Ngre 2
2
Thao thoKanang ikupupure
1Anakka caꞌri caat coIouth cokamuthe kothokio mïl,#Lauin 23.15–21 okin thokat thaꞌrntakothe ithun nokaꞌran kulukku. 2Ittina apoꞌre pꞌrek akkakat accokkot pokanang akokkurarot koppot ntothiꞌrot ana koppakathe man nakin thokat cik akin ikkoik. 3Okin thimmakathe aꞌrupu wꞌrek wungkot luꞌre lolik ana wakkakathe aꞌrat noꞌra wen kurekkurek appik ammakka okin thokat cik. 4Kanang ikupupure koppappakathe iakin ana okin thikkatheik akin ere ngkarru ikakin thokat thommat ere ammakka Kanang kiniet kin.
5Caꞌri cen ul woIouth ionat nꞌre noKapik nomoꞌrong appik imaik nocapu wokat cik aikkoik nokaꞌran koUruccelim. 6Anakka okin thoccïkothe poꞌre pen, acungkut coul akkakat tothun acikkat cik acoprttakot tit akka okin kurekkurek thoccïkothe aul ioccokothe lon loKapik aere ngkarru koul iokat cik accïkot lon len. 7Ittina aul oprttakat tit, akin ipittat itti, “Ul enni woCelïl iaik werei? 8Ana tat akka oron occïkot akin ere ngkarru konnon. 9Oron thoPrththon ana thoMathion ana thoIlamion ana ul iaik noththok poMaccappaththomia ana iaik noththok poIouthia ana poKkapthokkia ana Piniththic ana pAccia, 10ana poPricia ana poMippilia ana poMuccir ana aꞌran wꞌrek woLipia iaik iccik koKirin ana ul iaat nokaꞌran koRoma, 11(Ul woIouth ana ul ioccokothe lon nomïkït ila ul woIouth woccokothe) ana ul wonocrakan corirok coKkrit ana Muththu anïn occïkot akka akin ere ngkarru kïn ana akin eret lon ilommaththik ila Kapik kokkothe.” 12Okin thikkatheik akin oprttakot tit ana akin ipittarot itti, “Lon elli lonu itti kaththa?” 13Opilingon thokkathe ngure nakin akin iꞌrekat itti, “Okin thïkkot ngapak ngoppot.”
OPoththuruc perene ul
14Ittina oPoththuruc purokathe kapik okin oul wung wothothïlettat iattul ana ikken culukku, akwikkat cik akwerene ul mpoꞌre cittan itti, “Ul woIouth ana onon appik ithaik cene nokaꞌran koUruccelim, nokorronnon anerenenon lon elli, noccïkothin annokkwat unu ncik nolon ila niꞌret non. 15Ul enni wonnïkko ngapak ammakka onon thiꞌret, cïngkï cokkothe ukullacoꞌrin cocik corrot. 16Ilen elli akka pul pothernte lon loKapik oIoil pappiꞌret akka kwiꞌret itti,
17‘Nocaꞌri cothocothakot Kapik kiꞌret itti,
Mpethet ul appik Kanang kin ikupupure.
Nyukul inyomura ana inyari nyere lon
ammakka ul wothernte lon loul woKapik,
ul wang iomura wimma lon ilaik
ana ul iocokkat wathantako thathantako.
18Ana manna noul iarekinin iomura ana iari,
mpethet ul Kanang ikupupure nomaꞌri men
ana okin there ammakka ul wothernte lon loul woKapik.
19Mpakene lon ilommaththik tothiꞌrot
ana lon ilakene lon nocapu thaiken,
ngüccük ana thik ana kucuk keththung ere konïca.
20Cïngkï cathakka ngïꞌrïmak
ana kwanok kaꞌriat cik ere ngüccük,
acaꞌri carthuk anthan icïrïk ana cothrïk thoIli.
21Ana okkwi ipaꞌra ngaꞌrama ngkꞌran koIli kwaꞌrettat.’#Ioil 2.28–32”
22APoththuruc apperekanthet kin akwiꞌrekat itti, “Ul woIccereil, noccïkot lon elli, oIeccuo poNaccir pokat pul ipa Kapik kekkiet nan nanon nthokkot thung lon ilommaththik ana lon ilakene pangken ammakka onon ngka kon thina. 23Pul empi pettathenon ikkun llon laKapik kinat nan ana ul iokithak wittarothenon ana onon thokkwothok nthokkwethok nothapak. 24Anaruk Kapik kurokierok nti ithio ana elikkok nti ithoccokot thiak thothio, akka thio thellat puꞌran itti thaꞌrungkot naak. 25OThauth paperethok akkwiꞌret itti,
‘Mpimmathe Ili tokït kin.
