BOTHUBO 45
45
Josef no Pa Kilethi
1Josef ye pa phivilo puthugho akemiqo zulo pa likhi pa suchilemlave ikehu pano igha ghi pi, “Kumtsu ilauno ipekhavelo.” Khumu pa gholo kuhave kelono Josef no pamunoqo vilo paye khuu keno pie. 2Pano ighamuku qa kehu Ijipmino ti chiluveno tipau sutsa Farao kibo kutolo tove. 3Josef no pamunoqo vilo pi, “Niye Josef ke. Ipu ye xu aphi kesha?” Ikemu pamunoqoye pa gizulo kichi mamayive puzu pa khochile mlave. 4Tile Josef no pamunoqo vilo pi, “Ikupunu ighilo.” Ike panonguno kupunu ighi eno pano pi, “Niye nongu thikuzuu Josef khuu nonguno Ijip lo jepuwuve keno tipau huke. 5Ikehu nonguye hilau kushiye ije puwuve kelapi amlo kusa shikevi momu nongu likhi nongu jupe axu ide kevilo. Kughengu nongu kuxu pukhalu penike Alhou no nongu zuuno hilau ipuwue. 6Ayeghilo puqumiye keu hi ampe akiniu likhi aphie eno itaghi ampe pungu dolo apiti qusumo momu ghile humo nanie. 7Alhou no nongu zuuno ipuwu keuye nongu lagha akumzapu lono pukhalu eno nongu puxulu peniyeke. 8Ike kuchou loye nonguno hila ipuwuve kekumoe ikemu Alhou no ke. Pano ipelo Farao papu toi ani peke eno ayeghiqha kuchopu peitha anie eno Ijip yeghi kumtsu shou ino ayehkipeue.”
9“Nonguye mtazu ipu lau iqho puzu pavilo ishi pilo, ‘Onu Josef no hi pi ani pilo: Alhou no ipelo Ijip yeghi shou ayehkipeu shiveapeke, munukevino ilau iqighilo. 10Noye Goshen ghakhulo ngolu nani, tino nongu, onuliqo, anuliqo tianuli, atsuaqu loji eno nono kiu pighi ani keno ikupunulo ngoluniae. 11Tilehi ngoaye ino nongu lojilu nani, kughengu itaghi ampe pungu puqumiye nikeu aphie. Niye nongu bolomi eno nono pighi akeqo pelo athokha shi apenishimoe.’ 12Ike nongu kumtsuno eno ithikuzuu Benjamin ishino ithuluveano ni Josef ampi hino nongu vilo pi anie. 13Nonguno ipu vilo niye Ijip yeghilo kishi qhivutsuni susu ka ani kela pilo, nonguno ithulu keu kumtsu pilo. Nonguye mighi ipu sasu hilau iqighivelo.”
14Tishino pano pa u sukhopesu pa thikuzuu Benjamin khaluve puzu qauve, Benjamin ghi pa khamgho pesu qae. 15Tinguno alauno pano pamunoqo kumtsu muma eno tishi ghi qae; eno tithiuno pamunoqono pa sasu kuptsae.
16Josef pamunoqo ishi anie pikeu sutsa Farao tove kelo, Farao ngo pa gholo ampemiqo no alokiqi shive. 17Farao no Josef vilo pi, “Omunoqo vilo panonguw gadaha akho shipe pipeno Kanan yeghilo idewolo pilo. 18Panongu papu ngo panongu kibolomi ngo ishi ilau saghi pelo. Ino Ijip lo ayeghi akiviu panongu tsunie eno panongu pelo kupukunoshi xulu penie. 19Panongu vilo panongu nipuqo eno atianuliqo ghengu lono Ijip lono amshino sunhekeu akukulu sawulo pilo. Panongu vilo panongu papu sasu ighilo pilo. 20Panonguno pighi aghikeu tinhemgha qhivenike amlo kusapu kuhae, kughengu Ijip yeghiqhalo kiu akiviu keno panongu wuke.”
21Israil nuliqono tihutoi shie. Farao no ahza tsukeu kiqi lono Josef no amshino sunhekeu kukulu pamunoqo tsue, eno panongu ghuzulalo chuqupu tsu ishie. 22Aphimini kuzuli kepu panongu akuphashi Josef no tsu ikemu Benjamin ye chandiyi 300 eno kuzuli kepu phimini pungu ishi tsue. 23Ijip yeghi lono ipeghi keu nhemgha akiviu pesu gadaha chighi xapipeno papu tsupuwue eno papu ghuzulalo sala athi ngo asho eno achuqupu kutau jeli ishi gadaha chighi lono xapipe puwue. 24Tishieno pano pamunoqo puwove eno panongu no wochekelo pano panongu vilo pi, “Nonguye alalo muto kevilo.”
25Panonguno Ijip lono chesu Kanan lo panongu papu Jakob lau ighi eno pavilo ishi pi, 26“Josef ye xu aphie eno paye Ijip yeghi kumtsu shou ayehkipeu ahng shi anie.” Jakob ye thibuyive kughengu paye panongu tsa pulumoe. 27Ikemu panonguno Josef no pikeu tsa kumtsu pavilo pi eno pa xapu ighi peniye Josef no puwukeu akukulu ithulu kelo Jakob ngu-agha aghuthi xuxuive. 28Pano pi, “Hiye ihulokeue, inu Josef ye xu aphikesha! Ino thimphi lono pasasu kushonike wumasae!”
