Xekhaliyas 12
12
Yav tomntej Yuav Tso Kom Yeluxalees Dim
1Ntawm no yog tus TSWV tej lus uas hais txog cov Yixalayees, tus TSWV uas nthuav lub ntuj, tsim lub ntiajteb, thiab tus uas rau siav rau pa rau neeg ntiajteb. Nws hais tias, 2“Kuv yuav ua kom Yeluxalees zoo yam li khob cawv; txhua haivneeg uas nyob puagncig nws yuav haus thiab ntog pujpoog yam li qaugcawv. Thaum luag tuaj vij lub nroog Yeluxalees, tej nroog uas nyob hauv tebchaws Yudas yuav raug vij ib yam nkaus. 3Tiamsis thaum txog lub sijhawm ntawd, Kuv yuav ua kom Yeluxalees zoo li lub pobzeb uas hnyav heev, haivneeg twg uas tuaj tsaws lub pobzeb ntawd yuav raug mob. Txhua haivneeg uas nyob hauv ntiajteb no yuav sau nthwv tuaj tawmtsam nws. 4Lub sijhawm ntawd Kuv yuav ua kom lawv tej nees ceebsob thiab ua kom cov neeg caij nees txhua tus vwm tagnrho. Kuv yuav tsomkwm cov Yudais, tiamsis Kuv yuav ua kom lawv cov yeebncuab tej nees digmuag tag huvsi. 5Ces xeem Yudas yuav rov hais rau lawv tuskheej tias, ‘Tus TSWV uas yog Vajtswv tus uas muaj Hwjchim Loj Kawg Nkaus yog tus pub dagzog rau Nws haivneeg uas nyob hauv Yeluxalees.’
6“Lub sijhawm ntawd, Kuv yuav ua kom xeem Yudas zoo yam li cub hluavtaws uas nyob hauv ib thaj havzoov lossis ib thaj teb uas nplej siav heev lawm. Lawv yuav muab txhua haivneeg uas nyob puagncig lawv hlawv kom puastsuaj tag, tiamsis cov neeg uas nyob hauv Yeluxalees yuav nyob tsosiab lug.
7“Kuv, uas yog tus TSWV, yuav xub muab txoj kev muajyeej rau Yudas cov tubrog, kom lub meejmom uas Daviv cajces thiab cov neeg uas nyob hauv Yeluxalees tau txais ntawd thiaj tsis loj tshaj lub meejmom uas lwmpab Yudas tau txais. 8Lub sijhawm ntawd tus TSWV yuav tivthaiv cov uas nyob hauv Yeluxalees, txawm yog cov neeg qaugzog uas nrog lawv nyob hauv los yuav muajzog ib yam li Daviv. Daviv cajces yuav coj lawv kev yam li tus TSWV tus timtswv, thiab ib yam li Vajtswv ntag. 9Lub sijhawm ntawd Kuv yuav rhuav tshem txhua haivneeg uas nrhiav kev tawmtsam lub nroog Yeluxalees.
10“Kuv yuav pub kom Daviv cajces thiab cov neeg uas nyob hauv lub nroog Yeluxalees muaj lub siab puvnpo txoj kev hlub thiab kev thov Vajtswv. Lawv yuav ntsiantsoov tus uas lawv muab nkaug tuag lawm, thiab lawv yuav quaj nws ib yam li cov uas muaj tibtug menyuam xwb tiamsis tseem tuag lawm. Lawv yuav quaj tusiab nrho ib yam li cov uas quaj lawv thawjtug tub hlob uas tuag lawm.#Yauh 19:37; Tshwm 1:7 11Thaum txog lub sijhawm ntawd, cov neeg uas tabtom quajntsuag hauv lub nroog Yeluxalees yuav coob npaum li cov neeg uas quaj-nyiav Hadas Limoos#12:11: Hadas Limoos: Tejzaum yog Npa-as lub npe, tus nyuag vajtswv uas kav tej zaub hauv tebchaws Kana-as thiab Xilias. Txhua xyoo thaum tej zaub tuag, cov neeg uas pe Npa-as xav tias lawv tus nyuag vajtswv tau tuag lawm, mas lawv thiaj quaj-nyiav nws. uas nyob hauv lub tiaj Menkidaus. 12-14Txhua tsev neeg uas nyob hauv lub tebchaws ntawd, nyias quajntsuag nyob hauv nyias tsev: tsev neeg uas yog Daviv cajces, tsev neeg uas yog Nathas cajces, tsev neeg uas yog Levis cajces, tsev neeg uas yog Sime-is cajces, thiab tagnrho lwm tsev neeg huv tibsi. Txhua tsev neeg nyias yuav quajntsuag nyob hauv nyias tsev, thiab txhua tsev neeg cov txivneej nyias yuav mus quaj nyias nyob rau ib qho tsis xyaw cov pojniam.”#Math 24:20; Tshwm 1:7
လက္ရွိေရြးခ်ယ္ထားမွု
Xekhaliyas 12: MWW2022
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.
