Uchokholha 22
22
Aburahimu anonkumiha isadaka Isaka
1Baada yo uvira mahuku, Nlhuku ahaalhikacha Aburahimu. Nlhuku aheehana, “Aburahimu!”
Ni ayo nkayaakhulha, “Aa, kinouwiwelhelhani Pwiiya.”
2Nlhuku nkeerelha, “Munkusheke mwaamwaninyu Isaka, mwaamwaninyu o yekhawe nnonttuna inyu, nrweeke mpaka miako cho Umoriya, mwankumiheke isadaka yo upahiya vachulhu mwaako mmoka kinohalha aka uwoonihani.”
3Paahi, washeekeru, Aburahimu ahonkwa mapikoosha, nkayaathalha ikuwo vachulhu iphuta aya, nkayaakusha anamitheko aya elhi vamoka ni mwaamwanaya Isaka. Nkayaarema ikhuni wo nlhatu no upahera isadaka, nkayaachokholha nkwaha ulhukama vakittu vaahimeriye aya ni Nlhuku. 4Nihuku no neraru Aburahimu ahopathusha miitho, nkayoona toka utayi vavawo vakittu vawo. 5Aburahimu nkayeerelhacha anamitheko aya alhe, “Mwaarerieke vava ni iphuta ilha. Mii ni mwaamwanaka ninoorwaa mpaka ulhe, nanthimiche Nlhuku, namalhihaka ninoohokolhia.”
6Paahi Aburahimu nkayaakusha ikhuni chilhe, nkayanthathiha mwaamwanaya, Isaka. Anene ayo nkayaakusha mooro ni mwaalho mmathathani nkayaathama vamoka. 7Isaka nkaakoha athumwanawe, Aburahimu, “Thithi!”
Aburahimu nkayaakhulha, “Mii vaa, mwaamwanaka.”
Isaka nkaakoha, “Mooro ni ikhuni chi phi chii, vano mwaakhondoro o isadaka yo upahiya uyo ri vayi?”
8Aburahimu nkayaakhulha, “Mwaamwanaka, Nlhuku mwanene noonivaha mwaakhondoro o unkumiha isadaka.” Paahi nkawaarweiya nkwaha uyo.
9Vaaphilhe aya vakittu vaalheheriye aya ni Nlhuku, Aburahimu ahothatha malhuku nkayaatheka madhubahu ni weesha ikhuni chilhe vachulhu vawo. Nkayanttuka mwaamwanaya Isaka ni umwaathalhelha vachulhu ikhuni chiyo vamadhubahuni vawo. 10Aburahimu nkayookolha moono aya nkayaakusha mwaalho wiira anhithe mwaamwanaya. 11Nansho nnepa wa Apwiiya Nlhuku nkaweehana ukhuma wiirimu, “Aburahimu! Aburahimu!”
Ni ayo nkayaakhulha, “Aa, mii va, kinowiiwelhelhani!”
12Nnepa nkaweerelha, “Nhinhithe mwaana mena nhimpangelhe ittu iriyoothe! Vano kihochuwelha wiira nnoomwoova Nlhuku, ukhalhawaya khankithuwilhe ata mwaamwaninyu o yekha awe.”
13Phi vavawo etu Aburahimu vaapathunshe aya miitho, nkayoona ikhondoro ilhopwana inawayilhe inyaka vethuphini. Paahi nkayaarwa nkayaakusha ikhondoro iyo, nkayakumiha isadaka yo upahiya badala yo mwaamwanaya. 14Paahi etu Aburahimu nkayeehana vavawo vakittu vawo, “Apwiiya Nlhuku anoovaha.” Thoko chineeriya aya mpaka nna wiira, “Vamwaakoni wa Apwiiya Nlhuku, attu anoopatta.”
15Nnepa wa Apwiiya Nlhuku nkaweehana Aburahimu wo neyelhi ukhuma wiirimu, 16nkaweerelha, “Apwiiya Nlhuku aneera cho, Kiholhupelha wo uttuna waka wiira, ukhalhawaya nheera chommo, mena khankithuwilhe mwaamwaninyu o yekha awe, 17wo ikekhiaye kinouvahani ibarakha, kinowunnuwiha iyari inyu ni ukhalha thoko ittotwa cho wiirimu, tho thoko nhaava wo umbwaani. Iyari inyu inoowa yaatawara iwani cha amalhaponi inyu. 18Wo ukhuma iyari inyu, makosho onkhaye o velhaponi anoovahiya ibarakha ukhalhawaya inyu nhewelhelha malheheriyo aka.” 19Paahi Aburahimu nkayaahokolhelha anamitheko aya alhe, nkawaathamachiya vamoka nkawaahokolheiya Ubeer Sheba. Aburahimu nkayaakhalha Ubeer Sheba uwo.
Achishaana a Nanahori
20Baada yo yoyo mwaha uyo Aburahimu aheewa wiira, Milka chiicho haayarelha Nanahori, yaani mwanhima aya Aburahimu, achishaana ashilhopwana, 21mwaana o nttara aari Usi, o nayelhi Buuzi, o neraru Kemueli, athumwanaya Naaramu. 22Achishaana akina aari, Kesedi, Haazo, Pildashi, Yidlafu ni Bethueli. 23Bethueli phi ayanre Narabeka. Jumula ya ashaana aayariye ni Milka waayarelha Nanahori ahima aya Aburahimu, aari achishaana nane. 24Wo uthepa vavawo, Reuma karumiya nthiyana a Nanahori ni uyo ahaayarelha Nanahori achishaana acheshe, Teba, Gahamu, Tahashi ni Maaka.
လက္ရွိေရြးခ်ယ္ထားမွု
Uchokholha 22: MOT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible Version in Makua @The Word for The World International and Makua Language translators. All rights reserved.
