BOTHUBO 40
40
Josef no Asamo Pitsu
1Tipathiu, Ijip lo akukau wu akhu-ajukhu kipeu ngo asho kumlau atou ngo ishino panongu mipeu Ijip lo akukau shou akipimi shive. 2Farao ye pawu kijemi akhuajukhu kipeu atou ngo asho kumla atou pama shou ighono axuideve. 3Ikehu pano akughu kilo pama kughasawo suve, ti kukaki ghukhemi shou keptein kilo khipa alo Josef kughasawo qhipuakeno. 4Kukaki ghukhemi shou keptein no Josef pelo pama jukuto penikeu shivepe, eno pama ghini shi ae. Panonguye khakutha bolo ado kushuwa acheuve.
5Kijili lakhi, Ijip lo akukau wu akhu ajukhu kipeu atou ngo ashokumlau atou ngo ishi pama kini kujo akughukilo ake lono asamo lakhi khi pumoe. Pututa shelo akiqi a-ghi asamo pumoe. 6Inaqhe Josef no pama lau iloghi eno pama jukelo pamaye amloksa shi aghi. 7Ike pano Farao wu kijemi pa gholo pa mipeuno ki khakutha bolo akeu pama vilo iniju, “Nokujoye isunaye kushiye agi khumui ani kya?” 8Tile pamano pavilo pi, “Nikujo milakhi khino asamo pumoe eno khuu no tipau kiqi hephotsu pemono ishi anie.” Josef no pama khochile pi, “Alhou no akiqiqo tsucheni ke, nokujo samo ivilo lhejulo!”
9Ikehu akhu ajukhu kipeu atouno pa samo Josef vilo lheghi pi, “Isamouno atsayibo lakhi izulo aghie, 10eno atsayibo tipaulo aloka kuthu aghi. Tino mini ipeghi kemtsa pu ipeghive eno akupu muqo huno atsayi lothi shi ghi nimuzuyi ipeghiveche. 11I-ulo Farao jukhu pesu aghie, ikehu ino atsayithi xolu puzu tipazu ajukhulo sulesue eno pesuwo Farao ulo tsuvecheke.” 12Josef no pa vilo pi “Tipau kiqiye hike: aloka kuthu huye atsala kuthu ke. 13Hinguno atsala kuthulo Farao no okipimi qhivetsuno osunheqheve nani, eno puzuu noye kiu toi achekeno tipa alo opelo ngolu penani, eno puzuu nono pa khu ajukhu kipeu shiche kelo toi itaghi Farao jukhu pewo paulo sutsu nani. 14Kughouno okivipu shiluveni keno ikumsululo eno kimiyekini ipiyetsu ghi Farao vilo ighili pithitsulo eno akughuki hipau lono iyikhipheve kepu shitsulo. 15Ino kuchouno pini, niye Ibrimiqo yeghilono ikugha pesu wuveke eno hile pinamu akughukilo ikugha pesu sukuzupu niye kiumu mlaitha puamoe.”
16Kughou asho kumlau atouno Josef no asamo kiqi pitsu keu aloqhiyi ithulu puzu pavilo pi, “Ni ghi asamo lakhi pumoe, ike ashoghi kuthu ikutsulo aghie. 17Ashoghi iku akuthuulo Farao ghenguno asho jeli kumtsu ae, ikemu ikutsu shouno aghauqono ashoghilo tipaqo mighi cheghie.” 18Josef no khochile pi, “Tipau kiqi hikena! Ashoghi kuthu huye atsala kuthu kiqike. 19Hinguno atsala kuthulo, Farao no osa ighipe puzu okutsu michevepe nani eno okughape asubolo tshupe tuthuijunai qhive nani eno aghauqono oshi mighi nanie.”
20Tishiwo akuthuni, Farao punu ghuzu tsala shiakelo pano aghulhu kije pa qholo ampimi shichekemiqo tsue. Pa khu ajukhu kipeu ngo pa sho kumlau atou ngo ishi pa zulo eno pa qholo ampimiqo zulo saghipe. 21Pano akhu ajukhu kipeu puzuu kumlalo sachilewo mlawuvepe; 22ikemu asho kumlau atouye tshuqhi pithive, Josef no akiqi pi puakeu toi shive. 23Ikemu akhu ajukhu kipeu huye Josef kumsuchile move eno pa kumsumaqhoive.
