Khuubala 23
23
1Balaamu waalomela Balaki ari, “N'untsombekhele ano bibyeeso musaafu, lwanyuma ureere tsiwuunwa musaafu ni kamamiiku musaafu nako.”
2Aryo Balaki waakhola nga Balaamu n'amulomela, lwanyuma boombi baawaanayo tsisaayilo, nga khu buli sheeso bawaanilakho iwuunwa ndweela ni limiiku litweela. 3Lwanyuma Balaamu waamulomela ari, “Iwe rama nga weemikhilekho ano aambi ni biwaanwa byoosi, ise aliwo isi indi khuutsyakho senyene. Ibweene iyo manya Umukasya kane ambonekhele. Nga waambonekheele, ise kane ingobole ikhuboolele byoosi byeesi kane abe waambooleele.” Aryo waakyeenda waatsya waaniina khu khakiingi khu ngaaki.
4Ibweene iyo, Umukasya waabonekhela Balaamu. Kila Balaamu amuloma ari, “Nombakhileyo bibyeeso musaafu, ni khu buli shisheeso, naawaaniilekho iwuunwa ndweela ni limiiku litweela.”
5Abweene awo, Umukasya waawa Balaamu buurume bwe khuukanikha, lwanyuma waamulomela khukhwiilayo isi Balaki. 6Nga weelileyo, waanyoola Balaki atweela ni baaraangilisi babaandi be mu Mowabu, beemikhile aambi ni biwaanwa bye khukhwoosha.
7Balaamu wenyusa likono waaloma ari,
“Balaki umuyiinga wa Mowabu waandeerire ise ano,
khukhwaama mu njiinji tsa Siriya,
ari niitse intsube Yakobo
inganikhe bilomo bye khuutsuba khu Isiraeli!
8Ne ise inyala ndyeena khuutsuba uyo isi Wele akhaatsuba ta?
Namwe inganikha ndyeena bye khuutsuba khuuyo isi Umukasya akhaatsuba ta?
9Khukhwaama khu ngaaki khwe tsinjiinji, imbabona buulayi busa,
nga ndi khu njiinji, imbalolelela buulayi naabi,
Lili linaambo lilimenya lyonyene busa,
Nibo bali babaandu babawulila Wele, khufuurakho kamanaambo kakaandi!
10Babetsukhulu ba Yakobo bali busa nga lifukhuulu buukali;
Bali baakali naabi mbaawo unyala khuubabala ta.
Khayo ise ifwe khuufwa khwe bakhosefu ba Wele;
Khayo intsakamo yase ibe iye lukoosi!”
11Kila Balaki waalomela Balaamu ari, “Iwe ndi waakhola ise shiina shino? Ise ikhuloombile ndi wiitse untsubile baasiku baase. Ne ari bona sheesi waama khukhola, waabaweele busa tsikhabi!”
12Naye Balaamu waamwiilamo ari, “Ise mbaawo shishiindu shiindi sheesi inyala naaloma ta, khuurusakho khuukanikha isho sheesi Umukasya aba waandakiile khuukanikha.”
Buurume bwa Balaamu bwe khaabili
13Lwanyuma ndi kila Balaki alomela Balaamu ari, “Yiitsa khutsye mu shifwo shishiindi. Mu sheene isho, kane ubonekho bakyeekhe bari khu nibo, nio unyalise khuubaantsubila buulayi.” 14Aryo kila ayila Balaamu mu mukuunda kwa Zofimu, kukuuli khu ngaaki khu lukiingi Pisiga. Ibweeneyo ndi wombekhayo bibyeeso musaafu, khweesi aawaanilakho tsisaayilo, nga khu buli sheeso iwuunwa ndweela ni limiiku litweela.
15Balaamu ndi waalomela Balaki ari, “Yiimikha ano aambi ni tsisaayilo tsintsoshe. Khayo intsye iyo senyene, khukhwakaanana ni Wele.”
16Nga Balaamu ali ibweene iyo, Umukasya waamubonekhela, waamuwa buurume bubuundi, lwanyuma waamuloma khuukobolayo isi Balaki. 17Aryo Balaamu waakobola, waanyoola Balaki nga ashiimikha aambi ni tsisaayilo tsintsoshe, atweela ni baaraangilisi babaandi be mu Mowabu.
Kila Balaki amureeba ari, “Shiina sheesi Umukasya aama khukanikha?”
18Balaamu waamwiilamwo buŋoosi buno:
“Yinyukha, urekereese byeesi ntsya khuloma,
iwe Balaki umusooleli wa Zipori,
19Wele s'ali nga babaandu unyala waawombesa ta,
namwe niye s'ali umuundu busa unyala waashuusakho bibyambaaso byeewe ta.
Niye buli sheesi asuubisa shoosi, ashikhola,
na buli sheesi aloma shoosi, ashoolelesa.
