Lukas 1
1
Lug Tawqha
1Fwm txug The-aufilaus:
Tub muaj ntau leej sau txug tej kws tshwmsim nyob rua huv peb, 2lawvle kws puab tau pum tej ntawd thaus nyavnyuas chiv lub keeb lug, hab puab yog cov kws qha tej lug ntawd rua peb paub. 3Kuv tub ua tuabzoo sojntsuam txhua yaam ntawd pib tom hauvpaug lug lawm. Yogle ntawd, The-aufilaus, tug kws kuv fwm, ca kuv ua tuabzoo sau tej nuav kuas txhij-txhua tuaj rua koj, 4sub koj txhaj yuav paub tseeb txug txhua zaaj kws koj tau kawm lug lawm.
Qha Txug Kev Yug Yauhaas Tug Kws Muab Tuabneeg Ua Kevcai Rausdlej
5Lub sijhawm kws Helauj ua vaajntxwv kaav lub xeev Yudas,#1:5: Yudas: Lulug nuav siv has taagnrho rua lub tebchaws Palexatees. muaj ib tug povthawj hlub hu ua Xekhaliyas, nwg yog Anpiyas paab povthawj hlub. Nwg tug quaspuj hu ua Elixanpev, kws yog Aloos caajceg. #1Xwm 24:10 6Obtug puavleej ua lub neej ncaajnceeg taabmeeg Vaajtswv, noog Vaajtswv lug hab ua lawvle tug Tswv txuj kevcai txhua nqai, kws yeej tsi muaj leejtwg yuav thuam tau. 7Obtug tsi muaj mivnyuas, ruaqhov Elixanpev yeej ibtxwm xeeb tsi taug mivnyuas, hab obtug los kuj laug-laug lawm.
8Muaj ib nub Xekhaliyas taabtom ua nwg tegnum le ib tug povthawj hlub nyob rua huv lub Tuamtsev vim nub ntawd yog raug rua nwg nub. 9Lawvle cov povthawj hlub txuj kevcai, puab rhu ntawv tau Xekhaliyas ua tug moog hlawv moov tshuaj tswqaab rua sau lub thaaj. Yogle ntawd, nwg txhaj moog rua huv Vaajtswv lub Tuamtsev. 10Thaus txug lub sijhawm hlawv moov tshuaj tswqaab, tes cov tuabneeg kws nyob saabnrau suavdlawg kuj uake thov Vaajtswv. 11Thaus ntawd tug Tswv ib tug timtswv txawm lug tshwm rua Xekhaliyas, nwg lug sawv ntawm lub thaaj kws hlawv moov tshuaj tswqaab saab xis.
12Thaus Xekhaliyas pum dlheev tug timtswv ntawd, nwg poobsab hab ntshai kawg le. 13Tabsis tug timtswv has rua nwg has tas, “Xekhaliyas, koj tsi xob ntshai! Vaajtswv tub nov koj tej lug thov lawm. Koj tug quaspuj kws yog Elixanpev yuav yug ib tug mivtub rua koj. Koj yuav tau tis nwg lub npe hu ua Yauhaas. 14Koj yuav zoosab kawg le hab yuav muaj ntau leej nrug koj zoosab thaus yug tau nwg lug lawm! 15Nwg yuav yog ib tug tuabneeg kws tseemceeb heev rua ntawm Vaajtswv. Nwg yuavtsum tsi xob haus cawv txivmaab lossis cawv hlo le. Nwg yuav puvnpo Vaaj Ntsujplig tug Dlawbhuv txij thaus nruabthab lug, #Teev 6:3 16hab nwg yuav coj cov tuabneeg Yixalayees coob leej rov lug cuag tug Tswv kws yog puab tug Vaajtswv. 17Nwg yuav ua tug Tswv ntej, khovkho hab muaj fwjchim ib yaam le Eliyas, kws yog tug xwbfwb cev Vaajtswv lug. Nwg yuav tig cov ua txiv lub sab rov lug npuab cov mivnyuas, hab coj cov tuabneeg tawv ncauj rov lug ua lub neej ncaajnceeg; hab npaaj kuas tau ib cov tuabneeg tog tug Tswv.” #Mlakis 4:5-6
18Xekhaliyas nug tug timtswv ntawd has tas, “Kuv yuav ua lecaag paub tas yuav muaj le tej kws koj has ko? Kuv tub laug heev lawm hab kuv tug quaspuj los kuj laug lawm.”
