Lukas 5
5
Yexus Hu Thawj Cov Thwjtim
(Mathais 4:18-22; Malakaus 1:16-20)
1Muaj ib nub thaus Yexus sawv nraag ntug Havtxwv Nkenexales,#5:1: Havtxwv Nkenexales los kuj yog Havtxwv Kalilais hab. muaj tuabneeg coob-coob sis txiv qev tuaj cuag Nwg hab noog Vaajtswv Txujlug. #Math 13:1-2; Malak 3:9-10; 4:1 2Nwg pum ob lub nkoj nreg ntawm ntug dlej, cov tuabneeg nrhav ntseg tub tawm huv nkoj hab moog ntxhua puab tej vaag lawm. 3Yexus nce moog rua huv ib lub nkoj, lub ntawd yog Ximoos lub. Yexus txhaj has kuas Ximoos ib nyuas thawb lub nkoj kuas nrug dleb ntawm ntug dlej mivntsiv, tes Nwg txawm nyob quastsawg huv lub nkoj qha cov tuabneeg kws tuaj ntawd.
4Thaus Nwg qha taag lawm, Nwg has rua Ximoos has tas, “Nkuam lub nkoj moog kuas dleb zog rua tom qhov kws tub-tub, hab muab mej cov vaag tso rua huv dlej kuas maag ntseg.”
5Ximoos teb tas, “Tug Tswv, peb siv zug ntaus ib mos nkaus yeej tsi tau dlaabtsi le, tabsis yog Koj ho has le ntawd los ca kuv maam tso cov vaag moog lawvle Koj has.” #Yauh 21:3 6Puab txawm tso cov vaag moog rua huv dlej hab maag ntseg ntau kawg le, ua rua puab cov vaag tshuav ndluag lawm xwb. #Yauh 21:6 7Puab txhaj cu teg kuas puab cov phoojywg kws caij lwm lub nkoj lug paab puab. Cov phoojywg txhaj lug hab puab muab tau ntseg puvnkaus ob lub nkoj, ua rua ob lub nkoj yuavlaug tog. 8Thaus Ximoos Petus pum le ntawd, nwg txhuscaug ndlua ntawm Yexus xubndlag hab has tas, “Tug Tswv, thov Koj txaav dleb ntawm kuv moog, ruaqhov kuv yog tuabneeg txhum!”
9Ximoos hab cov tuabneeg kws nrug nwg nyob ntawd xaav tsi thoob has tas uacaag puab yuav tau ntseg ntau ualuaj. 10Ob tug kws nrug Ximoos ntaus ntseg uake yog Yakaunpaus hab Yauhaas, kws yog Xenpedais ob tug tub, los kuj xaav tsi thoob ib yaam nkaus hab. Yexus has rua Ximoos has tas, “Koj tsi xob ntshai; txij nuav moog koj yuav ua tug kws nrhav tuabneeg.”
11Thaus puab suavdlawg nqug ob lub nkoj lug rua tim ntug lawm, tes puab txawm tso txhua yaam tseg hab nrug Yexus moog.
Yexus Khu Tug Txivneej Mob Ruas
(Mathais 8:1-4; Malakaus 1:40-45)
12Muaj ib zag Yexus nyob huv ib lub nroog. Huv lub nroog ntawd muaj ib tug txivneej kws mob ruas#5:12: mob ruas: lug Kilis siv lulug nuav rua ntau yaam kaab mob kws yog mob phem-phem rua ntawm dlaim tawv nqaj, kuj yuav tsi yog kag mob ruas hab. thoobplawg ibce. Thaus nwg pum Yexus, nwg txawm txhuscaug ndlua rua huv aav thov Yexus has tas, “Tug Tswv, yog Koj txaussab tag, Koj yeej muaj cuabkaav khu tau kuas kuv zoo!”#5:12: kuas kuv zoo: Yaam mob nuav puab suav has tas yog ib yaam kws ua rua tuabneeg tsi huv lawvle puab tej kevcai.
13Yexus txhaj cev teg moog tuav nkaus tug txivneej ntawd hab has tas, “Kuv txaussab paab koj, koj cale zoo hlo!” Taamsim ntawd nwg tej ruas txawm zoo taag huv tuabsi lawm. 14Yexus has tas, “Koj tsi xob moog qha zaaj nuav rua leejtwg le, tabsis koj cale ncaajnraim moog cuag tug povthawj hlub hab kuas nwg tshuaj saib koj lub cev; hab koj nqaa khoom moog fij rua Vaajtswv lawvle Mauxes tau qha tseg, txhaj ua tau timkhawv rua suavdlawg paub tas koj tub zoo lawm.” #Levi 14:1-32
15Tabsis Yexus lub moo hajyam nrov-nchaa moog thoobplawg txhua qhov, hab muaj tuabneeg coob-coob tuaj noog Yexus qha hab thov Yexus khu puab tej mob. 16Tabsis Yexus pheej moog rua tej qhov chaw kws ntsagtu hab thov Vaajtswv qhov ntawd.
