Tegnum 17
17
Nyob Huv Thexalaunikes
1Thaus Paulus hab Xilas obtug hlaa dlhau lub nroog Aafipaulis hab lub nroog Apaulaunias lawm, obtug txawm moog txug rua lub nroog Thexalaunikes. Cov Yudais muaj ib lub tsev saablaaj nyob huv lub nroog ntawd. 2Paulus txawm moog rua huv lub tsev saablaaj lawvle nwg txeev ua lug. Muaj peb nub Xanpataus kws nwg tau muab Vaajtswv tej Lug lug qha hab teb tej lug kws puab nrug nwg siscaav. 3Nwg qha hab muab povthawj rua puab kuas puab pum tas tug Mexiyas yeej yuav raug tsimtxom, hab yuav sawv huv qhovtuag rovqaab lug. Paulus has tas, “Tug Yexus kws kuv taabtom qha rua mej nuav, yog tug Mexiyas ntaag.” 4Ibtxha ntawm cov tuabneeg Yudais tau ntseeg hab tau lug koom Paulus hab Xilas obtug; muaj cov quaspuj kws tseemceeb ntau leej hab cov tuabneeg Kilis kws fwm Vaajtswv coob leej kuj ntseeg hab koom Paulus obtug hab.
5Tabsis cov Yudais muaj qeeleej khib heev, puab txawm moog sau tej tuabneeg tsi tsimtxaj kws nyob tom tej kev lug ua ib paab. Puab tsim kev kubntxhuv moog thoobplawg lub nroog, hab cale moog tsoo ib tug txivneej hu ua Yaxoos lub tsev, kws yog yuav nrhav kuas tau Paulus hab Xilas obtug, es coj obtug tawm lug rua cov pejxeem txavtxim. 6Tabsis puab nrhav tsi pum obtug, tes puab txawm muab Yaxoos hab ob-peb tug ntseeg caab moog cuag cov numtswv, hab qw nrov-nrov has tas, “Cov tuabneeg nuav tau tsim teebmeem thoob lub nplajteb nuav! Zagnua puab tuaj txug huv peb lawm. 7Yaxoos tseem txaistog puab lug rua huv nwg tsev hab. Puab suavdlawg puavleej ua txhum Xixas txuj kevcai, vim puab qha has tas tseem muaj dlua ib tug vaajntxwv kws hu ua Yexus nua hab.”
8Thaus cov pejxeem hab cov numtswv nov le ntawd, puab chim heev. 9Cov numtswv txhaj yuam kuas Yaxoos puab them ib teg nyaj rua puab, tes puab txhaj tso Yaxoos puab moog lawm.
Nyob Huv Npele-as
10Mo ntawd thaus tsausntuj cov ntseeg tau xaa Paulus hab Xilas obtug moog nraag lub nroog Npele-as. Thaus obtug moog txug nraag, obtug moog rua huv cov Yudais lub tsev saablaaj. 11Cov Yudais kws nyob huv lub nroog Npele-as ntawd tseem qheb sab qheb ntsws dlua le cov kws nyob huv lub nroog Thexalaunikes. Puab kubsab lug noog Paulus tej lug qha hab najnub sojntsuam Vaajtswv tej Lug seb tej kws Paulus qha ntawd puas muaj tseeb tag. 12Muaj coob leej tau lug ntseeg, hab muaj ntau tug quaspuj Kilis kws muaj meejmom sab hab ntau tug txivneej Kilis kuj lug ntseeg hab.
13Tabsis thaus cov Yudais kws nyob huv lub nroog Thexalaunikes nov tas Paulus moog qha Vaajtswv Txujlug nraag lub nroog Npele-as, puab txawm tuaj ua rua cov pejxeem kws nyob huv lub nroog ntawd muaj kev kubntxhuv. 14Taamsim ntawd cov ntseeg txawm xaa Paulus moog rua nraag ntug havtxwv, tabsis Xilas hab Timautes obtug nyob huv lub nroog Npele-as. 15Puab xaa Paulus moog txug ncua rua nraag lub nroog Athees; thaus puab yuav rovqaab lug rua peg lub nroog Npele-as, Paulus kuas puab moog has rua Xilas hab Timautes obtug kuas tuaj cuag nwg sai le sai tau.