19Tug timtswv teb tas, “Kuv yog Khali-ees, kuv sawv ntawm Vaajtswv xubndlag, Vaajtswv khaiv kuv lug qha txuj xuv zoo nuav rua koj. #Dani 8:16; 9:21 20Thaus txug lub sijhawm lawm yeej yuav muaj lawvle tej kws kuv has nuav, tabsis vim koj tsi ntseeg kuv tej lug, koj yuav has tsi tau lug moog txug nub kws muaj tseeb lawvle tej kws kuv tau has rua koj lawm.”
21Lub sijhawm ntawd cov tuabneeg tseem nyob saabnrau tog Xekhaliyas, hab puab pheej xaav tsi thoob has tas uacaag Xekhaliyas yuav nyob huv lub Tuamtsev ntev ualuaj le. 22Thaus nwg tawm lug, nwg txawm has tsi tau lug rua puab lawm. Puab paub tas yeej yog nwg pum ib yaam dlaabtsi tshwmsim nyob rua huv lub Tuamtsev lawm xwb, ruaqhov nwg has tsi tau lug tabsis nwg pheej pav teg rua puab xwb.
23Thaus Xekhaliyas ua num huv lub Tuamtsev taag lawm, nwg txhaj rovqaab moog tsev. 24Tomqaab ntawd tsi ntev, Elixanpev kws yog nwg tug quaspuj txawm xeeb mivnyuas, Elixanpev txhaj nyob huv tsev tau tsib lub hlis, tsi tawm moog qhovtwg le. 25Elixanpev has tas, “Nwgnuav tug Tswv paab kuv, Nwg ua rua kuv tsi poob ntsejmuag rua leejtwg le lawm!”
Qha Txug Kev Yug Yexus
26Thaus Elixanpev xeeb mivnyuas tau rau lub hlis lawm, Vaajtswv khaiv Nwg tug timtswv ceebtsheej Khali-ees lug rua huv lub nroog Naxalev kws nyob huv lub xeev Kalilais. 27Tug timtswv ntawd lug cuag ib tug nkaujxwb hu ua Malis, kws Yauxej tub qhab ca lawm. Yauxej yog vaajntxwv Daviv le caajceg. #Math 1:18 28Tug timtswv lug has rua Malis tas, “Thov kuas koj tau nyob kaajsab lug! Tug TSWV nrugnraim koj hab foom koobmoov ntau kawg rua koj lawm.”
29Thaus Malis nov tug timtswv has le ntawd, nwg nyuajsab heev, nwg xaav tas sov qhov kws tug timtswv has ntawd, yog has txug dlaabtsi. 30Tug timtswv has rua Malis tas, “Malis, koj tsi xob ntshai, koj yog tug kws Vaajtswv tau xaiv lawm. 31Koj yuav xeeb mivnyuas hab yuav yug tau ib tug Mivtub, hab koj yuav tau muab Nwg tis npe hu ua Yexus. #Math 1:21 32Nwg yuav ua tug luj hab suavdlawg yuav hu has tas Nwg yog Vaajtswv tug kws muaj Fwjchim Tshaajplawg tug Tub. Tug Tswv kws yog Vaajtswv yuav tsaa Nwg ua vaajntxwv, ib yaam le Nwg yawmkoob Daviv, #2Xamu 7:12, 13, 16; Yaxaya 9:7 33Nwg yuav ua vaajntxwv kaav Yakhauj le caajceg moog ibtxhis; hab Nwg lub tebchaws yuav nyob moog tsi paub kawg le!”
34Malis has rua tug timtswv tas, “Kuv tseem yog ib tug nkaujxwb, yuav ua lecaag muaj tau le ntawd?”
35Tug timtswv teb tas, “Vaaj Ntsujplig tug Dlawbhuv yuav lug rua sau koj, hab Vaajtswv tug kws muaj Fwjchim Luj Kawg Nkaus lub fwjchim yuav roog koj. Vimle nuav txhaj yuav hu tug Mivtub dlawbhuv kws yuav yug lug ntawd has tas Vaajtswv tug Tub. 36Koj saib koj tug pujnyaaj Elixanpev kws suavdlawg has tas nwg xeeb tsi taug mivnyuas seb, txawm yog nwg laug-laug lawm los nwgnuav nwg tub xeeb mivnyuas tau rau lub hlis lawm. 37Ruaqhov yeej tsi muaj ib yaam dlaabtsi kws Vaajtswv yuav ua tsi tau le.” #Chiv 18:14
38Malis has tas, “Kuv yog Vaajtswv tug ntxhais qhev, thov kuas muaj lawvle tej kws koj has ko rua kuv.” Tes tug timtswv txawm ncaim Malis moog lawm.
