Sawmus 79
79
Uya amnih usuh, kahadbe usuh ka matak gitkis uvetunyavu
1Kiyavwiye Uhokri, neras mawohkigavye pareke amin piwaxig. Igkis ka kiyatha pivin barewvitye. Hawata igkis mehe Jerusalém.
2Igkis ikise pihiyegavu givitkis haritave adahan kuhivra akak puwikne ahavwikune gaxnikis.
3Igkis sukase pihiyegavu gimigkis kewa unbe. In umig suke pahatte paytwempu Jerusalém, yuma pahavwinema misekwevye adahan avuhpiye miyaravyempu.
4Hiyegviyenevwi nawwotunyevwi mahivwih usuh. Igkis hiyaraptih usuh. Igkis miyatha usuh.
5Kiyavwiye Uhokri, ka ba tiviknenema kanaktin ukakuh usuh pihiyegavu avatra utaraksan. Mmah kurima pis dagawne wotuh avavyekwa? Mmah pidagoni wohnenekwanek ke tiketbe? Kabetvahki in mpiyanek wowuh?
6Kiyavwiye, dagawnawnaba han gitkis neras hiyeg nawwotunyevwi ku pariye kane kiyathap, gitkis neras hiyegviyenevwi ku pariye pitukepten.
7Mmanawa igkisnewa ku pariye umahavevye usuh pihiyegavu. Hawata igkisnewa ku pariye pisenwevye akak uwaxig.
8Ka ba hiyapkis wotuh avatra wahawkrivwi givathawnikis, heneme amnih usuh kuri, mmanawa usuh yuma wawaygi akiw, usuh kaba hahwa.
9Uya amnih bayahminaw ariw utaraksan, Kiyavwiye Uhokri, kahadbe hiyeg kiyathene piw akiw.
10Mmahki pis isaksa nawenyevwi hiyegviyenevwi awna: “Kitwiki yiwohkiga?” Hiyapkisnaba gitkis, Kiyavwiye, diyuhkis gimigkis pibukvig.
11Timapnaba gimigiswankis neras kamaxkarempu. Hawata akak inin pidatni kane aynsima, uya isahkisase neras ku pariye kamaxavepka adahan giwmepkakis.
12Kiyavwiye, katiwnisanaba gitkis neras nawenyevwi hiyegviyenevwi ntewnehkervut akiw ku samah igkis mahivwihpep.
13Nikwe usuhme pihiyegavu, ku pariye pivigvu muwtoh, usuh gikakkis uhiwhivwi kabayhapnek adahan avanenekwa. Usuh paknek avat adahan kabeyhene piw ku avim inin hawata aysawnemenek akiw.
လက္ရွိေရြးခ်ယ္ထားမွု
Sawmus 79: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.