Tegnum 21
21
Paulus Moog Rua Nraag Yeluxalees
1Thaus peb haslug sisncaim rua puab taag tes peb txawm moog lawm. Peb caij nkoj ncaajnraim moog rua nraag lub povtxwv Kaus; nub tomqaab peb moog txug nraag lub povtxwv Laudes, hab tomqaab ntawm peb moog rua lub nroog Patalas. 2Peb pum ib lub nkoj yuav moog rua tim lub xeev Faunikias, peb txawm caij lub nkoj ntawd moog. 3Thaus peb moog pum lub povtxwv Xaipas lawm, peb txawm moog saab qaabteb rua tim tebchaws Xilias. Peb txawm moog nreg nkoj rua ntawm ntug dlej lub nroog Thailes, ruaqhov yuav tau thau khoom huv lub nkoj rua ntawd.
4Thaus peb moog nrhav tau cov ntseeg kws nyob huv lub nroog Thailes lawm, peb txawm nrug puab nyob tau xyaa nub. Vaaj Ntsujplig qha rua puab kuas puab tsi xob pub Paulus moog nraag lub nroog Yeluxalees. 5Tabsis thaus dlhau xyaa nub lawm, peb txhaj ncaim puab moog. Puab txhua tug nrug rua puab tej quaspuj mivnyuas suavdlawg puavleej xaa peb tawm huv nroog moog txug nraag ntug havtxwv, tes peb suavdlawg txawm txhuscaug thov Vaajtswv. 6Tomqaab ntawd peb ib leeg haslug sisncaim rua ib leeg; peb nce rua huv nkoj, hab puab txawm rovqaab moog tsev lawm.
7Peb caij nkoj moog ntxiv, kws yog tawm huv lub nroog Thailes moog rua nraag lub nroog Pataulemais; peb moog saib cov ntseeg huv lub nroog hab nrug puab nyob tau ib nub. 8Nub tomqaab peb txhaj moog txug rua nraag lub nroog Xixaleyas. Peb moog su huv Filiv kws yog ib tug qha Txuj Moo Zoo lub tsev. Nwg yog ib tug ntawm xyaa leej kws tau raug xaiv lug paab dlejnum nyob rua huv lub nroog Yeluxalees. 9Nwg muaj plaub tug ntxhais tsi tau yuav quasyawg, hab puab puavleej yog cov cev Vaajtswv Txujlug. 10Peb nyob ntawd tau ob-peb nub, txawm muaj ib tug xwbfwb cev Vaajtswv lug hu ua Ankanpus tuaj nraag xeev Yudas tuaj txug. #Tegnum 11:28 11Nwg tuaj saib peb, tes nwg txawm muab Paulus txuj hlaab sa lug khi nwg teg nwg taw hab has tas, “Vaaj Ntsujplig has le nuav has tas: Cov Yudais kws nyob huv lub nroog Yeluxalees yuav muab tug tswv ntawm txuj hlaab sa nuav khi ib yaam le nuav, hab puab yuav muab nwg cob rua Lwmtsaav Tuabneeg.”
12Thaus peb nov le ntawd, peb hab cov ntseeg kws nyob ntawd tau cheem hab thov kuas Paulus tsi xob moog rua sau lub nroog Yeluxalees. 13Tabsis Paulus teb tas, “Vim lecaag mej txhaj quaj hab ua rua kuv puagsab? Kuv yeej npaaj txhij lawm, tsi yog yuav raug khi nyob huv lub nroog Yeluxalees xwb, tabsis txaussab hlo tuag rua ntawm tug Tswv Yexus lub npe.”
14Peb cheem tsi tau nwg, yogle ntawd peb txhaj ua ib sab ca nwg moog; peb has rua nwg tas, “Thov kuas moog lawvle tug Tswv pumzoo.”