Uchokholha 22
22
Aburahimu anonkumiha isadaka Isaka
1Baada yo uvira mahuku, Nlhuku ahaalhikacha Aburahimu. Nlhuku aheehana, “Aburahimu!”
Ni ayo nkayaakhulha, “Aa, kinouwiwelhelhani Pwiiya.”
2Nlhuku nkeerelha, “Munkusheke mwaamwaninyu Isaka, mwaamwaninyu o yekhawe nnonttuna inyu, nrweeke mpaka miako cho Umoriya, mwankumiheke isadaka yo upahiya vachulhu mwaako mmoka kinohalha aka uwoonihani.”
3Paahi, washeekeru, Aburahimu ahonkwa mapikoosha, nkayaathalha ikuwo vachulhu iphuta aya, nkayaakusha anamitheko aya elhi vamoka ni mwaamwanaya Isaka. Nkayaarema ikhuni wo nlhatu no upahera isadaka, nkayaachokholha nkwaha ulhukama vakittu vaahimeriye aya ni Nlhuku. 4Nihuku no neraru Aburahimu ahopathusha miitho, nkayoona toka utayi vavawo vakittu vawo. 5Aburahimu nkayeerelhacha anamitheko aya alhe, “Mwaarerieke vava ni iphuta ilha. Mii ni mwaamwanaka ninoorwaa mpaka ulhe, nanthimiche Nlhuku, namalhihaka ninoohokolhia.”
6Paahi Aburahimu nkayaakusha ikhuni chilhe, nkayanthathiha mwaamwanaya, Isaka. Anene ayo nkayaakusha mooro ni mwaalho mmathathani nkayaathama vamoka. 7Isaka nkaakoha athumwanawe, Aburahimu, “Thithi!”
Aburahimu nkayaakhulha, “Mii vaa, mwaamwanaka.”
Isaka nkaakoha, “Mooro ni ikhuni chi phi chii, vano mwaakhondoro o isadaka yo upahiya uyo ri vayi?”
8Aburahimu nkayaakhulha, “Mwaamwanaka, Nlhuku mwanene noonivaha mwaakhondoro o unkumiha isadaka.” Paahi nkawaarweiya nkwaha uyo.
9Vaaphilhe aya vakittu vaalheheriye aya ni Nlhuku, Aburahimu ahothatha malhuku nkayaatheka madhubahu ni weesha ikhuni chilhe vachulhu vawo. Nkayanttuka mwaamwanaya Isaka ni umwaathalhelha vachulhu ikhuni chiyo vamadhubahuni vawo. 10Aburahimu nkayookolha moono aya nkayaakusha mwaalho wiira anhithe mwaamwanaya. 11Nansho nnepa wa Apwiiya Nlhuku nkaweehana ukhuma wiirimu, “Aburahimu! Aburahimu!”
Ni ayo nkayaakhulha, “Aa, mii va, kinowiiwelhelhani!”
12Nnepa nkaweerelha, “Nhinhithe mwaana mena nhimpangelhe ittu iriyoothe! Vano kihochuwelha wiira nnoomwoova Nlhuku, ukhalhawaya khankithuwilhe ata mwaamwaninyu o yekha awe.”
13Phi vavawo etu Aburahimu vaapathunshe aya miitho, nkayoona ikhondoro ilhopwana inawayilhe inyaka vethuphini. Paahi nkayaarwa nkayaakusha ikhondoro iyo, nkayakumiha isadaka yo upahiya badala yo mwaamwanaya. 14Paahi etu Aburahimu nkayeehana vavawo vakittu vawo, “Apwiiya Nlhuku anoovaha.” Thoko chineeriya aya mpaka nna wiira, “Vamwaakoni wa Apwiiya Nlhuku, attu anoopatta.”
15Nnepa wa Apwiiya Nlhuku nkaweehana Aburahimu wo neyelhi ukhuma wiirimu, 16nkaweerelha, “Apwiiya Nlhuku aneera cho, Kiholhupelha wo uttuna waka wiira, ukhalhawaya nheera chommo, mena khankithuwilhe mwaamwaninyu o yekha awe, 17wo ikekhiaye kinouvahani ibarakha, kinowunnuwiha iyari inyu ni ukhalha thoko ittotwa cho wiirimu, tho thoko nhaava wo umbwaani. Iyari inyu inoowa yaatawara iwani cha amalhaponi inyu. 18Wo ukhuma iyari inyu, makosho onkhaye o velhaponi anoovahiya ibarakha ukhalhawaya inyu nhewelhelha malheheriyo aka.” 19Paahi Aburahimu nkayaahokolhelha anamitheko aya alhe, nkawaathamachiya vamoka nkawaahokolheiya Ubeer Sheba. Aburahimu nkayaakhalha Ubeer Sheba uwo.
Achishaana a Nanahori
20Baada yo yoyo mwaha uyo Aburahimu aheewa wiira, Milka chiicho haayarelha Nanahori, yaani mwanhima aya Aburahimu, achishaana ashilhopwana, 21mwaana o nttara aari Usi, o nayelhi Buuzi, o neraru Kemueli, athumwanaya Naaramu. 22Achishaana akina aari, Kesedi, Haazo, Pildashi, Yidlafu ni Bethueli. 23Bethueli phi ayanre Narabeka. Jumula ya ashaana aayariye ni Milka waayarelha Nanahori ahima aya Aburahimu, aari achishaana nane. 24Wo uthepa vavawo, Reuma karumiya nthiyana a Nanahori ni uyo ahaayarelha Nanahori achishaana acheshe, Teba, Gahamu, Tahashi ni Maaka.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bible Version in Makua @The Word for The World International and Makua Language translators. All rights reserved.