Sawmus 78
78
Uhokri akak gihiyegavu
1Nuhiyegavu, timapnabay nukannuhakni hawata avuriwnabay ku pariye nuwnuh yit.
2Mmanawa kuri nah awnene yikak, heneme nah ekkene yit hiyakemniki ku pariye ayemewnene minikwak.
3In hiyakemniki ku pariye usuh kannuhwa nimin, ku pariye usuh timap wahawkrivwi awna wotuh amin.
4Ka hiya usuhma ayamni giwkis ukamkayuvwi. Heneme amawka usuh kinetihwa gitkis adahan igkisme mpiyasin gitkis uhiwhivwi amin Kiyavwiye Uhokri gidatni, amin ku pariye ig keh akak gidatni hawata amin arikna barewyevwi gikehavan akiw.
5Ig Kiyavwiye ike gikumadukan gitkis izhaewyenevwi hawata kumadukaki gitkis Jakó gihiwhivwi. Ig ikiswanew gidahankis wahawkrivwi adahan igkisme kannuh gikamkayuvwikis amin ini gikumadukan.
6Adahan gihiwhivwikis kannuhwa nimin adahan igkisme hawata kannuh gikamkayuvwikis nimin.
7Hene igkis hawata ikinek gamaxwankis givitit Kiyavwiye Uhokri. Igkis ka miyehtinek ini gannu ku pariye ig kehe. Hawata adahan igkisme ihpanek avanenekwa ini gikumadukan.
8Adahan igkis ka kema gahawkrivwikismanek, pahabu hiyegviyenevwi datwonavye, meksatruvye, ku pariye ka pahaynama iki gikamaxwankis givitit Kiyavwiye Uhokri. Igkis kawnata humaw ihpatrunema giwn.
9Ignes awaykemni giwntakkis efrayhyenevwi, igkis kiyakwokmine akak gimedgakis hawata akak giyakakis, hiyaksa igkisnewa bisikbet abetnewa hawkri adahan kerka.
10Ignes izhaewyenevwi ka keh ku samah gikaksankis ku pariye Kiyavwiye Uhokri kehe gikakkis hawata igkis kawnata ihpekere gikumadukan.
11Igkis miyehave madikte annutviyene ku pariye ig kehave ay givetunkis.
12Pitatye ay givetunkis gahawkrivwikis, Kiyavwiye Uhokri hiyapkise gannu ay amadga amat Zoah, aynte avit waxri Ejitumnaw.
13Ayteke Kiyavwiye Uhokri ibekhe parahwokwa. Ig kehe ignes izhaewyenevwi manuke niyegbiw. Ig kehe un kannikaw in misakwa kewa iyaranwatbe.
14Abetnewa puwivak ig huwithigkis akak pahat ukuhne. Abetme tiyegem ig wewkisgikis abetiw ini kene pahat tiketbe abutni.
15Aynte amadga amatap ig beke tip ig ike ka aynsima un gitkis gihiyegavu, un wayhpitekne.
16Ig kehe un ariwtyak pes guvititak tip. Un suke kewa avigku pahatra warikbe.
17Igkisme wahawkrivwi tiviknene kehnene patahwaki gitivut Kiyavwiye Uhokri. Igkis dagawnebdi git Kiyavwiye Uhokri inurikyene ayge amadga amatap.
18Igkiswa gimawkankis hikekere Kiyavwiye Uhokri. Igkis ayep git gimanakis ku pariye gimawkankis.
19Igkis awna gimin. Giwnkis: “Mmah Kiyavwiye Uhokri ik adahan iki wotwiy umanawiy ay amadga amatap? 20Inyewa ig beke tip, un kavusa suka ayteke kewa warikbe. Heneme mmah ik adahan ig iki wotwiy bugut? Mmah ik adahan ig iki ihti gitkis gihiyegavu?”
21Ku aysaw ig Kiyavwiye Uhokri timep inakni giwnkis, ig dagawne ka aynsima gitkis. Ig awahkise tiket giminkis gihiyegavu. Hawata gidagoni kihawnehwe gikakkis akiw.
22Mmanawa igkis ka kamaxwa givitit. Igkis kawnata ihpa ku ignewa ik adahan amnihgikis.