Malis Moog Saib Elixanpev
39Tsi ntev tomqaab ntawd, Malis txawm npaaj txhij hab maajnroog moog rua ntawm ib lub nroog kws nyob sau laaj roob huv lub xeev Yudas. 40Nwg tau moog rua huv Xekhaliyas tsev hab has nojqaab nyobzoo rua Elixanpev. 41Thaus Elixanpev nov dlheev Malis lub suab, tes nwg tug mivnyuas huv plaab txawm nti cuag dlaabtsi. Hab Elixanpev puvnpo Vaaj Ntsujplig tug Dlawbhuv, 42nwg txawm has nrov-nrov rua Malis tas, “Koj yog tug kws tau koobmoov ntau tshaajplawg txhua tug quaspuj huv tuabsi, hab koj tug mivnyuas huv plaab los tau koobmoov hab! 43Uacaag kuv yuav muaj moo ualuaj, kws kuv tug Tswv leejnam tseem tuaj saib kuv hab? 44Thaus kuv nov dlheev tej lug kws koj has rua kuv, kuv tug mivnyuas huv plaab zoosab hab nti cuag dlaabtsi. 45Koj yuav zoosab heev, ruaqhov koj tub ntseeg tas yuav muaj tseeb lawvle tej lug kws tug Tswv tau has rua koj lawm!”
Malis Zaaj Nkauj Qhuas Vaajtswv
46Malis has tas,
“Kuv lub sab qhuas tug Tswv; #1Xamu 2:1-10
47Kuv tug ntsujplig zoosab rua Vaajtswv kws yog kuv tug Cawmseej,
48kuv yog Nwg ib tug ntxhais qhev kws tsi tseemceeb los Nwg tseem ncu txug kuv hab!
Txij nuav moog txhua tam tuabneeg yuav hu kuv has tas tug kws tau koobmoov, #1Xamu 1:11
49vim yaam zoo kws Vaajtswv tug muaj Fwjchim Luj Kawg Nkaus tau ua rua kuv lawm.
Nwg lub npe dlawbhuv kawg nkaus;
50Ib tam rua ib tam
Vaajtswv yeej taabncuab txhua tug kws fwm Nwg,
51Nwg tau xyaab Nwg txhais teg kws muaj fwjchim;
Nwg ua kuas cov tuabneeg khaavtheeb hab puab tej homphaj puagntsoog taag.
52Nwg tau muab cov vaajntxwv kws muaj fwjchim txu ntawm puab lub zwmtxwv,
hab nwg muab cov tuabneeg kws tsi muaj fwjchim tsaws rua qhov chaw sab. #Yauj 5:11; 12:19
53Nwg tau pub tej zaub-mov kws zoo rua cov tuabneeg kws tshaib nqhes tau noj tsaunpo,
hab tau ntab cov tuabneeg npluanuj tsiv moog teg dlawb teg nplag.
54Nwg tau lug paab cov tuabneeg Yixalayees kws yog Nwg cov tubqhe,
lawvle Nwg tau coglug tseg rua peb cov yawmkoob lawm.
55Nwg ncuntsoov hlub Anplahaas
hab Anplahaas caajceg moog ibtxhis le!” #Chiv 17:7
56Malis nrug Elixanpev nyob kwvlaam le peb lub hlis, tes nwg txawm rov moog tsev lawm.
Yug Yauhaas Tug Kws Muab Tuabneeg Ua Kevcai Rausdlej
57Thaus txug caij kws Elixanpev yug mivnyuas, tes nwg txawm yug tau ib tug mivtub. 58Nwg cov kwvtij neejtsaa hab tej tuabneeg zejzog nrug nwg zoosab kawg le thaus puab nov tas tug Tswv tau foom koobmoov rua nwg.
