IPEKULU 3
3
Alhou no Muse Kulu
1Ghulo lakhi Muse ye pangu Jethro, Media lo achineu wu bheri ngo ane loji kheakelo pano asayeqha kathasusu akimthe naghuto Sinai lo ighi. 2Tileno AMPEU wu kungumi lakhino asuminipho mtalono ami kuyiqu lakhi toi pa lau ipeghi. Asu minipholo ami iqu akeu Muse no ithulu ikemu tipau pitivekeu shimoe. 3Pano ishi kumsuve, “Hiye akichiqhi kepue, kushiye asuminipho pitivemo kya? Ino kupunu wu puzu junie.”
4Muse no kupunu ighino juniye cheghikeu AMPEU no ithuluve puzu asu minipho mta lono pano pakuno pi, “Muse! Muse!” Pano khochile pi, “Ni hile anie!”
5Alhou no pi, “Tinguno alau kupunu ighikevilo. Opukhu kuqho ikhivelo kughengu noye akimthe-alo puthugho anike. 6Niye nopu asuqo Lhou ke; Abraham, Isak eno Jakob Lhou ke.” Ikehu Muse no pagi nhaluve kughengu paye Alhou lau jupukunikeu msaveke.
7Tileno AMPEU no pi, “Ijip lo iw timiqo kishi ayikusashi peitha anikeno niye ithuluvae; panoqono aqemi heqhikemi launo hakholuve tsulopi ighamuku keu ino chiluvae. Panoqono ichhe ime akeu kumtsu ino ithi ani, 8eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike. 9Niye kuchono iwu timiqo ghugha chiluvae eno Ijipmino kishi panoqo shikighimeqhi acheni keno ithuluvae. 10Ike ino Ijip lo akukau lau opuwuni tishi anguno nono iwu timi Israilmiqo pa yeghi lono saipeve peniyeke.” 11Ikemu Muse no Alhou vilo pi, “Niye khuu keno ino akukau lau wuni eno Ijip lono Israilmi saipeghini kya?” 12Alhou no khochile pi, “Ino ogholo anani eno kughou nono Ijip lono timiqo saipeghi nikeno noye hipau naghuto lono imlla nanike. Tipauno ino opuwu akeu michipu shinanike.”
13Ikemu Muse no Alhou vilo pi, “Ino Israilmiqo lau wupuzu, ‘Nongu pu asu Lhou no nongu lau ipuwuke,’ ipi panoqo vilo pikelo panonguno ivilo, ‘Pajeye khuu kya?’ ipi iniju kelo niye kiu pesu panoqo vilo pini kya?” 14Alhou no pi, “NIYE NIKE. Noye panoqo vilo ishi pilo: ‘Khuu kela NIKE ipikeuno nongu lau ipuwuke.’ 15Israilmiqo vilo panoqo pu asu Lhou ni AMPEU, Abraham, Isak eno Jakob Lhou no panoqo lau opuwu kepi pilo: Alhokupujulo ijeye hipauke, ighinikeu tiqhelimi kumtsuno hipau je pesu iku nani. 16Wulo eno Israilmi sakiphemi hekutsu kumqolo eno panoqo vilo panoqo pu asu Lhou ni AMPEU, Abraham, Isak eno Jakob Lhou no olau ipeghi ke pi pilo. Niye panoqo lau ighi ani eno Ijipmino panoqo shou kiu shi ani keno ino ithuluve akepi pilo. 17Ijip lo ayikushushi panoqo peitha akeu lono saipeghini keu ino xathavae, eno kinikulu aghuma yeghilo panoqo sawu nani, tiye Kananmi, Hatimi, Amarimi, Perizimi, Havimi eno Jebusimino achekeu yeghike.
18“Nono iwu timiqo vilo kiu pikeno panoqoye tipau ini nanike. Tileno noye Israilmi sakiphemiqo sasu Ijip lo akukau vilo ishi pilo, ‘Ibrimi Lhou AMPEU ampino nilau pephe piyevae. Ike ningu pelo atsala kuthu ghenguno asayeqha qalo chesu wuno nilhou AMPEU lau lhoxu heqhi pe akumllagho tsulupelo.’ 19Ino ithi anike, Ijip lo akukau ye pavilo tsuyikhomo tishilo pimokeloye khilemu nongu puwumo nanike. 20Ikemu ino ikuka peitha nani eno akuighupu jeli tilau shikeu lono ino Ijip ghimeqhi nanike. Tishike thiuno pano nongu pelo wulupe nani. 21Ino Ijipmiqo pelo nongu qhoqhupe nani tishi anguno kughou iwu timiqono cheveni keno panonguye a-u kumsa wumo nanike. 22Israilmi totimi kumtsuno pano kisughumi Ijipmi totimi lau wuno tiphimini, shuna, tsandi eno akughupuchi khuni. Israilmino hipaqo pesu panongu tianuli pipeni eno Ijipmiqo kuakini xapusu wuveni.”