Nyob Huv Athees
16Thaus Paulus nyob huv lub nroog Athees tog Timautes hab Xilas obtug, nwg pum tas lub nroog ntawd muaj mlom puvnkaus txhua qhov, ua rua nwg ntxhuvsab kawg le. 17Yogle ntawd, nwg txhaj najnub moog huv lub tsev saablaaj, nrug cov Yudais hab Lwmtsaav Tuabneeg kws fwm Vaajtswv hab cov tuabneeg kws tuaj rua ntawm tej kab ntawd siscaav. 18Muaj ib cov tubtxawg tubntse kws yog cov Epikule-as hab cov Xatau-is qeeleej kuj tau nrug Paulus siscaav hab. Puab qeeleej nug has tas, “Tug tuabneeg nuav laam khaws tej nyuas tswvyim tom tej lug xwb, es nwg ho yuav muaj dlaabtsi qha?”
Lwmtug has tas, “Zoole yog nwg has txug Lwmtsaav Tuabneeg tej nyuas vaajtswv.” Puab has le ntawd ruaqhov Paulus taabtom qha txug Yexus hab kev sawv huv qhovtuag rovqaab lug.#17:18: Yexus hab kev sawv huv qhovtuag rovqaab lug: Nyob huv ntaub ntawv Kilis, lulug “kev sawv huv qhovtuag rovqaab lug” yog lulug siv rua quaspuj, yogle, lulug nuav muaj peevxwm siv tau rua ib tug nyuas vaajtswv quaspuj los kuj tau hab. 19Yogle ntawd, puab txawm coj Paulus moog cuag cov numtswv, kws yog ntawm Alepankus. Puab nug has tas, “Peb xaav paub tas zaaj tshab kws koj qha ntawd yog has txug dlaabtsi. 20Qeeyaam kws peb nov koj qha ntawd mas txawv heev rua peb, yogle ntawd, peb xaav paub tas lub ntsab ntawm tej zaaj ntawd yog lecaag tag.” ( 21Taagnrho tej pejxeem huv Athees hab Lwmtsaav Tuabneeg kws nyob huv lub nroog ntawd, puab nyam siv puab tej sijhawm lug noog hab sisthaam txug tej zaaj tshab kws puab tsi tau nov dlua.)
22Tes Paulus txawm sawvtseeg taabmeeg cov numtswv hab has tas, “Cov tuabneeg Athees, kuv pum tas mej muab sab rau teev mej tej mlom kawg le. 23Vim thaus kuv moog ncig saib mej lub nroog hab moog saib tej chaw kws mej pehawm, kuv pum muaj lug sau rua ntawm ib lub thaaj has tas, ‘Rua tug Vaajtswv kws Peb Tsi Paub.’ Tug kws mej pehawm tabsis mej tsi paub ntawd ntaag lau, yog tug kws nwgnuav kuv qha rua mej. 24Vaajtswv, tug kws tsim lub nplajteb hab txhua yaam kws nyob huv nplajteb nuav, yog tug Tswv kws kaav lub ntuj hab lub nplajteb hab Nwg tsi nyob huv tej tuamtsev kws tuabneeg txhais teg ua. #1Vaaj 8:27; Yaxaya 42:5; Tegnum 7:48 25Nwg yeej tsi tuncua ib yaam dlaabtsi kws peb tseem yuav muaj cuabkaav muab tau rua Nwg. Ruaqhov Nwg tub yog tug kws rau sav rau paa hab pub txhua yaam rua suavdlawg. 26Nwg yog tug tsim txhua tsaav tuabneeg tawm huv ib tug tuabneeg lug, hab kuas puab moog nyob thoobplawg huv lub nplajteb. Nwg yog tug teem sijhawm hab tu tej nrimteb nrimchaw rua puab nyob. 27Nwg ua le ntawd sub puab txhajle yuav nrhav Nwg; yog puab xaav ncaav kuas cuag Nwg, puab yeej yuav ncaav cuag xwb, ruaqhov Vaajtswv yeej nyob tsi dleb ntawm peb txhua tug; 28lawvle qeeleej has tseg has tas,
“ ‘Vim muaj Vaajtswv, peb txhajle cajsa, moog-moog lug-lug, hab peemtsheej muaj nyob.’