59Thaus tug mivnyuas muaj yim nub lawm, puab txawm tuaj muab nwg ua kevcai txav tawv, hab puab yuav tis nwg lub npe hu ua Xekhaliyas lawvle nwg txiv. #Levi 12:3 60Tabsis nwg nam has tas, “Tsi yog le ntawd! Yuavtsum tis nwg lub npe hu ua Yauhaas.”
61Puab has rua Elixanpev has tas, “Koj tub tsi muaj ib tug kwvtij kws muaj npe hu le ntawd le ne!” 62Puab txawm pav teg rua tug mivtub leejtxiv, nug seb nwg nyam muab tug mivtub tis npe hu lecaag.
63Xekhaliyas kuas puab muab ib dlaim ntawv lug rua nwg, nwg txawm sau has tas, “Nwg lub npe hu ua Yauhaas.” Puab suavdlawg xaav tsi thoob le! 64Taamsim ntawd Xekhaliyas txawm rov has tau lug, hab nwg ua Vaajtswv tsaug. 65Tej tuabneeg zejzog ntshai kawg le, hab zaaj ntawd txawm nrov-nchaa moog thoobplawg tej zejzog kws nyob peg tej tojroob huv lub xeev Yudas. 66Txhua tug kws nov zaaj nuav txawm xaav huv nruabsab hab nug has tas, “Tug mivnyuas nuav yuav lujhlub lug zoo lecaag?” Ruaqhov Vaajtswv lub fwjchim yeej nrugnraim tug mivnyuas nuav.
Xekhaliyas Qha Tej Kws Yuav Muaj Tshwm Lug Yaav Tomntej
67Xekhaliyas kws yog Yauhaas txiv tau puvnpo Vaaj Ntsujplig tug Dlawbhuv, hab nwg qha ib zaaj kws yuav muaj lug yaav tomntej has tas:
68“Peb cale qhuas tug Tswv kws yog cov Yixalayees tug Vaajtswv!
Ruaqhov Nwg tau lug paab Nwg tsaav tuabneeg hab tso puab dlim lawm.
69Nwg tau pub ib tug Cawmseej kws muaj fwjchim lug paab peb,
kws yog Nwg tug tubqhe Daviv le caajceg.
70Lawvle Nwg tau has tseg rua cov xwbfwb cev Vaajtswv lug kws dlawbhuv thaus u lug lawm has tas,
71Nwg yuav cawm kuas peb dlim ntawm peb cov yeebncuab,
hab dlim ntawm txhua txhais teg kws ntxub peb.
72Nwg has tas Nwg yuav taabncuab peb cov yawmkoob
hab yuav ncuntsoov tej lug dlawbhuv kws Nwg tau coglug tseg lawm.
73-74Nwg tau coglug ruaj-khov rua peb yawmkoob Anplahaas has tas
Nwg yuav paab kuas peb dlim ntawm peb cov yeebncuab txhais teg,
kuas peb muaj sab tawv ua tau Nwg tegnum tsi ntshai le,
75sub peb txhaj ua tau tuabneeg dlawbhuv hab ncaajnceeg taabmeeg Nwg
moog taag peb tam neej.
76“Kuv tug Mivtub, suavdlawg yuav hu koj has tas koj yog tug xwbfwb cev Vaajtswv tug kws muaj Fwjchim Tshaajplawg tej lug.
Koj yuav ua tug Tswv ntej
moog khu kev tog Nwg, #Mlakis 3:1
77hab qha rua Vaajtswv tsaav tuabneeg paub tas
Vaajtswv yuav zaam puab lub txim hab tso puab dlim.
78Peb tug Vaajtswv yog tug kws taabncuab peb kawg nkaus.
Nwg txuj kev cawmdlim ci tuaj rua peb ib yaam le tug dluab tshaavntuj ci thaus sawvntxuv,
79hab yuav ci sau ntuj lug rua txhua tug kws nyob huv qhov tsausntuj kws yog tug dluab ntxoovntxoo ntawm txuj kev tuag,
yuav coj peb txhais kutaw taug txujkev kws tau zoo nyob kaajsab lug.” #Yaxaya 9:2
80Tug mivtub ntawd lujhlub zoo hab nwg muaj tswvyim heev. Nwg nyob tom roob mojsaab qhua moog txug nub kws nwg tawm lug pum cov Yixalayees timntsej timmuag.