Yexus Khu Tug Txivneej Kws Tuagteg Tuagtaw
(Mathais 9:1-8; Malakaus 2:1-12)
17Muaj ib nub thaus Yexus taabtom qha, muaj cov Falixais hab cov xwbfwb kws qha Kevcai qeeleej tuaj nyob ntawd noog hab. Puab tuaj huv txhua lub zog kws nyob huv lub xeev Kalilais, xeev Yudas, hab lub nroog Yeluxalees tuaj. Tug Tswv lub fwjchim yeej nyob nrugnraim Yexus kuas Nwg khu tau tej tuabneeg kws muaj mob kuas zoo.
18Muaj ib cov txivneej txawm muab ib dlaim lev kwv ib tug txivneej tuagteg tuagtaw tuaj, puab yuav kwv moog rua huv lub tsev hab muab tso rua ntawm Yexus xubndlag. 19Tabsis vim muaj tuabneeg coob heev, puab tsi tau kev kwv moog rua huv, yogle ntawd, puab txhaj kwv nwg nce moog rua sau ruvtsev, txheej tsev laagtshaav, puab yaws cov vuag ib qho hab muab nwg tso dlauv nrug dlaim lev lug rua huv plawv ntawm cov tuabneeg suavdlawg, kws ncaaj nkaus ntawm Yexus xubndlag. 20Thaus Yexus pum tas puab muaj kev ntseeg heev, Nwg txawm has rua tug txivneej ntawd has tas, “Tug phoojywg 'e, koj lub txim tub raug zaam lawm.”
21Cov xwbfwb kws qha Kevcai hab cov Falixais txawm xaav huv lub sab has tas, “Tug tuabneeg nuav yog leejtwg, es Nwg haslug saib tsi taug Vaajtswv le! Tsi muaj leejtwg yuav zaam tau tuabneeg lub txim, tsuas yog Vaajtswv tuableeg xwb txhaj zaam tau!”
22Yexus tub paub tej kws puab xaav ntawd lawm, Nwg txhaj has rua puab tas, “Uacaag mej lub sab yuav xaav le ntawd? 23Lulug kws has tas, ‘Koj lub txim tub raug zaam lawm’ lossis lu kws has tas, ‘Cale sawvtseeg hab moog kev!’ 24Ob lulug nuav lu twg yuav yoojyim has dlua? Kuv yuav ua le nuav qha rua mej paub tas Tuabneeg Leejtub muaj fwjchim nyob huv nplajteb zaam tau tuabneeg lub txim.” Yexus txhaj has rua tug txivneej tuagteg tuagtaw tas, “Kuv has rua koj has tas, koj cale sawvtseeg, nqaa koj dlaim lev hab moog tsev!”
25Taamsim ntawd nwg txawm sawvtseeg taabmeeg suavdlawg, nqaa hlo nwg dlaim lev moog tsev hab ua Vaajtswv tsaug. 26Cov tuabneeg coob-coob ntawd cale xaav tsi thoob le, puab ntshai, hab puab qhuas Vaajtswv has tas, “Nubnua peb tau pum tej yaam kws tsi tau pum dlua le!”
Yexus Hu Levis
(Mathais 9:9-13; Malakaus 2:13-17)
27Tomqaab ntawd, Yexus txawm tawm moog hab Nwg pum ib tug txivneej sau se hu ua Levis nyob quastsawg ntawm lub rooj sau se. Yexus has rua nwg tas, “Koj cale nrug Kuv moog.” 28Levis txawm sawvtseeg, tso txhua yaam tseg hab nrug Nwg moog.
29Levis npaaj tau ib rooj mov kws luj kawg le nyob huv nwg tsev rua Yexus noj. Muaj coob leej kws yog cov tuabneeg sau se hab lwmtug kuj nrug puab koom tsum noj mov uake hab. 30Cov Falixais hab cov xwbfwb kws qha Kevcai kws yog cov Falixais paab, ywg rua Yexus cov thwjtim has tas, “Uacaag mej nrug cov tuabneeg sau se hab cov tuabneeg muaj txim noj mov uake?” #Lukas 15:1-2
31Yexus teb puab has tas, “Cov tuabneeg tsi muaj mob yeej tsi cheemtsum kws-khumob, tsuas yog cov muaj mob xwb txhaj cheemtsum xwb. 32Kuv tsi yog lug hu cov tuabneeg ncaajnceeg, tabsis yog lug hu cov tuabneeg muaj txim kuas puab tso puab tej kev txhum tseg.”
