Chivkeeb 35
35
Vaajtswv Foom Koobmoov Rua Yakhauj
1Vaajtswv has rua Yakhauj has tas, “Koj cale moog nyob rua peg Npethees. Koj cale teeb ib lub thaaj rua Kuv, kws yog tug Vaajtswv kws tau lug tshwm rua koj pum thaus koj tsiv koj tug tijlaug Exaus.” #Chiv 28:11-17
2Yogle ntawd, Yakhauj txhaj has rua nwg tsev tuabneeg hab taagnrho cov tuabneeg kws nrug nwg nyob ntawd has tas, “Mej cale muab cov tuabneeg txawv tebchaws tej nyuas vaajtswv kws mej muaj coj moog povtseg, ntxuav mej kuas huv hab muab tej tsoogtsho kws ntxhua tau huvsi lawm lug naav. 3Peb yuav sawvkev ntawm nuav moog rua peg lub nroog Npethees, qhov chaw kws kuv yuav teeb ib lub thaaj rua Vaajtswv tug kws tau paab kuv thaus kuv raug kev txomnyem nyuajsab, hab yog tug kws nrugnraim kuv txhua qhov kws kuv moog.”
4Yogle ntawd, puab txhaj muab taagnrho cov tuabneeg txawv tebchaws tej nyuas vaajtswv kws puab muaj hab tej qhwsntsej huv tuabsi rua Yakhauj. Yakhauj txhaj coj moog faus rua huvqaab tsob ntoo qheb kws nyob ze lub nroog Sekhees. 5Thaus Yakhauj hab nwg cov tub taabtom sawvkev moog, Vaajtswv ua rua cov tuabneeg huv tej moos kws nyob ib puagncig ntawd ntshai kawg le. Cov tuabneeg ntawd txhaj tsi kaam moog caum Yakhauj puab qaab.
6Yakhauj hab nwg cov tuabneeg lug txug huv lub zog Lus kws nwgnuav yog lub nroog Npethees, huv tebchaws Kana-aas. 7Nyob qhov ntawd, Yakhauj teeb tau ib lub thaaj hab nwg tis npe rua thaaj chaw ntawd hu ua Ees Npethees,#35:7: Ees npethees: Lub npe nuav lug Henplais txhais has tas “Tug Vaajtswv ntawm Npethees.” ruaqhov Vaajtswv tau lug tshwm rua Yakhauj pum thaus nwg tsiv nwg tug tijlaug moog txug ntawm qhov chaw ntawd. 8Denpaulas yog ib tug kws ibtxwm tu Lenpekas thaus yau lug tau tuag hab puab muab nwg log rua huvqaab tsob ntoo qheb kws nyob saab qaabteb ntawm lub nroog Npethees. Yogle ntawd, txhaj muab tsob ntoo qheb ntawd tis npe hu ua “Tsob Ntoo Qheb Quajntsuag.”
9Thaus Yakhauj rov huv tebchaws Padaas Alaas#35:9: Padaas Alaas; lossis Mexuputamias. lug, Vaajtswv rov lug tshwm rua nwg pum dlua ib zag ntxiv, hab foom koobmoov rua nwg. 10Vaajtswv has rua nwg has tas, “Koj lub npe hu ua Yakhauj, txij nuav moog yuav tsi hu koj ua Yakhauj ntxiv lawm, tabsis yuav hu koj ua Yixalayees.” Yogle ntawd, Vaajtswv txhaj tis nwg lub npe hu ua Yixalayees. #Chiv 32:28
11Vaajtswv has rua nwg has tas, “Kuv yog Vaajtswv tug kws muaj Fwjchim Luj Kawg Nkaus. Koj cale muaj tubki kuas fuamvaam coob. Koj cov caajceg yuav dlhau moog ua ntau tsaav tuabneeg, hab koj yuav yog ntau tug vaajntxwv le yawmkoob. 12Kuv yuav muab lub tebchaws kws Kuv tub muab rua Anplahaas hab Ixaj lawm pub rua koj, hab Kuv tseem yuav muab rua koj caajceg kws nyob ntau tam tomqaab koj.” #Chiv 17:4-8 13Tes Vaajtswv txawm ncaim nwg moog lawm.
