtyomolu iry ne ma tyanuk de! Ma tyanuk de byohe, bisa ma iskyui-iskyay Hulasokwe Seike, ode sekwe enatelw bonyo ana syadiri harharkwe de.”
62Lemade iry mabaa klen lan lahukke imdiry, ode tyanuk ti Yesuske ma byohe, “De lema mhwalas tun a iry nekre ratanuk ma raoit salke ti O ne e?”
63Keskyede Yesuske mamwaw I bo. Dendye iry mabaa klen lan lahuk desike yena I huruk ma byohe, “Hulasow a mamorif ne tyomolu nam mutanukke de. Dendye mlwosu mlakye ma aramy ohe, Oi neke Mesias a iry a Hulasokwe isusu ma muka Raja ode muaorif irkye ne e?#26:63 Kmata Mesias ne, neke tel Ibranike desy. Klala ti tel Yunanike, desikeo rbohe, Kristus. Tunke khatu deru ne kbuanke mais, neke ti tel Maslyarkwe, kbuanke o, Iry a Hulasokwe isusu ma ika Raja ode yaorif irkye. Kola ne ti Mat. 26:68ke dakun. Ode Hulasokwe Anan O e?”
64 #
Dan. 7:13
Desike bonyo Yesuske hyalas ma byohe, “Mmwesan a mtwanuk bony de! Klala mtyomolu ma ktwanuk ti e. Ti sew ana mama ne, ana myatos Irkye Ananke ma tyaklulw ti Hulasow Mahareta Lan Lahukke seri wanke. Ode kyoat a yorw yosy laitke, desikeo imin ti oanke kralake.”
65 #
Im. 24:16
Kyoat iry mabaa klen lan lahuk desike itomolu ma Yesuske itanuk koldyesy bonyo, kyeyer a ksyalik ma myesan yahy a wasi rabitke ti tenanke, ode tyanuk ma byohe, “Takita esei ma tyanuk huruk de? Ei ne mumu ne mtyomolu wan ne ma ihmwai Hulasokwe o de? 66Dendye mryekan kolkya?”
Lemade iry desikre rhalas ma rbohe, “I neke musti mo rtunik tnyetak matmyatkye ti I.”
67 #
Yes. 50:6
Lemadendye iry desikre rasburik ti Yesuske matake kralake, ode roban a I. Maktei o rhul eta matake, ode rkohw matake, 68ode rakanak I ma rbohe, “Hei! Kolnye Oi ne Mesias O, desikemo mlwosu ma aramy ohe, esei ne ioban a O ne de?”
Petrus ibu a ituli Yesuske
(Mrk. 14:66-72; Luk. 22:56-62; Yoh. 18:15-18,25-27)
69Kyoat desyo Petrus imin ti iry a mabaa klen lan lahuk desike wasi kintalke a nggora. Desike bonyo iry mabaa klen lan lahuk desike wasi makarya wamfwetke it a mya ma yait Petrus, ma tyanuk ti i ma byohe, “Oi ne kyalamo mor Yesus iry a Galilea desy dakun o de?”
70Keskyede ti ribunke khaha desy, Petrus a ibu a ituli ma byohe, “Eno! Lema khwe nam mutanukke kbuanke.”
71Lemade kyoat Petrus ilakut bai holholat lorkye#26:71 Ti ayat neke kbyohe, lorkye. Neke ti tel mabuske kbuanke o gerbang. kmatake bonyo, wamfwet makarya salikke it huruk ma yatos a Petrus, dendye tyanuk ti iry mamin ti desikre ma byohe, “Iry neke kyalamo yor Yesus iry a Nazaret desy.”
72Desikeo Petrus a ihwab, ode tyuly huruk ma byohe, “Lema khwe iry desy.”
73Ode lema soso bonyo, iry mamin ti desikre it a mya ma tyanuk ti Petrus ma byohe, “Mlay! Iry neke i ne inor Yesuske dakun ne, kali wait telke mais.”
74Keskyede Petrus ihwab a myaty o myorif ma byohe, “Lema khwe iry desy.” Kyoat Petrus itanuk ma ktei bonyo, sihkye kyokoak dakun.