20Ise naafunile shiilakilo khukhwaama isi Wele khuuwa tsikhabi,
Niye umweene nga waamalile khaale khuuwa tsikhabi,
ise mbaawo sheesi inyala naakhola khuushishuusamwo ta.
21Niye waakhubonakho bukosi bwoosi mu Yakobo uyo ta,
namwe buubi bwoosi mu buulamu bwa Isiraeli bwe buraangisi ta.
Umukasya Wele umweene ali ni nabo;
Babeene bamulaangilila bari niye ali umuyiinga waabwe.
22Wele niye uwabareera khukhwaama i Misiri;
Bali ni kamaani nga ke iyeeyi iye mwirome.
23Mbaawo bye bulakusi bibinyala byareerebwa,
namwe bye bulosi bibinyala byakanikhibwa khu Isiraeli ta;
Shitweela sheesi babaandu banyala baloma shili ndi,
‘Ni mubone sheesi Wele akholile!’
24Ari babaandu ba Isiraeli bano bali busa nga italanyi iye kamaani:
Ikhanyala yaawola khuurusakho nga yaamalile khuuluma sheesi ili khuyiima,
khuurusakho nga yaamalile khuunuuna kamafuki ke shisolo shayo!”
25Lwanyuma kila Balaki alomela Balaamu ari, “Iwe siinga uba nga s'uli khuutsya khubatsuba ta, ni khuubawa tsikhabi, ukhabawa ta!”
26Balaamu naye welamwo ari, “Ise sikhubooleele ndi, mbaawo shishiindu shoosi sheesi inyala naloma ta, khurusakho sheesi Wele umweene anaba nga waanomeele khuukanikha?”
Buurume bwa Balaamu bwe khataru
27Balaki ndi waalomela Balaamu ari “Yiitsa khutsye khukhakekho shiifwo shishiindi. Manya ibweene iyo, Wele kane akhufukiilile untsubile babaandu ba Isiraeli bano.” 28Aryo waayila Balaamu khu ngaaki khwe lukiingi Peyori lululoleleele kumubiimbi.
29Balaamu ndi waamulomela ari, “Yoombekha ano bibyeeso musaafu, lwanyuma undereere tsiwuunwa musaafu, ni kamamiiku nako musaafu.” 30Aryo Balaki waakhola nga Balaamu n'amulomela, wahaanayo iwuunwa ndweela ni limiiku litweela khu buli sheeso.
လက္ရွိေရြးခ်ယ္ထားမွု
Khuubala 23: LCE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lumasaaba Catholic Bible © The Bible Society of Uganda, 2017.
Khuubala 23
23
1Balaamu waalomela Balaki ari, “N'untsombekhele ano bibyeeso musaafu, lwanyuma ureere tsiwuunwa musaafu ni kamamiiku musaafu nako.”
2Aryo Balaki waakhola nga Balaamu n'amulomela, lwanyuma boombi baawaanayo tsisaayilo, nga khu buli sheeso bawaanilakho iwuunwa ndweela ni limiiku litweela. 3Lwanyuma Balaamu waamulomela ari, “Iwe rama nga weemikhilekho ano aambi ni biwaanwa byoosi, ise aliwo isi indi khuutsyakho senyene. Ibweene iyo manya Umukasya kane ambonekhele. Nga waambonekheele, ise kane ingobole ikhuboolele byoosi byeesi kane abe waambooleele.” Aryo waakyeenda waatsya waaniina khu khakiingi khu ngaaki.
4Ibweene iyo, Umukasya waabonekhela Balaamu. Kila Balaamu amuloma ari, “Nombakhileyo bibyeeso musaafu, ni khu buli shisheeso, naawaaniilekho iwuunwa ndweela ni limiiku litweela.”
5Abweene awo, Umukasya waawa Balaamu buurume bwe khuukanikha, lwanyuma waamulomela khukhwiilayo isi Balaki. 6Nga weelileyo, waanyoola Balaki atweela ni baaraangilisi babaandi be mu Mowabu, beemikhile aambi ni biwaanwa bye khukhwoosha.
7Balaamu wenyusa likono waaloma ari,
“Balaki umuyiinga wa Mowabu waandeerire ise ano,
khukhwaama mu njiinji tsa Siriya,
ari niitse intsube Yakobo
inganikhe bilomo bye khuutsuba khu Isiraeli!
8Ne ise inyala ndyeena khuutsuba uyo isi Wele akhaatsuba ta?
Namwe inganikha ndyeena bye khuutsuba khuuyo isi Umukasya akhaatsuba ta?
9Khukhwaama khu ngaaki khwe tsinjiinji, imbabona buulayi busa,
nga ndi khu njiinji, imbalolelela buulayi naabi,
Lili linaambo lilimenya lyonyene busa,
Nibo bali babaandu babawulila Wele, khufuurakho kamanaambo kakaandi!
10Babetsukhulu ba Yakobo bali busa nga lifukhuulu buukali;
Bali baakali naabi mbaawo unyala khuubabala ta.
