Sawmus 53
53
Yuma hiyeg kibeyne amadga inin
Sa 14.1-3; Ekl 7.20; Ro 3.10-18
1Hiyeg mahiyekemnivye awna abet gihiyekemnikis han: “Uhokri yuma ay amadga hawkri.” Inneki keh igkis madikte wageswe meksatruvyenenwa; igkis keh mbayka mbeyevye; yuma pahavwinema kehne kabayka.
2Inuriktak Kiyavwiye Uhokri sarayh givegi gimkanitkis madikte hiyegviyenevwi adahan hiyepne ba ay pahavwiwatma hiyeg hiyekemniye, ba ay pahavwiwatma ku pariye inyewa batekye gikak.
3Heneme madikte dagehbet ariw ahin waditye. Igkis hehpekuye gikakkis mbayavye. Yumahwatbaki pahavwinema kehne kabayka.
4Ig Kiyavwiye Uhokri hiyapni hene ig awna: “Mmah madikte neras hiyeg ka pukuhpa ariknawnama? Mmah madikte igkis meksatruvyenenwa? Mmahkama igkis he kinisnenenwa nuhiyegavu avanenekwa ke wotbe giwnkis inyewatbe? Mmahkama igkis ka piriyepkaw nutuh aharitne nuhiyekemni?”
5Ayge nikwe aysawnemenek igkis segkebdinek akak madikte gavisnikis, mmanawa ig Kiyavwiye Uhokri ayguhnek givetunyavu givitakis, ig keh igkis tuguhbetnek abet maraki. Mmanawa igkis ka aritnama giw.
6Ig Kiyavwiye Uhokri gimawkan ku pahavwi pes avititak Jerusalém adahan gamnihtenkis madikte hiyeg izhaewyenevwi! Ka ba aynsima igkis Jakó gihiwhivwi bateknek ku aysaw igkis hiyap ig Kiyavwiye Uhokri keh igkis isamptaw!
လက္ရွိေရြးခ်ယ္ထားမွု
Sawmus 53: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.