23Hiyawa madikte ini gihiyekemnikis hene, Kiyavwiye Uhokri wokase inurik gidahankis.
24Ig ike gitkis gihiyegavu bugut inurikyene. Ig kehe ini maná tuguhe inuriktak adahan gaxnikis.
25Hene igkis axe ini anj gibugutakis. Kiyavwiye Uhokri ike gitkis axka, ka muwakti.
26Ayteke nikwe ig kehe kamaygviye uvuvukwa wahamavriktak. Akak gidatni ig sagehe mayg tiwrikavrikut.
27Ig kehe kuhivra tuguhbetwikis gibetitkis hiyegviyene, ke ukuhnebe dehwene akak ahewra. Akeban ke kayhbe parawkigbi.
28Egkis tuguhbetwikis abetiw givinbetkis, aranwew ku kiney igkis misakwa.
29Nikwe ignes izhaewyenevwi axbetkis kabihribdave, mmanawa Kiyavwiye Uhokri ike madikte gitkis ku pariye gimawkankis.
30Heneme, abetnewa igkis axempiye, avit igkis kabihribdi,
31Ig Kiyavwiye Uhokri dagawnew gitkis. Ig umahave awaykemni ku pariye detyevwiwatnene, takwevyegben kabaytenene gibetkis izhaewyenevwi.
32Ayteke ariwnteke ini annutviyene, hiyegviyenevwi adukwenewa kehnene taraksaki hawata igkis ka ihpa Kiyavwiye Uhokri giwn.
33Ig Kiyavwiye Uhokri hiyapni hene, ig pisenwe gikakkis, ig keh gidehetnikis kewa puhkabe, kewa pahaye adahan mbeyne danuhpiyebe gitkis.
34Heneme, ku aysaw Kiyavwiye Uhokri umehbete gaytakkis, igkisme nawenyevwi gaytakkis diyuhe gimkanit. Igkis kayehe gitaraksankis, igkis piriyepkew inyewa git Kiyavwiye Uhokri.
35Nikwe igkis kiyemina ku Kiyavwiye Uhokri ignewa gimaptentenkis. Hawata Kiyavwiye Uhokri inurikyene ignewa gamnihtenkis.
36Heneme madikte giwnkis in he wasaymkanenwa. Hawata madikte ku pariye igkis awna in adahanenwa kinisaka.
37Giyaknikis ka inyewatma gikak Kiyavwiye Uhokri. Hawata igkis ka kamaxwenewatma avitit ku pariye Kiyavwiye Uhokri gahegbetawni gikakkis.
38Igme Kiyavwiye Uhokri ka gamnihrasima gikakkis gihiyegavu. Ig ka pisenwa gikakkis, heneme ig bayahminevgikis ariw givathawnikis. Inpawa ig miniw ariw gidagoni, ig mihawnehe gimabyan.
39Ig kiye ku igkis ka dep miya, igkis kewa paha maygbe ku pariye mpiyevye in ka diyuh akiw.
40Ka pahaywowatma igkis suguh Kiyavwiye Uhokri ayge amadga amatap, igkis keh ig bawkiswa gidahankis.
41Kiberevut igkis keh gidagoni, igkis wakaymnisa izhaewyenevwi giwohkigakis barewvitye.
42Igkis miyehe ku ig ka gidatnisima. Hawata igkis miyehe hawkri ku kabet ig amnihpikis giwkis givetunyavukis.
43Igkis miyehe barewyevwi arikna hawata annut ku pariye ig kehe ayge amadga amatap Zoah, avit Ejitumnaw.
44Ig kehe warik wageswa migat. Hiyeg ejituyenevwi yuma giwnrakis adahan gihigvankis.
45Ig awahkise ka aynsima tagep giminkis adahan giyakteptenkis, hawata ka aynsima tivuw, ku pariye pasenwe akak madikte giwasrakis payak akak givinkis.
46Hawata ig awahkise tananviyene adahan axwiye gahakavwikis adahan mehpiye gamutravwikis.
47Akak muwok tiphawnene ig pisenwe akak gamutravwikis uvavu, hawata akakme huweg, gamutravwikis figuvu.
48Givigvukis pak akak muwtoh hawata miyarap awaku muwok tiphawnene akak ugugune.