Ib yaam le mej cov tubtxawg kws txawj sau paajlug qeeleej tau has tas,
‘Peb puavleej yog Nwg le caajceg hab.’
29Yogle ntawd, peb cov kws yog Vaajtswv le caajceg, peb tsi xob xaav tas Vaajtswv zoo le ib tug fwvxyeej kws tuabneeg muab nyaj muab kub nchuav hab muab pobzeb txaug ua lug ntawm puab tug txujteg hab peevxwm. 30Thaus tuabneeg tseem tsi tau paub Vaajtswv, Vaajtswv tsi suav txim rua puab. Tabsis nwgnuav Nwg tub qha rua txhua tsaav tuabneeg kws nyob thoobplawg lub qaabntuj nuav kuas puab tso puab tej kev txhum tseg. 31Ruaqhov Nwg tub teem ib nub ca ua nub Nwg yuav txavtxim rua txhua tsaav tuabneeg huv qaabntuj nuav lug ntawm txuj kev ncaajnceeg hab Nwg tub xaiv ib tug lug ua tug txavtxim lawm. Nwg tub qha tej nuav meej-meej rua txhua tug paub lug ntawm qhov kws Nwg tau tsaa tug tuabneeg ntawd sawv huv qhovtuag rovqaab lug!”
32Thaus puab nov Paulus has txug kev sawv huv qhovtuag rovqaab lug, muaj ibtxha txawm thuam hab luag Paulus zumzawg, tabsis lwmtug ho has tas, “Peb xaav rov noog koj qha zaaj nuav dlua ib zag ntxiv hab.” 33Tes Paulus txawm tawm ntawm lub chaw saablaaj ntawd moog lawm. 34Muaj qeeleej tau lug koom nrug Paulus hab cale lug ntseeg Yexus lawm. Cov ntawd muaj ib tug nom hu ua Di-aunexius; muaj ib tug quaspuj hu ua Damalis, hab ntxiv rua lwmtug.
လက္ရွိေရြးခ်ယ္ထားမွု
Tegnum 17: HNJ2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Tegnum 17
17
Nyob Huv Thexalaunikes
1Thaus Paulus hab Xilas obtug hlaa dlhau lub nroog Aafipaulis hab lub nroog Apaulaunias lawm, obtug txawm moog txug rua lub nroog Thexalaunikes. Cov Yudais muaj ib lub tsev saablaaj nyob huv lub nroog ntawd. 2Paulus txawm moog rua huv lub tsev saablaaj lawvle nwg txeev ua lug. Muaj peb nub Xanpataus kws nwg tau muab Vaajtswv tej Lug lug qha hab teb tej lug kws puab nrug nwg siscaav. 3Nwg qha hab muab povthawj rua puab kuas puab pum tas tug Mexiyas yeej yuav raug tsimtxom, hab yuav sawv huv qhovtuag rovqaab lug. Paulus has tas, “Tug Yexus kws kuv taabtom qha rua mej nuav, yog tug Mexiyas ntaag.” 4Ibtxha ntawm cov tuabneeg Yudais tau ntseeg hab tau lug koom Paulus hab Xilas obtug; muaj cov quaspuj kws tseemceeb ntau leej hab cov tuabneeg Kilis kws fwm Vaajtswv coob leej kuj ntseeg hab koom Paulus obtug hab.
5Tabsis cov Yudais muaj qeeleej khib heev, puab txawm moog sau tej tuabneeg tsi tsimtxaj kws nyob tom tej kev lug ua ib paab. Puab tsim kev kubntxhuv moog thoobplawg lub nroog, hab cale moog tsoo ib tug txivneej hu ua Yaxoos lub tsev, kws yog yuav nrhav kuas tau Paulus hab Xilas obtug, es coj obtug tawm lug rua cov pejxeem txavtxim. 6Tabsis puab nrhav tsi pum obtug, tes puab txawm muab Yaxoos hab ob-peb tug ntseeg caab moog cuag cov numtswv, hab qw nrov-nrov has tas, “Cov tuabneeg nuav tau tsim teebmeem thoob lub nplajteb nuav! Zagnua puab tuaj txug huv peb lawm. 7Yaxoos tseem txaistog puab lug rua huv nwg tsev hab. Puab suavdlawg puavleej ua txhum Xixas txuj kevcai, vim puab qha has tas tseem muaj dlua ib tug vaajntxwv kws hu ua Yexus nua hab.”