75Lemadendye Petrus a nyenas yal mait ity Ebut Yesuske tun itanuk ti ike, ti kibohe, “Sihkye lenla kyokoak, desikeo mubu a mutuly Yaw a kdi a kla-telw de.” Lemade Petrus a byetik toha wen desy, ode bya ti syer ma kisalsal.
လက္ရွိေရြးခ်ယ္ထားမွု
Matius 26: SLU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Yayasan Pemberdayaan Masyarakat Desa, Wycliffe Bible Translators, Inc.
Matius 26
26
Iry manety lulw ti Yahudi-nare wait kubkubakke rreky ma rtabahunw a Yesuske
(Mrk. 14:1-2; Luk. 22:1-2; Yoh. 11:45-53)
1Ode kyoat Yesuske yajar iry ribunke maktei bonyo, tyanuk ti wasi matoha Iare ma byohe, 2#Kel. 12:1-27“Ei neke mhye ohe, lenla sekwe enaru bonyo, Yahudi-nare wait sew lan Paskahke#26:2 Sew lan Paskahke neke Yahudi-nare wait sew lanke, ma rnenas ti kyoat heitlulswo Hulasokwe yaditi sir ma rbetik toha negara Mesirke, ma kete rkarya kola at nekre de. (Matos ti Kel. 12:1-27 ode Ul. 16:1-8.) kdi ti de. Ode kyoat desy dakun o, irire ana ral Irkye Ananke#26:2 Ti ayat ne kbyohe, Irkye Ananke, neke klyosu ohe Yesuske. Kola ne ti Mat. 26:24,45,64ke dakun. (Matos Dan. 7:13-14.) ti iry mamnisik Iare, ma rbakw a I ti tul masanwalw ike.”
3Kyoat desike iry mabaa klen ti irkye yor Hulasokwe wait usu khatunare, ror iry manety lulw ti Yahudi-nare, neke rawahuk sir ti iry lan lahuk i ti usu khatu mabaa klen desikre, neke wasi sekye. Iry mabaa klen lan lahuk desike, ani Kayafas. 4Iry desikre rawahuk sir, ma robak a ksala ma rkumak Yesuske, ma rtabahunw a I. Keskye rahunik ma lema irkye it a hye elik. 5Keskyede iry desikre rtanuk huruk de rbohe, “Kete tkumak I ti sew lan Paskahke, kali ana kyety oror o nanwaw ti ribunke khahake.”
Wamfwetke it a yalik nul mahon a mtelaske ti Yesuske usuke khatuke
(Mrk. 14:3-9; Yoh. 12:1-8)
6Kyoat desike Yesuske imin ti hnu Betaniake, desikeo imin ti Simon wasi sekye. Simon neke lulswoke imbaul, keskye eras i de. 7#Luk. 7:37-38Ode malmata Yesuske tyaklulw ma iknam bonyo, wamfwetke it ma mya o yety a nul mahon a mtelas a khesi lan ne, ma kimin ti botalke. Botal neke rala toha hatw a marmerke. Ode wamfwet desike yalik nul mahon a mtelas desike mumu ti Yesuske usuke khatuke.
8Lemade kyoat Yesuske wasi matoha Iare ratos a ktela desy bonyo, rkeyer. Dendye it de tyanuk ti it ma rbohe, “Kyal sai ti ibyata nul mahon a mtelas ne, ne de? 9Lemamo kyeta nul mahon a mtelas desy, kali khesike lan. Mamode yal khesi desy ma ihe ti iry a lema manait ei sra o hahare.”