15Tomqaab peb nyob nub puav rua qhov chaw ntawd lawm, peb txawm sawbsim hab moog rua sau lub nroog Yeluxalees. 16Muaj qeeleej thwjtim kws nyob huv lub nroog Xixaleyas kuj nrug peb moog hab, puab tau coj peb moog su huv Manaxoos tsev. Yaav taag lug Manaxoos nyob peg lub povtxwv Xaipas hab nwg tub ntseeg Vaajtswv ntev lug lawm.
Paulus Moog Saib Yakaunpaus
17Thaus peb moog txug huv lub nroog Yeluxalees, cov ntseeg txaistog peb ntawm txuj kev zoosab kawg le. 18Nub tomqaab Paulus nrug peb moog saib Yakaunpaus; taagnrho cov txwjlaug huv pawg ntseeg kuj tuaj nyob rua ntawd hab. 19Paulus tau has kev nojqaab nyobzoo rua puab hab pav txhua yaam kws Vaajtswv tau siv nwg ua dlejnum rua Lwmtsaav Tuabneeg rua puab noog.
20Thaus puab nov le ntawd, puab suavdlawg ua Vaajtswv tsaug. Puab has tas, “Tijlaug, koj pum tas cov Yudais muaj ntau txheeb leej tau lug ntseeg Yexus lawm, hab puab yog cov kws coj txuj Kevcai nruj heev. 21Puab nov tas koj pheej moog qha rua txhua tug tuabneeg Yudais kws nyob huv Lwmtsaav Tuabneeg tej tebchaws kuas puab tso Mauxes txuj Kevcai tseg, kuas puab tsi xob muab puab tej mivnyuas ua kevcai txav, lossis tsi xob ua lawvle cov Yudais tej kevlig kevcai kws suavdlawg ibtxwm coj lug lawm. 22Puab yeej yuav nov tas koj tub tuaj txug ntawm nuav lawm. Yogle ntawd, peb yuav ua lecaag?
23“Peb xaav kuas koj ua le nuav. Muaj plaub tug txivneej nyob ntawm nuav, puab tau ua kevcai coglug lawm. #Teev 6:13-21 24Koj nrug puab moog hab nrug puab ua kevcai ntxuav, koj paab them puab tej nqe, sub puab txhaj chais tau puab tej plaubhau.#21:24: chais tau puab tej plaubhau: moog saib ntawm 18:18. Yog koj ua le ntawd, suavdlawg txhaj paub tas tej kws puab nov ntawd tsi muaj tseeb, koj yeej tseem coj lawvle Mauxes txuj Kevcai. 25Peb tub sau ib tsaab ntawv xaa moog rua Lwmtsaav Tuabneeg kws tau lug ntseeg Vaajtswv lawm has tas, peb pumzoo kuas puab tsi xob noj tej zaub-mov kws tub muab fij rua tej mlom lawm, tsi xob noj ntshaav, tsi xob noj tej tsaj kws hlua zawm cejdlaab tuag, hab tsi xob dleev luas quaspuj luas quasyawg.” #Tegnum 15:29
26Yogle ntawd, Paulus txhaj coj plaub tug txivneej ntawd moog, hab nub tomqaab ntawd nwg nrug puab ua kevcai ntxuav. Dlhau ntawd, nwg tau moog rua huv lub Tuamtsev hab qha tas thaus twg puab maamle ua kevcai ntxuav tav, nub ntawd yog nub kws puab ib leeg nyag yuav tau nqaa khoom tuaj fij rua Vaajtswv.
