ESOTO 30
30
Ko te Fatafaitaulaga mo Sunu Taulaga Manogi
(Eso 37.25-28)
1“Faite se fata-fai-taulaga ki laupapa o te lakau ko te akasia, mo sunu a taulaga manogi. 2E 'tau o pau lei a feitu e fa o te fata-fai-taulaga tena. E 45 senitimita te loa, 45 te lauefa kae e 90 te maluga. A nifo o ia kola e fa e 'tau o soko tasi mo te lakau tela e faite ei te foitino. 3Ufi te koga i luga, mo feitu katoa o ia e fa, pela foki mo nifo o ia ki te tina aulo, kae fakatamilo se laina aulo i ona kaokao. 4Faite ne ligi aulo e lua mo sau, kae fakapiki mai lalo ifo o te laina aulo i ona kaokao e lua, mo faulu a amo. 5Faite a amo konei ki te lakau ko te akasia, kae ufi ki te aulo. 6Ka oti ko tuku ei te fata-fai-taulaga mai tua o te laugatu pui tela e tautau i mua o te Pusa o te Feagaiga. Tena te koga ka fetaui ei au mo koe. 7I tafataeao katoa, kafai e vau Alona o fakatoka a moli, e 'tau mo ia o sunu ne taulaga manogi gali i luga i ei. 8E 'tau foki mo ia o fai te mea tena mafai e vau a ia o faka'ka moli i te afiafi. A te faiga o taulaga sunu konei e 'tau o fai faeloa i tupulaga katoa. 9E isi ne taulaga sunu kola e tapu; ke sa ofo atu i luga i te fata-fai-taulaga tenei, pela mo taulaga manu mo taulaga o mea o te laukele; kae sa 'ligi se taulaga uaina ki luga i ei. 10E 'tau mo Alona o fai se sauniga mo te faka'maga o te fata-fai-taulaga, e fakatasi i te tausaga. E 'tau mo Alona o nani a nifo o te fata-fai-taulaga ki te toto o te manu tela ko oti ne ta mo fai te taulaga mo te fakamagaloga o agasala. A te mea nei e 'tau o fai i tausaga katoa fakamuli. A te fata-fai-taulaga tenei e 'tau o faka'malu mo oku, ko te Aliki.”
Ko te Lafoga mo te Faleie o te Aliki
11Muna a te Aliki ki a Mose, 12“Kafai ko lau ne koe te aofaki o tino Isalaelu, e 'tau mo tagata takitokotasi o togi mai se lafoga mo tena ola, ko te mea ke seai se fakalavelave e oko ki tena olaga i te taimi e lau ei a tino. 13#Eso 38.25,26; Mata 17.24A tino katoa kola e aofia i te lauga tenei, e 'tau katoa o togi te aofaki tonu o tupe tela e manakogina. E 'tau katoa mo tino o togi te lafoga tenei ke fai pela me se taulaga ki a au. 14A tino katoa kola e aofia i te lauga tenei, tela ko tino kola ko katoa te luasefulu tausaga o fano ki luga, e 'tau katoa o togi mai ki a au a te aofaki tena. 15E se 'tau mo tino mau'mea o togi fakasilia, e se 'tau foki mo tino mativa o togi fakamu'tana, mafai ko togi ne latou te aofaki tenei mo olotou ola. 16Puke a tupe konei mai tino Isalaelu kae fakaaoga mo te tausiga o te Faleie tela e nofo ei au. A te lafoga tena ko te togi o olotou ola, ka masaua ei ne au o puipui latou.”
Ko te Pesini Palasi
17Ne fai mai te Aliki ki a Mose, 18#Eso 38.8“Faite se pesini ki te palasi mo sena tulaga palasi, Ka oti ko tuku ei i te va o te Faleie o te Aliki mo te fata-fai-taulaga, kae fakafonu ki vai. 19A te vai tena i ei ka fakaaoga ne Alona mo ana tamaliki mo fulu olotou vae mo lima, 20kae koi tuai o ulu ki loto i te Faleie o te Aliki, e pela foki mafai ka olo atu latou o ofo a taulaga meakai i te fata-fai-taulaga. Ka fai ne latou a te mea tena, ko se tamate ei latou. 21E 'tau mo latou o fulu olotou lima mo olotou vae, ke mo a latou e mate. Tena te fakatonuga e 'tau mo latou e pela foki mo olotou fanauga o tautali ki ei ki te se gata mai.”
Ko te Sinu Tapu
22 #
Eso 37.29
Ne faipati mai te Aliki ki a Mose penei, 23“Puke a mea fakamanogi gali eiloa — e ono kilokalame o te mulo, e tolu kilokalame o te kinamoni manogi gali, e tolu foki kilokalame o te lakau manogi e igoa ki te kani, 24kae ono kilokalame o te kasia; ke fua katoa ki te mafa tela e talia i te tulafono. Fakaopoopo ki ei e fa lita o te sinu o te olive, 25ko fai ei se sinu tapu, e palu pela me se sausau. 26Fakaaoga te sinu tena o mili te Faleie o oku, mo te Pusa o te Feagaiga, 27mo te taipola mo ana mea katoa, te tulaga‐moli mo ana mea katoa, te fata-fai-taulaga tela e fai ei taulaga sunu o mea manogi, 28te fata-fai-taulaga tela e sunu ei taulaga mo ana mea katoa, e pela foki mo te pesini mo tena tulaga. 29Tena te faiga e fakatapu ei a mea katoa kona, tela ko tapu katoatoa ei a mea kona, ka ko te tino e fakapatele ki ei ka pakia a ia i te mana o te fakatapuga tena ne fai ki mea kona.#30.29: Ka pakia i te malosi o tena 'mana: Onoono ki te Eso.29.37. 30Ka oti aka, ko milimili ei Alona mo ana tama tagata, kae fakasopo ei latou mo fai a faitaulaga ke tavini mai ki a au. 31Fai atu ki tino Isalaelu penei, ‘A te sinu milimili malu tenei ke fakaaoga mo taku galuega, i taimi katoa fakamuli. 32Ke sa ligi ki luga i so se tino, kae tapu foki e palu se sinu ke pau mo te sinu tenei. E tapu te sinu tenei, kae e 'tau eiloa o faka'malu ne koutou. 33A te tino tela e palu ne ia se sinu ke pau mo te sinu tenei, io me fakaaoga ne ia te sinu tenei ki so se tino e se se faitaulaga, ka se taku a ia se tino o toku fenua.’ ”
Ko te Taulaga Manogi
34Ne fai mai te Aliki ki a Mose penei, “Puke aka a mea fakamanogi konei, kae fua ke 'pau katoa — ko te sitate, te onika, te kalipanamu mo te tina pulu lipano. 35Ke fakaaoga mo fai a taulaga o mea manogi, kae ke palu pela me se sausau. Fakaopoopo te masima ki ei ke tumau te ma kae manogi lei, kae ke 'malu foki. 36Tukituki ne mea mai ei ko te mea ke liu pauta, ko ave ei ki loto i toku Faleie kae fakamata'tutu i mua o te Pusa o te Feagaiga. Ke faka'malu ne koutou te mea manogi tenei. 37Sa fakaaoga ne koutou se palūga o so se mea manogi ke pau mo te mea nei. Ke faka'malu ne koutou te mea nei me ko oti ne fakatapu mai ki a au. 38Kafai e isi se tino e fai ne ia te palūga tenei mo fai tena sausau, ka se taku a ia se tino o toku fenua.”
လက္ရွိေရြးခ်ယ္ထားမွု
ESOTO 30: Tusi Tapu
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Tuvalu Revised Bible © Bible Society in the South Pacific