လက္ရွိေရြးခ်ယ္ထားမွု
IPEKULU 3: SUMIBSI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
IPEKULU 3
3
Alhou no Muse Kulu
1Ghulo lakhi Muse ye pangu Jethro, Media lo achineu wu bheri ngo ane loji kheakelo pano asayeqha kathasusu akimthe naghuto Sinai lo ighi. 2Tileno AMPEU wu kungumi lakhino asuminipho mtalono ami kuyiqu lakhi toi pa lau ipeghi. Asu minipholo ami iqu akeu Muse no ithulu ikemu tipau pitivekeu shimoe. 3Pano ishi kumsuve, “Hiye akichiqhi kepue, kushiye asuminipho pitivemo kya? Ino kupunu wu puzu junie.”
4Muse no kupunu ighino juniye cheghikeu AMPEU no ithuluve puzu asu minipho mta lono pano pakuno pi, “Muse! Muse!” Pano khochile pi, “Ni hile anie!”
5Alhou no pi, “Tinguno alau kupunu ighikevilo. Opukhu kuqho ikhivelo kughengu noye akimthe-alo puthugho anike. 6Niye nopu asuqo Lhou ke; Abraham, Isak eno Jakob Lhou ke.” Ikehu Muse no pagi nhaluve kughengu paye Alhou lau jupukunikeu msaveke.
7Tileno AMPEU no pi, “Ijip lo iw timiqo kishi ayikusashi peitha anikeno niye ithuluvae; panoqono aqemi heqhikemi launo hakholuve tsulopi ighamuku keu ino chiluvae. Panoqono ichhe ime akeu kumtsu ino ithi ani, 8eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike. 9Niye kuchono iwu timiqo ghugha chiluvae eno Ijipmino kishi panoqo shikighimeqhi acheni keno ithuluvae. 10Ike ino Ijip lo akukau lau opuwuni tishi anguno nono iwu timi Israilmiqo pa yeghi lono saipeve peniyeke.” 11Ikemu Muse no Alhou vilo pi, “Niye khuu keno ino akukau lau wuni eno Ijip lono Israilmi saipeghini kya?” 12Alhou no khochile pi, “Ino ogholo anani eno kughou nono Ijip lono timiqo saipeghi nikeno noye hipau naghuto lono imlla nanike. Tipauno ino opuwu akeu michipu shinanike.”
13Ikemu Muse no Alhou vilo pi, “Ino Israilmiqo lau wupuzu, ‘Nongu pu asu Lhou no nongu lau ipuwuke,’ ipi panoqo vilo pikelo panonguno ivilo, ‘Pajeye khuu kya?’ ipi iniju kelo niye kiu pesu panoqo vilo pini kya?” 14Alhou no pi, “NIYE NIKE. Noye panoqo vilo ishi pilo: ‘Khuu kela NIKE ipikeuno nongu lau ipuwuke.’ 15Israilmiqo vilo panoqo pu asu Lhou ni AMPEU, Abraham, Isak eno Jakob Lhou no panoqo lau opuwu kepi pilo: Alhokupujulo ijeye hipauke, ighinikeu tiqhelimi kumtsuno hipau je pesu iku nani. 16Wulo eno Israilmi sakiphemi hekutsu kumqolo eno panoqo vilo panoqo pu asu Lhou ni AMPEU, Abraham, Isak eno Jakob Lhou no olau ipeghi ke pi pilo. Niye panoqo lau ighi ani eno Ijipmino panoqo shou kiu shi ani keno ino ithuluve akepi pilo. 17Ijip lo ayikushushi panoqo peitha akeu lono saipeghini keu ino xathavae, eno kinikulu aghuma yeghilo panoqo sawu nani, tiye Kananmi, Hatimi, Amarimi, Perizimi, Havimi eno Jebusimino achekeu yeghike.
18“Nono iwu timiqo vilo kiu pikeno panoqoye tipau ini nanike. Tileno noye Israilmi sakiphemiqo sasu Ijip lo akukau vilo ishi pilo, ‘Ibrimi Lhou AMPEU ampino nilau pephe piyevae. Ike ningu pelo atsala kuthu ghenguno asayeqha qalo chesu wuno nilhou AMPEU lau lhoxu heqhi pe akumllagho tsulupelo.’ 19Ino ithi anike, Ijip lo akukau ye pavilo tsuyikhomo tishilo pimokeloye khilemu nongu puwumo nanike. 20Ikemu ino ikuka peitha nani eno akuighupu jeli tilau shikeu lono ino Ijip ghimeqhi nanike. Tishike thiuno pano nongu pelo wulupe nani. 21Ino Ijipmiqo pelo nongu qhoqhupe nani tishi anguno kughou iwu timiqono cheveni keno panonguye a-u kumsa wumo nanike. 22Israilmi totimi kumtsuno pano kisughumi Ijipmi totimi lau wuno tiphimini, shuna, tsandi eno akughupuchi khuni. Israilmino hipaqo pesu panongu tianuli pipeni eno Ijipmiqo kuakini xapusu wuveni.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.