10Keskyede Yesuske hye iry desikre nam ratanukare, dendye tyanuk ti sir ma byohe, “Kyanmwane mirekan koldyesy ma mikeyer a wamfwet ne, ne de? De lema mhye o, yala ktela eraske ma Yaw ma ne e? 11#Ul. 15:11De lema mhye ohe, iry a lema manait ei sra o hahare sir ne kyaki-kyaki mo ranor a e ne e? Ode kolnye sew kabei ta kabei ma mbyuma msyaluk a sir, desikemo bisa ma msyaluk sir bo. Klala Yaw neke ana lema kor a e ti sew kyaki nekre de. 12Kali lenla kmwaty ma ti ramlin a Yaw, keskyede wamfwet neke yalik nul mahon a mtelaske a kmuna ti tenakkwe de, ma kikita elik ti ana kumaty ma ti ramlin a Yaw ne. 13Lemade mtyomolu mamak nam kutanuk ne! Kyoat a Brit Eras ne rabrita ti kabei ta kabei bo, ti nuske ktem ne, desikeo ana rahes a ktela wamfwet ne ialake dakun, ma kyaki-kyaki ne irire ranenenas a i.”
Yudas Iskariotke kyeta Yesuske
(Mrk. 14:10-11; Luk. 22:3-6)
14Yudas Iskariot neke Yesuske wasi matoha Ike it ne dakun, ti wasi matoha I dehean a kresi enaru desy. Ma i neke bya ti yait iry mabaa klen ti irkye yor Hulasokwe wait usu khatunare, 15ode tyanuk ti sir ma byohe, “Ana kswusu Yesuske ti e ma mkyumak a I, keskye ana myal sai ma yaw de?”
Lemade usu khatu desikre raki kuban blyawan bokbokke hean telw ma ral ti i. 16Dendye kyala kyosy sew desy, Yudas yobak a klelan a mlakye it, ma bisa ma syusu Yesuske ti iry a mabaa klen ti irkye yor Hulasokwe wait usu khatu desikre.
Yesuske yor wasi matoha Iare raknam Paskahke
(Mrk. 14:12-21; Luk. 22:7-14,21-23; Yoh. 13:21-30)
17Kyoat sew mamunake ti sew lan a Rana Roty a Lema Ranal Ragi Tike kdi ti,#26:17 Kyoat a iry Yahudi-nare wait sew lan Paskahke kdi ti, desikeo wait sew lan a Rana Roty a Lema Ranal Ragi Tike nenmo klyakut dakun. Sew lan a Rana Roty a Lema Ranal Ragi Tike neke klyakut sekwe itw (mingguke sasam). desikeo Yesuske wasi matoha Iare rma ma rena I ma rbohe, “Amam Lan O, wen kabei ne mou ma ti aramy misosan ma ana tana kotw Paskahke ti ne de?”
18Dendye Yesuske hyalas sir ma byohe, “Mbyai nus Yerusalemke krala desy, ode ana ti desike minal a myor irkye it, ode mtyanuk ti i ma mbyohe, ‘Ara wasimy Tuanggurkwe byohe wasi sekwe kyarasy de, dendye yena ohe, wen kabei ne, ana inor wasi matoha Iare rana kotw Paskahke ti ne de?’”
19Lemade Yesuske wasi matoha Iare rtoha ma rala kola Yesuske nam itanuk ti sir desikre. Dendye ti wen desike ne rasosan kotw o abw ma ana ror Yesuske raktem a raknam Paskahke ti ne.
20Dendye sewahke bonyo, Yesuske tyaklulw yor wasi matoha I dehean a kresi enaru desy, ma raktem a raknam Paskahke. 21Ode kyoat a raknam ti Paskah desy bonyo, Yesuske tyanuk ti wasi matoha Iare ma byohe, “Mtyomolu mamak nam kutanuk ne! Ti ei ne mumu ne, ana irkye it a kyeta Yaw.”
22Kyoat wasi matoha Iare ratomolu tun itanuk desy bonyo, ralatare kitol a ksyalik, dendye it o it ne rena Yesuske ma rbohe, “Ebo, esei de? Lema yaw o de?”
23 #
Mzm. 41:10
Lemade Yesuske hyalas sir ma byohe, “Iry ana maketa Yaw neke, i ne inor yaw ma aramy mihuhuk a rotkye ti werke ma aramy mina ne. 24Ktwanuk koldyesy, kali rkesy ti Kitab Lanke ma kbyohe, Irkye Ananke musti mo ana myaty. Keskyede ana atyatke kidurak a iry maketa Irkye Anan desy. Lemamo iry desike kyalake mo kete radur ti i elik.”