Akka waik thokkun wothothari win,
Mpakorronno appipo nꞌre.
26Ittina cïkït cin copirat noka ana mpapirane Kapik noka,
ana ka kin cakuruk kikkoik nthoꞌrïkot cik,
27akka ngkwannoththe naun aniat ciki ippu,
ana manna ngkwannokorronno piak pang apokutta.
28Ngkwokenerin athar wothikkoik,
ana ngkwakorronnon anopira noka tokït kang.’#Mocumur 16.8–11
29Pangkingon, mperenenon ncinokkït itti, opiki ponnon Ili oThauth piot ana kwocïkkakot ana tupu tung tei cene manna inenni. 30Anaruk kwokat pul pothernte lon loKapik ana kwinat itti Kapik konekkenthok lon cik, nthakkwo mio itti kwanekket pul pothiki thung noprrok pung. 31Ana akka kwinat lon ilathokaik, kwerethe thuroko thoMiccie cakuruk itti Kapik kannokorronnok ippu ana manna ka kung kannokutta. 32Kapik kurokiet oIeccuo nti ithio ana onïn thimmat lon len ngkït kïn. 33Kapik kothikkierok pothiakinet cik ana kwoccot Kanang ikupupure ika Kapik kokat konekkethe lon cik itti kethok ana kwekatheron ana iken akka onon thaik thakathacce ana occïkot. 34OThauth pappannokuꞌrot tothiꞌrot anaruk kwappiꞌret icci itti,
‘Ili Kapik wiꞌrethe Ili win itti,
Ikkik thokkun wothothari win,
35puccuk analkanthung thoꞌrak thang,
acukkwarat kin cik ntacok tang.’#Mocumur 110.1
36Ittina kirrnni aul woIccereil ina itti, Kapik kokkothe oIeccuo ipanon thokkwethe nothapak Ili ana oMiccie.”
37Manakka ul woccïkothe lon elli, okin thikkat cik akin oprttakot tit akin iꞌrekat oPoththuruc ana opilingon nti iul wung wothothïlettat itti, “Pangkingon, ngintha akka onïn okkot?”
38APoththuruc othïat tit itti, “Nokkaprttako nti ilon ilokithak annocco mamuthie ngkꞌran koIeccuo oMiccie, alon lon ilokithak occïkakinthet non. Ana Kapik kethet non Kanang ikupupure. 39Akka thonekket lon cik itha Kapik konekketheik thon ana thonyukul nyon ana thoul iaik ciththan, ul appik ia Ili Kapik konnon kakkaro.”
40OPoththuruc perekanthet kin ana aꞌretto nakin llon loppot lonthoththomat itti, “Noꞌret ka kon nti ilon loul iokithak wonomaꞌri emmi.” 41Ana Kapik karttathe noul ioccokathe lon loIeccuo nomïkït ana woccathe mamuthie. Okin thokat athar wꞌrapuruk (3,000) iarttakothe noul.
Thikkoik thoul ioccokothe lon loKapik
42Okin thiꞌrikathe ilon lothongkene loul wothothïlettat woIeccuo akin aukko tothun akin oꞌrko thuꞌrit ithun ana thuꞌrit thoIli thocipin ana aꞌra ngaꞌrama. 43Ul wothothïlettat woIeccuo wokkathe lon ilommaththik loppot ana ul appik woprttakatherit nolon len. 44Okin ithoccokathe lon loKapik thokakathe ithun ana akin ikkettot aꞌrupu ana okkot lon appik tothun. 45Akin okette aꞌrupu wen akin ikket ul aꞌrupu iellat aꞌrupu cik. 46Okin thikkatheik akin ocurttot noppan toKapik appinappin. Ana akin oꞌrko thuꞌrit thoIli thocipin tothun ana okin thoꞌrkothe ikaman mmïkït moporot, 47aul wꞌrek omerekat Kapik ana opira noka nothoporot thoul iakin thaik. Ana Ili wikkatheik arttot ul nakin appinappin iokat cik aꞌrettat.