လက္ရွိေရြးခ်ယ္ထားမွု
Lukas 1: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Lukas 1
1
Lug Tawqha
1Fwm txug The-aufilaus:
Tub muaj ntau leej sau txug tej kws tshwmsim nyob rua huv peb, 2lawvle kws puab tau pum tej ntawd thaus nyavnyuas chiv lub keeb lug, hab puab yog cov kws qha tej lug ntawd rua peb paub. 3Kuv tub ua tuabzoo sojntsuam txhua yaam ntawd pib tom hauvpaug lug lawm. Yogle ntawd, The-aufilaus, tug kws kuv fwm, ca kuv ua tuabzoo sau tej nuav kuas txhij-txhua tuaj rua koj, 4sub koj txhaj yuav paub tseeb txug txhua zaaj kws koj tau kawm lug lawm.
Qha Txug Kev Yug Yauhaas Tug Kws Muab Tuabneeg Ua Kevcai Rausdlej
5Lub sijhawm kws Helauj ua vaajntxwv kaav lub xeev Yudas,#1:5: Yudas: Lulug nuav siv has taagnrho rua lub tebchaws Palexatees. muaj ib tug povthawj hlub hu ua Xekhaliyas, nwg yog Anpiyas paab povthawj hlub. Nwg tug quaspuj hu ua Elixanpev, kws yog Aloos caajceg. #1Xwm 24:10 6Obtug puavleej ua lub neej ncaajnceeg taabmeeg Vaajtswv, noog Vaajtswv lug hab ua lawvle tug Tswv txuj kevcai txhua nqai, kws yeej tsi muaj leejtwg yuav thuam tau. 7Obtug tsi muaj mivnyuas, ruaqhov Elixanpev yeej ibtxwm xeeb tsi taug mivnyuas, hab obtug los kuj laug-laug lawm.
8Muaj ib nub Xekhaliyas taabtom ua nwg tegnum le ib tug povthawj hlub nyob rua huv lub Tuamtsev vim nub ntawd yog raug rua nwg nub. 9Lawvle cov povthawj hlub txuj kevcai, puab rhu ntawv tau Xekhaliyas ua tug moog hlawv moov tshuaj tswqaab rua sau lub thaaj. Yogle ntawd, nwg txhaj moog rua huv Vaajtswv lub Tuamtsev. 10Thaus txug lub sijhawm hlawv moov tshuaj tswqaab, tes cov tuabneeg kws nyob saabnrau suavdlawg kuj uake thov Vaajtswv. 11Thaus ntawd tug Tswv ib tug timtswv txawm lug tshwm rua Xekhaliyas, nwg lug sawv ntawm lub thaaj kws hlawv moov tshuaj tswqaab saab xis.
12Thaus Xekhaliyas pum dlheev tug timtswv ntawd, nwg poobsab hab ntshai kawg le. 13Tabsis tug timtswv has rua nwg has tas, “Xekhaliyas, koj tsi xob ntshai! Vaajtswv tub nov koj tej lug thov lawm. Koj tug quaspuj kws yog Elixanpev yuav yug ib tug mivtub rua koj. Koj yuav tau tis nwg lub npe hu ua Yauhaas. 14Koj yuav zoosab kawg le hab yuav muaj ntau leej nrug koj zoosab thaus yug tau nwg lug lawm! 15Nwg yuav yog ib tug tuabneeg kws tseemceeb heev rua ntawm Vaajtswv. Nwg yuavtsum tsi xob haus cawv txivmaab lossis cawv hlo le. Nwg yuav puvnpo Vaaj Ntsujplig tug Dlawbhuv txij thaus nruabthab lug, #Teev 6:3 16hab nwg yuav coj cov tuabneeg Yixalayees coob leej rov lug cuag tug Tswv kws yog puab tug Vaajtswv. 17Nwg yuav ua tug Tswv ntej, khovkho hab muaj fwjchim ib yaam le Eliyas, kws yog tug xwbfwb cev Vaajtswv lug. Nwg yuav tig cov ua txiv lub sab rov lug npuab cov mivnyuas, hab coj cov tuabneeg tawv ncauj rov lug ua lub neej ncaajnceeg; hab npaaj kuas tau ib cov tuabneeg tog tug Tswv.” #Mlakis 4:5-6
18Xekhaliyas nug tug timtswv ntawd has tas, “Kuv yuav ua lecaag paub tas yuav muaj le tej kws koj has ko? Kuv tub laug heev lawm hab kuv tug quaspuj los kuj laug lawm.”
