Tegnum 28
28
Nyob Huv Malatas
1Thaus peb txhua tug dlim hab tawm tau rua tim ntug lawm, peb txhaj paub tas lub povtxwv ntawd hu ua Malatas. 2Cov tuabneeg kws yeej ibtxwm nyob huv lub povtxwv ntawd ua zoo rua peb kawg le. Puab rauv tawg rua peb nte hab txaistog peb, ruaqhov thaus ntawd taabtom lug naag hab no heev.
3Paulus moog khaws tau ib tsuag tawg lug hab taabtom muab tso rua huv qhovcub; thaus paatawg txhawb, txawm muaj ib tug naab muaj taug tawm huv tsuag tawg lug tum kag Paulus txhais teg. 4Thaus cov tuabneeg Malatas pum tug naab tum dlai vag ntawm Paulus txhais teg, puab sisthaam has tas, “Tug txivneej nuav, ntshe nwg yog ib tug tuabneeg tua tuabneeg, txawm yog nwg tub dlim huv havtxwv lug lawm los Ntuj tseem tsi tseg nwg nyob hab.” 5Tabsis Paulus nchus kag tug naab poob rua huv qhovcub, hab nwg tsi mob lecaag le. 6Cov tuabneeg ntawd togntsoov saib seb Paulus puas yuav o lossis yuav cale qaug ntawg hab tuag kag taamsim ntawd; tabsis tomqaab puab tog ntev loo, tsi pum muaj dlaabtsi txawv le, tes puab txawm hloov sab hab has tas nwg yog ib tug nyuas vaajtswv.
7Tug nom kws kaav lub povtxwv ntawd hu ua Punplius, nwg muaj ib cov teb kws nyob tsi dleb ntawm qhov chaw kws peb nyob ntawd. Nwg txaistog peb zoo kawg le hab peb moog su huv nwg tsev tau peb nub. 8Thaus ntawd Punplius txiv taabtom mob hab pw rua sau txaaj kws yog uanpaws hab thoj plaab. Paulus moog saib Punplius txiv huv txaaj, thov Vaajtswv rua nwg, cev teg tuav nwg, hab khu kuas nwg tug mob zoo. 9Thaus Paulus khu Punplius txiv zoo lawm, taagnrho cov tuabneeg muaj mob kws nyob huv lub povtxwv ntawd txawm tuaj cuag Paulus, hab puab txhua tug tej mob zoo huv tuabsi. 10Puab nqaa ntau yaam khoomplig tuaj pub rua peb kws yog ua peb tsaug, hab thaus peb yuav caij nkoj moog, puab tau nqaa tej kws peb cheemtsum tuaj tso rua huv lub nkoj rua peb siv.
Moog Ntawm Malatas Rua Tim Loos
11Tomqaab kws peb nyob ntawd tau peb lub hlis, peb txhaj caij lub nkoj kws tuaj nraag lub nroog Alexaadias tuaj kws hu ua “Ob Nyuas Vaajtswv Ntxaib,” kws tuaj su rua lub povtxwv ntawd thaus lub caij ntuj no. 12Peb tau moog txug rua peg lub nroog Xilakuxes hab nyob ntawd tau peb nub. 13Dlhau ntawd peb caij nkoj moog rua peg lub nroog Lenkioos. Nub tomqaab txawm muaj ib nthwv cua ntsawj saab qaabteb tuaj, peb caij nkoj moog ob nub txhaj moog txug peg lub nroog Pute-aulis. 14Peb moog ntsib ib cov ntseeg kws nyob rua huv Pute-aulis. Puab tau thov kuas peb nrug puab nyob xyaa nub. Tomqaab ntawd peb maamle moog txug peg lub nroog Loos. 15Thaus cov kwvtij ntseeg kws nyob huv lub nroog Loos nov tas peb tuaj lawm, puab txawm tuaj dleb kawg le tuaj, kws yog tuaj puag nraag lub Kab Apius tuaj hab lub zog kws hu ua Peb Lub Tsevsu tuaj ntsib peb. Thaus Paulus pum puab lawm, nwg ua Vaajtswv tsaug hab txhawb nwg zug kawg le.
Nyob Huv Lub Nroog Loos
16Thaus peb moog txug huv lub nroog Loos lawm, cov numtswv tsocai rua Paulus nwg nyob nwg, tsuas yog puab tso ib tug tubrog zuv Paulus xwb.
