KEKULI 28
28
Malta wi Keben
1Ikhang na aghüsa cukeya wi ayyi-mangkehi tsüna Malta le kesa chüya. 2Anyi ciwi kahangthu na ikhang ghena sashü na mehai. atsangho pi mejen kesalina mathu na anni sa pi anonkeghe sala ikhang ssiya. 3Paul na achan bhen pie gho annibhon wi khalachi nu jeng keshagha wi amaghang kesü na shhugho ma kwen kejiya. 4Anyithu na amaghang na Paul kwen kejisen keben kemu wi khokho wi khi, “Anyi ha nyu kepathi nyi sabenla metsiben. Ma atssükedone wina shhugho yadha, isala ma kekuli tsü ghena ma hangya thsü nben.” 5Isala Paul na mangla nsala amaghang tsü kethengsha pi annibhon wi khala chia. 6Mathu Paul na wan ma gwo pvü shagha nu khulidu shüaben le sa. Isala matsü kesie hie lela mangla nkesa ghena mathu kemeshen kemili nu khi, “Ma acenpvü kesü le!”
7Ayyi-mangkehi tsüwa wi kekhangwa Publia lli pahan na lensie khang nkesa wi ben. Ma nonkeghe sa ikhang ssiya nu ikhang na ghanan kecheng ma kejen sa. 8Publia ba na muwhe nu ajjü ku nu awe wi ben. Paul na ma kejenpen wi du ma kwen chang pi ma miwi chi nu kekhie sachi nu sa pi mehai cüa. 9Tsüti sa keya wi ayyi-mangkehi ciwi kesakinaathu tsüdi gho nu mathu sa pi mehai cüa. 10Mathu aju kejon pi ikhang cü, nu ikhang na wa keten wi alenca wi nsenthu keyishü pi ikhang cü.
Malta wina Rom wi kewa
11Asha kecheng seng wi ikhang na ahunjjen Alexandria wina kegho pathsü ayyi-mangkehi tsüwa wi ben wa kesa ma nyan “Acenpvü gweghe tsa” tsü wina wa. 12Ikhang wala Surakuse cuya nu ciwi ghanan kecheng ben. 13Ikhang ciwi na kevüli sen wa Rhegium nyunuti cuya. Dhitsüwa acülawa na ameghü sho ntsa sa nu ikhang keni ghanan wi ccüna wa Puteoli cuya. 14Ciwi ikhang na kenondithu pahan muya, nu mathu na ikhang mathu gweghe ghanan tagü ben lalo khie. Tsaseng wi ikhang na wa Rom cuya. 15Rom wi kenondithu na ikhang cüki zaya nu ghala Appia Senkesapen nyuti nu Kijünyikewa Jjen Kecheng le ci keten wi ikhang metu. Paul na mathu mu keya wi Anyiza seng, nu satezü ntsa sachi.
Rom wi Keben
16Ikhang na gho Rom cukeya wi Paul yala ma ketan ben nu süpahi pi ma ghihie thsü.
17Ghanan kecheng seng wi Paul na Judah nyi ccülikesathu ci pi keccünengli. Mathu na gho saghukeya wi ma mathu wi khi, “Hi Israel nyithu, hi mangla anyithu nyelela ithu bamyithu Yenwa tsü keshun kekuli nsa lela hi ghan pi Jerusalem wi atssüzü sa thsü nu pi Rom nyithu kwen wi chile. 18Mathu na hi ghan-nan nu hi teshichi mvu sa, kepaghenanye hi keshü qo kekuli mangla sazzi ketheng mu meya. 19#Kek 25.11 Isala Judah nyithu na ha shun kesa wi hi inyithu keshun jüh mangla nmi lela Rom Kadimiwa tuwi wa tenle khieya. 20Tsalina hi ha jjügi ghena nthu metu chi nu ajüh pi kizale kesa khie, kepaghenanye hi Israel nyithu na nondi ketenwa tsü ghena hi amighe ssüli pvü le!”
21Mathu na ma kiza, “Ikhang na Judea wi ncüki lesükezhü kesüla mu meya, nu kenondithu la gho ikhang nkiza nyelela ncüki nkemehai kekhi la za meya. 22Isala ikhang na no wi kinaya mvu benle, kepaghenanye kahe wi anyi tsüdila nthu keccüna zi wa ha keshun jüh khiden kesa ikhang na chüben.”
23Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi. 24Ma jüh ghena mathu pahan zanya, isala pahan na n-nondi. 25Tsalina mathu na Paul ajüh ha kekhi seng wi mathu ajüh kepapa sa nu bvü zighe: “Kemetha Ghamu na Isa atusenjüh-kechüwa wina nthu bamyithu wi mehaitsü kizachidha le! 26#Isa 6.9-10 Ma hati khi:
‘Wala anyi hathu wi kizalo:
Nthu na kina nu kinaben lela chüshiya nben;
nthu na ghang nu ghangben lela mushiya nben,
27kepaghenanye anyi hathu leben na kejüphon sa,
mathu khuna decu, nu mathu nyon nmuladha.
nyelethu, mathu nyon pi mu, mathu khuna pi za,
nu mathu leben pi chüshiya,
isanu hi wi kheneng ghothu
hi mathu sa pi mehai cüa kesa,
Anyiza na khiben.’ ”
28Tsaseng wi Paul na khi, “Nthu na ha chü meyathu yishü, Anyiza na hangshakeya ketsijüh ha kesun pi Judah nyi nkenyethu wi chicüdha. Mathu na tsü yayaben.” 29Paul na ha kekhi seng wi Judah nyithu na mathu jawi kicennali ntsa sa nu bvüa.
30Paul na amapi keni ciwi ma ketanla ma ghena ajjen denga nu hang, nu nyu na ma hhainan keghothu tsüdila anonkeghe sala ssiya. 31Ma nkuthila kempvüza sa nu Anyiza Kadiyyi cüki pi khi nu Apvüwa Jisu Khrista cüki pi nyu sansi.
လက္ရွိေရြးခ်ယ္ထားမွု
KEKULI 28: RENGNBSI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
KEKULI 28
28
Malta wi Keben
1Ikhang na aghüsa cukeya wi ayyi-mangkehi tsüna Malta le kesa chüya. 2Anyi ciwi kahangthu na ikhang ghena sashü na mehai. atsangho pi mejen kesalina mathu na anni sa pi anonkeghe sala ikhang ssiya. 3Paul na achan bhen pie gho annibhon wi khalachi nu jeng keshagha wi amaghang kesü na shhugho ma kwen kejiya. 4Anyithu na amaghang na Paul kwen kejisen keben kemu wi khokho wi khi, “Anyi ha nyu kepathi nyi sabenla metsiben. Ma atssükedone wina shhugho yadha, isala ma kekuli tsü ghena ma hangya thsü nben.” 5Isala Paul na mangla nsala amaghang tsü kethengsha pi annibhon wi khala chia. 6Mathu Paul na wan ma gwo pvü shagha nu khulidu shüaben le sa. Isala matsü kesie hie lela mangla nkesa ghena mathu kemeshen kemili nu khi, “Ma acenpvü kesü le!”
7Ayyi-mangkehi tsüwa wi kekhangwa Publia lli pahan na lensie khang nkesa wi ben. Ma nonkeghe sa ikhang ssiya nu ikhang na ghanan kecheng ma kejen sa. 8Publia ba na muwhe nu ajjü ku nu awe wi ben. Paul na ma kejenpen wi du ma kwen chang pi ma miwi chi nu kekhie sachi nu sa pi mehai cüa. 9Tsüti sa keya wi ayyi-mangkehi ciwi kesakinaathu tsüdi gho nu mathu sa pi mehai cüa. 10Mathu aju kejon pi ikhang cü, nu ikhang na wa keten wi alenca wi nsenthu keyishü pi ikhang cü.