လက္ရွိေရြးခ်ယ္ထားမွု
Ngre 2: Lumun
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
´© (Active), Wycliffe Bible Translators, Inc. All rights reserved
Ngre 2
2
Thao thoKanang ikupupure
1Anakka caꞌri caat coIouth cokamuthe kothokio mïl,#Lauin 23.15–21 okin thokat thaꞌrntakothe ithun nokaꞌran kulukku. 2Ittina apoꞌre pꞌrek akkakat accokkot pokanang akokkurarot koppot ntothiꞌrot ana koppakathe man nakin thokat cik akin ikkoik. 3Okin thimmakathe aꞌrupu wꞌrek wungkot luꞌre lolik ana wakkakathe aꞌrat noꞌra wen kurekkurek appik ammakka okin thokat cik. 4Kanang ikupupure koppappakathe iakin ana okin thikkatheik akin ere ngkarru ikakin thokat thommat ere ammakka Kanang kiniet kin.
5Caꞌri cen ul woIouth ionat nꞌre noKapik nomoꞌrong appik imaik nocapu wokat cik aikkoik nokaꞌran koUruccelim. 6Anakka okin thoccïkothe poꞌre pen, acungkut coul akkakat tothun acikkat cik acoprttakot tit akka okin kurekkurek thoccïkothe aul ioccokothe lon loKapik aere ngkarru koul iokat cik accïkot lon len. 7Ittina aul oprttakat tit, akin ipittat itti, “Ul enni woCelïl iaik werei? 8Ana tat akka oron occïkot akin ere ngkarru konnon. 9Oron thoPrththon ana thoMathion ana thoIlamion ana ul iaik noththok poMaccappaththomia ana iaik noththok poIouthia ana poKkapthokkia ana Piniththic ana pAccia, 10ana poPricia ana poMippilia ana poMuccir ana aꞌran wꞌrek woLipia iaik iccik koKirin ana ul iaat nokaꞌran koRoma, 11(Ul woIouth ana ul ioccokothe lon nomïkït ila ul woIouth woccokothe) ana ul wonocrakan corirok coKkrit ana Muththu anïn occïkot akka akin ere ngkarru kïn ana akin eret lon ilommaththik ila Kapik kokkothe.” 12Okin thikkatheik akin oprttakot tit ana akin ipittarot itti, “Lon elli lonu itti kaththa?” 13Opilingon thokkathe ngure nakin akin iꞌrekat itti, “Okin thïkkot ngapak ngoppot.”
OPoththuruc perene ul
14Ittina oPoththuruc purokathe kapik okin oul wung wothothïlettat iattul ana ikken culukku, akwikkat cik akwerene ul mpoꞌre cittan itti, “Ul woIouth ana onon appik ithaik cene nokaꞌran koUruccelim, nokorronnon anerenenon lon elli, noccïkothin annokkwat unu ncik nolon ila niꞌret non. 15Ul enni wonnïkko ngapak ammakka onon thiꞌret, cïngkï cokkothe ukullacoꞌrin cocik corrot. 16Ilen elli akka pul pothernte lon loKapik oIoil pappiꞌret akka kwiꞌret itti,
17‘Nocaꞌri cothocothakot Kapik kiꞌret itti,
Mpethet ul appik Kanang kin ikupupure.
Nyukul inyomura ana inyari nyere lon
ammakka ul wothernte lon loul woKapik,
ul wang iomura wimma lon ilaik
ana ul iocokkat wathantako thathantako.
18Ana manna noul iarekinin iomura ana iari,
mpethet ul Kanang ikupupure nomaꞌri men
ana okin there ammakka ul wothernte lon loul woKapik.
19Mpakene lon ilommaththik tothiꞌrot
ana lon ilakene lon nocapu thaiken,
ngüccük ana thik ana kucuk keththung ere konïca.
20Cïngkï cathakka ngïꞌrïmak
ana kwanok kaꞌriat cik ere ngüccük,
acaꞌri carthuk anthan icïrïk ana cothrïk thoIli.
21Ana okkwi ipaꞌra ngaꞌrama ngkꞌran koIli kwaꞌrettat.’#Ioil 2.28–32”
22APoththuruc apperekanthet kin akwiꞌrekat itti, “Ul woIccereil, noccïkot lon elli, oIeccuo poNaccir pokat pul ipa Kapik kekkiet nan nanon nthokkot thung lon ilommaththik ana lon ilakene pangken ammakka onon ngka kon thina. 23Pul empi pettathenon ikkun llon laKapik kinat nan ana ul iokithak wittarothenon ana onon thokkwothok nthokkwethok nothapak. 24Anaruk Kapik kurokierok nti ithio ana elikkok nti ithoccokot thiak thothio, akka thio thellat puꞌran itti thaꞌrungkot naak. 25OThauth paperethok akkwiꞌret itti,
‘Mpimmathe Ili tokït kin.
