Sawmus 71
71
Giviryepkawni pahavwi kiyavarivye
1Kiyavwiye Uhokri, pisnewa ku kavit nah kamaxwa. Ka ba isaksa nah kayah maraki awaku ku samah nah hahwa.
2Uya parak abet nuhawkan kuri! Uya amnihun! Uya wiwhun abetitak ini mbeyne, mmanawa pisnewa waditye! Uya timapun!
3Kiyavwiye Uhokri, uya humaw nayemwekri ku kit hiyeg ka hiya nusamanak. Uya humaw kewa paytbe nopsadnene adahan numaptenten. Pisnewa mpithan! Pisnewa avuriwhun!
4Kiyavwiye nuwohkiga, uya wiwhun ariw ini mbeyne hawata ariw gidatnikis neras awaykemni arewhavye mahivwihkevutnevwi.
5Kiyavwiye Uhokri, nuwohkiga, ta pivitit nah iki nukamaxwan. Ku samah nah takweyete nah kamaxwa ta pivitit.
6Madikte ku samah nayivwi ay amadga hawkri nah amnihswene ta pit avanenekwa; pisme avuriwven ku samah ariwnteke nah amadga wayk. Nah kabayhap avanenekwa.
7Nuhiyvan mbeyne amadga inin in humewvi kewa abekteybe gitkis hiyeg, mmanawa igkis ik adahan hiyap ku pisnewa detye numaptenten.
8Hewkevye nah kabayhap, nah kinetihwa kiberevut amin pikiytani.
9Nikwe ka ba tukuhpenuma kuri ku samah nah kuwis kiyaparivye. Ka ba ikiswenuma kuri ku samah nah ayipa mabimnevye.
10Mmanawa nuvetunyavu muwaka nuwmepten. Igkis awna mbeye iwit numinuh. Hawata igkis ahegbeta ginetnikis adahan nuwmepten.
11Igkis awna: “Uhokri kuwis ikiswig. Uyay haraksevgi kuri adahan wixwiy kamaxwig, mmanawa yuma pahavwinema adahan gimaptenten akiw.”
12Kiyavwiye Uhokri, ka ba ayguhwa nuwhu! Nuwohkiga, paraknaba abet nuhawkan kuri!
13Pisenwanaba gikakkis neras nuvetunyavu, kehnaba igkis biyukap igkis marepkepka ignes ku pariye muwaka nuwmepten.
14Nahme numawkan avanenekwa nah ikinek nukamaxwan ta pivitit. Nah kabayhapnek avanenekwa akiwka akiwnek.
15Nah akkanek ku pisnewa waditye. Mataytak nah awnanek amin pamnihakni hiyawa nah ka ik adahan pukuhpin.
16Nah kabayhanek pidatni, Kiyavwiye nuwohkiga. Nah kinetihwanek amin ku samah pisnewa waditye, henewatbaki aminenwa pabay nah awnanek.
17Pis kannuhpen ku samah nah bakimnite. Hawata kuviknene nah awnihnene amin ariknebdi barewyevwi ku pariye pikehavan.
18Kurime nah kuwis kiyaparivye, nusemni hawata seye, ka ba tukuhpenuma, Kiyavwiye Uhokri! Misakwanaba nukakuh kuri akak inin ku aysaw nah ekkenete pidatni akak pikiytani gitkis neras hiyeg hawata gitkis gihiwhivwikis akiw.
19Kiyavwiye Uhokri, ini waditka ku pariye pis kadahan in danuh tahan inurikut. Pis kehe ka aynsima ariknebdi. Yuma pahavwinema hiyeg kema pisma.
20Pis kehe nah mpiyasa ka aynsima wakaymniki, pis hiyapkise mbeyne nutuh. Heneme nah hiyak ku pis ikinek nudatni akiw, pis wiwhunnek ariw miyaka.
21Pis keh nah kiyathakanek ka aynsima akiw. Hawata pis ikinek nudatni akiw.
22Inyewa nah kabayhapnek akak hebek. Nuwohkiga, nah kabayhapnek awaku pisnewa ka kinisakti. Nah agighanek akak nagigni adahan kabeyhene piw, Kiyavwiye Barewvitye, izhaewyenevwi giwohkigakis.
23Nah paknek akak madikte nubetki ku aysaw nah agighene avat pidahan. Nah paknek akak madikte nudatni, mmanawa pisnewa amnihpen.
24Henewatbaki mataytak nah awnanek amin ku samah pisnewa waditka akivara, mmanawa ignes ku pariye aharitnevwi numetkepten igkis madikte hehwebdi, mmanawa pis pisenwe gikakkis.
လက္ရွိေရြးခ်ယ္ထားမွု
Sawmus 71: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.