17Peb nub tomqaab ntawd Paulus txawm hu cov Yudais tej thawjcoj kws nyob huv lub nroog ntawd tuaj saablaaj. Thaus suavdlawg tuaj txhij lawm, Paulus has rua puab has tas, “Cov kwvtij, txawm yog kuv tsi tau ua txhum peb tsaav tuabneeg lossis tsi tau ua txhum peb cov yawmkoob tej kevcai los kuv cale raug nteg huv nroog Yeluxalees hab raug muab cob rua cov numtswv Loos. 18Thaus cov numtswv Loos taug kuv zaaj taag, puab xaav tso kuv, ruaqhov puab tsi pum kuv ua ib qho txhum kws yuav tsimnyog raug lub txim tuag. 19Tabsis cov Yudais txwv tsi pub puab tso kuv, kuv txhaj thov tuaj cuag Xixas. Kuv ua le nuav, tsi yog kuv yuav tuaj kom kuv tsaav tuabneeg. #Tegnum 25:11 20Tub yog vimle nuav, kuv txhajle thov ntsib mej hab nrug mej thaam. Kuv raug muab saw hlau khi le nuav tub yog vim kuv ua pub rua tug kws cov Yixalayees casab rua ntaag.”
21Puab has rua Paulus tas, “Peb yeej tsi tau txais ib tsaab ntawv tuaj tim lub xeev Yudas tuaj kws yog sau txug koj zaaj le, lossis yeej tsi nov peb cov kwvtij kws tuaj tid tuaj, es yuav qha ib qho xuv txug koj lossis has tej yaam kws tsi zoo txug koj hlo le. 22Tabsis peb xaav nov seb koj xaav lecaag, ruaqhov peb paub tas tej tuabneeg kws nyob txhua qhov chaw, suavdlawg tawmtsaam paab kws koj moog koom nrug puab ntawd.”
23Puab txawm teem ib lub sijhawm ntsib Paulus. Thaus txug nub ntawd, muaj tuabneeg coob-coob tuaj rua ntawm lub chaw kws Paulus nyob. Txij thaus sawvntxuv moog txug ncua thaus tsausntuj, Paulus tau qha puab txug Vaajtswv lub Tebchaws. Nwg xaav kuas puab paub txug Yexus, nwg txhaj muab tej lug kws Mauxes hab cov xwbfwb cev Vaajtswv lug sau tseg lawm qha rua puab. 24Muaj ibtxha ntseeg tej kws Paulus qha, tabsis muaj ibtxha tsi ntseeg. 25Puab haslug tsi sishum, tes nyag txawm tawm nyag lawm. Thaus puab yuav moog Paulus has ib lus rua puab has tas, “Vaaj Ntsujplig tug Dlawbhuv kuas Yaxayas, kws yog tug xwbfwb cev Vaajtswv lug has tseeb rua mej cov yawmkoob: 26Nwg has tas,
“ ‘Cale moog has rua cov tuabneeg nuav has tas,
mej yuav noog taag noog thab, los yeej tsi totaub;
mej yuav saib taag saib thab, los yeej tsi pum; #Yaxaya 6:9-10 (LXX)
27ruaqhov cov tuabneeg nuav lub sab ruag,
puab ntsaws puab tej qhovntsej,
hab puab qe puab tej qhovmuag.
Vaajtswv has tas, yog tsi le ntawd, puab tej qhovmuag yuav pum,
puab tej qhovntsej yuav nov,
puab lub sab yuav totaub,
tes puab yuav tig lug cuag Kuv,
hab Kuv yuav khu kuas puab zoo.’ ”
28Paulus xaus lug has tas, “Kuv xaav kuas mej paub tas Vaajtswv Txujlug kws has txug txuj kev cawmdlim tub raug muab xaa moog rua Lwmtsaav Tuabneeg lawm. Puab yeej yuav noog!” 29#28:29: Tej phoo ntawv qub kws xuas teg sau, ntxiv nqai 29 nuav rua: Thaus Paulus has le ntawd taag, cov Yudais siscaav muajceem heev, tes puab nyag txawm tawm nyag moog lawm.
30Paulus nyob huv lub tsev kws nwg xauj tau ob xyoos txwm nkaus, nwg txaistog txhua tug kws tuaj saib nwg. 31Nwg qhuabqha txug Vaajtswv lub Tebchaws hab qha txug Tswv Yexus Khetos, nwg tsi ntshai leejtwg le hab tsi muaj leejtwg txwv nwg.