19Tug timtswv teb tas, “Kuv yog Khali-ees, kuv sawv ntawm Vaajtswv xubndlag, Vaajtswv khaiv kuv lug qha txuj xuv zoo nuav rua koj. #Dani 8:16; 9:21 20Thaus txug lub sijhawm lawm yeej yuav muaj lawvle tej kws kuv has nuav, tabsis vim koj tsi ntseeg kuv tej lug, koj yuav has tsi tau lug moog txug nub kws muaj tseeb lawvle tej kws kuv tau has rua koj lawm.”
21Lub sijhawm ntawd cov tuabneeg tseem nyob saabnrau tog Xekhaliyas, hab puab pheej xaav tsi thoob has tas uacaag Xekhaliyas yuav nyob huv lub Tuamtsev ntev ualuaj le. 22Thaus nwg tawm lug, nwg txawm has tsi tau lug rua puab lawm. Puab paub tas yeej yog nwg pum ib yaam dlaabtsi tshwmsim nyob rua huv lub Tuamtsev lawm xwb, ruaqhov nwg has tsi tau lug tabsis nwg pheej pav teg rua puab xwb.
23Thaus Xekhaliyas ua num huv lub Tuamtsev taag lawm, nwg txhaj rovqaab moog tsev. 24Tomqaab ntawd tsi ntev, Elixanpev kws yog nwg tug quaspuj txawm xeeb mivnyuas, Elixanpev txhaj nyob huv tsev tau tsib lub hlis, tsi tawm moog qhovtwg le. 25Elixanpev has tas, “Nwgnuav tug Tswv paab kuv, Nwg ua rua kuv tsi poob ntsejmuag rua leejtwg le lawm!”
Qha Txug Kev Yug Yexus
26Thaus Elixanpev xeeb mivnyuas tau rau lub hlis lawm, Vaajtswv khaiv Nwg tug timtswv ceebtsheej Khali-ees lug rua huv lub nroog Naxalev kws nyob huv lub xeev Kalilais. 27Tug timtswv ntawd lug cuag ib tug nkaujxwb hu ua Malis, kws Yauxej tub qhab ca lawm. Yauxej yog vaajntxwv Daviv le caajceg. #Math 1:18 28Tug timtswv lug has rua Malis tas, “Thov kuas koj tau nyob kaajsab lug! Tug TSWV nrugnraim koj hab foom koobmoov ntau kawg rua koj lawm.”
29Thaus Malis nov tug timtswv has le ntawd, nwg nyuajsab heev, nwg xaav tas sov qhov kws tug timtswv has ntawd, yog has txug dlaabtsi. 30Tug timtswv has rua Malis tas, “Malis, koj tsi xob ntshai, koj yog tug kws Vaajtswv tau xaiv lawm. 31Koj yuav xeeb mivnyuas hab yuav yug tau ib tug Mivtub, hab koj yuav tau muab Nwg tis npe hu ua Yexus. #Math 1:21 32Nwg yuav ua tug luj hab suavdlawg yuav hu has tas Nwg yog Vaajtswv tug kws muaj Fwjchim Tshaajplawg tug Tub. Tug Tswv kws yog Vaajtswv yuav tsaa Nwg ua vaajntxwv, ib yaam le Nwg yawmkoob Daviv, #2Xamu 7:12, 13, 16; Yaxaya 9:7 33Nwg yuav ua vaajntxwv kaav Yakhauj le caajceg moog ibtxhis; hab Nwg lub tebchaws yuav nyob moog tsi paub kawg le!”
34Malis has rua tug timtswv tas, “Kuv tseem yog ib tug nkaujxwb, yuav ua lecaag muaj tau le ntawd?”