25Lemadendye Yudas ana maketa Yesuske ne yena Yesuske ma byohe, “Tuanggurw, kete yaw de?”
Dendye Yesuske tyanuk ti i ma byohe, “Mmwesan a mtwanuk koldyesy bo.”
Yesuske yal rotkye kyor tasy maiskye kwenke ma yal ma yala tnyetak harharkwe
(Mrk. 14:22-25; Luk. 22:15-20; 1Kor. 11:23-25)
26Kyoat Yesuske yor wasi matoha Iare malmata raknam, desike bonyo Yesuske yal rotkye, ode syambayan ma syalak eraske ba ti Hulasokwe ti roty desy. Maktei o byini-byiny roty desy ma yal ti wasi matoha Iare ode tyanuk ma byohe, “Myal, ode mi. Tenakkwe ne.”
27Maktei o yal takwe ma tasy maiskye kwen makitkye kimin ti, ma syambayan ma syalak eraske ba ti Hulasokwe ti tasy maiskye kwen makity desy. Ode isambayan maktei bonyo, yal ti wasi matoha Iare, ode tyanuk ti sir ma byohe, “Myal taw ne, ma myenw kyakar e. 28#Kel. 24:8; Yer. 31:31-34Kali larakkwe ne, ma ana kibo ei hahke ma klyitan eta iry ribunke toha wait lim o sal. Ode larakw mabo ei hah neke kyeluk nyatos ohe, tnyetak harharkwe ti irkye yor Hulasokwe, neke nenmo kimin mane. 29Keskyede mtyomolu mamak ma ktwanuk ti e. Mlay bain! Kyala kyosy ne ana lema kenw tasy maiskye kwen ne de, nini kyait sew a Amakw ima ma ihareta kola Rajake ti nuske ktem ne, kola ne ihareta ti wen sra eraske ne. Ode ti sew desike, nenmo ana kenw tasy maiskye kwenke kor e huruk ma desy.”
Yesuske lyosu ohe ana Petrus ibu a ituli I
(Mrk. 14:26-31; Luk. 22:31-34; Yoh. 13:36-38)
30Lemade Yesuske yor wasi matoha Iare raora inaorake it ma rleru Hulasokwe, maktei bonyo rlakut ma rbai Kususwan Zaitunke.
31Lemade kyoat Yesuske yor wasi matoha Iare raba bonyo, Yesuske tyanuk ti sir ma byohe, “Sewah neke, ana ei ne mumu ne mila toha Yaw, khyali ktela ana kidi ti ma Yaw ne. Kali rkesy ti Kitab Lanke ma kbyohe,
‘Ana ktwabahunw a majaga dombake,
ma khyury ma wasi dombanare ana ra-la a raskyui-raskyay.’ #
Za. 13:7
32 #
Mat. 28:16
Keskyede ana Hulasokwe yala Yaw ma kmworif huruk toha mamatire, desikeo ana kmuna e bai propinsi Galileake.”
33Lemade Petrus tyanuk ti Yesuske ma byohe, “Tuanggurw, biar ma sir ne mumu neke ra-la toha O, keskyede yaw ne lema kula toha O elik.”
34Keskye Yesuske tyanuk ti i ma byohe, “Petrus o, mtwomolu mamak nam kutanuk ti o ne! Metdyet neke sihkye lenla kyokoak, desikeo mubu a mutuli Yaw kdi a kla-telw de, ma mbwohe lema mhwe Yaw elik.”
35Keskyede Petrus a hyalas Yesuske bain-bain ma byohe, “Biar ma rtabahunw a yaw kali ktwoha O, keskye lema bisa ma kubu a kutuli O elik.” Desikeo lianare mumu ne rtanuk koldyesy dakun.
Yesuske ti syambayan o bo Getsemanike
(Mrk. 14:32-42; Luk. 22:39-46)
36Ode kyoat Yesuske yor wasi matoha Iare ranait a kususwan Zaitunke, ma ti wenke it neke kani bo Getsemanike, desike bonyo Yesuske tyanuk ti wasi matoha I desikre ma byohe, “Mtyaklulw ti ne, ma ti kswambayan ti so aduk.”