8Thaus cov pejxeem hab cov numtswv nov le ntawd, puab chim heev. 9Cov numtswv txhaj yuam kuas Yaxoos puab them ib teg nyaj rua puab, tes puab txhaj tso Yaxoos puab moog lawm.
Nyob Huv Npele-as
10Mo ntawd thaus tsausntuj cov ntseeg tau xaa Paulus hab Xilas obtug moog nraag lub nroog Npele-as. Thaus obtug moog txug nraag, obtug moog rua huv cov Yudais lub tsev saablaaj. 11Cov Yudais kws nyob huv lub nroog Npele-as ntawd tseem qheb sab qheb ntsws dlua le cov kws nyob huv lub nroog Thexalaunikes. Puab kubsab lug noog Paulus tej lug qha hab najnub sojntsuam Vaajtswv tej Lug seb tej kws Paulus qha ntawd puas muaj tseeb tag. 12Muaj coob leej tau lug ntseeg, hab muaj ntau tug quaspuj Kilis kws muaj meejmom sab hab ntau tug txivneej Kilis kuj lug ntseeg hab.
13Tabsis thaus cov Yudais kws nyob huv lub nroog Thexalaunikes nov tas Paulus moog qha Vaajtswv Txujlug nraag lub nroog Npele-as, puab txawm tuaj ua rua cov pejxeem kws nyob huv lub nroog ntawd muaj kev kubntxhuv. 14Taamsim ntawd cov ntseeg txawm xaa Paulus moog rua nraag ntug havtxwv, tabsis Xilas hab Timautes obtug nyob huv lub nroog Npele-as. 15Puab xaa Paulus moog txug ncua rua nraag lub nroog Athees; thaus puab yuav rovqaab lug rua peg lub nroog Npele-as, Paulus kuas puab moog has rua Xilas hab Timautes obtug kuas tuaj cuag nwg sai le sai tau.
Nyob Huv Athees
16Thaus Paulus nyob huv lub nroog Athees tog Timautes hab Xilas obtug, nwg pum tas lub nroog ntawd muaj mlom puvnkaus txhua qhov, ua rua nwg ntxhuvsab kawg le. 17Yogle ntawd, nwg txhaj najnub moog huv lub tsev saablaaj, nrug cov Yudais hab Lwmtsaav Tuabneeg kws fwm Vaajtswv hab cov tuabneeg kws tuaj rua ntawm tej kab ntawd siscaav. 18Muaj ib cov tubtxawg tubntse kws yog cov Epikule-as hab cov Xatau-is qeeleej kuj tau nrug Paulus siscaav hab. Puab qeeleej nug has tas, “Tug tuabneeg nuav laam khaws tej nyuas tswvyim tom tej lug xwb, es nwg ho yuav muaj dlaabtsi qha?”
Lwmtug has tas, “Zoole yog nwg has txug Lwmtsaav Tuabneeg tej nyuas vaajtswv.” Puab has le ntawd ruaqhov Paulus taabtom qha txug Yexus hab kev sawv huv qhovtuag rovqaab lug.#17:18: Yexus hab kev sawv huv qhovtuag rovqaab lug: Nyob huv ntaub ntawv Kilis, lulug “kev sawv huv qhovtuag rovqaab lug” yog lulug siv rua quaspuj, yogle, lulug nuav muaj peevxwm siv tau rua ib tug nyuas vaajtswv quaspuj los kuj tau hab. 19Yogle ntawd, puab txawm coj Paulus moog cuag cov numtswv, kws yog ntawm Alepankus. Puab nug has tas, “Peb xaav paub tas zaaj tshab kws koj qha ntawd yog has txug dlaabtsi. 20Qeeyaam kws peb nov koj qha ntawd mas txawv heev rua peb, yogle ntawd, peb xaav paub tas lub ntsab ntawm tej zaaj ntawd yog lecaag tag.” ( 21Taagnrho tej pejxeem huv Athees hab Lwmtsaav Tuabneeg kws nyob huv lub nroog ntawd, puab nyam siv puab tej sijhawm lug noog hab sisthaam txug tej zaaj tshab kws puab tsi tau nov dlua.)