Nug Txug Kevcai Yoo Mov
(Mathais 9:14-17; Malakaus 2:18-22)
33Muaj qeeleej has rua Yexus tas, “Yauhaas cov thwjtim pheej nquag ua kevcai yoo mov hab thov Vaajtswv, cov Falixais cov thwjtim los ua ib yaam nkaus le ntawd hab, tabsis uacaag Koj cov thwjtim ho tseem noj hab haus?”
34Yexus teb puab has tas, “Mej xaav tas thaus tug nraugvauv tseem nrug nwg cov phoojywg noj tshoob uake, puab yuav yoo mov nua lov? Puab yeej yuav tsi yoo le! 35Tabsis yuav muaj ib lub sijhawm kws luas tuaj coj tug nraugvauv tawm ntawm puab moog, thaus ntawd puab maam yoo mov.”
36Yexus has ib zaaj lug pevtxwv rua puab tas, “Tsi muaj leejtwg yuav muab lub tsho tshab dlua ib dlaig coj moog ntxiv rua lub tsho qub. Yog nwg ua le ntawd, kuj yog nwg dlua kuas lub tsho tshab ndluag xwb, hab dlaim ntaub tshab ntawd yeej tsi phim lub tsho qub le. 37Lossis tsi muaj leejtwg yuav muab cov cawv txivmaab tshab ntim rua huv lub naabtawv qub, ruaqhov cov cawv txivmaab tshab yuav ua rua lub naabtawv qub tawg, cov cawv txivmaab yuav xaw taag, hab lub naabtawv qub yuav ndluag taag. 38Cov cawv txivmaab tshab yuavtsum muab ntim rua huv lub naabtawv tshab. 39Yog leejtwg tau haus cov cawv txivmaab qub lawm, nwg yeej tsi xaav haus cov tshab, ruaqhov nwg has tas, ‘cov qub qaab dlua.’ ”
လက္ရွိေရြးခ်ယ္ထားမွု
Lukas 5: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Lukas 5
5
Yexus Hu Thawj Cov Thwjtim
(Mathais 4:18-22; Malakaus 1:16-20)
1Muaj ib nub thaus Yexus sawv nraag ntug Havtxwv Nkenexales,#5:1: Havtxwv Nkenexales los kuj yog Havtxwv Kalilais hab. muaj tuabneeg coob-coob sis txiv qev tuaj cuag Nwg hab noog Vaajtswv Txujlug. #Math 13:1-2; Malak 3:9-10; 4:1 2Nwg pum ob lub nkoj nreg ntawm ntug dlej, cov tuabneeg nrhav ntseg tub tawm huv nkoj hab moog ntxhua puab tej vaag lawm. 3Yexus nce moog rua huv ib lub nkoj, lub ntawd yog Ximoos lub. Yexus txhaj has kuas Ximoos ib nyuas thawb lub nkoj kuas nrug dleb ntawm ntug dlej mivntsiv, tes Nwg txawm nyob quastsawg huv lub nkoj qha cov tuabneeg kws tuaj ntawd.
4Thaus Nwg qha taag lawm, Nwg has rua Ximoos has tas, “Nkuam lub nkoj moog kuas dleb zog rua tom qhov kws tub-tub, hab muab mej cov vaag tso rua huv dlej kuas maag ntseg.”
5Ximoos teb tas, “Tug Tswv, peb siv zug ntaus ib mos nkaus yeej tsi tau dlaabtsi le, tabsis yog Koj ho has le ntawd los ca kuv maam tso cov vaag moog lawvle Koj has.” #Yauh 21:3 6Puab txawm tso cov vaag moog rua huv dlej hab maag ntseg ntau kawg le, ua rua puab cov vaag tshuav ndluag lawm xwb. #Yauh 21:6 7Puab txhaj cu teg kuas puab cov phoojywg kws caij lwm lub nkoj lug paab puab. Cov phoojywg txhaj lug hab puab muab tau ntseg puvnkaus ob lub nkoj, ua rua ob lub nkoj yuavlaug tog. 8Thaus Ximoos Petus pum le ntawd, nwg txhuscaug ndlua ntawm Yexus xubndlag hab has tas, “Tug Tswv, thov Koj txaav dleb ntawm kuv moog, ruaqhov kuv yog tuabneeg txhum!”