လက္ရွိေရြးခ်ယ္ထားမွု
Tegnum 28: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Tegnum 28
28
Nyob Huv Malatas
1Thaus peb txhua tug dlim hab tawm tau rua tim ntug lawm, peb txhaj paub tas lub povtxwv ntawd hu ua Malatas. 2Cov tuabneeg kws yeej ibtxwm nyob huv lub povtxwv ntawd ua zoo rua peb kawg le. Puab rauv tawg rua peb nte hab txaistog peb, ruaqhov thaus ntawd taabtom lug naag hab no heev.
3Paulus moog khaws tau ib tsuag tawg lug hab taabtom muab tso rua huv qhovcub; thaus paatawg txhawb, txawm muaj ib tug naab muaj taug tawm huv tsuag tawg lug tum kag Paulus txhais teg. 4Thaus cov tuabneeg Malatas pum tug naab tum dlai vag ntawm Paulus txhais teg, puab sisthaam has tas, “Tug txivneej nuav, ntshe nwg yog ib tug tuabneeg tua tuabneeg, txawm yog nwg tub dlim huv havtxwv lug lawm los Ntuj tseem tsi tseg nwg nyob hab.” 5Tabsis Paulus nchus kag tug naab poob rua huv qhovcub, hab nwg tsi mob lecaag le. 6Cov tuabneeg ntawd togntsoov saib seb Paulus puas yuav o lossis yuav cale qaug ntawg hab tuag kag taamsim ntawd; tabsis tomqaab puab tog ntev loo, tsi pum muaj dlaabtsi txawv le, tes puab txawm hloov sab hab has tas nwg yog ib tug nyuas vaajtswv.
7Tug nom kws kaav lub povtxwv ntawd hu ua Punplius, nwg muaj ib cov teb kws nyob tsi dleb ntawm qhov chaw kws peb nyob ntawd. Nwg txaistog peb zoo kawg le hab peb moog su huv nwg tsev tau peb nub. 8Thaus ntawd Punplius txiv taabtom mob hab pw rua sau txaaj kws yog uanpaws hab thoj plaab. Paulus moog saib Punplius txiv huv txaaj, thov Vaajtswv rua nwg, cev teg tuav nwg, hab khu kuas nwg tug mob zoo. 9Thaus Paulus khu Punplius txiv zoo lawm, taagnrho cov tuabneeg muaj mob kws nyob huv lub povtxwv ntawd txawm tuaj cuag Paulus, hab puab txhua tug tej mob zoo huv tuabsi. 10Puab nqaa ntau yaam khoomplig tuaj pub rua peb kws yog ua peb tsaug, hab thaus peb yuav caij nkoj moog, puab tau nqaa tej kws peb cheemtsum tuaj tso rua huv lub nkoj rua peb siv.
Moog Ntawm Malatas Rua Tim Loos
11Tomqaab kws peb nyob ntawd tau peb lub hlis, peb txhaj caij lub nkoj kws tuaj nraag lub nroog Alexaadias tuaj kws hu ua “Ob Nyuas Vaajtswv Ntxaib,” kws tuaj su rua lub povtxwv ntawd thaus lub caij ntuj no. 12Peb tau moog txug rua peg lub nroog Xilakuxes hab nyob ntawd tau peb nub. 13Dlhau ntawd peb caij nkoj moog rua peg lub nroog Lenkioos. Nub tomqaab txawm muaj ib nthwv cua ntsawj saab qaabteb tuaj, peb caij nkoj moog ob nub txhaj moog txug peg lub nroog Pute-aulis. 14Peb moog ntsib ib cov ntseeg kws nyob rua huv Pute-aulis. Puab tau thov kuas peb nrug puab nyob xyaa nub. Tomqaab ntawd peb maamle moog txug peg lub nroog Loos. 15Thaus cov kwvtij ntseeg kws nyob huv lub nroog Loos nov tas peb tuaj lawm, puab txawm tuaj dleb kawg le tuaj, kws yog tuaj puag nraag lub Kab Apius tuaj hab lub zog kws hu ua Peb Lub Tsevsu tuaj ntsib peb. Thaus Paulus pum puab lawm, nwg ua Vaajtswv tsaug hab txhawb nwg zug kawg le.
Nyob Huv Lub Nroog Loos
16Thaus peb moog txug huv lub nroog Loos lawm, cov numtswv tsocai rua Paulus nwg nyob nwg, tsuas yog puab tso ib tug tubrog zuv Paulus xwb.