22Tes Paulus txawm sawvtseeg taabmeeg cov numtswv hab has tas, “Cov tuabneeg Athees, kuv pum tas mej muab sab rau teev mej tej mlom kawg le. 23Vim thaus kuv moog ncig saib mej lub nroog hab moog saib tej chaw kws mej pehawm, kuv pum muaj lug sau rua ntawm ib lub thaaj has tas, ‘Rua tug Vaajtswv kws Peb Tsi Paub.’ Tug kws mej pehawm tabsis mej tsi paub ntawd ntaag lau, yog tug kws nwgnuav kuv qha rua mej. 24Vaajtswv, tug kws tsim lub nplajteb hab txhua yaam kws nyob huv nplajteb nuav, yog tug Tswv kws kaav lub ntuj hab lub nplajteb hab Nwg tsi nyob huv tej tuamtsev kws tuabneeg txhais teg ua. #1Vaaj 8:27; Yaxaya 42:5; Tegnum 7:48 25Nwg yeej tsi tuncua ib yaam dlaabtsi kws peb tseem yuav muaj cuabkaav muab tau rua Nwg. Ruaqhov Nwg tub yog tug kws rau sav rau paa hab pub txhua yaam rua suavdlawg. 26Nwg yog tug tsim txhua tsaav tuabneeg tawm huv ib tug tuabneeg lug, hab kuas puab moog nyob thoobplawg huv lub nplajteb. Nwg yog tug teem sijhawm hab tu tej nrimteb nrimchaw rua puab nyob. 27Nwg ua le ntawd sub puab txhajle yuav nrhav Nwg; yog puab xaav ncaav kuas cuag Nwg, puab yeej yuav ncaav cuag xwb, ruaqhov Vaajtswv yeej nyob tsi dleb ntawm peb txhua tug; 28lawvle qeeleej has tseg has tas,
“ ‘Vim muaj Vaajtswv, peb txhajle cajsa, moog-moog lug-lug, hab peemtsheej muaj nyob.’
Ib yaam le mej cov tubtxawg kws txawj sau paajlug qeeleej tau has tas,
‘Peb puavleej yog Nwg le caajceg hab.’
29Yogle ntawd, peb cov kws yog Vaajtswv le caajceg, peb tsi xob xaav tas Vaajtswv zoo le ib tug fwvxyeej kws tuabneeg muab nyaj muab kub nchuav hab muab pobzeb txaug ua lug ntawm puab tug txujteg hab peevxwm. 30Thaus tuabneeg tseem tsi tau paub Vaajtswv, Vaajtswv tsi suav txim rua puab. Tabsis nwgnuav Nwg tub qha rua txhua tsaav tuabneeg kws nyob thoobplawg lub qaabntuj nuav kuas puab tso puab tej kev txhum tseg. 31Ruaqhov Nwg tub teem ib nub ca ua nub Nwg yuav txavtxim rua txhua tsaav tuabneeg huv qaabntuj nuav lug ntawm txuj kev ncaajnceeg hab Nwg tub xaiv ib tug lug ua tug txavtxim lawm. Nwg tub qha tej nuav meej-meej rua txhua tug paub lug ntawm qhov kws Nwg tau tsaa tug tuabneeg ntawd sawv huv qhovtuag rovqaab lug!”
32Thaus puab nov Paulus has txug kev sawv huv qhovtuag rovqaab lug, muaj ibtxha txawm thuam hab luag Paulus zumzawg, tabsis lwmtug ho has tas, “Peb xaav rov noog koj qha zaaj nuav dlua ib zag ntxiv hab.” 33Tes Paulus txawm tawm ntawm lub chaw saablaaj ntawd moog lawm. 34Muaj qeeleej tau lug koom nrug Paulus hab cale lug ntseeg Yexus lawm. Cov ntawd muaj ib tug nom hu ua Di-aunexius; muaj ib tug quaspuj hu ua Damalis, hab ntxiv rua lwmtug.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.