BOTHUBO 48
48
Efraim ngo Manase Kumghatsu
1Tishiwo kushuwa kumo lo Josef no papu ye su aniepi chilu. Pano panu Manase ngo Efraim pama sasu Jakob putsaniye wu. 2Kughou Jakob vilo, “Onu Josef ye osasu kushoniye chenie,” ipi kelo pa kuka aghikeu pephe puzu pukaputsano azualo ithu iqae. 3Akughushu Lhou no Kanan yeghilo Luz lono ilau ipeghi piyeno ikumghatsue 4eno ivilo ishi pi, “Julo ino opelo atianuli kutomo shilu peni eno opelo kighishelu eno opelo ashiayeh timi kumzapu shitsuni eno oti anuliqo pelo pulhapuju pighiwuve penike hipau yeghi ino panongu tsunie.
5“Ino olau ighi mphi lono Ijip yeghi lono punu puaghikeu onu Efraim ngo Manase pama ghi Ruben ngo Simon toi iwue. 6Pama thiu atianuli punu keu thaqhuye ow shini eno amheghi ighikelo panonguye panongu pamu gholo kihisulo. 7Ino hi shitsu akeuye kutau ghenguno kumono Mesopotamia lono ino idewo chekelo Efrata tonikelo ala kushuwa kumove kelono oza Rachel ye ala lono thiveke. Ino Efrata la lo li qhoveke, tipa-aye Bethlehem ke.”
8Israil no Josef nuli ithulu kelo pano ishi iniju, “Hiye khunoqo kya?” 9Josef no ishi khochile, “Hipamaye inu ke, Ijip lo akelono Alhou no itsukeu ke.” Israil no pi, “Hila ilau saghilo, ino pama kumghatsunie.” 10Israil ye kitemi shive kehu pa nhethi zamemeyive kehu paye ithumlae. Josef no pama pa kupunu saghino Israil no pama khapeno pama mumae. 11Israil no Josef vilo pi, “Niye oju ithulu naniepi kumsumono ake eno julo Alhou no otianuli ghi ipiyelu anipeke.” 12Josef no papu lukobo lono pama khapeluveno pa zulo pagi pishiqhope itsaiqie.
13Josef no panu pama pa-u lono sunhepe, Efraim no pa-u ajeu no tishianguno pa pelo Israil u piyiu kudau shipeniye, eno pa-u piyiu no Manase sunhepe, tishianguno pa pelo Israil u ajeu kudau shipeniyeke, eno pama pa lau saghie. 14Ikemu Israil no puthaputsano pa-u hekutalu veno pa-u ajeu pesu Efraim no ayitiu kemu pa kutsu shou be eno pa-u piyiu pesu akichiu shiakeu Manase shou be. 15Pano panongu kumghatsu eno ishi pi:
“Alhou khipau zulo ipuasu Abraham
ngo Isak no xuche keno,
Alhou khipauno ikuxu kupuju
ishi kutolo ikhe heju anikeno.
16Kungumi khipauno akijiksa kumtsu lono ixaphelukeno,
pa pelo apuf pama kumghatsu peniu.
Ije lono eno ipuasu Abraham ngo Isak
je lono panongu ku chepeniu,
Eno ayeghilo panongu pelo anoghi
kutsasa shi ikowolu peniu.”
17Kughou papu no pa-u ajeu pesu Efraim kutsu shou bekeu Josef no ithulu keno, pa gi zuve. Ikehu Efraim kutsu lono Manase kutsulo kiqhe suwuniye Josef no papu-u ikhiqhe. 18Eno Josef no papu vilo ishi pi, “Ipu, tila kumoke. Hiwuno anoghiu ke, o-u ajeuno pa kutsu shou belo.” 19Ikemu papu no patsa milivetsuno pi, “Ino ithi anie, inu, ino ithi anie. Pa ghi timi anoghi shi ikowo nanie, ikemu pa thikuzuu ayitiu no panguno akijeu shinani eno pati kughukono ashiayeh kutsasa shi wove nani.” 20Eno tipani pano panongu kumghatsue:
“Opesu Israilmi no kumghatsu kelo ishi pinani.
‘Alhou pelo Efraim ngo Manase toi shitsu peniu.’ ”
Hitoi shi ghi pano Efraim pesu Manase zuu qhivetsue. 21Tishieno Israil no Josef vilo pi, “Julo, niye thini cheae, ikemu Alhou no nongu gholo anani eno nongu puasu yeghilo nongu sachilesawo nanie. 22Othikuzumiqo tsukeu nguno alau ino Shekem otsu anie, ti khikhi aqha kivi keno ino izuta-ingu eno ileghu pesu Amarimi launo haphelu keuke.”
