1 Korid 13:4-5

An nöbö mö madmag nɨgmɨjɨnɨŋ aku, ñɨgö mönö höimöliö mɨda yadön, pɨ ösös rɨ ri abnɨŋa. An nöbö mö madmag nɨgmɨjɨnɨŋ aku, ap wä ñɨŋ bla ap an i alɨg mɨdölö, rön, rɨb aku yöx nugwöinɨŋ. An nöbö mö madmag nɨgmɨjɨnɨŋ aku, ib ana keir yadɨŋ bɨl sö duenɨm. An nöbö mö madmag nɨgmɨjɨnɨŋ aku, anör nöbö mö dib nöbö mö piaku nöbö mö ulmɨdö, me rön, rɨb aku yöx nugwöinɨŋ. An nöbö mö madmag nɨgmɨjɨnɨŋ aku, nöbö mö ñɨgö yadyöxön mönö gwogwo yadön amnɨmab röinɨŋ. An nöbö mö madmag nɨgmɨjɨnɨŋ aku, ap agap apɨm anɨŋ keir wä cön mag aku öim rɨbyöx nugwön röinɨŋ. An nöbö mö madmag nɨgmɨjɨnɨŋ aku, rɨmgör ölɨsö rödön mönö i nuö nuö yadöinɨŋ. An nöbö mö madmag nɨgmɨjɨnɨŋ aku, nöbö mö bli anɨŋ rɨ gwogwam cöñ mag aku öim öim rɨbyöx nugu gör mɨdöinɨŋ.