BOTHUBO 37
37
Josef eno Pamunoqo
1Jakob ye papu no inami shi achekeu Kanan yeghilo xu ache. 2Hipaqono Jakob ti kughukoqo. Josef ye ampe chighi tsuni shiuve kehu pamunoqo papu nipu Bilha ngo Zilpa nuliqo sasu bheriloji khe ache. Pamunoqono alhoksa kumla shikeu pano pewo panongu papu vilo piche.
3Ike Israil no panuliqo kutami kumtsu nguno alau Josef kimiyekeu ae kughengu pano kitemi shive kethiuno punu keu nu kehu. Pano Josef ghenguno aphikuzu ayeh shisu eno chijebobo keu lakhi shitsu. 4Kughou papuhno kutami kumtsu nguno alau Josef kimiyekeu pamunoqono ithuluve keno panonguno Josef mithiuve eno agholauno pa putsakeu kuhave.
5Ghuthu lakhi Josef no asamo lakhi pumo eno pano pamunoqo vilo lhe kelauye panonguno alaushi pa mithi kitheuve. 6Pano panongu vilo pi, “Ino pumokeu samo hipau iniju tsulo. 7Ninguye alulo aghi ghoqhi puakeu piqhekumqo aghicheke, ikelauye ino piqhepuakeuno ithuve eno muzuchoi puthughove eno nongu ghi kipiqheqono tipau vehope puthugho eno itsaiqi ighi kipiqhe zulo qhoqhu aghi che ke.” 8Pamunoqono pa vilo ishi iniju, “Noye kuchouno ni shou akukau shinani pi ani kesha? Noye nishou ayeh peni pi ani kesha?” Ikehu pano pa samo lhekeu ghenguno panonguno alau shi pa mithi kitheuve. 9Josef no itaghi asamo kutau lakhi pumoe eno pano pamunoqo vilo tipau lheghi pi, “Itaghi niye asamo lakhi pumoe ike tsukinhe, aqhi eno ayepu chighi qhaqhi ishino itsaiqi qhoqhu itsucheke.” 10Papu vilo ngo pamunoqo vilo hi lhe, ike papu no palomi pi, “Noye kiu samo pumo cheni kya? Kuchouno oza ngo ni ngo omunoqoye ozulo itsaiqi oqhoqhu nanipi ani kesha?” 11Pamunoqono paju anheshuve ikemu papu ye pano piqhikeu kumsukutoju ache.
Josef Ijip lo Jepuwuve
12Josef pamunoqoye panongu papuh wu bheri loji sasu achukumzaniye Shekem lo wuve. 13Ike Israil no Josef vilo pi, “Omunoqoye Shekem lo bheri loji sasu achukumza anike hilaghilo, ino opelo panongu lau wupenike.” Josef no khochile, “Alo, tishini thono,” ipi. 14Papuno pavilo pi, “Wu puzu omunoqoye akivishi anikemokela julo eno bherilojiye akivishi anikemokela julo, tishino ideghi puzu ivilo pilo.” Ikehu papuno Hebron bokhuqa lono pa phepuwuve.
Kughou Josef no Shekem to keno, 15pano aluzalo itsuchekelo timi lakhino pa sasu kusho eno timi huno pavilo ishi iniju, “Noye kiu phucheni kya?” 16Pano khochile pi, “Niye imunoqo phuchenike, panonguye khile bheri loji sasu achu kumza ani kela ivilo pitsunima?” 17Timi huno pi, “Panonguye cheveake, kughengu panonguno Dothan lo wuniepi akeu ino chiluake.” Ike Josef no pamunoqo phususu wue eno Dothan lono panongu phulue.
18Josef no putou chephi lono panonguno pa ithuluve eno pano panongu kupunu ighi mphi lono panonguno kuchughu puzu pa heqhivenikeu shi kughave. 19Panongu lakhino lakhi vilo ishi pi, “Julo, hi asamo kupumou hu chenie. 20Ishino kutovetsunie, ighilo ningu pa heqhiveno aqoh kuchhu lakhilo pakumo vesuvenie eno tughashi lhoksano pa tsuve kena ipi ninguno pivenie, eno pa samo hu kiu shiluniala ninguno junie.” 21Ruben no ti chilu puzu panongu ulono Josef hakholuveniye shie eno pi, “Ninguye pa kuxu lutsu kepu kumoe.” 22Ruben no panongu vilo pi, “Pa ghiqhi kevilo, ikemu aghasalo aqoh chhupuakeu hipaulo pa vesuvelo eno pa ghuza kevilo.” Tishianguno pano panongu ulono pa xaphe pesu papu lau pa sachile sawoniye hipau kupughu shike. 23Kughou Josef no pamunoqo lau ighi keno panonguno pa phikuzu ayeh shisu eno chijeboboi keu pano uchekeu xaluve 24eno pa kughape aqoh lakhilo vesuve. Aqoh huye kumsa eno tile azu kuhae.