Malta wina Rom wi kewa
11Asha kecheng seng wi ikhang na ahunjjen Alexandria wina kegho pathsü ayyi-mangkehi tsüwa wi ben wa kesa ma nyan “Acenpvü gweghe tsa” tsü wina wa. 12Ikhang wala Surakuse cuya nu ciwi ghanan kecheng ben. 13Ikhang ciwi na kevüli sen wa Rhegium nyunuti cuya. Dhitsüwa acülawa na ameghü sho ntsa sa nu ikhang keni ghanan wi ccüna wa Puteoli cuya. 14Ciwi ikhang na kenondithu pahan muya, nu mathu na ikhang mathu gweghe ghanan tagü ben lalo khie. Tsaseng wi ikhang na wa Rom cuya. 15Rom wi kenondithu na ikhang cüki zaya nu ghala Appia Senkesapen nyuti nu Kijünyikewa Jjen Kecheng le ci keten wi ikhang metu. Paul na mathu mu keya wi Anyiza seng, nu satezü ntsa sachi.
Rom wi Keben
16Ikhang na gho Rom cukeya wi Paul yala ma ketan ben nu süpahi pi ma ghihie thsü.
17Ghanan kecheng seng wi Paul na Judah nyi ccülikesathu ci pi keccünengli. Mathu na gho saghukeya wi ma mathu wi khi, “Hi Israel nyithu, hi mangla anyithu nyelela ithu bamyithu Yenwa tsü keshun kekuli nsa lela hi ghan pi Jerusalem wi atssüzü sa thsü nu pi Rom nyithu kwen wi chile. 18Mathu na hi ghan-nan nu hi teshichi mvu sa, kepaghenanye hi keshü qo kekuli mangla sazzi ketheng mu meya. 19#Kek 25.11 Isala Judah nyithu na ha shun kesa wi hi inyithu keshun jüh mangla nmi lela Rom Kadimiwa tuwi wa tenle khieya. 20Tsalina hi ha jjügi ghena nthu metu chi nu ajüh pi kizale kesa khie, kepaghenanye hi Israel nyithu na nondi ketenwa tsü ghena hi amighe ssüli pvü le!”
21Mathu na ma kiza, “Ikhang na Judea wi ncüki lesükezhü kesüla mu meya, nu kenondithu la gho ikhang nkiza nyelela ncüki nkemehai kekhi la za meya. 22Isala ikhang na no wi kinaya mvu benle, kepaghenanye kahe wi anyi tsüdila nthu keccüna zi wa ha keshun jüh khiden kesa ikhang na chüben.”
23Tsalina mathu na Paul gweghe atsathang kesü ssan pi theng, nu tsü ghanan wi anyi ji ntsawa na Paul keben pen wi gho. Ma ma khi ketenwa Anyiza Kadiyyi cüki tsü aghanen na wa shitawa kecu khi pi mathu kiza. Ma Jisu cüki khi pi mathu zanyale kesalina Mosa Yenwa nu atusenjüh-kechüthu na zhüketheng wi la khi. 24Ma jüh ghena mathu pahan zanya, isala pahan na n-nondi. 25Tsalina mathu na Paul ajüh ha kekhi seng wi mathu ajüh kepapa sa nu bvü zighe: “Kemetha Ghamu na Isa atusenjüh-kechüwa wina nthu bamyithu wi mehaitsü kizachidha le! 26#Isa 6.9-10 Ma hati khi:
‘Wala anyi hathu wi kizalo:
Nthu na kina nu kinaben lela chüshiya nben;
nthu na ghang nu ghangben lela mushiya nben,
27kepaghenanye anyi hathu leben na kejüphon sa,
mathu khuna decu, nu mathu nyon nmuladha.
nyelethu, mathu nyon pi mu, mathu khuna pi za,
nu mathu leben pi chüshiya,
isanu hi wi kheneng ghothu
hi mathu sa pi mehai cüa kesa,
Anyiza na khiben.’ ”
28Tsaseng wi Paul na khi, “Nthu na ha chü meyathu yishü, Anyiza na hangshakeya ketsijüh ha kesun pi Judah nyi nkenyethu wi chicüdha. Mathu na tsü yayaben.” 29Paul na ha kekhi seng wi Judah nyithu na mathu jawi kicennali ntsa sa nu bvüa.
30Paul na amapi keni ciwi ma ketanla ma ghena ajjen denga nu hang, nu nyu na ma hhainan keghothu tsüdila anonkeghe sala ssiya. 31Ma nkuthila kempvüza sa nu Anyiza Kadiyyi cüki pi khi nu Apvüwa Jisu Khrista cüki pi nyu sansi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.