လက္ရွိေရြးခ်ယ္ထားမွု
BOTHUBO 48: SUMIBSI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 48
48
Efraim ngo Manase Kumghatsu
1Tishiwo kushuwa kumo lo Josef no papu ye su aniepi chilu. Pano panu Manase ngo Efraim pama sasu Jakob putsaniye wu. 2Kughou Jakob vilo, “Onu Josef ye osasu kushoniye chenie,” ipi kelo pa kuka aghikeu pephe puzu pukaputsano azualo ithu iqae. 3Akughushu Lhou no Kanan yeghilo Luz lono ilau ipeghi piyeno ikumghatsue 4eno ivilo ishi pi, “Julo ino opelo atianuli kutomo shilu peni eno opelo kighishelu eno opelo ashiayeh timi kumzapu shitsuni eno oti anuliqo pelo pulhapuju pighiwuve penike hipau yeghi ino panongu tsunie.
5“Ino olau ighi mphi lono Ijip yeghi lono punu puaghikeu onu Efraim ngo Manase pama ghi Ruben ngo Simon toi iwue. 6Pama thiu atianuli punu keu thaqhuye ow shini eno amheghi ighikelo panonguye panongu pamu gholo kihisulo. 7Ino hi shitsu akeuye kutau ghenguno kumono Mesopotamia lono ino idewo chekelo Efrata tonikelo ala kushuwa kumove kelono oza Rachel ye ala lono thiveke. Ino Efrata la lo li qhoveke, tipa-aye Bethlehem ke.”
8Israil no Josef nuli ithulu kelo pano ishi iniju, “Hiye khunoqo kya?” 9Josef no ishi khochile, “Hipamaye inu ke, Ijip lo akelono Alhou no itsukeu ke.” Israil no pi, “Hila ilau saghilo, ino pama kumghatsunie.” 10Israil ye kitemi shive kehu pa nhethi zamemeyive kehu paye ithumlae. Josef no pama pa kupunu saghino Israil no pama khapeno pama mumae. 11Israil no Josef vilo pi, “Niye oju ithulu naniepi kumsumono ake eno julo Alhou no otianuli ghi ipiyelu anipeke.” 12Josef no papu lukobo lono pama khapeluveno pa zulo pagi pishiqhope itsaiqie.
13Josef no panu pama pa-u lono sunhepe, Efraim no pa-u ajeu no tishianguno pa pelo Israil u piyiu kudau shipeniye, eno pa-u piyiu no Manase sunhepe, tishianguno pa pelo Israil u ajeu kudau shipeniyeke, eno pama pa lau saghie. 14Ikemu Israil no puthaputsano pa-u hekutalu veno pa-u ajeu pesu Efraim no ayitiu kemu pa kutsu shou be eno pa-u piyiu pesu akichiu shiakeu Manase shou be. 15Pano panongu kumghatsu eno ishi pi:
“Alhou khipau zulo ipuasu Abraham
ngo Isak no xuche keno,
Alhou khipauno ikuxu kupuju
ishi kutolo ikhe heju anikeno.
16Kungumi khipauno akijiksa kumtsu lono ixaphelukeno,
pa pelo apuf pama kumghatsu peniu.
Ije lono eno ipuasu Abraham ngo Isak
je lono panongu ku chepeniu,
Eno ayeghilo panongu pelo anoghi
kutsasa shi ikowolu peniu.”
17Kughou papu no pa-u ajeu pesu Efraim kutsu shou bekeu Josef no ithulu keno, pa gi zuve. Ikehu Efraim kutsu lono Manase kutsulo kiqhe suwuniye Josef no papu-u ikhiqhe. 18Eno Josef no papu vilo ishi pi, “Ipu, tila kumoke. Hiwuno anoghiu ke, o-u ajeuno pa kutsu shou belo.” 19Ikemu papu no patsa milivetsuno pi, “Ino ithi anie, inu, ino ithi anie. Pa ghi timi anoghi shi ikowo nanie, ikemu pa thikuzuu ayitiu no panguno akijeu shinani eno pati kughukono ashiayeh kutsasa shi wove nani.” 20Eno tipani pano panongu kumghatsue:
“Opesu Israilmi no kumghatsu kelo ishi pinani.
‘Alhou pelo Efraim ngo Manase toi shitsu peniu.’ ”
Hitoi shi ghi pano Efraim pesu Manase zuu qhivetsue. 21Tishieno Israil no Josef vilo pi, “Julo, niye thini cheae, ikemu Alhou no nongu gholo anani eno nongu puasu yeghilo nongu sachilesawo nanie. 22Othikuzumiqo tsukeu nguno alau ino Shekem otsu anie, ti khikhi aqha kivi keno ino izuta-ingu eno ileghu pesu Amarimi launo haphelu keuke.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.