25Tishieno panonguno achuqupu chuniye iqae eno panonguno pishipuwo jukelauye Gilead kudauno Ismaelmi aqo lakhi cheghi. Panongu wu kemel ye musughuta ngo axokutsungu mukhu xapusu Ijip lo iqicheghike. 26Juda no pa thikuzumi vilo pi, “Ninguno ningu thikuzuu ghiqhive puzu pa ghiqhi keu kusuvekeuno kiu ala shiluni cheni kya? 27Ningu pa kughape hi Ismaelmi vilo jesuvenie, eno ningu u pashou bemonie kughengu paye ningu thikuzuu eno ni shi ni jike.” Pa thikuzumiqono pagholo pulokuqhaluve. 28Ike Midiami alhikishimino ti vecheighi kelo panonguno aqoh lono Josef sunhephe eno Ismaelmi vilo pa kughapesu tsandiyi muku meshighi jesuve, eno tipaqono Ijip lo Josef sasu wuve. 29Kughou Ruben no aqoh lo ideghiju keno Josef ye tile aghimove kehu pamlo ghime launo pa phimini suxue. 30Pano pa thikuzumiqo lau ideghi puzu pi, “Appu kuhavea puzu niye kiu shivelopi kya?”
31Tile panonguno aneti lakhi heqhi eno Josef phikuzu ayeh shisuno chijeboboi keu hu tipau jilo putsu. 32Panonguno ayeh shisu eno chijeboboi keu phikuzu kichepesu panongu papu lau peighi no pi, “Ninguno hi ithuluke, hiye onu phikuzu kemo keno michi julo.” 33Pano ti michiluve eno pi, “Iye, hiye inu phikuzuke; tughashi lhoksano pa tsuvea kena! Josef ye mtsuqheino yithapini veakena!” 34Jakob no pa mlo ghime launo pa phimini suxu piniyive eno aphi tsubuyi keu pesu papo hekuxapu, eno ado kushuwa panu Josef ghenguno mlo-qa ache. 35Panuliqo kiptimi eno totimi kumtsuno pa lokughuno tsuniye ighi ikemu pano miliveno pi, “Ino kithila lono pa sasu kushomo ke kuto niye inu ghenguno mloqa anie.” Tishi papu no Josef ghenguno mloqa. 36Tishi akelo Ijip loye Midiamino Josef kughapesu Potifar vilojesuve. Potifar ye Farao wu kijemi lakhi eno kukaki ghukhemiqo shou keptein lakhie.
လက္ရွိေရြးခ်ယ္ထားမွု
BOTHUBO 37: SUMIBSI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 37
37
Josef eno Pamunoqo
1Jakob ye papu no inami shi achekeu Kanan yeghilo xu ache. 2Hipaqono Jakob ti kughukoqo. Josef ye ampe chighi tsuni shiuve kehu pamunoqo papu nipu Bilha ngo Zilpa nuliqo sasu bheriloji khe ache. Pamunoqono alhoksa kumla shikeu pano pewo panongu papu vilo piche.
3Ike Israil no panuliqo kutami kumtsu nguno alau Josef kimiyekeu ae kughengu pano kitemi shive kethiuno punu keu nu kehu. Pano Josef ghenguno aphikuzu ayeh shisu eno chijebobo keu lakhi shitsu. 4Kughou papuhno kutami kumtsu nguno alau Josef kimiyekeu pamunoqono ithuluve keno panonguno Josef mithiuve eno agholauno pa putsakeu kuhave.
5Ghuthu lakhi Josef no asamo lakhi pumo eno pano pamunoqo vilo lhe kelauye panonguno alaushi pa mithi kitheuve. 6Pano panongu vilo pi, “Ino pumokeu samo hipau iniju tsulo. 7Ninguye alulo aghi ghoqhi puakeu piqhekumqo aghicheke, ikelauye ino piqhepuakeuno ithuve eno muzuchoi puthughove eno nongu ghi kipiqheqono tipau vehope puthugho eno itsaiqi ighi kipiqhe zulo qhoqhu aghi che ke.” 8Pamunoqono pa vilo ishi iniju, “Noye kuchouno ni shou akukau shinani pi ani kesha? Noye nishou ayeh peni pi ani kesha?” Ikehu pano pa samo lhekeu ghenguno panonguno alau shi pa mithi kitheuve. 9Josef no itaghi asamo kutau lakhi pumoe eno pano pamunoqo vilo tipau lheghi pi, “Itaghi niye asamo lakhi pumoe ike tsukinhe, aqhi eno ayepu chighi qhaqhi ishino itsaiqi qhoqhu itsucheke.” 10Papu vilo ngo pamunoqo vilo hi lhe, ike papu no palomi pi, “Noye kiu samo pumo cheni kya? Kuchouno oza ngo ni ngo omunoqoye ozulo itsaiqi oqhoqhu nanipi ani kesha?” 11Pamunoqono paju anheshuve ikemu papu ye pano piqhikeu kumsukutoju ache.