35Tug timtswv teb tas, “Vaaj Ntsujplig tug Dlawbhuv yuav lug rua sau koj, hab Vaajtswv tug kws muaj Fwjchim Luj Kawg Nkaus lub fwjchim yuav roog koj. Vimle nuav txhaj yuav hu tug Mivtub dlawbhuv kws yuav yug lug ntawd has tas Vaajtswv tug Tub. 36Koj saib koj tug pujnyaaj Elixanpev kws suavdlawg has tas nwg xeeb tsi taug mivnyuas seb, txawm yog nwg laug-laug lawm los nwgnuav nwg tub xeeb mivnyuas tau rau lub hlis lawm. 37Ruaqhov yeej tsi muaj ib yaam dlaabtsi kws Vaajtswv yuav ua tsi tau le.” #Chiv 18:14
38Malis has tas, “Kuv yog Vaajtswv tug ntxhais qhev, thov kuas muaj lawvle tej kws koj has ko rua kuv.” Tes tug timtswv txawm ncaim Malis moog lawm.
Malis Moog Saib Elixanpev
39Tsi ntev tomqaab ntawd, Malis txawm npaaj txhij hab maajnroog moog rua ntawm ib lub nroog kws nyob sau laaj roob huv lub xeev Yudas. 40Nwg tau moog rua huv Xekhaliyas tsev hab has nojqaab nyobzoo rua Elixanpev. 41Thaus Elixanpev nov dlheev Malis lub suab, tes nwg tug mivnyuas huv plaab txawm nti cuag dlaabtsi. Hab Elixanpev puvnpo Vaaj Ntsujplig tug Dlawbhuv, 42nwg txawm has nrov-nrov rua Malis tas, “Koj yog tug kws tau koobmoov ntau tshaajplawg txhua tug quaspuj huv tuabsi, hab koj tug mivnyuas huv plaab los tau koobmoov hab! 43Uacaag kuv yuav muaj moo ualuaj, kws kuv tug Tswv leejnam tseem tuaj saib kuv hab? 44Thaus kuv nov dlheev tej lug kws koj has rua kuv, kuv tug mivnyuas huv plaab zoosab hab nti cuag dlaabtsi. 45Koj yuav zoosab heev, ruaqhov koj tub ntseeg tas yuav muaj tseeb lawvle tej lug kws tug Tswv tau has rua koj lawm!”
Malis Zaaj Nkauj Qhuas Vaajtswv
46Malis has tas,
“Kuv lub sab qhuas tug Tswv; #1Xamu 2:1-10
47Kuv tug ntsujplig zoosab rua Vaajtswv kws yog kuv tug Cawmseej,
48kuv yog Nwg ib tug ntxhais qhev kws tsi tseemceeb los Nwg tseem ncu txug kuv hab!
Txij nuav moog txhua tam tuabneeg yuav hu kuv has tas tug kws tau koobmoov, #1Xamu 1:11
49vim yaam zoo kws Vaajtswv tug muaj Fwjchim Luj Kawg Nkaus tau ua rua kuv lawm.
Nwg lub npe dlawbhuv kawg nkaus;
50Ib tam rua ib tam
Vaajtswv yeej taabncuab txhua tug kws fwm Nwg,
51Nwg tau xyaab Nwg txhais teg kws muaj fwjchim;
Nwg ua kuas cov tuabneeg khaavtheeb hab puab tej homphaj puagntsoog taag.
52Nwg tau muab cov vaajntxwv kws muaj fwjchim txu ntawm puab lub zwmtxwv,
hab nwg muab cov tuabneeg kws tsi muaj fwjchim tsaws rua qhov chaw sab. #Yauj 5:11; 12:19
53Nwg tau pub tej zaub-mov kws zoo rua cov tuabneeg kws tshaib nqhes tau noj tsaunpo,
hab tau ntab cov tuabneeg npluanuj tsiv moog teg dlawb teg nplag.
54Nwg tau lug paab cov tuabneeg Yixalayees kws yog Nwg cov tubqhe,
lawvle Nwg tau coglug tseg rua peb cov yawmkoob lawm.
55Nwg ncuntsoov hlub Anplahaas
hab Anplahaas caajceg moog ibtxhis le!” #Chiv 17:7
56Malis nrug Elixanpev nyob kwvlaam le peb lub hlis, tes nwg txawm rov moog tsev lawm.
Yug Yauhaas Tug Kws Muab Tuabneeg Ua Kevcai Rausdlej
57Thaus txug caij kws Elixanpev yug mivnyuas, tes nwg txawm yug tau ib tug mivtub. 58Nwg cov kwvtij neejtsaa hab tej tuabneeg zejzog nrug nwg zoosab kawg le thaus puab nov tas tug Tswv tau foom koobmoov rua nwg.