14Yakhauj txhus tau ib tug ncej zeb ua puavpheej ncu txug qhov chaw kws Vaajtswv tau lug nrug nwg thaam rua ntawd; nwg muab cawv txivmaab hab roj txivntoo laub rua sau tug ncej zeb ntawd fij rua Vaajtswv. 15Nwg txhaj tis npe rua thaaj chaw ntawd hu ua Npethees. #Chiv 28:18-19
Laxees Tuag
16Yakhauj hab nwg tsev tuabneeg txawm tawm huv Npethees moog lawm, hab thaus tseem tshuav dleb maamle moog txug rua huv Efalas, Laxees txawm mob plaab yuav yug mivnyuas, tabsis zag nuav nwg yug mivnyuas nyuaj heev. 17Thaus Laxees mob plaab heev lawm, tug quaspuj kws paab txais mivnyuas txhaj has rua Laxees tas, “Laxees, koj tsi xob ntshai, koj yuav tau ib tug tub ntxiv.” 18Tabsis Laxees tub yuav tuag; thaus nwg fuas paa yuav tusav ntawd nwg txhaj tis tug mivtub ntawd npe hu ua Npee-aunis,#35:18: Npee-aunis: Lub npe nuav lug Henplais txhais has tas “tug tub ntawm kuv txuj kev quajntsuag.” tabsis nwg txiv muab nwg tis npe hu ua Npeeyamees.#35:18: Npeeyamees: Lub npe nuav lug Henplais txhais has tas “tug tub kws coj koobmoov lug.”
19Thaus Laxees tuag, puab txhaj muab nwg moog log rua ntawm ib saab ntug kev kws moog rua huv lub zog Efalas kws nwgnuav hu ua lub nroog Npelehees. 20Yakhauj txhus ib tug ncej zeb rua sau Laxees lub ntxaa ua cim ncu txug Laxees; tug ncej zeb ntawd tseem ua cim lug txug najnub nua. 21Yakhauj sawvkev moog ntxiv hab lug tsaa tsevntaub nyob ntawm lub tsev tsomfaaj Edaws saab tod.
Yakhauj Cov Tub
(1 Xwmtxheej Vaajntxwv 2:1-2)
22Thaus Yakhauj tawm huv lub tebchaws ntawd moog lawm, Lunpees txawm moog nrug Npilehas kws yog nwg txiv ib tug namyau pw. Thaus Yakhauj nov txug zaaj nuav mas nwg npautawg heev.#35:22: Ib phoo ntawv qub-qub thaus u sau has tas mas nwg npautawg heev; phoo lug Henplais tsi muaj cov lug nuav.
Yakhauj muaj kaum-ob leeg tub. 23Le-as cov tub yog Lunpees (Yakhauj tug tub hlub), Xime-oos, Levis, Yudas, Ixakhas, hab Xenpuloos. 24Laxees cov tub yog Yauxej hab Npeeyamees. 25Laxees tug ntxhais qhev Npilehas ob tug tub yog Daas hab Nathalis. 26Le-as tug ntxhais qhev Xilepas cov tub yog Nkaj hab Asaws. Cov tub nuav puavleej yug peg tebchaws Padaas Alaas.#35:26: Padaas Alaas: lossis Mexuputamias.
Ixaj Tuag
27Yakhauj moog saib nwg txiv Ixaj huv lub nroog Maales, kws nyob ze lub nroog Kili-as Anpas (kws yog Henploos), qhov chaw ntawd yog qhov chaw kws Anplahaas hab Ixaj obtug tau nyob lug lawm. 28Ixaj ua neej nyob tau 180 xyoo. 29Nwg ua neej nyob laug nkoog nwg maamle tuag. Nwg ob tug tub Exaus hab Yakhauj txhaj coj nwg lub cev moog log lawm.