49Ig ka samanaw gikakkis, ig pisenwe gikakkis akak madikte gimabyan hawata akak gidagoni kane ahawnasima, ku pariye aytwebdi gitkis kewa miyaka avitkiyabe.
50Gidagoni ka misakwa. Ig kawnata ikisgikis ivegnema, heneme ig umahavevgikis akak arakambet huwivwihka.
51Ariku mpuse payt, ay avit Ejitumnaw, Kiyavwiye Uhokri umahave madikte ikamkaytivyene egutyevwi.
52Ayteke nikwe, kewa pahavwi muwtohvutnebe, ig wewkise gihiyegavu izhaewyenevwi piyawakad ariw Ejitumnaw. Hawata ig huwithevgikis amadgew amatap.
53Ig huwithevgikis akak avuriwka. Igkisme ka avis. Inme parahwokwa awaste givetunyavukis.
54Ig Kiyavwiye Uhokri waxwe gihiyegavu tahan avitit giwaxig barewvitye, arimkanit waxri imuwadnene ku pariye igwa ahegbete akak gidatni.
55Ig Kiyavwiye Uhokri ivukave neras ku pariye misekwenevwi avit inin waxri. Igkisme gihiyegavu pareke atan. Ayteke ig ibekhe waxri gitkis mpuse hiyegviyenevwi Izhaew gihiwhivwi. Hawata ig kehe ignes izhaewyenevwi misekwebdi akak givinkis neras ku pariye pitatyevwi misekwenevwi ayge.
56Heneme ignes izhaewyenevwi adukwenewa kavetunsenene Kiyavwiye Uhokri inurikyene. Igkis suguhpig. Igkis ka ihpa gikumadukan.
57Igkis ka kibeynevwima hiyeg. Igkis karatunaw hawata kewa gigkisbe. Ka gikinsavyekisima akak mownyahaki kewa yakotbe haviska akak pahat imedgit ku pariye kidubetnene.
58Igkis kehe gidagoni akak gidahankis kakankewket kane Uhokrima gidahan. Hawata akak ahehpaktivyene bataka igkis kehe ig atihpak.
59Ku aysaw ig Kiyavwiye Uhokri hiyegvikis hene ig dagawne gitkis. Ig ka muwaka gihiyegavu akiw.
60Ig ikise givinbet barewvitye ayge avit Siló. Ini payt ku kiney ig misekwe gibetkis awaykemni.
61Ig isakse givetunyavukis iwe egu kiyes adahan gahegbetawnikis. Egu areketni gidatnikis akak gikiytanikis.
62Henewa ig dagawne gitkis gihiyegavu. Ig isakse igkis umahavepka gavitkis givetunyavukis.
63Takwevyegben miyarap abet kerka. Egkisme himanoviyogben yuma kakak egkis maripkaw.
64Muwvegviyenevwi umahavepka akak iwan, egkisme gidahankis madankunovwi ka hiyap egkisma tih giharitkis.
65Ayteke nikwe ig Kiyavwiye Uhokri wadise ke wotbe ariwntakbe isevwa. Ig kewa pahavwi awaygbe detye ku pariye kabiman padaptihwavwi awaku win.
66Ig kehe givetunyavu bisikbetwikis. Igkis hahwa. Igkis marekepka adahan avanenekwa.
67Ig tukuhe José gihiwhivwi ariw giwewkisnikis gihiyegavu. Ig ka kaniy akiw giwntakkis Efrayh gihiyegavu.
68Gidukwenavrikkis ig kaniye Judá gihiyegavu, ini waxri Siyawh ku pariye ka gibetkisima nikak.
69Ayge ig kehe giwskeki nivitmin. Ig kehni hawata nidahwan kewa inurikbe, kewa waxribe, in dahwa adahan avanenekwa.
70Nikwe ig Kiyavwiye Uhokri kaniye gibuk Davi. Ig wiwhpig arikutak muwtoh ayahri.
71Abetnewa ig avuriwne givigvu muwtoh. Ig keh ig humaw izhaewyenevwi gikivarakis, gikavriwtenkis Kiyavwiye Uhokri gihiyegavu gikanyanvu.
72Davi avuriwvigkis akak kabayka. Hawata ig huwithevrikis akak madikte hiyakemniki.
လက္ရွိေရြးခ်ယ္ထားမွု
Sawmus 78: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.
