ᓭᐸᓈᔭ 2
2
1ᒫᒪᐃᐧ ᒫᐊᐧᒋᐦᐃᑐᐠ, ᐁᐦᐁ, ᒫᒪᐃᐧ ᒫᐊᐧᒋᐦᐃᑐᐠ, ᑭᔭᐋᐧᐤ ᐊᔨᓯᔨᓂᑎᐠ ᐁᑳ ᑳ ᐅ ᓇᓀᐯᐃᐧᓯᐃᐧᓂᔦᐠ; 2ᒪᐧᔦᐢ ᐃᐢᐸᔨᐠ ᑳ ᐃᑕᓱᐁᐧᐣ ᒪᐧᔦᐢ ᐊᓂᒪ ᑭᓯᑳᐤ ᐱᒥᐸᔨᐠ ᑖᐱᐢᑯᐨ ᐸᐋᐧᐢᒋᒋᑲᓇ, ᒪᐧᔦᐢ ᐅᑎᐦᑎᑯᔦᐠ ᐅᐟ ᐋᐦᑯᔭᐁᐧᓯᐃᐧᐣ ᑳ ᑎᐯᔨᐦᒋᑫᐟ, ᒪᐧᔦᐢ ᐊᓂᒪ ᑭᓯᑳᐤ ᑳ ᑭᓯᐋᐧᓯᐟ ᑳ ᑎᐯᔨᐦᒋᑫᐟ ᐅᑎᐦᑎᑯᔦᐠ. 3ᓇᓈᑐᓈᕽ ᑳ ᑎᐯᔨᐦᒋᑫᐟ, ᑲᐦᑭᔭᐤ ᑭᔭᐋᐧᐤ ᑳ ᔪᐢᑳᑎᓯᔦᐠ ᐊᐢᑭᕽ, ᑳ ᑭ ᐊᑐᐢᑳᑕᒫᐧᔦᐠ ᐅᔭᓱᐋᐧᓯᐁᐧᐃᐧᐣ; ᓇᑐᓇᒧᐠ ᑲᐧᔭᐢᑭᑖᑎᓯᐃᐧᐣ, ᓇᑐᓇᒧᐠ ᔪᐢᑳᑎᓯᐃᐧᐣ; ᒫᐢᑯᐨ ᐊᐦᐳ ᑭ ᑲ ᑳᑎᑲᐃᐧᓈᐋᐧᐤ ᐊᓂᒪ ᑭᓯᑳᑭ ᑳ ᑎᐯᔨᐦᒋᑫᐟ ᐅ ᑭᓯᐋᐧᓯᐃᐧᐣ ᑕᑯᐸᔨᑭ.
4 #
ᐊᐩᓵᔭ 14:29-31; ᒉᕒᐃᒫᔭ 47:1-7; ᐃᓯᑭᐁᓬ 25:15-17; ᒍᐃᓬ 3:4-8; ᐁᒫᐢ 1:6-8; ᓭᑲᕒᐋᔭ 9:5-7 ᒋᑫᒫ ᑫᓴ ᑭᑕ ᓇᑲᒋᑳᑌᐤ, ᒥᓇ ᐋᐢᑭᓬᐊᐣ ᑭᑕ ᓯᑲᐊᐧᐢᑲᒋᑳᑌᐤ; ᑭᑕ ᐊᐧᔭᐃᐧᑎᓴᐁᐧᐊᐧᐠ ᐋᐢᑖᐟ ᐁ ᐋᐱᑖᑭᓯᑳᐠ, ᒥᓇ ᐁᑲᕒᐊᐣ ᑭᑕ ᒪᓂᒉᐱᑭᐱᒋᑳᑌᐤ. 5ᑯᑕᑭᑖᐃᐧᐣ ᑭᑕ ᐊᔮᐊᐧᐠ ᑳ ᐅᐟ ᐃᐦᑖᐃᐧᓂᒋᐠ ᒋᑭ ᑭᐦᒋᑲᒥᕽ, ᐊᓂᑭ ᐁ ᐱᐢᑭᑕᐢᑳᓀᓯᒋᐠ ᑫᕒᐃᑕᐃᑕᐠ! ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭᐟ ᐋᓀᐧᔨᒥᑯᐋᐧᐣ, ᑭᔭ ᑫᓇᐣ, ᐅᐟ ᐊᐢᑭᐋᐧᐤ ᐱᓬᐃᐢᑎᓇᐠ; ᑭ ᑲ ᓂᓯᐊᐧᓈᒋᐃᑎᐣ, ᐁᑳ ᐊᐊᐧᓯᒣ ᐊᐃᐧᔭᐠ ᑭᑕ ᐅᐟ ᐃᐦᑖᐃᐧᓂᐟ. 6ᐁᑯᓯ ᓯᓱᓀ ᑭᐦᒋᑲᒥᕽ ᑭᑕ ᒪᒥᔭᐧᐢᑯᓯᐊᐧᑳᐤ, ᐁ ᐃᐧᑭᒋᐠ ᐅᑲᓇᐃᐧᒫᔭᑎᐦᑫᐧᐊᐧᐠ ᒥᓇ ᒫᔭᑎᐦᑯᑲᒥᑲᐧ ᑭᑕ ᐊᔮᑭ. 7ᐁᑯᓯ ᓯᓱᓀ ᑭᐦᒋᑲᒥᕽ ᑭᑕ ᐊᔮᐊᐧᐠ ᑳ ᐃᐢᑯᒋᐠ ᐅ ᐋᐧᐢᑳᐦᐃᑲᓂᕽ ᒍᑕ; ᑭᑕ ᐊᓴᒣᐊᐧᐠ ᐅ ᒫᔭᑎᐦᑯᒥᐋᐧᐊᐧ ᐁᑯᑕ; ᐅ ᐋᐧᐢᑳᐦᐃᑲᓂᔨᕽ ᐋᐢᑭᓬᐊᓇ ᑭᑕ ᓇᐃᓯᓇᐧᐠ ᐁ ᐅᑖᑯᓯᓂᔨᐠ, ᒋᑫᒫ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᐋᐧᐊᐧ ᑭᑕ ᓇᑕᐋᐧᐯᓈᑲᐧᐠ, ᒥᓇ ᑭᑕ ᑭᐁᐧᑕᐃᑲᐧᐠ ᐊᐊᐧᑳᑎᑯᐃᐧᓂᕽ ᐅᐦᒋ.
8 #
ᐊᐩᓵᔭ 15:1—16:14; 25:10-12; ᒉᕒᐃᒫᔭ 48:1-47; ᐃᓯᑭᐁᓬ 25:8-11; ᐁᒫᐢ 1:13-15;
ᒉᕒᐃᒫᔭ 49:1-6; ᐃᓯᑭᐁᓬ 21:28-32; 25:1-7; ᐁᒫᐢ 1:13-15 ᓂ ᑭ ᐯᑕᒪᐧᐣ ᐅ ᒪᒋᐋᔨᒧᒥᐁᐧᐃᐧᐣ ᒧᐋᑊ, ᒥᓇ ᐅ ᒫᒪᒋᐃᑌᐧᐃᐧᓂᐋᐧᐤ ᐋᒪᐣ ᐅᐟ ᐊᐋᐧᓯᒥᓴ, ᑳ ᑭ ᐃᓯ ᒪᒋᐋᔨᒧᒫᒋᐠ ᓂᐟ ᐊᔨᓯᔨᓂᒪ, ᒥᓇ ᑳ ᑭ ᐃᓯ ᒥᐁᐧᐢᑲᒪᐋᐧᒋᐠ ᐅᐟ ᐊᐢᑭᔨᐤ. 9#ᒉᓂᓯᐢ 19:24ᐁᐊᐧᑯ ᐅᐦᒋ, ᐁ ᐃᓯ ᐱᒫᑎᓯᔮᐣ ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ, ᑫᒋᓈ ᒧᐋᑊ ᑭᑕ ᐃᓯ ᐊᔮᐤ ᑖᐱᐢᑯᐨ ᓵᑕᒼ, ᒥᓇ ᐅᐟ ᐊᐋᐧᓯᒥᓴ ᐋᒪᐣ ᑖᐱᐢᑯᐨ ᑲᒫᕒᐊ, ᑭᑕ ᒪᓵᓂᐢᑳᐠ ᒥᓇ ᓯᐃᐧᑖᑲᓂ ᐋᐧᑎᑳᓇ, ᒥᓇ ᑳᑭᑫ ᑭᑕ ᓯᑲᐊᐧᐢᑲᒋᑳᑌᐠ; ᐁ ᐃᐢᑯᓂᒋᐠ ᓂᐟ ᐊᔨᓯᔨᓂᒪᐠ ᑭᑕ ᒪᓂᐊᐧᑖᑌᐊᐧᐠ, ᒥᓇ ᐁ ᐃᐢᑯᐃᐦᒋᐠ ᓂᐟ ᐊᔨᓯᔨᓂᒪᐠ ᑭᑕ ᑎᐯᔨᒣᐊᐧᐠ. 10ᐁᐊᐧᑫᐧᔨᐤ ᐅᒪ ᑫ ᐊᔮᒋᐠ ᐅ ᑭᐢᑌᔨᒥᓱᐃᐧᓂᐋᐧᐤ ᐅᐦᒋ, ᒋᑫᒫ ᑭ ᒪᒋᐃᑌᐊᐧᐠ ᒥᓇ ᑭ ᑭᐢᑌᔨᒧᑲᑕᐁᐧᐊᐧᐠ ᐅᐟ ᐊᔨᓯᔨᓂᒥᔨᐊᐧ ᑳ ᑎᐯᔨᐦᒋᑫᔨᐟ ᒥᓯᐁᐧ ᓯᔪᑳᑎᓯᔨᐟ. 11ᑳ ᑎᐯᔨᐦᒋᑫᐟ ᑭᑕ ᑯᐢᑖᑌᔨᑖᑯᓯᑲᑕᐁᐧᐤ; ᒋᑫᒫ ᑭᑕ ᑲᐊᐧᑲᑕᐁᐤ ᑲᐦᑭᔭᐤ ᒪᓂᑐᐊᐧ ᐊᐢᑭᕽ; ᑭᑕ ᐊᔭᒥᐦᐋᐃᐧᐊᑐᐢᑳᐠ ᒫᑲ ᐊᔨᓯᔨᓂᐊᐧ, ᑲᐦᑭᔭᐤ ᐊᐃᐧᔭ ᐃᑕ ᐁ ᐊᔮᔨᐟ ᐅᐦᒋ, ᑲᐦᑭᔭᐤ ᐅᑎ ᐅ ᒥᓂᐢᑎᑯᒥᐋᐧᕽ ᑳ ᓇᓈᑐᑯᐢᑳᓀᓯᒋᐠ.