လက္ရွိေရြးခ်ယ္ထားမွု
BOTHUBO 45: SUMIBSI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 45
45
Josef no Pa Kilethi
1Josef ye pa phivilo puthugho akemiqo zulo pa likhi pa suchilemlave ikehu pano igha ghi pi, “Kumtsu ilauno ipekhavelo.” Khumu pa gholo kuhave kelono Josef no pamunoqo vilo paye khuu keno pie. 2Pano ighamuku qa kehu Ijipmino ti chiluveno tipau sutsa Farao kibo kutolo tove. 3Josef no pamunoqo vilo pi, “Niye Josef ke. Ipu ye xu aphi kesha?” Ikemu pamunoqoye pa gizulo kichi mamayive puzu pa khochile mlave. 4Tile Josef no pamunoqo vilo pi, “Ikupunu ighilo.” Ike panonguno kupunu ighi eno pano pi, “Niye nongu thikuzuu Josef khuu nonguno Ijip lo jepuwuve keno tipau huke. 5Ikehu nonguye hilau kushiye ije puwuve kelapi amlo kusa shikevi momu nongu likhi nongu jupe axu ide kevilo. Kughengu nongu kuxu pukhalu penike Alhou no nongu zuuno hilau ipuwue. 6Ayeghilo puqumiye keu hi ampe akiniu likhi aphie eno itaghi ampe pungu dolo apiti qusumo momu ghile humo nanie. 7Alhou no nongu zuuno ipuwu keuye nongu lagha akumzapu lono pukhalu eno nongu puxulu peniyeke. 8Ike kuchou loye nonguno hila ipuwuve kekumoe ikemu Alhou no ke. Pano ipelo Farao papu toi ani peke eno ayeghiqha kuchopu peitha anie eno Ijip yeghi kumtsu shou ino ayehkipeue.”
9“Nonguye mtazu ipu lau iqho puzu pavilo ishi pilo, ‘Onu Josef no hi pi ani pilo: Alhou no ipelo Ijip yeghi shou ayehkipeu shiveapeke, munukevino ilau iqighilo. 10Noye Goshen ghakhulo ngolu nani, tino nongu, onuliqo, anuliqo tianuli, atsuaqu loji eno nono kiu pighi ani keno ikupunulo ngoluniae. 11Tilehi ngoaye ino nongu lojilu nani, kughengu itaghi ampe pungu puqumiye nikeu aphie. Niye nongu bolomi eno nono pighi akeqo pelo athokha shi apenishimoe.’ 12Ike nongu kumtsuno eno ithikuzuu Benjamin ishino ithuluveano ni Josef ampi hino nongu vilo pi anie. 13Nonguno ipu vilo niye Ijip yeghilo kishi qhivutsuni susu ka ani kela pilo, nonguno ithulu keu kumtsu pilo. Nonguye mighi ipu sasu hilau iqighivelo.”
14Tishino pano pa u sukhopesu pa thikuzuu Benjamin khaluve puzu qauve, Benjamin ghi pa khamgho pesu qae. 15Tinguno alauno pano pamunoqo kumtsu muma eno tishi ghi qae; eno tithiuno pamunoqono pa sasu kuptsae.
16Josef pamunoqo ishi anie pikeu sutsa Farao tove kelo, Farao ngo pa gholo ampemiqo no alokiqi shive. 17Farao no Josef vilo pi, “Omunoqo vilo panonguw gadaha akho shipe pipeno Kanan yeghilo idewolo pilo. 18Panongu papu ngo panongu kibolomi ngo ishi ilau saghi pelo. Ino Ijip lo ayeghi akiviu panongu tsunie eno panongu pelo kupukunoshi xulu penie. 19Panongu vilo panongu nipuqo eno atianuliqo ghengu lono Ijip lono amshino sunhekeu akukulu sawulo pilo. Panongu vilo panongu papu sasu ighilo pilo. 20Panonguno pighi aghikeu tinhemgha qhivenike amlo kusapu kuhae, kughengu Ijip yeghiqhalo kiu akiviu keno panongu wuke.”
21Israil nuliqono tihutoi shie. Farao no ahza tsukeu kiqi lono Josef no amshino sunhekeu kukulu pamunoqo tsue, eno panongu ghuzulalo chuqupu tsu ishie. 22Aphimini kuzuli kepu panongu akuphashi Josef no tsu ikemu Benjamin ye chandiyi 300 eno kuzuli kepu phimini pungu ishi tsue. 23Ijip yeghi lono ipeghi keu nhemgha akiviu pesu gadaha chighi xapipeno papu tsupuwue eno papu ghuzulalo sala athi ngo asho eno achuqupu kutau jeli ishi gadaha chighi lono xapipe puwue. 24Tishieno pano pamunoqo puwove eno panongu no wochekelo pano panongu vilo pi, “Nonguye alalo muto kevilo.”
25Panonguno Ijip lono chesu Kanan lo panongu papu Jakob lau ighi eno pavilo ishi pi, 26“Josef ye xu aphie eno paye Ijip yeghi kumtsu shou ayehkipeu ahng shi anie.” Jakob ye thibuyive kughengu paye panongu tsa pulumoe. 27Ikemu panonguno Josef no pikeu tsa kumtsu pavilo pi eno pa xapu ighi peniye Josef no puwukeu akukulu ithulu kelo Jakob ngu-agha aghuthi xuxuive. 28Pano pi, “Hiye ihulokeue, inu Josef ye xu aphikesha! Ino thimphi lono pasasu kushonike wumasae!”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.