Юнус 1
1
Юнус РАББИЙИХЪ хъпехъундар
1Саб ражари Амиттайин бай Юнусдиз РАББИЙИН гаф гъюру:
2– Гьамусяаьт Ниневия #1:2 Ниневия Израилихъди гьарган душманвалиъ айи Ассирияйин меркез ву. кӀуру зурба шагьриз гъарах, душван агьалйириз Узу амур гъапӀубдикан кидибт, фицики дурарин пис ляхнарикан Узухьна хабар дуфна.
3Амма Юнусдиз РАББИЙИХЬАН гьадмусяаьт Таршишдиз #1:3 Таршиш Ниневияйиз къаршу терефнаъ, Испанияйиъ айи шагьур ву. гьергуз ккун гъабхьну. Думу, Яффайиз душну, Таршишдиз гъябгъру гими дабгну, чахьан рубкьру гьякъи тувну, РАББИЙИХЬАН Таршишдиз гьергбан бадали, дидиъ эъну.
4Хъа РАББИЙИ гьациб микӀ гъитӀибккнуки – гьюлʼина, гими гьамус-хъа уьбгъюр, кӀурусиб тӀурфан гъудубжвнийи. 5Гимичйириз гучӀ гъабхьи, гьарсар чан аллагьдиз #1:5 Гизаф аллагьар айи диндиъ аллагьарикан сар. ккарагуз ва, гими пчӀу хьпан бадали, дидиъ айи шейʼар гьюлиз гатӀахьуз хъюгъю; хъа Юнус кӀуруш, гимийин сабуну хулаз ктучӀвну, дахъну, дерин нивкӀуз гъушнийи.
6Юнусдихьна гимийин аьхюр гъафну ва гъапну:
– Уву гьаз даахнава? Гъудужв, увура яв аллагьдиз ккараг; белки, дугъан ухьу кӀваин шул, ва ухьу чӀивиди гъузур.
7Хъа гимичйири сари-сариз гъапну:
– Гъачай, му кьаза ухьʼина фуж себеб вуди гъафнуш, аьгъю апӀуз, тупут ипурхьа.
Тупут ипнийи – ва Юнусдиин алабхъу.
8Думуган дурари дугъаз гъапну:
– Шлин кӀуллантина учʼина му кьаза гъафнуш! Уву наънан гъафир вуш, йип. Яв кеспи-пише фу вуяв? Фуну уьлкейиан, фуну халкьдикан вува?
9Ва дугъу дурариз жаваб тувру:
– Узу жугьуд вуза, гьюлна къурамат яратмиш гъапӀу Заварин РАББИ вуйи Аллагьдихьан гучӀ айир вуза.
10Юнусди инсанариз, РАББИЙИХЬАН гьерграйир вуза, гъапиган, дурарик аьхю гучӀ ва гъалабулугъ кабхъу, ва дурари дугъаз гъапну:
– Уву мици гьаз гъапӀунва?
11Ва гъапну дурари:
– Гьамус гьюл яваш хьпан бадали, учу увкан гьапӀну ккунду?
Лигру гьялариан, гьюл гьич яваш хьуз ккадайи. 12Думуган Юнусди дурариз гъапну:
– Дидисну, узу гьюлизди гатӀахьай ва гьюл ичв улихь яваш хьибди, аьгъязуз, диди му тӀурфан йиз кӀуллантина ккебгъуб ву.
13Хъа гимичйири кӀуруш, къураматдиина ухди хъуркьбан бадали, гими хъапӀру кьасйирин гьяракат шлубкьан артухъ апӀурайи, амма зегьметар дав вуйи – дици апӀбахъ, гьюлин тӀурфан, аьксина вуди, гужал шуйи. 14Мици шули гъябкъган, дурар РАББИЙИХЬИНДИ илтӀикӀну:
– Увуз миннат, РАББИ! Гьаму касдин кӀуллантина учура йихуз мигъитан! Учу тахсир ктру му кас гъакӀиш, учуз жаза мутувана. Уву, РАББИ, Увуз ккуниб апӀрур вува.
15Хъа дурари Юнус, дидисну, гьюлизди гатӀахьну, ва гьюлин тюнтвал яваш шулу. 16Дурариз РАББИЙИХЬАН аьхю гучӀ гъабхьну, дурари РАББИЙИЗ гъурбанар гъапӀну ва хъана апӀуз гаф тувну.
လက္ရွိေရြးခ်ယ္ထားမွု
Юнус 1: ТабГК
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Институт перевода Библии, 2010, 2013, 2016, 2018, 2023