Sawmus 78
78
Uhokri akak gihiyegavu
1Nuhiyegavu, timapnabay nukannuhakni hawata avuriwnabay ku pariye nuwnuh yit.
2Mmanawa kuri nah awnene yikak, heneme nah ekkene yit hiyakemniki ku pariye ayemewnene minikwak.
3In hiyakemniki ku pariye usuh kannuhwa nimin, ku pariye usuh timap wahawkrivwi awna wotuh amin.
4Ka hiya usuhma ayamni giwkis ukamkayuvwi. Heneme amawka usuh kinetihwa gitkis adahan igkisme mpiyasin gitkis uhiwhivwi amin Kiyavwiye Uhokri gidatni, amin ku pariye ig keh akak gidatni hawata amin arikna barewyevwi gikehavan akiw.
5Ig Kiyavwiye ike gikumadukan gitkis izhaewyenevwi hawata kumadukaki gitkis Jakó gihiwhivwi. Ig ikiswanew gidahankis wahawkrivwi adahan igkisme kannuh gikamkayuvwikis amin ini gikumadukan.
6Adahan gihiwhivwikis kannuhwa nimin adahan igkisme hawata kannuh gikamkayuvwikis nimin.
7Hene igkis hawata ikinek gamaxwankis givitit Kiyavwiye Uhokri. Igkis ka miyehtinek ini gannu ku pariye ig kehe. Hawata adahan igkisme ihpanek avanenekwa ini gikumadukan.
8Adahan igkis ka kema gahawkrivwikismanek, pahabu hiyegviyenevwi datwonavye, meksatruvye, ku pariye ka pahaynama iki gikamaxwankis givitit Kiyavwiye Uhokri. Igkis kawnata humaw ihpatrunema giwn.
9Ignes awaykemni giwntakkis efrayhyenevwi, igkis kiyakwokmine akak gimedgakis hawata akak giyakakis, hiyaksa igkisnewa bisikbet abetnewa hawkri adahan kerka.
10Ignes izhaewyenevwi ka keh ku samah gikaksankis ku pariye Kiyavwiye Uhokri kehe gikakkis hawata igkis kawnata ihpekere gikumadukan.
11Igkis miyehave madikte annutviyene ku pariye ig kehave ay givetunkis.
12Pitatye ay givetunkis gahawkrivwikis, Kiyavwiye Uhokri hiyapkise gannu ay amadga amat Zoah, aynte avit waxri Ejitumnaw.
13Ayteke Kiyavwiye Uhokri ibekhe parahwokwa. Ig kehe ignes izhaewyenevwi manuke niyegbiw. Ig kehe un kannikaw in misakwa kewa iyaranwatbe.
14Abetnewa puwivak ig huwithigkis akak pahat ukuhne. Abetme tiyegem ig wewkisgikis abetiw ini kene pahat tiketbe abutni.
15Aynte amadga amatap ig beke tip ig ike ka aynsima un gitkis gihiyegavu, un wayhpitekne.
16Ig kehe un ariwtyak pes guvititak tip. Un suke kewa avigku pahatra warikbe.
17Igkisme wahawkrivwi tiviknene kehnene patahwaki gitivut Kiyavwiye Uhokri. Igkis dagawnebdi git Kiyavwiye Uhokri inurikyene ayge amadga amatap.
18Igkiswa gimawkankis hikekere Kiyavwiye Uhokri. Igkis ayep git gimanakis ku pariye gimawkankis.
19Igkis awna gimin. Giwnkis: “Mmah Kiyavwiye Uhokri ik adahan iki wotwiy umanawiy ay amadga amatap? 20Inyewa ig beke tip, un kavusa suka ayteke kewa warikbe. Heneme mmah ik adahan ig iki wotwiy bugut? Mmah ik adahan ig iki ihti gitkis gihiyegavu?”
21Ku aysaw ig Kiyavwiye Uhokri timep inakni giwnkis, ig dagawne ka aynsima gitkis. Ig awahkise tiket giminkis gihiyegavu. Hawata gidagoni kihawnehwe gikakkis akiw.
22Mmanawa igkis ka kamaxwa givitit. Igkis kawnata ihpa ku ignewa ik adahan amnihgikis.