Akka waik thokkun wothothari win,
Mpakorronno appipo nꞌre.
26Ittina cïkït cin copirat noka ana mpapirane Kapik noka,
ana ka kin cakuruk kikkoik nthoꞌrïkot cik,
27akka ngkwannoththe naun aniat ciki ippu,
ana manna ngkwannokorronno piak pang apokutta.
28Ngkwokenerin athar wothikkoik,
ana ngkwakorronnon anopira noka tokït kang.’#Mocumur 16.8–11
29Pangkingon, mperenenon ncinokkït itti, opiki ponnon Ili oThauth piot ana kwocïkkakot ana tupu tung tei cene manna inenni. 30Anaruk kwokat pul pothernte lon loKapik ana kwinat itti Kapik konekkenthok lon cik, nthakkwo mio itti kwanekket pul pothiki thung noprrok pung. 31Ana akka kwinat lon ilathokaik, kwerethe thuroko thoMiccie cakuruk itti Kapik kannokorronnok ippu ana manna ka kung kannokutta. 32Kapik kurokiet oIeccuo nti ithio ana onïn thimmat lon len ngkït kïn. 33Kapik kothikkierok pothiakinet cik ana kwoccot Kanang ikupupure ika Kapik kokat konekkethe lon cik itti kethok ana kwekatheron ana iken akka onon thaik thakathacce ana occïkot. 34OThauth pappannokuꞌrot tothiꞌrot anaruk kwappiꞌret icci itti,
‘Ili Kapik wiꞌrethe Ili win itti,
Ikkik thokkun wothothari win,
35puccuk analkanthung thoꞌrak thang,
acukkwarat kin cik ntacok tang.’#Mocumur 110.1
36Ittina kirrnni aul woIccereil ina itti, Kapik kokkothe oIeccuo ipanon thokkwethe nothapak Ili ana oMiccie.”
37Manakka ul woccïkothe lon elli, okin thikkat cik akin oprttakot tit akin iꞌrekat oPoththuruc ana opilingon nti iul wung wothothïlettat itti, “Pangkingon, ngintha akka onïn okkot?”
38APoththuruc othïat tit itti, “Nokkaprttako nti ilon ilokithak annocco mamuthie ngkꞌran koIeccuo oMiccie, alon lon ilokithak occïkakinthet non. Ana Kapik kethet non Kanang ikupupure. 39Akka thonekket lon cik itha Kapik konekketheik thon ana thonyukul nyon ana thoul iaik ciththan, ul appik ia Ili Kapik konnon kakkaro.”
40OPoththuruc perekanthet kin ana aꞌretto nakin llon loppot lonthoththomat itti, “Noꞌret ka kon nti ilon loul iokithak wonomaꞌri emmi.” 41Ana Kapik karttathe noul ioccokathe lon loIeccuo nomïkït ana woccathe mamuthie. Okin thokat athar wꞌrapuruk (3,000) iarttakothe noul.
Thikkoik thoul ioccokothe lon loKapik
42Okin thiꞌrikathe ilon lothongkene loul wothothïlettat woIeccuo akin aukko tothun akin oꞌrko thuꞌrit ithun ana thuꞌrit thoIli thocipin ana aꞌra ngaꞌrama. 43Ul wothothïlettat woIeccuo wokkathe lon ilommaththik loppot ana ul appik woprttakatherit nolon len. 44Okin ithoccokathe lon loKapik thokakathe ithun ana akin ikkettot aꞌrupu ana okkot lon appik tothun. 45Akin okette aꞌrupu wen akin ikket ul aꞌrupu iellat aꞌrupu cik. 46Okin thikkatheik akin ocurttot noppan toKapik appinappin. Ana akin oꞌrko thuꞌrit thoIli thocipin tothun ana okin thoꞌrkothe ikaman mmïkït moporot, 47aul wꞌrek omerekat Kapik ana opira noka nothoporot thoul iakin thaik. Ana Ili wikkatheik arttot ul nakin appinappin iokat cik aꞌrettat.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
´© (Active), Wycliffe Bible Translators, Inc. All rights reserved