Paulus Raug Nteg Huv Lub Tuamtsev
27Thaus yuavlaug dlhau xyaa nub ntawd, muaj qeeleej Yudais kws tuaj peg lub xeev Exias tuaj txawm pum Paulus nyob huv lub Tuamtsev. Puab tau ua kuas taagnrho cov pejxeem muaj kev kubntxhuv tes puab txawm nteg Paulus. 28Puab qw has tas, “Cov Yixalayees! Mej cale lug paab peb! Tug nuav yog tug kws pheej moog qha txhua qhov kuas suavdlawg tawmtsaam cov Yixalayees, tawmtsaam Mauxes txuj Kevcai, hab lub Tuamtsev nuav. Tsi taag le ntawd xwb, nwg tseem coj Lwmtsaav Tuabneeg tuaj rua huv lub Tuamtsev hab ua rua lub Tuamtsev kws dlawbhuv nuav cale tsi huv lawm.” ( 29Puab has le ntawd, ruaqhov puab pum Rhaufimus kws tuaj peg lub nroog Efexus tuaj, nrug Paulus uake huv lub nroog, tes puab txawm xaav tas Paulus yeej coj Rhaufimus moog rua huv lub Tuamtsev lawm.) #Tegnum 20:4
30Taagnrho lub nroog txawm muaj kev kubntxhuv. Tej pejxeem suavdlawg txawm dlha tuaj uake, nteg Paulus hab muab nwg caab tawm huv lub Tuamtsev moog. Taamsim ntawd puab txawm muab lub Tuamtsev tej qhovrooj kaw kag lawm. 31Thaus cov tuabneeg coob-coob ntawd taabtom yuav muab Paulus tua povtseg, txawm muaj ib tug moog qha rua tug thawj tubrog pawg txheeb kws saib cov tubrog Loos has tas lub nroog Yeluxalees taabtom kubntxhuv heev. 32Taamsim ntawd tug thawj tubrog pawg txheeb txawm coj kag cov thawj tubrog pawg pua hab ib paab tubrog nrug nwg dlha ceevnrooj moog rua ntawm cov pejxeem. Thaus cov pejxeem pum tug thawj tubrog pawg txheeb hab cov tubrog, tes puab txhaj tsum tsi ntaus Paulus lawm.
33Tug thawj tubrog moog kag rua ntawm Paulus, nteg kag Paulus, hab has kuas muab ob txuj saw hlau lug khi Paulus. Nwg txawm nug has tas, “Tug nuav yog leejtwg, hab nwg tau ua txhum dlaabtsi?” 34Cov tuabneeg ntawd puab nyag has nyag lawm ib yaam tsi sisthooj, ua rua tug thawj tubrog paub tsi tseeb has tas yog vim lecaag tag, nwg txhaj kuas cov tubrog coj Paulus moog rua huv lub yeej rog. 35Thaus puab moog txug ntawm tug ntaiv, cov tubrog yuav tau muab Paulus nqaa, ruaqhov cov pejxeem uanruj uatsiv heev. 36Cov pejxeem lawv Paulus qaab hab qw has tas, “Cale muab nwg tua povtseg!”
Paulus Has Dlaws Nwg Zaaj
37Thaus cov tubrog taabtom yuav coj Paulus moog rua huv lub yeej, nwg txawm has rua tug thawj tubrog pawg txheeb has tas, “Thov ca kuv has ib lus rua koj puas tau?”
Tug thawj tubrog teb tas, “Koj paub lug Kilis hab lov? 38Koj tsi yog tug tuabneeg Iziv kws yaav taag lug tawmtsaam numtswv hab coj 4,000 leej kws nrhav kev tua tuabneeg nrug nwg moog rua tom roob mojsaab qhua lov?”
39Paulus teb tas, “Kuv yog tuabneeg Yudais, kuv yug huv lub nroog Thaxus kws nyob peg tebchaws Kilikias, yog ib tug pejxeem ntawm ib lub nroog kws tseemceeb. Thov koj tsocai rua kuv has rua cov pejxeem ntawd mivntsiv.”