23Hiyawa madikte ini gihiyekemnikis hene, Kiyavwiye Uhokri wokase inurik gidahankis.
24Ig ike gitkis gihiyegavu bugut inurikyene. Ig kehe ini maná tuguhe inuriktak adahan gaxnikis.
25Hene igkis axe ini anj gibugutakis. Kiyavwiye Uhokri ike gitkis axka, ka muwakti.
26Ayteke nikwe ig kehe kamaygviye uvuvukwa wahamavriktak. Akak gidatni ig sagehe mayg tiwrikavrikut.
27Ig kehe kuhivra tuguhbetwikis gibetitkis hiyegviyene, ke ukuhnebe dehwene akak ahewra. Akeban ke kayhbe parawkigbi.
28Egkis tuguhbetwikis abetiw givinbetkis, aranwew ku kiney igkis misakwa.
29Nikwe ignes izhaewyenevwi axbetkis kabihribdave, mmanawa Kiyavwiye Uhokri ike madikte gitkis ku pariye gimawkankis.
30Heneme, abetnewa igkis axempiye, avit igkis kabihribdi,
31Ig Kiyavwiye Uhokri dagawnew gitkis. Ig umahave awaykemni ku pariye detyevwiwatnene, takwevyegben kabaytenene gibetkis izhaewyenevwi.
32Ayteke ariwnteke ini annutviyene, hiyegviyenevwi adukwenewa kehnene taraksaki hawata igkis ka ihpa Kiyavwiye Uhokri giwn.
33Ig Kiyavwiye Uhokri hiyapni hene, ig pisenwe gikakkis, ig keh gidehetnikis kewa puhkabe, kewa pahaye adahan mbeyne danuhpiyebe gitkis.
34Heneme, ku aysaw Kiyavwiye Uhokri umehbete gaytakkis, igkisme nawenyevwi gaytakkis diyuhe gimkanit. Igkis kayehe gitaraksankis, igkis piriyepkew inyewa git Kiyavwiye Uhokri.
35Nikwe igkis kiyemina ku Kiyavwiye Uhokri ignewa gimaptentenkis. Hawata Kiyavwiye Uhokri inurikyene ignewa gamnihtenkis.
36Heneme madikte giwnkis in he wasaymkanenwa. Hawata madikte ku pariye igkis awna in adahanenwa kinisaka.
37Giyaknikis ka inyewatma gikak Kiyavwiye Uhokri. Hawata igkis ka kamaxwenewatma avitit ku pariye Kiyavwiye Uhokri gahegbetawni gikakkis.
38Igme Kiyavwiye Uhokri ka gamnihrasima gikakkis gihiyegavu. Ig ka pisenwa gikakkis, heneme ig bayahminevgikis ariw givathawnikis. Inpawa ig miniw ariw gidagoni, ig mihawnehe gimabyan.
39Ig kiye ku igkis ka dep miya, igkis kewa paha maygbe ku pariye mpiyevye in ka diyuh akiw.
40Ka pahaywowatma igkis suguh Kiyavwiye Uhokri ayge amadga amatap, igkis keh ig bawkiswa gidahankis.
41Kiberevut igkis keh gidagoni, igkis wakaymnisa izhaewyenevwi giwohkigakis barewvitye.
42Igkis miyehe ku ig ka gidatnisima. Hawata igkis miyehe hawkri ku kabet ig amnihpikis giwkis givetunyavukis.
43Igkis miyehe barewyevwi arikna hawata annut ku pariye ig kehe ayge amadga amatap Zoah, avit Ejitumnaw.
44Ig kehe warik wageswa migat. Hiyeg ejituyenevwi yuma giwnrakis adahan gihigvankis.
45Ig awahkise ka aynsima tagep giminkis adahan giyakteptenkis, hawata ka aynsima tivuw, ku pariye pasenwe akak madikte giwasrakis payak akak givinkis.
46Hawata ig awahkise tananviyene adahan axwiye gahakavwikis adahan mehpiye gamutravwikis.
47Akak muwok tiphawnene ig pisenwe akak gamutravwikis uvavu, hawata akakme huweg, gamutravwikis figuvu.
48Givigvukis pak akak muwtoh hawata miyarap awaku muwok tiphawnene akak ugugune.
