Насигьятар 13
13
1Балин аькьюл адашдин насигьятарилан асиллу ву,
хъа ягьсуз бали тягьнийир кьабул апӀидар.
2Адмийи, чан улхбарин гъяни йимиш, ипӀиди,
хъа хаинкрар яшамиш шула зулмар апӀбиинди.
3Чан ушв уьбхрури – уьмур уьбхиди,
мелзнан эйвал дарапӀрури – учв йикӀиди.
4Темпел гьамусра ккилигура, ккилигури гъузди,
хъа ляхнихъ юкӀв хъайир тухъ хьиди.
5Фунуб-вушра кучӀал гьякьлуйиз ву даккниб,
хъа гьякьсузур хьиди беябур, дугъан машназра – аьйиб.
6Диши жилгъайиз адаиди гьякьвали,
рякълан илдитиди гуннагькар чан гьякьсузвали.
7Сари, фукӀа адарди, учв улупуру девлетлуси,
хъа жарари, гизаф девлет ади – касибси.
8Девлетлуйихьан пулиинди ккудучӀвуз хьибди,
хъа касибриз сарира гучӀ тувидар.
9Шадди убгура акв – гьякьлударин,
хъа ктӀубшвуру лампа – гьякьсузарин.
10Заанди улупували гъалмагъал арайиз хуру,
хъа насигьят айишваъ аькьюл шулу.
11Гьавайиди ккубкьу девлет, дифси дубгиди,
хъа цӀицӀиб-цӀицӀибди уч гъапӀуб артухъ хьибди.
12Тамам дархьи умуд – кӀван дерди,
хъа кӀулиз удубчӀву миж – гьар уьмрин.
13Насигьят тина апӀрури – жвув апӀура пуч,
хъа табшуругъназ гьюрмат апӀруриз хьибди пешкеш.
14Аькьюл айирин дарсар – булагъ уьмрин,
диди уьрхюра чуларихьан аьжалин.
15Сагъу фагьмиз масанвал багъиш апӀура,
хъа хаинкрарин жилгъа аьжлиз гъябгъюра.
16Фагьумлури фикриинди ляхин апӀура,
хъа абдли чан ахмакьвал улупура.
17Мюгькам дару хабарчийи чаина бала хибди, хъа мюгькам чархачийи мясляаьт хибди.
18Насигьят дибрисуриз – аьжузвална гьюрматсузвал,
хъа насигьят кьабул гъапӀуриз – гьюрмат.
19Метлеб тамам хьували гъян ширин апӀуру;
абдлиз, писвалихьан жара хьубтӀан, чӀуруб адар.
20Аькьюл айидарихъди гъашиш, артухъ аькьюл хьибдивуз,
хъа абдларихъди гъашиш хьибдарвухьан балайиккан ккудучӀвуз.
21Бала либцура гуннагькрихъди,
хъа гьякьлуйиз тувди ужувлиинди.
22Лайикьлурин девлет гъябгъиди худлариз,
хъа гуннагькри уч гъапӀуб ккабхъди гьякьлуйириз.
23Касибрин бегьер гизаф гъабшишра,
къанунсузвали гьитӀибкӀиди.
24ТӀул гьяйиф гъапӀуриз бай гьяйифди дар,
хъа бай ккунириз чан бализ тербия тувуз кӀваълан гьархидар.
25Гьякьлури ацӀайиз ипӀуру,
хъа фуниъ гьякьсузарин ичӀиди ву.
လက္ရွိေရြးခ်ယ္ထားမွု
Насигьятар 13: ТабГК
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010, 2013, 2016, 2018, 2023
Насигьятар 13
13
1Балин аькьюл адашдин насигьятарилан асиллу ву,
хъа ягьсуз бали тягьнийир кьабул апӀидар.
2Адмийи, чан улхбарин гъяни йимиш, ипӀиди,
хъа хаинкрар яшамиш шула зулмар апӀбиинди.
3Чан ушв уьбхрури – уьмур уьбхиди,
мелзнан эйвал дарапӀрури – учв йикӀиди.
4Темпел гьамусра ккилигура, ккилигури гъузди,
хъа ляхнихъ юкӀв хъайир тухъ хьиди.
5Фунуб-вушра кучӀал гьякьлуйиз ву даккниб,
хъа гьякьсузур хьиди беябур, дугъан машназра – аьйиб.
6Диши жилгъайиз адаиди гьякьвали,
рякълан илдитиди гуннагькар чан гьякьсузвали.
7Сари, фукӀа адарди, учв улупуру девлетлуси,
хъа жарари, гизаф девлет ади – касибси.
8Девлетлуйихьан пулиинди ккудучӀвуз хьибди,
хъа касибриз сарира гучӀ тувидар.
9Шадди убгура акв – гьякьлударин,
хъа ктӀубшвуру лампа – гьякьсузарин.
10Заанди улупували гъалмагъал арайиз хуру,
хъа насигьят айишваъ аькьюл шулу.
11Гьавайиди ккубкьу девлет, дифси дубгиди,
хъа цӀицӀиб-цӀицӀибди уч гъапӀуб артухъ хьибди.
12Тамам дархьи умуд – кӀван дерди,
хъа кӀулиз удубчӀву миж – гьар уьмрин.
13Насигьят тина апӀрури – жвув апӀура пуч,
хъа табшуругъназ гьюрмат апӀруриз хьибди пешкеш.
14Аькьюл айирин дарсар – булагъ уьмрин,
диди уьрхюра чуларихьан аьжалин.
15Сагъу фагьмиз масанвал багъиш апӀура,
хъа хаинкрарин жилгъа аьжлиз гъябгъюра.
16Фагьумлури фикриинди ляхин апӀура,
хъа абдли чан ахмакьвал улупура.
17Мюгькам дару хабарчийи чаина бала хибди, хъа мюгькам чархачийи мясляаьт хибди.
18Насигьят дибрисуриз – аьжузвална гьюрматсузвал,
хъа насигьят кьабул гъапӀуриз – гьюрмат.
19Метлеб тамам хьували гъян ширин апӀуру;
абдлиз, писвалихьан жара хьубтӀан, чӀуруб адар.
20Аькьюл айидарихъди гъашиш, артухъ аькьюл хьибдивуз,
хъа абдларихъди гъашиш хьибдарвухьан балайиккан ккудучӀвуз.
21Бала либцура гуннагькрихъди,
хъа гьякьлуйиз тувди ужувлиинди.
22Лайикьлурин девлет гъябгъиди худлариз,
хъа гуннагькри уч гъапӀуб ккабхъди гьякьлуйириз.
23Касибрин бегьер гизаф гъабшишра,
къанунсузвали гьитӀибкӀиди.
24ТӀул гьяйиф гъапӀуриз бай гьяйифди дар,
хъа бай ккунириз чан бализ тербия тувуз кӀваълан гьархидар.
25Гьякьлури ацӀайиз ипӀуру,
хъа фуниъ гьякьсузарин ичӀиди ву.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010, 2013, 2016, 2018, 2023