လက္ရွိေရြးခ်ယ္ထားမွု
Chivkeeb 35: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Chivkeeb 35
35
Vaajtswv Foom Koobmoov Rua Yakhauj
1Vaajtswv has rua Yakhauj has tas, “Koj cale moog nyob rua peg Npethees. Koj cale teeb ib lub thaaj rua Kuv, kws yog tug Vaajtswv kws tau lug tshwm rua koj pum thaus koj tsiv koj tug tijlaug Exaus.” #Chiv 28:11-17
2Yogle ntawd, Yakhauj txhaj has rua nwg tsev tuabneeg hab taagnrho cov tuabneeg kws nrug nwg nyob ntawd has tas, “Mej cale muab cov tuabneeg txawv tebchaws tej nyuas vaajtswv kws mej muaj coj moog povtseg, ntxuav mej kuas huv hab muab tej tsoogtsho kws ntxhua tau huvsi lawm lug naav. 3Peb yuav sawvkev ntawm nuav moog rua peg lub nroog Npethees, qhov chaw kws kuv yuav teeb ib lub thaaj rua Vaajtswv tug kws tau paab kuv thaus kuv raug kev txomnyem nyuajsab, hab yog tug kws nrugnraim kuv txhua qhov kws kuv moog.”
4Yogle ntawd, puab txhaj muab taagnrho cov tuabneeg txawv tebchaws tej nyuas vaajtswv kws puab muaj hab tej qhwsntsej huv tuabsi rua Yakhauj. Yakhauj txhaj coj moog faus rua huvqaab tsob ntoo qheb kws nyob ze lub nroog Sekhees. 5Thaus Yakhauj hab nwg cov tub taabtom sawvkev moog, Vaajtswv ua rua cov tuabneeg huv tej moos kws nyob ib puagncig ntawd ntshai kawg le. Cov tuabneeg ntawd txhaj tsi kaam moog caum Yakhauj puab qaab.
6Yakhauj hab nwg cov tuabneeg lug txug huv lub zog Lus kws nwgnuav yog lub nroog Npethees, huv tebchaws Kana-aas. 7Nyob qhov ntawd, Yakhauj teeb tau ib lub thaaj hab nwg tis npe rua thaaj chaw ntawd hu ua Ees Npethees,#35:7: Ees npethees: Lub npe nuav lug Henplais txhais has tas “Tug Vaajtswv ntawm Npethees.” ruaqhov Vaajtswv tau lug tshwm rua Yakhauj pum thaus nwg tsiv nwg tug tijlaug moog txug ntawm qhov chaw ntawd. 8Denpaulas yog ib tug kws ibtxwm tu Lenpekas thaus yau lug tau tuag hab puab muab nwg log rua huvqaab tsob ntoo qheb kws nyob saab qaabteb ntawm lub nroog Npethees. Yogle ntawd, txhaj muab tsob ntoo qheb ntawd tis npe hu ua “Tsob Ntoo Qheb Quajntsuag.”
9Thaus Yakhauj rov huv tebchaws Padaas Alaas#35:9: Padaas Alaas; lossis Mexuputamias. lug, Vaajtswv rov lug tshwm rua nwg pum dlua ib zag ntxiv, hab foom koobmoov rua nwg. 10Vaajtswv has rua nwg has tas, “Koj lub npe hu ua Yakhauj, txij nuav moog yuav tsi hu koj ua Yakhauj ntxiv lawm, tabsis yuav hu koj ua Yixalayees.” Yogle ntawd, Vaajtswv txhaj tis nwg lub npe hu ua Yixalayees. #Chiv 32:28
11Vaajtswv has rua nwg has tas, “Kuv yog Vaajtswv tug kws muaj Fwjchim Luj Kawg Nkaus. Koj cale muaj tubki kuas fuamvaam coob. Koj cov caajceg yuav dlhau moog ua ntau tsaav tuabneeg, hab koj yuav yog ntau tug vaajntxwv le yawmkoob. 12Kuv yuav muab lub tebchaws kws Kuv tub muab rua Anplahaas hab Ixaj lawm pub rua koj, hab Kuv tseem yuav muab rua koj caajceg kws nyob ntau tam tomqaab koj.” #Chiv 17:4-8 13Tes Vaajtswv txawm ncaim nwg moog lawm.