9Ximoos hab cov tuabneeg kws nrug nwg nyob ntawd xaav tsi thoob has tas uacaag puab yuav tau ntseg ntau ualuaj. 10Ob tug kws nrug Ximoos ntaus ntseg uake yog Yakaunpaus hab Yauhaas, kws yog Xenpedais ob tug tub, los kuj xaav tsi thoob ib yaam nkaus hab. Yexus has rua Ximoos has tas, “Koj tsi xob ntshai; txij nuav moog koj yuav ua tug kws nrhav tuabneeg.”
11Thaus puab suavdlawg nqug ob lub nkoj lug rua tim ntug lawm, tes puab txawm tso txhua yaam tseg hab nrug Yexus moog.
Yexus Khu Tug Txivneej Mob Ruas
(Mathais 8:1-4; Malakaus 1:40-45)
12Muaj ib zag Yexus nyob huv ib lub nroog. Huv lub nroog ntawd muaj ib tug txivneej kws mob ruas#5:12: mob ruas: lug Kilis siv lulug nuav rua ntau yaam kaab mob kws yog mob phem-phem rua ntawm dlaim tawv nqaj, kuj yuav tsi yog kag mob ruas hab. thoobplawg ibce. Thaus nwg pum Yexus, nwg txawm txhuscaug ndlua rua huv aav thov Yexus has tas, “Tug Tswv, yog Koj txaussab tag, Koj yeej muaj cuabkaav khu tau kuas kuv zoo!”#5:12: kuas kuv zoo: Yaam mob nuav puab suav has tas yog ib yaam kws ua rua tuabneeg tsi huv lawvle puab tej kevcai.
13Yexus txhaj cev teg moog tuav nkaus tug txivneej ntawd hab has tas, “Kuv txaussab paab koj, koj cale zoo hlo!” Taamsim ntawd nwg tej ruas txawm zoo taag huv tuabsi lawm. 14Yexus has tas, “Koj tsi xob moog qha zaaj nuav rua leejtwg le, tabsis koj cale ncaajnraim moog cuag tug povthawj hlub hab kuas nwg tshuaj saib koj lub cev; hab koj nqaa khoom moog fij rua Vaajtswv lawvle Mauxes tau qha tseg, txhaj ua tau timkhawv rua suavdlawg paub tas koj tub zoo lawm.” #Levi 14:1-32
15Tabsis Yexus lub moo hajyam nrov-nchaa moog thoobplawg txhua qhov, hab muaj tuabneeg coob-coob tuaj noog Yexus qha hab thov Yexus khu puab tej mob. 16Tabsis Yexus pheej moog rua tej qhov chaw kws ntsagtu hab thov Vaajtswv qhov ntawd.
Yexus Khu Tug Txivneej Kws Tuagteg Tuagtaw
(Mathais 9:1-8; Malakaus 2:1-12)
17Muaj ib nub thaus Yexus taabtom qha, muaj cov Falixais hab cov xwbfwb kws qha Kevcai qeeleej tuaj nyob ntawd noog hab. Puab tuaj huv txhua lub zog kws nyob huv lub xeev Kalilais, xeev Yudas, hab lub nroog Yeluxalees tuaj. Tug Tswv lub fwjchim yeej nyob nrugnraim Yexus kuas Nwg khu tau tej tuabneeg kws muaj mob kuas zoo.
18Muaj ib cov txivneej txawm muab ib dlaim lev kwv ib tug txivneej tuagteg tuagtaw tuaj, puab yuav kwv moog rua huv lub tsev hab muab tso rua ntawm Yexus xubndlag. 19Tabsis vim muaj tuabneeg coob heev, puab tsi tau kev kwv moog rua huv, yogle ntawd, puab txhaj kwv nwg nce moog rua sau ruvtsev, txheej tsev laagtshaav, puab yaws cov vuag ib qho hab muab nwg tso dlauv nrug dlaim lev lug rua huv plawv ntawm cov tuabneeg suavdlawg, kws ncaaj nkaus ntawm Yexus xubndlag. 20Thaus Yexus pum tas puab muaj kev ntseeg heev, Nwg txawm has rua tug txivneej ntawd has tas, “Tug phoojywg 'e, koj lub txim tub raug zaam lawm.”
21Cov xwbfwb kws qha Kevcai hab cov Falixais txawm xaav huv lub sab has tas, “Tug tuabneeg nuav yog leejtwg, es Nwg haslug saib tsi taug Vaajtswv le! Tsi muaj leejtwg yuav zaam tau tuabneeg lub txim, tsuas yog Vaajtswv tuableeg xwb txhaj zaam tau!”