40Tug thawj tubrog txhaj tsocai rua nwg has. Paulus txawm sawvntsug ntawm tug ntaiv hab cu teg kuas suavdlawg nyob tuabywv. Thaus suavdlawg ntsag taag lawm, Paulus txhaj ua lug Henplais has rua puab has tas:
လက္ရွိေရြးခ်ယ္ထားမွု
Tegnum 21: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Tegnum 21
21
Paulus Moog Rua Nraag Yeluxalees
1Thaus peb haslug sisncaim rua puab taag tes peb txawm moog lawm. Peb caij nkoj ncaajnraim moog rua nraag lub povtxwv Kaus; nub tomqaab peb moog txug nraag lub povtxwv Laudes, hab tomqaab ntawm peb moog rua lub nroog Patalas. 2Peb pum ib lub nkoj yuav moog rua tim lub xeev Faunikias, peb txawm caij lub nkoj ntawd moog. 3Thaus peb moog pum lub povtxwv Xaipas lawm, peb txawm moog saab qaabteb rua tim tebchaws Xilias. Peb txawm moog nreg nkoj rua ntawm ntug dlej lub nroog Thailes, ruaqhov yuav tau thau khoom huv lub nkoj rua ntawd.
4Thaus peb moog nrhav tau cov ntseeg kws nyob huv lub nroog Thailes lawm, peb txawm nrug puab nyob tau xyaa nub. Vaaj Ntsujplig qha rua puab kuas puab tsi xob pub Paulus moog nraag lub nroog Yeluxalees. 5Tabsis thaus dlhau xyaa nub lawm, peb txhaj ncaim puab moog. Puab txhua tug nrug rua puab tej quaspuj mivnyuas suavdlawg puavleej xaa peb tawm huv nroog moog txug nraag ntug havtxwv, tes peb suavdlawg txawm txhuscaug thov Vaajtswv. 6Tomqaab ntawd peb ib leeg haslug sisncaim rua ib leeg; peb nce rua huv nkoj, hab puab txawm rovqaab moog tsev lawm.
7Peb caij nkoj moog ntxiv, kws yog tawm huv lub nroog Thailes moog rua nraag lub nroog Pataulemais; peb moog saib cov ntseeg huv lub nroog hab nrug puab nyob tau ib nub. 8Nub tomqaab peb txhaj moog txug rua nraag lub nroog Xixaleyas. Peb moog su huv Filiv kws yog ib tug qha Txuj Moo Zoo lub tsev. Nwg yog ib tug ntawm xyaa leej kws tau raug xaiv lug paab dlejnum nyob rua huv lub nroog Yeluxalees. 9Nwg muaj plaub tug ntxhais tsi tau yuav quasyawg, hab puab puavleej yog cov cev Vaajtswv Txujlug. 10Peb nyob ntawd tau ob-peb nub, txawm muaj ib tug xwbfwb cev Vaajtswv lug hu ua Ankanpus tuaj nraag xeev Yudas tuaj txug. #Tegnum 11:28 11Nwg tuaj saib peb, tes nwg txawm muab Paulus txuj hlaab sa lug khi nwg teg nwg taw hab has tas, “Vaaj Ntsujplig has le nuav has tas: Cov Yudais kws nyob huv lub nroog Yeluxalees yuav muab tug tswv ntawm txuj hlaab sa nuav khi ib yaam le nuav, hab puab yuav muab nwg cob rua Lwmtsaav Tuabneeg.”
12Thaus peb nov le ntawd, peb hab cov ntseeg kws nyob ntawd tau cheem hab thov kuas Paulus tsi xob moog rua sau lub nroog Yeluxalees. 13Tabsis Paulus teb tas, “Vim lecaag mej txhaj quaj hab ua rua kuv puagsab? Kuv yeej npaaj txhij lawm, tsi yog yuav raug khi nyob huv lub nroog Yeluxalees xwb, tabsis txaussab hlo tuag rua ntawm tug Tswv Yexus lub npe.”
14Peb cheem tsi tau nwg, yogle ntawd peb txhaj ua ib sab ca nwg moog; peb has rua nwg tas, “Thov kuas moog lawvle tug Tswv pumzoo.”