49Ig ka samanaw gikakkis, ig pisenwe gikakkis akak madikte gimabyan hawata akak gidagoni kane ahawnasima, ku pariye aytwebdi gitkis kewa miyaka avitkiyabe.
50Gidagoni ka misakwa. Ig kawnata ikisgikis ivegnema, heneme ig umahavevgikis akak arakambet huwivwihka.
51Ariku mpuse payt, ay avit Ejitumnaw, Kiyavwiye Uhokri umahave madikte ikamkaytivyene egutyevwi.
52Ayteke nikwe, kewa pahavwi muwtohvutnebe, ig wewkise gihiyegavu izhaewyenevwi piyawakad ariw Ejitumnaw. Hawata ig huwithevgikis amadgew amatap.
53Ig huwithevgikis akak avuriwka. Igkisme ka avis. Inme parahwokwa awaste givetunyavukis.
54Ig Kiyavwiye Uhokri waxwe gihiyegavu tahan avitit giwaxig barewvitye, arimkanit waxri imuwadnene ku pariye igwa ahegbete akak gidatni.
55Ig Kiyavwiye Uhokri ivukave neras ku pariye misekwenevwi avit inin waxri. Igkisme gihiyegavu pareke atan. Ayteke ig ibekhe waxri gitkis mpuse hiyegviyenevwi Izhaew gihiwhivwi. Hawata ig kehe ignes izhaewyenevwi misekwebdi akak givinkis neras ku pariye pitatyevwi misekwenevwi ayge.
56Heneme ignes izhaewyenevwi adukwenewa kavetunsenene Kiyavwiye Uhokri inurikyene. Igkis suguhpig. Igkis ka ihpa gikumadukan.
57Igkis ka kibeynevwima hiyeg. Igkis karatunaw hawata kewa gigkisbe. Ka gikinsavyekisima akak mownyahaki kewa yakotbe haviska akak pahat imedgit ku pariye kidubetnene.
58Igkis kehe gidagoni akak gidahankis kakankewket kane Uhokrima gidahan. Hawata akak ahehpaktivyene bataka igkis kehe ig atihpak.
59Ku aysaw ig Kiyavwiye Uhokri hiyegvikis hene ig dagawne gitkis. Ig ka muwaka gihiyegavu akiw.
60Ig ikise givinbet barewvitye ayge avit Siló. Ini payt ku kiney ig misekwe gibetkis awaykemni.
61Ig isakse givetunyavukis iwe egu kiyes adahan gahegbetawnikis. Egu areketni gidatnikis akak gikiytanikis.
62Henewa ig dagawne gitkis gihiyegavu. Ig isakse igkis umahavepka gavitkis givetunyavukis.
63Takwevyegben miyarap abet kerka. Egkisme himanoviyogben yuma kakak egkis maripkaw.
64Muwvegviyenevwi umahavepka akak iwan, egkisme gidahankis madankunovwi ka hiyap egkisma tih giharitkis.
65Ayteke nikwe ig Kiyavwiye Uhokri wadise ke wotbe ariwntakbe isevwa. Ig kewa pahavwi awaygbe detye ku pariye kabiman padaptihwavwi awaku win.
66Ig kehe givetunyavu bisikbetwikis. Igkis hahwa. Igkis marekepka adahan avanenekwa.
67Ig tukuhe José gihiwhivwi ariw giwewkisnikis gihiyegavu. Ig ka kaniy akiw giwntakkis Efrayh gihiyegavu.
68Gidukwenavrikkis ig kaniye Judá gihiyegavu, ini waxri Siyawh ku pariye ka gibetkisima nikak.
69Ayge ig kehe giwskeki nivitmin. Ig kehni hawata nidahwan kewa inurikbe, kewa waxribe, in dahwa adahan avanenekwa.
70Nikwe ig Kiyavwiye Uhokri kaniye gibuk Davi. Ig wiwhpig arikutak muwtoh ayahri.
71Abetnewa ig avuriwne givigvu muwtoh. Ig keh ig humaw izhaewyenevwi gikivarakis, gikavriwtenkis Kiyavwiye Uhokri gihiyegavu gikanyanvu.
72Davi avuriwvigkis akak kabayka. Hawata ig huwithevrikis akak madikte hiyakemniki.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.