Xekhaliyas 12
12
Yav tomntej Yuav Tso Kom Yeluxalees Dim
1Ntawm no yog tus TSWV tej lus uas hais txog cov Yixalayees, tus TSWV uas nthuav lub ntuj, tsim lub ntiajteb, thiab tus uas rau siav rau pa rau neeg ntiajteb. Nws hais tias, 2“Kuv yuav ua kom Yeluxalees zoo yam li khob cawv; txhua haivneeg uas nyob puagncig nws yuav haus thiab ntog pujpoog yam li qaugcawv. Thaum luag tuaj vij lub nroog Yeluxalees, tej nroog uas nyob hauv tebchaws Yudas yuav raug vij ib yam nkaus. 3Tiamsis thaum txog lub sijhawm ntawd, Kuv yuav ua kom Yeluxalees zoo li lub pobzeb uas hnyav heev, haivneeg twg uas tuaj tsaws lub pobzeb ntawd yuav raug mob. Txhua haivneeg uas nyob hauv ntiajteb no yuav sau nthwv tuaj tawmtsam nws. 4Lub sijhawm ntawd Kuv yuav ua kom lawv tej nees ceebsob thiab ua kom cov neeg caij nees txhua tus vwm tagnrho. Kuv yuav tsomkwm cov Yudais, tiamsis Kuv yuav ua kom lawv cov yeebncuab tej nees digmuag tag huvsi. 5Ces xeem Yudas yuav rov hais rau lawv tuskheej tias, ‘Tus TSWV uas yog Vajtswv tus uas muaj Hwjchim Loj Kawg Nkaus yog tus pub dagzog rau Nws haivneeg uas nyob hauv Yeluxalees.’
6“Lub sijhawm ntawd, Kuv yuav ua kom xeem Yudas zoo yam li cub hluavtaws uas nyob hauv ib thaj havzoov lossis ib thaj teb uas nplej siav heev lawm. Lawv yuav muab txhua haivneeg uas nyob puagncig lawv hlawv kom puastsuaj tag, tiamsis cov neeg uas nyob hauv Yeluxalees yuav nyob tsosiab lug.
7“Kuv, uas yog tus TSWV, yuav xub muab txoj kev muajyeej rau Yudas cov tubrog, kom lub meejmom uas Daviv cajces thiab cov neeg uas nyob hauv Yeluxalees tau txais ntawd thiaj tsis loj tshaj lub meejmom uas lwmpab Yudas tau txais. 8Lub sijhawm ntawd tus TSWV yuav tivthaiv cov uas nyob hauv Yeluxalees, txawm yog cov neeg qaugzog uas nrog lawv nyob hauv los yuav muajzog ib yam li Daviv. Daviv cajces yuav coj lawv kev yam li tus TSWV tus timtswv, thiab ib yam li Vajtswv ntag. 9Lub sijhawm ntawd Kuv yuav rhuav tshem txhua haivneeg uas nrhiav kev tawmtsam lub nroog Yeluxalees.
10“Kuv yuav pub kom Daviv cajces thiab cov neeg uas nyob hauv lub nroog Yeluxalees muaj lub siab puvnpo txoj kev hlub thiab kev thov Vajtswv. Lawv yuav ntsiantsoov tus uas lawv muab nkaug tuag lawm, thiab lawv yuav quaj nws ib yam li cov uas muaj tibtug menyuam xwb tiamsis tseem tuag lawm. Lawv yuav quaj tusiab nrho ib yam li cov uas quaj lawv thawjtug tub hlob uas tuag lawm.#Yauh 19:37; Tshwm 1:7 11Thaum txog lub sijhawm ntawd, cov neeg uas tabtom quajntsuag hauv lub nroog Yeluxalees yuav coob npaum li cov neeg uas quaj-nyiav Hadas Limoos#12:11: Hadas Limoos: Tejzaum yog Npa-as lub npe, tus nyuag vajtswv uas kav tej zaub hauv tebchaws Kana-as thiab Xilias. Txhua xyoo thaum tej zaub tuag, cov neeg uas pe Npa-as xav tias lawv tus nyuag vajtswv tau tuag lawm, mas lawv thiaj quaj-nyiav nws. uas nyob hauv lub tiaj Menkidaus. 12-14Txhua tsev neeg uas nyob hauv lub tebchaws ntawd, nyias quajntsuag nyob hauv nyias tsev: tsev neeg uas yog Daviv cajces, tsev neeg uas yog Nathas cajces, tsev neeg uas yog Levis cajces, tsev neeg uas yog Sime-is cajces, thiab tagnrho lwm tsev neeg huv tibsi. Txhua tsev neeg nyias yuav quajntsuag nyob hauv nyias tsev, thiab txhua tsev neeg cov txivneej nyias yuav mus quaj nyias nyob rau ib qho tsis xyaw cov pojniam.”#Math 24:20; Tshwm 1:7
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022 United Bible Societies. All rights reserved.