15Tomqaab peb nyob nub puav rua qhov chaw ntawd lawm, peb txawm sawbsim hab moog rua sau lub nroog Yeluxalees. 16Muaj qeeleej thwjtim kws nyob huv lub nroog Xixaleyas kuj nrug peb moog hab, puab tau coj peb moog su huv Manaxoos tsev. Yaav taag lug Manaxoos nyob peg lub povtxwv Xaipas hab nwg tub ntseeg Vaajtswv ntev lug lawm.
Paulus Moog Saib Yakaunpaus
17Thaus peb moog txug huv lub nroog Yeluxalees, cov ntseeg txaistog peb ntawm txuj kev zoosab kawg le. 18Nub tomqaab Paulus nrug peb moog saib Yakaunpaus; taagnrho cov txwjlaug huv pawg ntseeg kuj tuaj nyob rua ntawd hab. 19Paulus tau has kev nojqaab nyobzoo rua puab hab pav txhua yaam kws Vaajtswv tau siv nwg ua dlejnum rua Lwmtsaav Tuabneeg rua puab noog.
20Thaus puab nov le ntawd, puab suavdlawg ua Vaajtswv tsaug. Puab has tas, “Tijlaug, koj pum tas cov Yudais muaj ntau txheeb leej tau lug ntseeg Yexus lawm, hab puab yog cov kws coj txuj Kevcai nruj heev. 21Puab nov tas koj pheej moog qha rua txhua tug tuabneeg Yudais kws nyob huv Lwmtsaav Tuabneeg tej tebchaws kuas puab tso Mauxes txuj Kevcai tseg, kuas puab tsi xob muab puab tej mivnyuas ua kevcai txav, lossis tsi xob ua lawvle cov Yudais tej kevlig kevcai kws suavdlawg ibtxwm coj lug lawm. 22Puab yeej yuav nov tas koj tub tuaj txug ntawm nuav lawm. Yogle ntawd, peb yuav ua lecaag?
23“Peb xaav kuas koj ua le nuav. Muaj plaub tug txivneej nyob ntawm nuav, puab tau ua kevcai coglug lawm. #Teev 6:13-21 24Koj nrug puab moog hab nrug puab ua kevcai ntxuav, koj paab them puab tej nqe, sub puab txhaj chais tau puab tej plaubhau.#21:24: chais tau puab tej plaubhau: moog saib ntawm 18:18. Yog koj ua le ntawd, suavdlawg txhaj paub tas tej kws puab nov ntawd tsi muaj tseeb, koj yeej tseem coj lawvle Mauxes txuj Kevcai. 25Peb tub sau ib tsaab ntawv xaa moog rua Lwmtsaav Tuabneeg kws tau lug ntseeg Vaajtswv lawm has tas, peb pumzoo kuas puab tsi xob noj tej zaub-mov kws tub muab fij rua tej mlom lawm, tsi xob noj ntshaav, tsi xob noj tej tsaj kws hlua zawm cejdlaab tuag, hab tsi xob dleev luas quaspuj luas quasyawg.” #Tegnum 15:29
26Yogle ntawd, Paulus txhaj coj plaub tug txivneej ntawd moog, hab nub tomqaab ntawd nwg nrug puab ua kevcai ntxuav. Dlhau ntawd, nwg tau moog rua huv lub Tuamtsev hab qha tas thaus twg puab maamle ua kevcai ntxuav tav, nub ntawd yog nub kws puab ib leeg nyag yuav tau nqaa khoom tuaj fij rua Vaajtswv.