12 #
ᐊᐩᓵᔭ 18:1-7
ᑭᔭᐋᐧᐤ ᐃᐦᑎᔮᐱᔭᓇᐠ ᒥᓇ ᑭ ᑲ ᓂᐸᐦᐃᑯᓈᐋᐧᐤ ᓂ ᓯᒫᑲᓂᑯᒫᐣ. 13#ᐊᐩᓵᔭ 10:5-34; 14:24-27; ᓀᐦᐊᒼ 1:1—3:19ᐁᑯᓯ ᑭᑕ ᓱᐃᐧᓂᐢᑫᔨᐢᑕᒼ ᑭᐁᐧᑎᐣ, ᒥᓇ ᑭᑕ ᓂᓯᐊᐧᓈᒋᐦᑖᐤ ᐊᓯᕒᐃᔭ; ᒥᓇ ᓂᓀᐯ ᑭᑕ ᑭᐋᐧᑌᔨᑖᑯᑖᐤ, ᒥᓇ ᑭᑕ ᐹᐢᑌᐤ ᑖᐱᐢᑯᐨ ᐱᑲᐧᑕᐢᑭ. 14ᐱᓯᐢᑭᐊᐧᐠ ᒫᑲ ᑭᑕ ᓇᐦᐃᓯᓇᐧᐠ ᒣᑳᐧᐨ ᐁᑯᑕ, ᑲᐦᑭᔭᐤ ᐅ ᐱᓯᐢᑭᒥᐋᐧᐊᐧ ᓇᓈᑐᑯᐢᑳᐣ; ᒐᐦᒐᑭᐤ ᒥᓇ ᑳᑲᐧ ᑭᑕ ᐊᔮᐊᐧᐠ ᐅᐢᑎᑳᐧᓂᑳᒋᑲᓂᕽ ᐁᑯᑕ; ᑭᑕ ᐸᐯᑖᑯᓯᐊᐧᐠ ᐋᐧᓭᓇᒫᐃᐧᓂᕽ; ᑭᑕ ᑭᐋᐧᑌᔨᑖᑲᐧᐣ ᐁ ᐃᐢᑳᐧᑌᒥᐊᐧᕽ; ᒋᑫᒫ ᑭ ᒧᓭᐱᑕᒼ ᒫᓯᑭᐢᑳᑎᐠ ᑳ ᐅᐦᒋ ᐅᓯᐦᒋᑳᑌᐠ. 15ᐁᐊᐧᑯᒪ ᒥᔭᐋᐧᑕᒧᐃᐧ ᐅᑌᓇᐤ ᐁᑳ ᑳ ᑭ ᐊᔭᐢᑖᓯᒪᑲᕽ, ᑳ ᑭ ᐃᑌᐧᐟ ᐅᑌᐦᐃᕽ, ᓂᔭ ᑳ ᐊᔮᔮᐣ ᓇᒪᐃᐧᔭ ᒫᑲ ᐊᐃᐧᔭᐠ ᐱᑐᐢ ᐃᐦᑖᐤ ᓂᔭ ᐱᑯ; ᑖᐹᐧᓂ ᓯᑲᐊᐧᐢᑲᒋᑳᑌᐤ, ᐃᑕ ᐱᓯᐢᑭᐊᐧᐠ ᑭᑕ ᓇᐃᓯᑭᐠ! ᑲᐦᑭᔭᐤ ᐊᐃᐧᔭᐠ ᑳ ᐱᒧᐦᑌᐟ ᐁᑯᑕ ᑭᑕ ᐱᐃᐧᑭᓵᐧᑕᒼ, ᒥᓇ ᑭᑕ ᐁᐧᐁᐧᐱᐢᑫᐧᔨᐤ.
လက္ရွိေရြးခ်ယ္ထားမွု
ᓭᐸᓈᔭ 2: KKMs
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
This Bible text is a corrected edition of the 1908 Western Cree Bible; it is in the public domain.