37Dendye Yesuske ryubut Petrus, ode Yakobus yor Yohanes a Zebedeus anan deru ne, ma raktem a rba. Kyoat desike Yesuske ralake ksyal a ksyalik, ode ralake lema ktyeka i de. 38Lemade tyanuk ti iry detelw desy ma byohe, “Ralakw neke ksyal a ksyalik, kola ne kala ma kmwaty mane. Dendye mimin ne, ode kete myenaf de mijaga mamak.”
39Maktei o Yesuske lyakut tebikan bai lulkwe, ode syakitil ma syambayan ti Hulasokwe ma byohe, “O Amo, Oi ne bisa ma mala nam sai ta sai bo. Dendye mou mo, kuten ma ktela masunw ana madi ti ma Yaw neke, maditi toha Yaw.#26:39 Ti ayat neke tunke khatu kibohe, “kuten ma ktela masunw ana madi ti ma Yaw neke, maditi toha Yaw,” neke ti tel Yunanike kbyohe, “kuten ma taw ne maditi toha Yaw.” Keskye Amo, kete mtwoha kubuke, de mtwoha mubuke bo.”
40Maktei bonyo Yesuske yulak I ma mya ma yait a wasi matoha I detelw desy, desikeo yatos sir o malmata renaf. Lemade tyanuk ti Petrus ma byohe, “Petrus! Lema bisa ma mujak jamke sasam ti munor Yaw ne e? 41Mijaga mamak ode msyambayan, ma kete nam dum a khyury a e ma mdyi ei lim o sal. Kali ralamy kralanare kbyuma myala nam a mlaire, keskye lema bisa ma myala, kali tenamire lema malkyakaw.”
42Lemade Yesuske yulak I huruk bai wen isambayan tike, ma syambayan huruk ma byohe, “O Amo, Oi ne bisa ma mala nam sai ta sai bo. Keskye kolnye masunw desike musti mo kdi ti ma Yaw, desikemo kou ma ktela desike kdi ti ma Yaw, ma ktyoha mubuke.”
43Maktei o yulak I huruk ma mya ma yait a wasi matoha I detelw desy, desikeo renaf huruk, kali matatare koskosa a ksyalik. 44Lemade Yesuske tyutuk wasi matoha I detelw desy ti desy, ode yulak I a kla-teluke bai wen isambayan tike ma syambayan. Desyo yoly a wasi sambayan dai desy huruk bo.
45Maktei o yulak I ma ti yait wasi matoha I detelw desy, desikeo renaf a nggora. Dendye tyanuk ti sir ma byohe, “Myenaf a nggora e? Mienafke mo knyal e de. Myatos! Kyait jamke de. Ma Irkye Ananke rala ma ral I ba ti iry a lim o salare mane. 46Lemade mbyatar ma tba, kali iry maketa Yaw neke mya de.”
Yesuske rkumak a I
(Mrk. 14:43-50; Luk. 22:47-53; Yoh. 18:1-11)
47Kyoat Yesuske malmata itun a yor wasi matoha Iare, desikeo kele rsoru Yudas ma mya. Yudas neke Yesuske wasi matoha Ike it ne dakun, ti wasi matoha I dehean a kresi enaru desy. Yudas neke mya o yor iry ribunke, kali iry mabaa klen ti irkye yor Hulasokwe wait usu khatunare, ror iry manety lulw ti Yahudi-nare, neke raso iry ribun desy ma rma. Iry ribun desikre rma o rety a kray o oboban, ma rma ma rkumak Yesuske. 48Ode kyoat iry ribun desikre lenla rma, desikeo Yudas iry a maketa Yesuske ne tyanuk ktelake it ti iry ribun desikre ma byohe, “Iry ana mikumak neke msyeak de koy a I, iry neke I desy de.” 49Kyoat iry ribun desikre ranait bonyo, Yudas lyakut elik sara Yesuske ma byohe, “Tuanggurw! Kuten sewah eraske ti O.” Maktei o yoy a I.