Sawmus 71
71
Giviryepkawni pahavwi kiyavarivye
1Kiyavwiye Uhokri, pisnewa ku kavit nah kamaxwa. Ka ba isaksa nah kayah maraki awaku ku samah nah hahwa.
2Uya parak abet nuhawkan kuri! Uya amnihun! Uya wiwhun abetitak ini mbeyne, mmanawa pisnewa waditye! Uya timapun!
3Kiyavwiye Uhokri, uya humaw nayemwekri ku kit hiyeg ka hiya nusamanak. Uya humaw kewa paytbe nopsadnene adahan numaptenten. Pisnewa mpithan! Pisnewa avuriwhun!
4Kiyavwiye nuwohkiga, uya wiwhun ariw ini mbeyne hawata ariw gidatnikis neras awaykemni arewhavye mahivwihkevutnevwi.
5Kiyavwiye Uhokri, nuwohkiga, ta pivitit nah iki nukamaxwan. Ku samah nah takweyete nah kamaxwa ta pivitit.
6Madikte ku samah nayivwi ay amadga hawkri nah amnihswene ta pit avanenekwa; pisme avuriwven ku samah ariwnteke nah amadga wayk. Nah kabayhap avanenekwa.
7Nuhiyvan mbeyne amadga inin in humewvi kewa abekteybe gitkis hiyeg, mmanawa igkis ik adahan hiyap ku pisnewa detye numaptenten.
8Hewkevye nah kabayhap, nah kinetihwa kiberevut amin pikiytani.
9Nikwe ka ba tukuhpenuma kuri ku samah nah kuwis kiyaparivye. Ka ba ikiswenuma kuri ku samah nah ayipa mabimnevye.
10Mmanawa nuvetunyavu muwaka nuwmepten. Igkis awna mbeye iwit numinuh. Hawata igkis ahegbeta ginetnikis adahan nuwmepten.
11Igkis awna: “Uhokri kuwis ikiswig. Uyay haraksevgi kuri adahan wixwiy kamaxwig, mmanawa yuma pahavwinema adahan gimaptenten akiw.”
12Kiyavwiye Uhokri, ka ba ayguhwa nuwhu! Nuwohkiga, paraknaba abet nuhawkan kuri!
13Pisenwanaba gikakkis neras nuvetunyavu, kehnaba igkis biyukap igkis marepkepka ignes ku pariye muwaka nuwmepten.
14Nahme numawkan avanenekwa nah ikinek nukamaxwan ta pivitit. Nah kabayhapnek avanenekwa akiwka akiwnek.
15Nah akkanek ku pisnewa waditye. Mataytak nah awnanek amin pamnihakni hiyawa nah ka ik adahan pukuhpin.
16Nah kabayhanek pidatni, Kiyavwiye nuwohkiga. Nah kinetihwanek amin ku samah pisnewa waditye, henewatbaki aminenwa pabay nah awnanek.
17Pis kannuhpen ku samah nah bakimnite. Hawata kuviknene nah awnihnene amin ariknebdi barewyevwi ku pariye pikehavan.
18Kurime nah kuwis kiyaparivye, nusemni hawata seye, ka ba tukuhpenuma, Kiyavwiye Uhokri! Misakwanaba nukakuh kuri akak inin ku aysaw nah ekkenete pidatni akak pikiytani gitkis neras hiyeg hawata gitkis gihiwhivwikis akiw.
19Kiyavwiye Uhokri, ini waditka ku pariye pis kadahan in danuh tahan inurikut. Pis kehe ka aynsima ariknebdi. Yuma pahavwinema hiyeg kema pisma.
20Pis kehe nah mpiyasa ka aynsima wakaymniki, pis hiyapkise mbeyne nutuh. Heneme nah hiyak ku pis ikinek nudatni akiw, pis wiwhunnek ariw miyaka.
21Pis keh nah kiyathakanek ka aynsima akiw. Hawata pis ikinek nudatni akiw.
22Inyewa nah kabayhapnek akak hebek. Nuwohkiga, nah kabayhapnek awaku pisnewa ka kinisakti. Nah agighanek akak nagigni adahan kabeyhene piw, Kiyavwiye Barewvitye, izhaewyenevwi giwohkigakis.
23Nah paknek akak madikte nubetki ku aysaw nah agighene avat pidahan. Nah paknek akak madikte nudatni, mmanawa pisnewa amnihpen.
24Henewatbaki mataytak nah awnanek amin ku samah pisnewa waditka akivara, mmanawa ignes ku pariye aharitnevwi numetkepten igkis madikte hehwebdi, mmanawa pis pisenwe gikakkis.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.