Sawmus 62
62
Ignewa Uhokri wayemwekegwiy
1Nuhiyekemni karisaw kabayntiwa mmanawa nah iveg givititnenwa Kiyavwiye Uhokri. Giwntaknenwa namnihka ayta.
2Ignewa ik adahan mpithan hawata amnihun. Mmanawa ignewa nukavriwten. Hene yuma mbeyne hiya nusamanak.
3Aysawhki yis madikte miniwnek nuwhu? Ta yit nah pahavwi ku pariye yumanene nawaygi akiw, nah mbaytenene ariw paha iyar mehbetaki.
4Yisme he aharitnen nutukepten ariwntak nuwetri kiyatye. Yis awna wasaymakanenwa numinuh adahan nah biyuk akak nuwetri. Yis awna kibeyne iwit numinuh, heneme avit yiyakni yis ibiytahan ka aynsima.
5Heneme nuhiyekemni karisaw kabayntiwa mmanawa nah iveg givitnenwa Kiyavwiye Uhokri. Givititnenwa nah iki nukamaxwan.
6Ignewa ik adahan mpithan hawata amnihun. Mmanwa ignewa numaptenten. Hene yuma mbeyne hiya nusamanak.
7Nikwe namnihka akak nukiytani igwa Kiyavwiye Uhokri hiyak nikak. Ignewa detye adahan mpithan hawata adahan humaw nayemwekri
8Nuhiyegavu, kamaxwanabay givitit Kiyavwiye Uhokri avanenekwa. Akkanabay git madikte yiwakemni, mmanawa ignewa wayemwekegwiy.
9Hiyeg amadgayavu inin, madiptavye gikakkis igisavye, igkis ka ariknawnama, igkis kewa kamaygviyebe puhka. Wake igkis ahehkbe akak ahehtet, igkis kawki ahehkama ariknawnama; igkis hagehgetekam ariw kamaygviye puhka.
10Ka yi muwaka kamaxwa avitit yarewhan, ine kawnata amin arikna akak amevwiki. Ku yidahan igiska wagehe ka aynsima, ka yi muwaka kamaxwa nivitit.
11Pahaynewata akiw nah timap Kiyavwiye Uhokri awna ku gidatni in gidahan.
12Gamnihra hawata in gidahanwata. Kiyavwiye, pisnewa katiwnih mpuse hiyeg pakekunawa akak gikehnikis.
လက္ရွိေရြးခ်ယ္ထားမွု
Sawmus 62: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.
Sawmus 62
62
Ignewa Uhokri wayemwekegwiy
1Nuhiyekemni karisaw kabayntiwa mmanawa nah iveg givititnenwa Kiyavwiye Uhokri. Giwntaknenwa namnihka ayta.
2Ignewa ik adahan mpithan hawata amnihun. Mmanawa ignewa nukavriwten. Hene yuma mbeyne hiya nusamanak.
3Aysawhki yis madikte miniwnek nuwhu? Ta yit nah pahavwi ku pariye yumanene nawaygi akiw, nah mbaytenene ariw paha iyar mehbetaki.
4Yisme he aharitnen nutukepten ariwntak nuwetri kiyatye. Yis awna wasaymakanenwa numinuh adahan nah biyuk akak nuwetri. Yis awna kibeyne iwit numinuh, heneme avit yiyakni yis ibiytahan ka aynsima.
5Heneme nuhiyekemni karisaw kabayntiwa mmanawa nah iveg givitnenwa Kiyavwiye Uhokri. Givititnenwa nah iki nukamaxwan.
6Ignewa ik adahan mpithan hawata amnihun. Mmanwa ignewa numaptenten. Hene yuma mbeyne hiya nusamanak.
7Nikwe namnihka akak nukiytani igwa Kiyavwiye Uhokri hiyak nikak. Ignewa detye adahan mpithan hawata adahan humaw nayemwekri
8Nuhiyegavu, kamaxwanabay givitit Kiyavwiye Uhokri avanenekwa. Akkanabay git madikte yiwakemni, mmanawa ignewa wayemwekegwiy.
9Hiyeg amadgayavu inin, madiptavye gikakkis igisavye, igkis ka ariknawnama, igkis kewa kamaygviyebe puhka. Wake igkis ahehkbe akak ahehtet, igkis kawki ahehkama ariknawnama; igkis hagehgetekam ariw kamaygviye puhka.
10Ka yi muwaka kamaxwa avitit yarewhan, ine kawnata amin arikna akak amevwiki. Ku yidahan igiska wagehe ka aynsima, ka yi muwaka kamaxwa nivitit.
11Pahaynewata akiw nah timap Kiyavwiye Uhokri awna ku gidatni in gidahan.
12Gamnihra hawata in gidahanwata. Kiyavwiye, pisnewa katiwnih mpuse hiyeg pakekunawa akak gikehnikis.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.