59Thaus tug mivnyuas muaj yim nub lawm, puab txawm tuaj muab nwg ua kevcai txav tawv, hab puab yuav tis nwg lub npe hu ua Xekhaliyas lawvle nwg txiv. #Levi 12:3 60Tabsis nwg nam has tas, “Tsi yog le ntawd! Yuavtsum tis nwg lub npe hu ua Yauhaas.”
61Puab has rua Elixanpev has tas, “Koj tub tsi muaj ib tug kwvtij kws muaj npe hu le ntawd le ne!” 62Puab txawm pav teg rua tug mivtub leejtxiv, nug seb nwg nyam muab tug mivtub tis npe hu lecaag.
63Xekhaliyas kuas puab muab ib dlaim ntawv lug rua nwg, nwg txawm sau has tas, “Nwg lub npe hu ua Yauhaas.” Puab suavdlawg xaav tsi thoob le! 64Taamsim ntawd Xekhaliyas txawm rov has tau lug, hab nwg ua Vaajtswv tsaug. 65Tej tuabneeg zejzog ntshai kawg le, hab zaaj ntawd txawm nrov-nchaa moog thoobplawg tej zejzog kws nyob peg tej tojroob huv lub xeev Yudas. 66Txhua tug kws nov zaaj nuav txawm xaav huv nruabsab hab nug has tas, “Tug mivnyuas nuav yuav lujhlub lug zoo lecaag?” Ruaqhov Vaajtswv lub fwjchim yeej nrugnraim tug mivnyuas nuav.
Xekhaliyas Qha Tej Kws Yuav Muaj Tshwm Lug Yaav Tomntej
67Xekhaliyas kws yog Yauhaas txiv tau puvnpo Vaaj Ntsujplig tug Dlawbhuv, hab nwg qha ib zaaj kws yuav muaj lug yaav tomntej has tas:
68“Peb cale qhuas tug Tswv kws yog cov Yixalayees tug Vaajtswv!
Ruaqhov Nwg tau lug paab Nwg tsaav tuabneeg hab tso puab dlim lawm.
69Nwg tau pub ib tug Cawmseej kws muaj fwjchim lug paab peb,
kws yog Nwg tug tubqhe Daviv le caajceg.
70Lawvle Nwg tau has tseg rua cov xwbfwb cev Vaajtswv lug kws dlawbhuv thaus u lug lawm has tas,
71Nwg yuav cawm kuas peb dlim ntawm peb cov yeebncuab,
hab dlim ntawm txhua txhais teg kws ntxub peb.
72Nwg has tas Nwg yuav taabncuab peb cov yawmkoob
hab yuav ncuntsoov tej lug dlawbhuv kws Nwg tau coglug tseg lawm.
73-74Nwg tau coglug ruaj-khov rua peb yawmkoob Anplahaas has tas
Nwg yuav paab kuas peb dlim ntawm peb cov yeebncuab txhais teg,
kuas peb muaj sab tawv ua tau Nwg tegnum tsi ntshai le,
75sub peb txhaj ua tau tuabneeg dlawbhuv hab ncaajnceeg taabmeeg Nwg
moog taag peb tam neej.
76“Kuv tug Mivtub, suavdlawg yuav hu koj has tas koj yog tug xwbfwb cev Vaajtswv tug kws muaj Fwjchim Tshaajplawg tej lug.
Koj yuav ua tug Tswv ntej
moog khu kev tog Nwg, #Mlakis 3:1
77hab qha rua Vaajtswv tsaav tuabneeg paub tas
Vaajtswv yuav zaam puab lub txim hab tso puab dlim.
78Peb tug Vaajtswv yog tug kws taabncuab peb kawg nkaus.
Nwg txuj kev cawmdlim ci tuaj rua peb ib yaam le tug dluab tshaavntuj ci thaus sawvntxuv,
79hab yuav ci sau ntuj lug rua txhua tug kws nyob huv qhov tsausntuj kws yog tug dluab ntxoovntxoo ntawm txuj kev tuag,
yuav coj peb txhais kutaw taug txujkev kws tau zoo nyob kaajsab lug.” #Yaxaya 9:2
80Tug mivtub ntawd lujhlub zoo hab nwg muaj tswvyim heev. Nwg nyob tom roob mojsaab qhua moog txug nub kws nwg tawm lug pum cov Yixalayees timntsej timmuag.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.