လက္ရွိေရြးခ်ယ္ထားမွု
BOTHUBO 40: SUMIBSI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 40
40
Josef no Asamo Pitsu
1Tipathiu, Ijip lo akukau wu akhu-ajukhu kipeu ngo asho kumlau atou ngo ishino panongu mipeu Ijip lo akukau shou akipimi shive. 2Farao ye pawu kijemi akhuajukhu kipeu atou ngo asho kumla atou pama shou ighono axuideve. 3Ikehu pano akughu kilo pama kughasawo suve, ti kukaki ghukhemi shou keptein kilo khipa alo Josef kughasawo qhipuakeno. 4Kukaki ghukhemi shou keptein no Josef pelo pama jukuto penikeu shivepe, eno pama ghini shi ae. Panonguye khakutha bolo ado kushuwa acheuve.
5Kijili lakhi, Ijip lo akukau wu akhu ajukhu kipeu atou ngo ashokumlau atou ngo ishi pama kini kujo akughukilo ake lono asamo lakhi khi pumoe. Pututa shelo akiqi a-ghi asamo pumoe. 6Inaqhe Josef no pama lau iloghi eno pama jukelo pamaye amloksa shi aghi. 7Ike pano Farao wu kijemi pa gholo pa mipeuno ki khakutha bolo akeu pama vilo iniju, “Nokujoye isunaye kushiye agi khumui ani kya?” 8Tile pamano pavilo pi, “Nikujo milakhi khino asamo pumoe eno khuu no tipau kiqi hephotsu pemono ishi anie.” Josef no pama khochile pi, “Alhou no akiqiqo tsucheni ke, nokujo samo ivilo lhejulo!”
9Ikehu akhu ajukhu kipeu atouno pa samo Josef vilo lheghi pi, “Isamouno atsayibo lakhi izulo aghie, 10eno atsayibo tipaulo aloka kuthu aghi. Tino mini ipeghi kemtsa pu ipeghive eno akupu muqo huno atsayi lothi shi ghi nimuzuyi ipeghiveche. 11I-ulo Farao jukhu pesu aghie, ikehu ino atsayithi xolu puzu tipazu ajukhulo sulesue eno pesuwo Farao ulo tsuvecheke.” 12Josef no pa vilo pi “Tipau kiqiye hike: aloka kuthu huye atsala kuthu ke. 13Hinguno atsala kuthulo Farao no okipimi qhivetsuno osunheqheve nani, eno puzuu noye kiu toi achekeno tipa alo opelo ngolu penani, eno puzuu nono pa khu ajukhu kipeu shiche kelo toi itaghi Farao jukhu pewo paulo sutsu nani. 14Kughouno okivipu shiluveni keno ikumsululo eno kimiyekini ipiyetsu ghi Farao vilo ighili pithitsulo eno akughuki hipau lono iyikhipheve kepu shitsulo. 15Ino kuchouno pini, niye Ibrimiqo yeghilono ikugha pesu wuveke eno hile pinamu akughukilo ikugha pesu sukuzupu niye kiumu mlaitha puamoe.”
16Kughou asho kumlau atouno Josef no asamo kiqi pitsu keu aloqhiyi ithulu puzu pavilo pi, “Ni ghi asamo lakhi pumoe, ike ashoghi kuthu ikutsulo aghie. 17Ashoghi iku akuthuulo Farao ghenguno asho jeli kumtsu ae, ikemu ikutsu shouno aghauqono ashoghilo tipaqo mighi cheghie.” 18Josef no khochile pi, “Tipau kiqi hikena! Ashoghi kuthu huye atsala kuthu kiqike. 19Hinguno atsala kuthulo, Farao no osa ighipe puzu okutsu michevepe nani eno okughape asubolo tshupe tuthuijunai qhive nani eno aghauqono oshi mighi nanie.”
20Tishiwo akuthuni, Farao punu ghuzu tsala shiakelo pano aghulhu kije pa qholo ampimi shichekemiqo tsue. Pa khu ajukhu kipeu ngo pa sho kumlau atou ngo ishi pa zulo eno pa qholo ampimiqo zulo saghipe. 21Pano akhu ajukhu kipeu puzuu kumlalo sachilewo mlawuvepe; 22ikemu asho kumlau atouye tshuqhi pithive, Josef no akiqi pi puakeu toi shive. 23Ikemu akhu ajukhu kipeu huye Josef kumsuchile move eno pa kumsumaqhoive.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.