50Lemade Yesuske tyanuk ti Yudas ma byohe, “Liakw, nam murekkye mala a nde.”
Dendye iry ribun desikre rlakut ba ti rkumak Yesuske. 51Keskyede Yesuske wasi matoha Ike it a nyaik a wasi krakye, ma syoby ohut irkye it a tliake. Iry a tlia madohut desike ika at ti iry mabaa klen lan lahukke. 52Lemadendye Yesuske tyanuk ti iry desy ma byohe, “Hoe! Mswihik wasimw kray desy ei kasulnanke! Kali esei desy ibrenak a mnaske, ana mnas desy kyulak i ma ktyabahunw a i dakun. 53Desi mrwekan ohe, Yaw neke lema bisa ma kuten toha Amakw ma yaorif Yaw e? Bisa ma kbwu ti Amakw, ma yaso elik wasi nyaso manosy laitke, neke irkye ribunke hean a kresi enaru a kbyilak (12.000+), ma rma ma rsaluk Yaw. 54Keskyede kolnye kala koldyesy, desikemo nam rakesy ti Kitab Lanke lema bisa ma kdi ti!”
55 #
Luk. 19:47; 21:37 Lemadendye Yesuske tyanuk ti iry ribun a rama ma rakumak I ne, ma byohe, “Desi mbyohe Yaw neke iry a manamet Yaw e? Mane mmya o myety a kray o oboban nekre ma mikumak Yaw ne e? Sew kyaki nekre kunonor e ti Hulasokwe Seike, desikeo lema mkyumak Yaw. 56Keskyede ktela madi ti ma Yaw nekre mumu ne musti mo kdi ti kolnye, ma ktyoha nam a iry manety Hulasokwe wasi nyanoare rakesy ti Kitab Lanke ne.”
Kyoat desike Yesuske wasi matoha Iare ra-la mumu toha wen desy, ode rtutuk I ti desy bo.
Ror Yesuske bai Iry Lan Maohut Tunare
(Mrk. 14:53-65; Luk. 22:54-55,63-71; Yoh. 18:12-14,19-24)
57Lemade iry ribun desikre rkumak Yesuske ma rhait I bai Kayafas wasi sekye. Kayafas neke iry mabaa klen lan lahuk a i. Ti desike iry mabaa klen ti irkye yor Hulasokwe wait usu khatunare mumu, ror iry mahe snurat o tnyetak Musake, rtabal iry manety lulw ti Yahudi-nare, neke raktemtem a rawahuk sir ti desy. 58Ode Petrus a tyoha dakun, keskyede sososo a i ti Yesuske bo. Ode kyoat ranait sey desy bonyo, Petrus a syukar bai sey desike wasi kintalke, ma ti tyaklulw yor suldatare ti desy, ma yobak ma hye o, nam sai ne ana kidi ti Yesuske ne.
59Lemadendye ti sekye krala desy, iry mabaa klen ti irkye yor Hulasokwe wait usu khatunare, ror Iry Lan Maohut Tun desikre mumu ne, neke robak iry salik ma bisa ma iry salik desikre rakakmet ma roit salke ti Yesuske. Mamode Iry Lan Maohut Tun desikre musti mo rtunik tnyetak matmyatkye ti Yesuske. 60Keskyede biar ma ratot irire ribun ma rou ma rakakmet ma roit salke ti Yesuske, keskye tun iry desikre ratanukare lema bisa ma kyala kyal ma rtunik tnyetak matmyatkye ti Yesuske. Dendye kalyauke bonyo, irkye enaru rlakut ei lulkwe, ode rtanuk ma rbohe, 61#Yoh. 2:19“Aramy mtyomolu iry ne ma tyanuk de! Ma tyanuk de byohe, bisa ma iskyui-iskyay Hulasokwe Seike, ode sekwe enatelw bonyo ana syadiri harharkwe de.”
62Lemade iry mabaa klen lan lahukke imdiry, ode tyanuk ti Yesuske ma byohe, “De lema mhwalas tun a iry nekre ratanuk ma raoit salke ti O ne e?”