17Peb nub tomqaab ntawd Paulus txawm hu cov Yudais tej thawjcoj kws nyob huv lub nroog ntawd tuaj saablaaj. Thaus suavdlawg tuaj txhij lawm, Paulus has rua puab has tas, “Cov kwvtij, txawm yog kuv tsi tau ua txhum peb tsaav tuabneeg lossis tsi tau ua txhum peb cov yawmkoob tej kevcai los kuv cale raug nteg huv nroog Yeluxalees hab raug muab cob rua cov numtswv Loos. 18Thaus cov numtswv Loos taug kuv zaaj taag, puab xaav tso kuv, ruaqhov puab tsi pum kuv ua ib qho txhum kws yuav tsimnyog raug lub txim tuag. 19Tabsis cov Yudais txwv tsi pub puab tso kuv, kuv txhaj thov tuaj cuag Xixas. Kuv ua le nuav, tsi yog kuv yuav tuaj kom kuv tsaav tuabneeg. #Tegnum 25:11 20Tub yog vimle nuav, kuv txhajle thov ntsib mej hab nrug mej thaam. Kuv raug muab saw hlau khi le nuav tub yog vim kuv ua pub rua tug kws cov Yixalayees casab rua ntaag.”
21Puab has rua Paulus tas, “Peb yeej tsi tau txais ib tsaab ntawv tuaj tim lub xeev Yudas tuaj kws yog sau txug koj zaaj le, lossis yeej tsi nov peb cov kwvtij kws tuaj tid tuaj, es yuav qha ib qho xuv txug koj lossis has tej yaam kws tsi zoo txug koj hlo le. 22Tabsis peb xaav nov seb koj xaav lecaag, ruaqhov peb paub tas tej tuabneeg kws nyob txhua qhov chaw, suavdlawg tawmtsaam paab kws koj moog koom nrug puab ntawd.”
23Puab txawm teem ib lub sijhawm ntsib Paulus. Thaus txug nub ntawd, muaj tuabneeg coob-coob tuaj rua ntawm lub chaw kws Paulus nyob. Txij thaus sawvntxuv moog txug ncua thaus tsausntuj, Paulus tau qha puab txug Vaajtswv lub Tebchaws. Nwg xaav kuas puab paub txug Yexus, nwg txhaj muab tej lug kws Mauxes hab cov xwbfwb cev Vaajtswv lug sau tseg lawm qha rua puab. 24Muaj ibtxha ntseeg tej kws Paulus qha, tabsis muaj ibtxha tsi ntseeg. 25Puab haslug tsi sishum, tes nyag txawm tawm nyag lawm. Thaus puab yuav moog Paulus has ib lus rua puab has tas, “Vaaj Ntsujplig tug Dlawbhuv kuas Yaxayas, kws yog tug xwbfwb cev Vaajtswv lug has tseeb rua mej cov yawmkoob: 26Nwg has tas,
“ ‘Cale moog has rua cov tuabneeg nuav has tas,
mej yuav noog taag noog thab, los yeej tsi totaub;
mej yuav saib taag saib thab, los yeej tsi pum; #Yaxaya 6:9-10 (LXX)
27ruaqhov cov tuabneeg nuav lub sab ruag,
puab ntsaws puab tej qhovntsej,
hab puab qe puab tej qhovmuag.
Vaajtswv has tas, yog tsi le ntawd, puab tej qhovmuag yuav pum,
puab tej qhovntsej yuav nov,
puab lub sab yuav totaub,
tes puab yuav tig lug cuag Kuv,
hab Kuv yuav khu kuas puab zoo.’ ”
28Paulus xaus lug has tas, “Kuv xaav kuas mej paub tas Vaajtswv Txujlug kws has txug txuj kev cawmdlim tub raug muab xaa moog rua Lwmtsaav Tuabneeg lawm. Puab yeej yuav noog!” 29#28:29: Tej phoo ntawv qub kws xuas teg sau, ntxiv nqai 29 nuav rua: Thaus Paulus has le ntawd taag, cov Yudais siscaav muajceem heev, tes puab nyag txawm tawm nyag moog lawm.
30Paulus nyob huv lub tsev kws nwg xauj tau ob xyoos txwm nkaus, nwg txaistog txhua tug kws tuaj saib nwg. 31Nwg qhuabqha txug Vaajtswv lub Tebchaws hab qha txug Tswv Yexus Khetos, nwg tsi ntshai leejtwg le hab tsi muaj leejtwg txwv nwg.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.