Josef Ijip lo Jepuwuve
12Josef pamunoqoye panongu papuh wu bheri loji sasu achukumzaniye Shekem lo wuve. 13Ike Israil no Josef vilo pi, “Omunoqoye Shekem lo bheri loji sasu achukumza anike hilaghilo, ino opelo panongu lau wupenike.” Josef no khochile, “Alo, tishini thono,” ipi. 14Papuno pavilo pi, “Wu puzu omunoqoye akivishi anikemokela julo eno bherilojiye akivishi anikemokela julo, tishino ideghi puzu ivilo pilo.” Ikehu papuno Hebron bokhuqa lono pa phepuwuve.
Kughou Josef no Shekem to keno, 15pano aluzalo itsuchekelo timi lakhino pa sasu kusho eno timi huno pavilo ishi iniju, “Noye kiu phucheni kya?” 16Pano khochile pi, “Niye imunoqo phuchenike, panonguye khile bheri loji sasu achu kumza ani kela ivilo pitsunima?” 17Timi huno pi, “Panonguye cheveake, kughengu panonguno Dothan lo wuniepi akeu ino chiluake.” Ike Josef no pamunoqo phususu wue eno Dothan lono panongu phulue.
18Josef no putou chephi lono panonguno pa ithuluve eno pano panongu kupunu ighi mphi lono panonguno kuchughu puzu pa heqhivenikeu shi kughave. 19Panongu lakhino lakhi vilo ishi pi, “Julo, hi asamo kupumou hu chenie. 20Ishino kutovetsunie, ighilo ningu pa heqhiveno aqoh kuchhu lakhilo pakumo vesuvenie eno tughashi lhoksano pa tsuve kena ipi ninguno pivenie, eno pa samo hu kiu shiluniala ninguno junie.” 21Ruben no ti chilu puzu panongu ulono Josef hakholuveniye shie eno pi, “Ninguye pa kuxu lutsu kepu kumoe.” 22Ruben no panongu vilo pi, “Pa ghiqhi kevilo, ikemu aghasalo aqoh chhupuakeu hipaulo pa vesuvelo eno pa ghuza kevilo.” Tishianguno pano panongu ulono pa xaphe pesu papu lau pa sachile sawoniye hipau kupughu shike. 23Kughou Josef no pamunoqo lau ighi keno panonguno pa phikuzu ayeh shisu eno chijeboboi keu pano uchekeu xaluve 24eno pa kughape aqoh lakhilo vesuve. Aqoh huye kumsa eno tile azu kuhae.
25Tishieno panonguno achuqupu chuniye iqae eno panonguno pishipuwo jukelauye Gilead kudauno Ismaelmi aqo lakhi cheghi. Panongu wu kemel ye musughuta ngo axokutsungu mukhu xapusu Ijip lo iqicheghike. 26Juda no pa thikuzumi vilo pi, “Ninguno ningu thikuzuu ghiqhive puzu pa ghiqhi keu kusuvekeuno kiu ala shiluni cheni kya? 27Ningu pa kughape hi Ismaelmi vilo jesuvenie, eno ningu u pashou bemonie kughengu paye ningu thikuzuu eno ni shi ni jike.” Pa thikuzumiqono pagholo pulokuqhaluve. 28Ike Midiami alhikishimino ti vecheighi kelo panonguno aqoh lono Josef sunhephe eno Ismaelmi vilo pa kughapesu tsandiyi muku meshighi jesuve, eno tipaqono Ijip lo Josef sasu wuve. 29Kughou Ruben no aqoh lo ideghiju keno Josef ye tile aghimove kehu pamlo ghime launo pa phimini suxue. 30Pano pa thikuzumiqo lau ideghi puzu pi, “Appu kuhavea puzu niye kiu shivelopi kya?”
31Tile panonguno aneti lakhi heqhi eno Josef phikuzu ayeh shisuno chijeboboi keu hu tipau jilo putsu. 32Panonguno ayeh shisu eno chijeboboi keu phikuzu kichepesu panongu papu lau peighi no pi, “Ninguno hi ithuluke, hiye onu phikuzu kemo keno michi julo.” 33Pano ti michiluve eno pi, “Iye, hiye inu phikuzuke; tughashi lhoksano pa tsuvea kena! Josef ye mtsuqheino yithapini veakena!” 34Jakob no pa mlo ghime launo pa phimini suxu piniyive eno aphi tsubuyi keu pesu papo hekuxapu, eno ado kushuwa panu Josef ghenguno mlo-qa ache. 35Panuliqo kiptimi eno totimi kumtsuno pa lokughuno tsuniye ighi ikemu pano miliveno pi, “Ino kithila lono pa sasu kushomo ke kuto niye inu ghenguno mloqa anie.” Tishi papu no Josef ghenguno mloqa. 36Tishi akelo Ijip loye Midiamino Josef kughapesu Potifar vilojesuve. Potifar ye Farao wu kijemi lakhi eno kukaki ghukhemiqo shou keptein lakhie.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.