Paulus Raug Nteg Huv Lub Tuamtsev
27Thaus yuavlaug dlhau xyaa nub ntawd, muaj qeeleej Yudais kws tuaj peg lub xeev Exias tuaj txawm pum Paulus nyob huv lub Tuamtsev. Puab tau ua kuas taagnrho cov pejxeem muaj kev kubntxhuv tes puab txawm nteg Paulus. 28Puab qw has tas, “Cov Yixalayees! Mej cale lug paab peb! Tug nuav yog tug kws pheej moog qha txhua qhov kuas suavdlawg tawmtsaam cov Yixalayees, tawmtsaam Mauxes txuj Kevcai, hab lub Tuamtsev nuav. Tsi taag le ntawd xwb, nwg tseem coj Lwmtsaav Tuabneeg tuaj rua huv lub Tuamtsev hab ua rua lub Tuamtsev kws dlawbhuv nuav cale tsi huv lawm.” ( 29Puab has le ntawd, ruaqhov puab pum Rhaufimus kws tuaj peg lub nroog Efexus tuaj, nrug Paulus uake huv lub nroog, tes puab txawm xaav tas Paulus yeej coj Rhaufimus moog rua huv lub Tuamtsev lawm.) #Tegnum 20:4
30Taagnrho lub nroog txawm muaj kev kubntxhuv. Tej pejxeem suavdlawg txawm dlha tuaj uake, nteg Paulus hab muab nwg caab tawm huv lub Tuamtsev moog. Taamsim ntawd puab txawm muab lub Tuamtsev tej qhovrooj kaw kag lawm. 31Thaus cov tuabneeg coob-coob ntawd taabtom yuav muab Paulus tua povtseg, txawm muaj ib tug moog qha rua tug thawj tubrog pawg txheeb kws saib cov tubrog Loos has tas lub nroog Yeluxalees taabtom kubntxhuv heev. 32Taamsim ntawd tug thawj tubrog pawg txheeb txawm coj kag cov thawj tubrog pawg pua hab ib paab tubrog nrug nwg dlha ceevnrooj moog rua ntawm cov pejxeem. Thaus cov pejxeem pum tug thawj tubrog pawg txheeb hab cov tubrog, tes puab txhaj tsum tsi ntaus Paulus lawm.
33Tug thawj tubrog moog kag rua ntawm Paulus, nteg kag Paulus, hab has kuas muab ob txuj saw hlau lug khi Paulus. Nwg txawm nug has tas, “Tug nuav yog leejtwg, hab nwg tau ua txhum dlaabtsi?” 34Cov tuabneeg ntawd puab nyag has nyag lawm ib yaam tsi sisthooj, ua rua tug thawj tubrog paub tsi tseeb has tas yog vim lecaag tag, nwg txhaj kuas cov tubrog coj Paulus moog rua huv lub yeej rog. 35Thaus puab moog txug ntawm tug ntaiv, cov tubrog yuav tau muab Paulus nqaa, ruaqhov cov pejxeem uanruj uatsiv heev. 36Cov pejxeem lawv Paulus qaab hab qw has tas, “Cale muab nwg tua povtseg!”
Paulus Has Dlaws Nwg Zaaj
37Thaus cov tubrog taabtom yuav coj Paulus moog rua huv lub yeej, nwg txawm has rua tug thawj tubrog pawg txheeb has tas, “Thov ca kuv has ib lus rua koj puas tau?”
Tug thawj tubrog teb tas, “Koj paub lug Kilis hab lov? 38Koj tsi yog tug tuabneeg Iziv kws yaav taag lug tawmtsaam numtswv hab coj 4,000 leej kws nrhav kev tua tuabneeg nrug nwg moog rua tom roob mojsaab qhua lov?”
39Paulus teb tas, “Kuv yog tuabneeg Yudais, kuv yug huv lub nroog Thaxus kws nyob peg tebchaws Kilikias, yog ib tug pejxeem ntawm ib lub nroog kws tseemceeb. Thov koj tsocai rua kuv has rua cov pejxeem ntawd mivntsiv.”
40Tug thawj tubrog txhaj tsocai rua nwg has. Paulus txawm sawvntsug ntawm tug ntaiv hab cu teg kuas suavdlawg nyob tuabywv. Thaus suavdlawg ntsag taag lawm, Paulus txhaj ua lug Henplais has rua puab has tas:
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.