Sawmus 46
46
Uhokri ay ukakwiy; hiyawa wixwiy karisaw
1Kiyavwiye Uhokri ignewa umaptenten ariw mbeyne. Ignewa hawata iki udatni adahan mpiyasene mbeyne ku pariye danuh wot. Avanenekwa ku aysaw wis abet mbeyne igme kennesa uhumwa adahan wamnihten.
2Inneki keh wixwiy ka avisnek aynesnima. Hiyawa waxri mukuse in ayguhwe, heneme ka sam. Hiyawa waxri imuwadnene mehwe in ayguhwe parahwokwate, heneme wixwiy kawnata avis.
3Hiyawa paraw kiman ke digidgiyebe aman, kawnata sam. Hiyawa sagkaki hakuhave waxribdi, heneme wis ka muwaka avis.
4Gimun Kiyavwiye Uhokri, ayge ka aynsima batekka, ke unbe kamiyani avigku pahatra warik kane makarti. Ig Kiyavwiye Uhokri avitmin madikte ayge.
5Ku kiney ig Kiyavwiye Uhokri misakwa, ayge yuma ariknawnama mukusene. In dahwa adahan avanenekwa. Mmanawa avanenekwa ig Kiyavwiye Uhokri avuriwnene.
6Wake madikte hiyegviyenevwi kavetunsabe Kiyavwiye Uhokri, igkis mehwepkama pahayewvi madikte, mmanawa ik adahan Kiyavwiye Uhokri mehe inin waxri adug akak pahatwowa iwit.
7 Kibeyne, ig Kiyavwiye Uhokri ku pariye keh inin madikte, ig ay ukakwiy. Ig Kiyavwiye Uhokri ku pariye gikavriwten amekene Jakó, igwata wavuriwtenwiy.
8Ba yi ayta, ivegnay arimkat ku pariye Kiyavwiye Uhokri Dehetniye gikehni! Mmanawa ig keh ka aynsima annut ay amadga inin ku pariye keh wixwiy wakaymni.
9Ig pisenwa akak kerka muwapuw amadga hawkri. Ig dunihbeta iyakoktibet. Ig bukah kahos kerkevutno akiw.
10Ig awna: “Karisahwanay. Nah muwaka yis hiyak ku nahnewa Kiyavwiye Uhokri. Nah avitmin madikte hiyeg. Aysawnemenek madikte hiyeg kiyathannek amadga inin.”
11Kibeyne, ig Kiyavwiye Uhokri Detye, ignewa ay ukakwiy. Ig Kiyavwiye Uhokri ku pariye gikavriwten amekene Jakó, igwata wavuriwtenwiy.
လက္ရွိေရြးခ်ယ္ထားမွု
Sawmus 46: pluPB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018, Wycliffe Bible Translators, Inc. All rights reserved.