Khayo ise ifwe khuufwa khwe bakhosefu ba Wele;
Khayo intsakamo yase ibe iye lukoosi!”
11Kila Balaki waalomela Balaamu ari, “Iwe ndi waakhola ise shiina shino? Ise ikhuloombile ndi wiitse untsubile baasiku baase. Ne ari bona sheesi waama khukhola, waabaweele busa tsikhabi!”
12Naye Balaamu waamwiilamo ari, “Ise mbaawo shishiindu shiindi sheesi inyala naaloma ta, khuurusakho khuukanikha isho sheesi Umukasya aba waandakiile khuukanikha.”
Buurume bwa Balaamu bwe khaabili
13Lwanyuma ndi kila Balaki alomela Balaamu ari, “Yiitsa khutsye mu shifwo shishiindi. Mu sheene isho, kane ubonekho bakyeekhe bari khu nibo, nio unyalise khuubaantsubila buulayi.” 14Aryo kila ayila Balaamu mu mukuunda kwa Zofimu, kukuuli khu ngaaki khu lukiingi Pisiga. Ibweeneyo ndi wombekhayo bibyeeso musaafu, khweesi aawaanilakho tsisaayilo, nga khu buli sheeso iwuunwa ndweela ni limiiku litweela.
15Balaamu ndi waalomela Balaki ari, “Yiimikha ano aambi ni tsisaayilo tsintsoshe. Khayo intsye iyo senyene, khukhwakaanana ni Wele.”
16Nga Balaamu ali ibweene iyo, Umukasya waamubonekhela, waamuwa buurume bubuundi, lwanyuma waamuloma khuukobolayo isi Balaki. 17Aryo Balaamu waakobola, waanyoola Balaki nga ashiimikha aambi ni tsisaayilo tsintsoshe, atweela ni baaraangilisi babaandi be mu Mowabu.
Kila Balaki amureeba ari, “Shiina sheesi Umukasya aama khukanikha?”
18Balaamu waamwiilamwo buŋoosi buno:
“Yinyukha, urekereese byeesi ntsya khuloma,
iwe Balaki umusooleli wa Zipori,
19Wele s'ali nga babaandu unyala waawombesa ta,
namwe niye s'ali umuundu busa unyala waashuusakho bibyambaaso byeewe ta.
Niye buli sheesi asuubisa shoosi, ashikhola,
na buli sheesi aloma shoosi, ashoolelesa.
20Ise naafunile shiilakilo khukhwaama isi Wele khuuwa tsikhabi,
Niye umweene nga waamalile khaale khuuwa tsikhabi,
ise mbaawo sheesi inyala naakhola khuushishuusamwo ta.
21Niye waakhubonakho bukosi bwoosi mu Yakobo uyo ta,
namwe buubi bwoosi mu buulamu bwa Isiraeli bwe buraangisi ta.
Umukasya Wele umweene ali ni nabo;
Babeene bamulaangilila bari niye ali umuyiinga waabwe.
22Wele niye uwabareera khukhwaama i Misiri;
Bali ni kamaani nga ke iyeeyi iye mwirome.
23Mbaawo bye bulakusi bibinyala byareerebwa,
namwe bye bulosi bibinyala byakanikhibwa khu Isiraeli ta;
Shitweela sheesi babaandu banyala baloma shili ndi,
‘Ni mubone sheesi Wele akholile!’
24Ari babaandu ba Isiraeli bano bali busa nga italanyi iye kamaani:
Ikhanyala yaawola khuurusakho nga yaamalile khuuluma sheesi ili khuyiima,
khuurusakho nga yaamalile khuunuuna kamafuki ke shisolo shayo!”
25Lwanyuma kila Balaki alomela Balaamu ari, “Iwe siinga uba nga s'uli khuutsya khubatsuba ta, ni khuubawa tsikhabi, ukhabawa ta!”
26Balaamu naye welamwo ari, “Ise sikhubooleele ndi, mbaawo shishiindu shoosi sheesi inyala naloma ta, khurusakho sheesi Wele umweene anaba nga waanomeele khuukanikha?”
Buurume bwa Balaamu bwe khataru
27Balaki ndi waalomela Balaamu ari “Yiitsa khutsye khukhakekho shiifwo shishiindi. Manya ibweene iyo, Wele kane akhufukiilile untsubile babaandu ba Isiraeli bano.” 28Aryo waayila Balaamu khu ngaaki khwe lukiingi Peyori lululoleleele kumubiimbi.
29Balaamu ndi waamulomela ari, “Yoombekha ano bibyeeso musaafu, lwanyuma undereere tsiwuunwa musaafu, ni kamamiiku nako musaafu.” 30Aryo Balaki waakhola nga Balaamu n'amulomela, wahaanayo iwuunwa ndweela ni limiiku litweela khu buli sheeso.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lumasaaba Catholic Bible © The Bible Society of Uganda, 2017.