14Yakhauj txhus tau ib tug ncej zeb ua puavpheej ncu txug qhov chaw kws Vaajtswv tau lug nrug nwg thaam rua ntawd; nwg muab cawv txivmaab hab roj txivntoo laub rua sau tug ncej zeb ntawd fij rua Vaajtswv. 15Nwg txhaj tis npe rua thaaj chaw ntawd hu ua Npethees. #Chiv 28:18-19
Laxees Tuag
16Yakhauj hab nwg tsev tuabneeg txawm tawm huv Npethees moog lawm, hab thaus tseem tshuav dleb maamle moog txug rua huv Efalas, Laxees txawm mob plaab yuav yug mivnyuas, tabsis zag nuav nwg yug mivnyuas nyuaj heev. 17Thaus Laxees mob plaab heev lawm, tug quaspuj kws paab txais mivnyuas txhaj has rua Laxees tas, “Laxees, koj tsi xob ntshai, koj yuav tau ib tug tub ntxiv.” 18Tabsis Laxees tub yuav tuag; thaus nwg fuas paa yuav tusav ntawd nwg txhaj tis tug mivtub ntawd npe hu ua Npee-aunis,#35:18: Npee-aunis: Lub npe nuav lug Henplais txhais has tas “tug tub ntawm kuv txuj kev quajntsuag.” tabsis nwg txiv muab nwg tis npe hu ua Npeeyamees.#35:18: Npeeyamees: Lub npe nuav lug Henplais txhais has tas “tug tub kws coj koobmoov lug.”
19Thaus Laxees tuag, puab txhaj muab nwg moog log rua ntawm ib saab ntug kev kws moog rua huv lub zog Efalas kws nwgnuav hu ua lub nroog Npelehees. 20Yakhauj txhus ib tug ncej zeb rua sau Laxees lub ntxaa ua cim ncu txug Laxees; tug ncej zeb ntawd tseem ua cim lug txug najnub nua. 21Yakhauj sawvkev moog ntxiv hab lug tsaa tsevntaub nyob ntawm lub tsev tsomfaaj Edaws saab tod.
Yakhauj Cov Tub
(1 Xwmtxheej Vaajntxwv 2:1-2)
22Thaus Yakhauj tawm huv lub tebchaws ntawd moog lawm, Lunpees txawm moog nrug Npilehas kws yog nwg txiv ib tug namyau pw. Thaus Yakhauj nov txug zaaj nuav mas nwg npautawg heev.#35:22: Ib phoo ntawv qub-qub thaus u sau has tas mas nwg npautawg heev; phoo lug Henplais tsi muaj cov lug nuav.
Yakhauj muaj kaum-ob leeg tub. 23Le-as cov tub yog Lunpees (Yakhauj tug tub hlub), Xime-oos, Levis, Yudas, Ixakhas, hab Xenpuloos. 24Laxees cov tub yog Yauxej hab Npeeyamees. 25Laxees tug ntxhais qhev Npilehas ob tug tub yog Daas hab Nathalis. 26Le-as tug ntxhais qhev Xilepas cov tub yog Nkaj hab Asaws. Cov tub nuav puavleej yug peg tebchaws Padaas Alaas.#35:26: Padaas Alaas: lossis Mexuputamias.
Ixaj Tuag
27Yakhauj moog saib nwg txiv Ixaj huv lub nroog Maales, kws nyob ze lub nroog Kili-as Anpas (kws yog Henploos), qhov chaw ntawd yog qhov chaw kws Anplahaas hab Ixaj obtug tau nyob lug lawm. 28Ixaj ua neej nyob tau 180 xyoo. 29Nwg ua neej nyob laug nkoog nwg maamle tuag. Nwg ob tug tub Exaus hab Yakhauj txhaj coj nwg lub cev moog log lawm.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.