22Yexus tub paub tej kws puab xaav ntawd lawm, Nwg txhaj has rua puab tas, “Uacaag mej lub sab yuav xaav le ntawd? 23Lulug kws has tas, ‘Koj lub txim tub raug zaam lawm’ lossis lu kws has tas, ‘Cale sawvtseeg hab moog kev!’ 24Ob lulug nuav lu twg yuav yoojyim has dlua? Kuv yuav ua le nuav qha rua mej paub tas Tuabneeg Leejtub muaj fwjchim nyob huv nplajteb zaam tau tuabneeg lub txim.” Yexus txhaj has rua tug txivneej tuagteg tuagtaw tas, “Kuv has rua koj has tas, koj cale sawvtseeg, nqaa koj dlaim lev hab moog tsev!”
25Taamsim ntawd nwg txawm sawvtseeg taabmeeg suavdlawg, nqaa hlo nwg dlaim lev moog tsev hab ua Vaajtswv tsaug. 26Cov tuabneeg coob-coob ntawd cale xaav tsi thoob le, puab ntshai, hab puab qhuas Vaajtswv has tas, “Nubnua peb tau pum tej yaam kws tsi tau pum dlua le!”
Yexus Hu Levis
(Mathais 9:9-13; Malakaus 2:13-17)
27Tomqaab ntawd, Yexus txawm tawm moog hab Nwg pum ib tug txivneej sau se hu ua Levis nyob quastsawg ntawm lub rooj sau se. Yexus has rua nwg tas, “Koj cale nrug Kuv moog.” 28Levis txawm sawvtseeg, tso txhua yaam tseg hab nrug Nwg moog.
29Levis npaaj tau ib rooj mov kws luj kawg le nyob huv nwg tsev rua Yexus noj. Muaj coob leej kws yog cov tuabneeg sau se hab lwmtug kuj nrug puab koom tsum noj mov uake hab. 30Cov Falixais hab cov xwbfwb kws qha Kevcai kws yog cov Falixais paab, ywg rua Yexus cov thwjtim has tas, “Uacaag mej nrug cov tuabneeg sau se hab cov tuabneeg muaj txim noj mov uake?” #Lukas 15:1-2
31Yexus teb puab has tas, “Cov tuabneeg tsi muaj mob yeej tsi cheemtsum kws-khumob, tsuas yog cov muaj mob xwb txhaj cheemtsum xwb. 32Kuv tsi yog lug hu cov tuabneeg ncaajnceeg, tabsis yog lug hu cov tuabneeg muaj txim kuas puab tso puab tej kev txhum tseg.”
Nug Txug Kevcai Yoo Mov
(Mathais 9:14-17; Malakaus 2:18-22)
33Muaj qeeleej has rua Yexus tas, “Yauhaas cov thwjtim pheej nquag ua kevcai yoo mov hab thov Vaajtswv, cov Falixais cov thwjtim los ua ib yaam nkaus le ntawd hab, tabsis uacaag Koj cov thwjtim ho tseem noj hab haus?”
34Yexus teb puab has tas, “Mej xaav tas thaus tug nraugvauv tseem nrug nwg cov phoojywg noj tshoob uake, puab yuav yoo mov nua lov? Puab yeej yuav tsi yoo le! 35Tabsis yuav muaj ib lub sijhawm kws luas tuaj coj tug nraugvauv tawm ntawm puab moog, thaus ntawd puab maam yoo mov.”
36Yexus has ib zaaj lug pevtxwv rua puab tas, “Tsi muaj leejtwg yuav muab lub tsho tshab dlua ib dlaig coj moog ntxiv rua lub tsho qub. Yog nwg ua le ntawd, kuj yog nwg dlua kuas lub tsho tshab ndluag xwb, hab dlaim ntaub tshab ntawd yeej tsi phim lub tsho qub le. 37Lossis tsi muaj leejtwg yuav muab cov cawv txivmaab tshab ntim rua huv lub naabtawv qub, ruaqhov cov cawv txivmaab tshab yuav ua rua lub naabtawv qub tawg, cov cawv txivmaab yuav xaw taag, hab lub naabtawv qub yuav ndluag taag. 38Cov cawv txivmaab tshab yuavtsum muab ntim rua huv lub naabtawv tshab. 39Yog leejtwg tau haus cov cawv txivmaab qub lawm, nwg yeej tsi xaav haus cov tshab, ruaqhov nwg has tas, ‘cov qub qaab dlua.’ ”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.