63Keskyede Yesuske mamwaw I bo. Dendye iry mabaa klen lan lahuk desike yena I huruk ma byohe, “Hulasow a mamorif ne tyomolu nam mutanukke de. Dendye mlwosu mlakye ma aramy ohe, Oi neke Mesias a iry a Hulasokwe isusu ma muka Raja ode muaorif irkye ne e?#26:63 Kmata Mesias ne, neke tel Ibranike desy. Klala ti tel Yunanike, desikeo rbohe, Kristus. Tunke khatu deru ne kbuanke mais, neke ti tel Maslyarkwe, kbuanke o, Iry a Hulasokwe isusu ma ika Raja ode yaorif irkye. Kola ne ti Mat. 26:68ke dakun. Ode Hulasokwe Anan O e?”
64 #
Dan. 7:13
Desike bonyo Yesuske hyalas ma byohe, “Mmwesan a mtwanuk bony de! Klala mtyomolu ma ktwanuk ti e. Ti sew ana mama ne, ana myatos Irkye Ananke ma tyaklulw ti Hulasow Mahareta Lan Lahukke seri wanke. Ode kyoat a yorw yosy laitke, desikeo imin ti oanke kralake.”
65 #
Im. 24:16
Kyoat iry mabaa klen lan lahuk desike itomolu ma Yesuske itanuk koldyesy bonyo, kyeyer a ksyalik ma myesan yahy a wasi rabitke ti tenanke, ode tyanuk ma byohe, “Takita esei ma tyanuk huruk de? Ei ne mumu ne mtyomolu wan ne ma ihmwai Hulasokwe o de? 66Dendye mryekan kolkya?”
Lemade iry desikre rhalas ma rbohe, “I neke musti mo rtunik tnyetak matmyatkye ti I.”
67 #
Yes. 50:6
Lemadendye iry desikre rasburik ti Yesuske matake kralake, ode roban a I. Maktei o rhul eta matake, ode rkohw matake, 68ode rakanak I ma rbohe, “Hei! Kolnye Oi ne Mesias O, desikemo mlwosu ma aramy ohe, esei ne ioban a O ne de?”
Petrus ibu a ituli Yesuske
(Mrk. 14:66-72; Luk. 22:56-62; Yoh. 18:15-18,25-27)
69Kyoat desyo Petrus imin ti iry a mabaa klen lan lahuk desike wasi kintalke a nggora. Desike bonyo iry mabaa klen lan lahuk desike wasi makarya wamfwetke it a mya ma yait Petrus, ma tyanuk ti i ma byohe, “Oi ne kyalamo mor Yesus iry a Galilea desy dakun o de?”
70Keskyede ti ribunke khaha desy, Petrus a ibu a ituli ma byohe, “Eno! Lema khwe nam mutanukke kbuanke.”
71Lemade kyoat Petrus ilakut bai holholat lorkye#26:71 Ti ayat neke kbyohe, lorkye. Neke ti tel mabuske kbuanke o gerbang. kmatake bonyo, wamfwet makarya salikke it huruk ma yatos a Petrus, dendye tyanuk ti iry mamin ti desikre ma byohe, “Iry neke kyalamo yor Yesus iry a Nazaret desy.”
72Desikeo Petrus a ihwab, ode tyuly huruk ma byohe, “Lema khwe iry desy.”
73Ode lema soso bonyo, iry mamin ti desikre it a mya ma tyanuk ti Petrus ma byohe, “Mlay! Iry neke i ne inor Yesuske dakun ne, kali wait telke mais.”
74Keskyede Petrus ihwab a myaty o myorif ma byohe, “Lema khwe iry desy.” Kyoat Petrus itanuk ma ktei bonyo, sihkye kyokoak dakun.
75Lemadendye Petrus a nyenas yal mait ity Ebut Yesuske tun itanuk ti ike, ti kibohe, “Sihkye lenla kyokoak, desikeo mubu a mutuly Yaw a kdi a kla-telw de.” Lemade Petrus a byetik toha wen desy, ode bya ti syer ma kisalsal.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Yayasan Pemberdayaan Masyarakat Desa, Wycliffe Bible Translators, Inc.