Sawmus 76
76
Uhokri ig matekekevutne
1Kiyavwiye Uhokri ig hiyakan kabayntiwa ay avit Judeyamnaw. Giw ka aynsima nikiytani ay gibetkis izhaewyenevwi.
2Givin ay avit Jerusalém. Ig misakwa avit waxri kewye Siyawh.
3Ayge Kiyavwiye Uhokri dunihbete madikte givetunyavu giyakwokkis: gimaptentenkis payak akak giwanakis hawata akak madikte giyakakis.
4Aynsikata pikiytani hene, Kiyavwiye Uhokri! Pis aytwe payak akak pidatni ku aysaw pis diyuhe ayteke ariwntak waxri ku kiney pis mateke pivetunyavu.
5Kidisavepka madikte gisuwtatavukis detyevwi gewkanbetkis; igkis kuri himekbet abet amaksemni isevwa, mmanawa yuma pahavwinema detye adahan mpithamnihwa.
6Ku aysaw pis, Jakó giwohkiga, puwimehpigkis, madikte awaykemni aduhyamadgayavu kaway akak gikawyukis miyavubdi.
7Pis ka pibohrisima! Pariyeki hiyeg ik adahan misakwa pivetun ku aysaw pis dagawnene?
8Inuriktak pis hiyapkise pidatni adahan padekwiye hawkri. In waxri hiyapni hene in avisasew, in karisehwe 9ku aysaw pis kannikew adahan akehpitni inakni piwn, adahan gamnihtenkis madikte neras ku pariye xuwahminepka ay avit inin waxri.
10Igkisme awaykemni amedgenevwi inin gidagonikis wageswanek adahanva kabeyhene piw. Ignesme ku pariye kane miya abet kerka igkis ataknek abet fet adahan matakaki.
11Ikinabay git Kiyavwiye uwohkigawiy ku pariye yis ikakse git. Amawka madikte hiyegviyenevwi ayta ewk kakanhawka git. Awaku Kiyavwiye Uhokri ignewa kis adahan aviska gibohri.
12Ignewa pisenwa akak giwantikis kumadukenevwi. Hawata ignewa keh ikivaratviyenevwi misakwa kivun akak aviska awaku ku pariye gikehni.
လက္ရွိေရြးခ်ယ္ထားမွု
Sawmus 76: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.